Ret seng heang

មនុស្សនៅជុំវិញយើងពួកគេគិតថា យើងជាមនុស្សសំណាង មនុស្សមានក្តីសុខ មនុស្សសប្បាយរីករាយ ទៅតាមអ្វីដែលយើងចង់អោយគេមើលឃើញតែប៉ុណ្ណោះ។ចំណែកយើងវិញ ក៏គិតតាមអ្វីដែលគេចង់អោយយើងមើលឃើញដូចគ្នា។មនុស្សម្នាក់ៗ មានសេចក្តីសុខ និងសេចក្តីទុក្ខរៀងៗខ្លួន គ្រាន់តែរបៀបនៃការទទួលយកខុសៗគ្នា។បើឥលូវនេះយើងកំពុងជួបសេចក្តីទុក្ខ សូមគិតថា វានឹងចាកចេញទៅវិញនៅពេលបន្តិចទៀតនេះ។តែបើពេលនេះ យើងកំពុងមានសេចក្តីសុខ សូមគិតថា វាក៏នឹងចាកចេញទៅវិញនៅពេលបន្តិចទៀតដូចជាសេចក្តីទុក្ខដែរ។ទាំងសេចក្តីទុក្ខ និងសេចក្តីសុខវាសុទ្ធតែមានថ្ងៃបរិច្ឆេទដូចៗគ្នា៕

ហេតុអ្វីក៏ចិត្តជាប់ជំពាក់បែបនេះ?
រស់នៅខ្លាចគេមិនស្រលាញ់ ខ្លាចគេមិនចូលចិត្ត ខ្លាចគេស្អប់។សួរថា បើយើងជាមនុស្សល្អគ្រប់គ្រាន់ហើយ តើចាំបាច់អី ទៅចំណាយពេលបារម្ហរឿងបែបនេះទៅវិញ? ឬក៏យើងមិនទុកចិត្តខ្លួនឯងដែរ។ បើយើងជឿជាក់ថាយើងជាមនុស្សល្អគ្រប់គ្រាន់ហើយ តែគេមិនជ្រើសរើសយកយើង នោះគឺជាការខាតបង់របស់គេទេ យើងគ្រាន់តែរស់នៅជាខ្លួនយើងទៅបានហើយ។
មានដែលធ្លាប់សួរខ្លួនឯងអត់ថា ហេតុអ្វីចង់អោយគេស្រលាញ់ ចង់អោយគេចូលចិត្តម្លេះ?
វាជាសំនួរដែលខ្ញុំតែងតែសួរខ្លួនឯងជានិច្ច 😆😆😆

ភាពស្ងប់ស្ងាត់មិនប្រាកដថាទន់ខ្សោយ ឫល្ងង់នោះទេ។ហើយភាពអស្ចារ្យក៏មិនប្រាកដថារឹងមាំដែរ។មានតែខ្លួនឯងទេ ដែលយល់ពីខ្លួនឯងច្បាស់ ត្រឹមតែជាមនុស្សស្រីម្នាក់ដែលស្ងប់ស្ងាត់ ហើយរឹងមាំដោយខ្លួនឯង មិនទាមទារក្តីស្រលាញ់ពីនរណាម្នាក់ ព្រោះក្តីស្រលាញ់ដែលកើតចេញពីខ្លួនឯងគឺគ្រប់គ្រាន់ហើយ។

នៅពេលដែលយើងទាមទារកាន់តែខ្លាំង ការខកចិត្តក៏កាន់តែខ្លាំង ហើយយើងនឹងបាត់បង់កាន់តែច្រើន រៀនទម្លាក់ចុះការចង់បាន ហើយប្រែមកជាការផ្តល់អោយដោយគ្មានល័ក្ខខ័ណ្ឌវិញ នោះយើងនឹងមានអារម្មណ៍ថា ផ្លូវចិត្តរបស់យើងបានធូរស្រាល។