Salwa Diver4Ever

04/09/2026

الروبيان الرخامي Marble shrimp

في عالم البحر، أحياناً الجمال يكون صغير ومختبئ بين الصخور.

هذا الروبيان يُعرف باسم Marbled Shrimp أو Saron Shrimp، وسُمّي “رخامي” لأن جسمه مغطى بنقوش وبقع تشبه تعرّجات الرخام.
غالباً يعيش بين الشقوق والصخور والركام المرجاني، ويكون أكثر نشاطاً في الليل، حيث يخرج للبحث عن غذائه من البقايا العضوية، العوالق، والكائنات الصغيرة.

هذا الروبيان قادر على تغيير مظهره اللوني بين النهار والليل؛ فقد يبدو بألوان باهتة ومموهة أثناء الاختباء، ثم تظهر عليه درجات أغمق أو محمرة أكثر وقت النشاط الليلي. تمويه صغير… لكنه ذكي جدا

31/08/2026

ندخل الى هذا العالم لنشاهد ونتعلم ونحب مانراه
ثم نعود جميعا الى بيوتنا على السطح

31/08/2026

كنتوا تدرون إن حصان البحر يقدر يموّه نفسه مع محيطه؟
بس تمويهه مو سريع مثل الخثاق، ياخذ وقت ويتغير بهدوء حسب المكان اللي يعيش فيه. يثبت نفسه بذيله بين الأعشاب والطحالب، ولونه ونتوءات جسمه تساعده يختفي كأنه جزء من المكان.

ومع الوقت، ممكن تتجمع على جسمه ترسبات وعوالق صغيرة تشابه السطح اللي حوله، فتزيد تمويهه… وأحياناً تكون هالعوالق نفسها وجبة لأسماك صغيرة تمر جنبه.

أما فمه؟ فهو مثل الأنبوب الصغير، ما يعض ولا يمضغ… يشفط فريسته الصغيرة بسرعة من الماي.

21/08/2026

منو شايف هالمنظر من قبل؟
خيط أبيض رفيع عليه عقد معلّق على جسم خيار البحر… كأنه طالع من نصه.

اتوقع هذه خيوط كوفيير
Cuvierian tubules

خيوط دفاعية لزجة يطلقها بعض خيار البحر عند الشعور بالخطر، تربك المفترس وتعطي خيار البحر فرصة للنجاة.

أحيانا بالتصوير تبين كأنها طالعه من نص الجسم، لأنها ممكن تكون لافه أو متعلقه بالجسم أو بالصخر القريب.

إذا شفتوا هالمشهد، لا تلمسونه ولا تسحبون الخيوط.
اتركوه بهدوء… هو فقط يدافع عن نفسه.

السؤال اللي يطرح نفسه.. انا اول وحده نزلت ام المرادم اليوم.. كل خيار البحر اللي شفته طالع منه نفس هالخيوط.. منو اللي مخرعهم🙄؟؟!😅

19/05/2026

سمكتين على جسمهم نقطه سوده واضحه.. منو مايعرف الفرق بينهم؟؟ يالله نشرح ونعرف السمكتين👌🏻😉

الفرق الرئيسي بين سمكة المچوه وسمكة النيسره (النيسر)
هم من الاسماك الشائعة في الخليج (خاصة الكويت والبحرين والإمارات). ولكنهم نوعين مختلفين تمامًا عن بعض:

1. سمكة المچوه
• سمكة صغيرة الحجم نسبيًا (محدودة في الخليج)، استوائية، تعيش في القيعان الرملية أو حول المناطق المرجانية في أعماق ضحلة (حوالي 8 أمتار).
• الجسم أصغر، نقطة سوداء واضحة مع بداية الذيل، غالبًا تكون محدودة الحجم مقارنة بأنواع مشابهة في البحر المتوسط. ماتزيد عندنا عن 20سم، ومتوفرة بشكل عام، مو مرتبطة بموسم صيفي قوي مثل النيسره.

2. سمكة النيسره / النيسر (النهاش)
• من فصيلة النهاشيات، السمكة أكبر وأكثر شهرة محليًا.
• الجسم أطول وأكبر، مع نقطة سوداء مميزة عند قاعدة الزعنفة الظهرية أو على الجسم، لون فضي-أصفر، زعانف صفراء.
• موسمها يبدأ من أبريل/مايو إلى أكتوبر/نوفمبر، يزيد في الصيف (القيظ) ويأتي في أسراب كبيرة على السواحل في ليالي القمر.
#المچوه النيسره النيسر صيد_الكويت بحرنا الخليج_العربي سمك_طازج تراث_بحري

17/05/2026

هل سبق وفكرت شلون تقدر تتنفس تحت الماء بسهولة؟

الهواء داخل السلندر يكون مضغوطًا جدًا… لكن الريقيوليتر يحوّله إلى تنفس مريح وآمن على أي عمق.

في هذا الجزء من راح نتعرف على: شنو وظيفة الريقيوليتر• الفرق بين الأنواع• شلون تختار الأنسب لك• وأكبر الأخطاء عند الشراء.

شنو نوع الريقيوليتر اللي تستخدمه؟ وهل مرتاح منه؟

13/05/2026

الجزء الثاني من سلسلة علوم الغوص 👌🏻الأمان والاستمتاع يبدأ بالمعرفة

25/04/2026

خرافات بسيطة…
لكنها حرمت وايد بنات من تجربة ما تتعوّض
خلينا نكسرها مع بعض👌🏻🩵

19/04/2026

26/02/2026

⁨ هالليله.. ليلة ٢٦فبراير.. ليلحين اذكرها عدل.. اصوات ذاك اليوم ترن بإذني واهتزاز الارض تحتنا من الدبابات من يخرع.. ظلمه الكهربا مقطوعه.. كل ما طلعنا بالحوش نشوف السكة ابوي الله يرحمه يهاوشنا دشو داخل.. سمعنا اصواتهم وهم ينحاشون وصراخهم على الناس وهم يدشون على البيوت.. صوت رصاص وايد كنت خايفه، كنا ندعي ونقرا قرآن عسى ربي ينجينا منهم ويبعدهم عن بيتنا ويحفظنا ويحفظ كل اهل الكويت الصامدين.. هالليله مستحيل انساها، والساعه ٦ الصبح يانا احلى خبر ان الكويت تحررت واحنا نجينا.. الله نجانا منهم الحمدالله🙌🏼.. هذه الفرحه ماصارت ولاراح تصير فرحه مثلها. شعور ماينوصف.. الحرية والامان ولاشي بالدنيا يوازيه ولاشي ممكن يعوضه.. محد يحس فيه الا اللي فقده.. الف الحمدالله على هالنعمه اللي احنا فيها.
الله يديم عزچ ياكويت💙ويحفظچ بقلب شعبچ💙وأميرنا الغالي فخرنا كلنا💙 وكل عام والجميع بخير وبحفظ الرحمن وبشعبها المخلصين 🇰🇼