10/01/2021
សាកអានឲ្យចប់មេីល៍ក្រែងបានគំនិតល្អៗប្លែកៗខ្លះ!
"កូនសិស្សម្នាក់"
កំពុងសម្អាតទូត្រីក្នុងផ្ទះលោកគ្រូ ហើយគេបានសង្កេតឃើញត្រីអៈរោវ៉ាណា(Blue Arowana Fish) ពណ៌ខៀវមួយក្បាលដោយគេមិនដឹងថាលោកគ្រូនៅខាងក្រោយ។
"ដឹងទេត្រីនេះតម្លៃប៉ុន្មាន?" គ្រូសួរ
"អត់ដឹងទេលោកគ្រូ" សិស្សឆ្លើយដោយសេចក្តីក្រែងចិត្ត
"សាកយកទៅលក់ឲ្យអ្នកជិតខាងមើល៍" គ្រូបង្គាប់
កូនសិស្សនោះក៏បានថតរូបត្រីនោះទុកដើម្បីសួរតម្លៃមុនពេលលក់រួចហើយក៏បានត្រឡប់ទៅផ្ទះគ្រូវិញ។
"អ្នកជិតខាងឲ្យថ្លៃប៉ុន្មាន?" គ្រូសួរ
"១៥,០០០រៀល លោកគ្រូ" កូនសិស្សឆ្លើយដោយភាពពេញចិត្ត
"សាកយកទៅសួរតម្លៃនៅហាងលក់ត្រីលម្អរមើល៍" គ្រូបង្គាប់
បាទលោកគ្រូ កូនសិស្សឆ្លើយហើយក៏ដើរទៅសួរគេ
"ម្ចាស់ហាងឲ្យថ្លៃប៉ុន្មាន?" គ្រូសួរ
"១៥០,០០០រៀលលោកគ្រូ" កូនសិស្សឆ្លើយដោយសេចក្តីសប្បាយចិត្ត និងគិតថាគ្រូអនុញ្ញាតឲ្យលក់ត្រីនោះ។
"ចឹងសាកទៅសួរតម្លៃជាមួយលោក Juragan Joni Rahman ហើយយកក្រដាសបញ្ជាក់ថាត្រីនេះធ្លាប់ចូលប្រគួតរួចហើយ" គ្រូបង្គាប់
"បាទលោកគ្រូ" កូនសិស្សតបរួចក៏ទៅជួបលោក Joni រួចហើយក៏ត្រឡប់មករកគ្រូវិញ
"គាត់ឲ្យតម្លៃប៉ុន្មាន?" គ្រួសួរ
"១,៥០០,០០០រៀលលោកគ្រូ" កូនសិស្សក៏រឹតតែឆ្ងល់ព្រោះត្រីមួយក្បាលតែមានតម្លៃផ្សេងគ្នា!
ចម្លើយ កូនអើយ! "អ្នកដឹងទេថាលោកគ្រូកំពុងបង្រៀនអ្នកថា កូននឹងត្រូវគេទទួលស្គាល់ និងផ្តល់តម្លៃ ក្នុងពេល និងកន្លែងដែលសមស្របបំផុតរបស់កូនតែប៉ុណ្ណោះ"
"មនុស្សយើងគ្រប់រូប នឹងត្រូវមើលរំលងដោយអ្នកដែលមិនស្គាល់យើង"
"យើងនឹងជាមនុស្សអស្ចារ្យ ក្នុងភ្នែកអ្នកដែលស្គាល់ និងស្រឡាញ់យើង"
"យេីងនឹងជាមនុស្សដែលស្មោគគ្រោក និងអាក្រក់ក្នុងក្រសែភ្នែកនៃអ្នកដែលច្រណែនយើងជានិច្ច"
"ទីបំផុត គ្រប់គ្នាមានសិទ្ធិមើលយើងគ្រប់ផ្នែកទាំងអស់ ដូច្នេះចូរកុំព្យាយាមធ្វើអំពើល្អក្នុងភ្នែកគេ
តែត្រូវព្យាយាមធ្វើល្អដោយសុច្ចរិត និងបរិសុទ្ធិចុះ!"
