25/10/2025
කොරියානු රැකියා විභාගයේ වෙනසක්
-ශ්රී ලංකා විදේශ සේවා නියුක්ති කාර්යාංශය
දකුණු කොරියාවේ රැකියා සදහා අවශ්ය භාෂා ප්රවිනතාවය උදෙසා, ටැබ්ලට් වැනි ස්මාර්ට් උපාංග භාවිතා කරමින් පවත්වන විභාග සඳහා නවීන පහසුකම්වලින් සමන්විත ඉලෙක්ට්රොනික විභාග මධ්යස්ථානය (Korean Language Examination Center Ubiquitous-based Test (UBT) ) (22) විදේශ කටයුතු හා විදේශ රැකියා නියෝජ්ය අමාත්ය අරුන් හේමචන්ද්ර මහතාගේ ප්රධානත්වයෙන්, 553/1, නව නුවර පාර, තලාහේන (සම්පත් බැංකුව අසල) යන ස්ථානයේදී විවෘත කරන ලදී.
කොරියානු භාෂා පරීක්ෂණ කටයුතු ටැබ් භාවිතා කරමින් නව ක්රමවේදයක් ඔස්සේ ක්රියාත්මක කිරීමට කොරියානු රජයේ මානව සම්පත් සංවර්ධන ආයතනය තීරණය කිරීමත් සමඟ එම ආයතනයේ ඉල්ලීම මත 2025 වර්ෂයේ සිට පරික්ෂණ කටයුතු සිදු කිරීම සඳහා වැඩි පහසුකම් ඇති, වරකට රැකියා අපේක්ෂකයින් වැඩි ප්රමාණයක් සඳහා විභාග පැවැත්වීමට මෙම නව මධ්යස්ථානය ආරම්භ කරන ලදී.
පරික්ෂණය සඳහා අවශ්ය ටැබ් පහසුකම් කොරියානු රජය විසින් ලබා දී ඇති අතර නව ගොඩනැඟිල්ලේ පරික්ෂණ කටයුතු සිදු කිරීමේදී එක් සැසියක් සඳහා රැකියා අපේක්ෂකයින් 100 දෙනෙකුට පෙනී සිටීමට හැකි අතර දිනකට රැකියා අපේක්ෂකයින් 400 ක ප්රමාණයකට විභාගය සඳහා පෙනී සිටීමට හැකිය.
E 9 වීසා කාණ්ඩය යටතේ කොරියානු රාජ්යයේ රැකියා ලබා දීම සඳහා කොරියානු රජය හා ශ්රී ලංකා රජය අතර 2004 වර්ෂයේදී අත්සන් තබා ඇති අවබෝධතා ගිවිසුම අනුව කොරියානු රැකියා වැඩසටහන ශ්රී ලංකා විදේශ සේවා නියුක්ති කාර්යාංශය මගින් ක්රියාත්මක කරනු ලබයි.
දකුණු කොරියාවේ රැකියා අවස්ථා ලබා ගැනීමේදී කොරියානු භාෂා පරීක්ෂණයකට පෙනී සිටීම අනිවාර්යය වන අතර 2014 වර්ෂය වන විට පරිගණක මාධ්ය භාවිතා කරමින් මාර්ගගත ක්රමවේදය මගින් භාෂා පරික්ෂණය පැවැත්විම ලංකාවේ ආරම්භ කළ අතර පන්නිපිටිය නගරයේ ගොඩනැඟිල්ලක එම විභාග මධ්යස්ථානය පවත්වාගෙන යන ලදී.
2025 වර්ෂයේ කොරියානු භාෂා පරික්ෂණය සඳහා රැකියා අපේක්ෂකයින් 36,745 ක ප්රමාණයක් පෙනී සිටීමට නියමිත අතර එම විභාගය 2025.10.23 වන හෙට දින සිට 2026 මාර්තු මස දක්වා මෙම නව මධ්යස්ථානයේ පැවැත්වීමට නියමිතය.
"Ubiquitous-based Test" (UBT) යන්නෙන් අදහස් කරන්නේ ටැබ්ලට් වැනි ස්මාර්ට් උපාංග භාවිතා කරන ඉලෙක්ට්රොනික විභාගයක් වන අතර එය විවිධ ස්ථානවල පරිපාලනය කිරීමට ඉඩ සලසයි. එය කඩදාසි මත පදනම් වූ හෝ සාම්ප්රදායික පරිගණක පාදක පරීක්ෂණ (CBT) වැනි පැරණි පරීක්ෂණ ක්රම සඳහා නවීන විකල්පයක් වන අතර EPS-TOPIK වැනි පරීක්ෂණ සඳහා භාවිතා වේ.
නව විභාග මධ්යස්ථානය විවෘත කිරීමේ අවස්ථාවට දකුණු කොරියානු තානාපතිනි Miyon Lee, කාර්යාංශයේ සභාපති කෝශල වික්රමසිංහ, සාමාන්යාධිකාරී ඩී.ඩී.පී.සේනානායක, කොරියානු HRD ආයතනයේ නේවාසික අධ්යක්ෂක Lee Hyewon යන මහත්ම මහත්මීන් ඇතුළු පිරිසක් එක්ව සිටියහ.
—-----------------------------------------------------------
கொரிய தொழில் பரீட்சையில் மாற்றம்
இலங்கை வெளிநாட்டு வேலை வாய்ப்பு பணியகம்
தென் கொரியாவில் தொழிலுக்காக அவசியமான மொழித்தகைமையை முன்னிட்டு, டெப் போன்ற ஸ்மார்ட் உபகரணங்களைப் பயன்படுத்தி நடைபெறும் பரீட்சைகளுக்காக நவீன வசதிகளுடனான இலத்திரனியல் பரீட்சை நிலையம் (Korean Language Examination Center Ubiquitous-based Test (UBT) ) (22) வெளிநாட்டு அலுவல்கள் மற்றும் வெளிநாட்டு வேலை வாய்ப்பு பிரதி அமைச்சர் அருண் ஹேமச்சந்திரவின் தலைமையில், 553/1, புதிய கண்டி வீதி, தலாஹேனை (சம்பத் வங்கி அருகில்) இடத்தில் திறந்து வைக்கப்பட்டது.
கொரிய மொழிப் பரீட்சை நடவடிக்கைகள் டெப்களைப் பயன்படுத்தி புதிய முறையில் நடைமுறைப்படுத்துவதற்கு கொரிய அரசாங்கத்தின் ஆளணிவள அபிவிருத்தி நிறுவனம் தீர்மானித்ததுடன் அந்த நிறுவனத்தின் கோரிக்கை அடிப்படையில் 2025 ஆம் ஆண்டில் இருந்து பரீட்சை நடவடிக்கைகளுக்காக அதிக வசதிகளுடனான, ஒவ்வொரு தடவையும் அதிகமான தொழில் எதிர்பார்ப்பாளர்கள் அதிக அளவிலானவர்களுக்காக பரீட்சையை நடத்துவதற்கு இந்த புதிய மத்திய நிலையம் ஆரம்பிக்கப்பட்டது.
========================
🔷 Subscribe Our Social Media Channels :
📌 Subscribe on YouTube : https://www.youtube.com/channel/UCdx49t9VoLVOfl-X3z-6lkg
📌 Like on Facebook : https://www.facebook.com/DepartmentOfGovernmentInformation
📌 Follow on Instagram : https://www.instagram.com/infodprtsl/
📌 Follow on TikTok : https://www.tiktok.com/
📌 Follow on X : https://x.com/infodprtsl
📌 Follow on Whatsapp : https://whatsapp.com/channel/0029Van4Rbu42DcgXSRh9t27
📌 Follow on Web : https://www.dgi.gov.lk/
