Food Engineering

02/08/2026

06/01/2025

🛎️តើអ្នកដឹងទេថាមកពីមូលហេតុអ្វីដែលបណ្តាលអោយអាហារ បន្លែ​ និងផ្លែឈើ​ ឆាប់ខូចគុណភាព❓
🔥នេះជាមូលហេតុចម្បងដែលធ្វើអោយអាហារ បន្លែ​ និងផ្លែឈើឆាប់ខូច :

🦠មីក្រូសរីរាង្គ៖ មានដួចជា បាក់តេរី និងផ្សិត។ពួកវាលូតលាស់នៅក្នុងបរិយាកាសដែលមានសំណើម ហើយអាចបណ្តាលឱ្យមានក្លិនមិនល្អ ការផ្លាស់ប្តូរវាយនភាព និងការផលិតជាតិពុលជាដើម។

🌡️សីតុណ្ហភាព៖ សីតុណ្ហភាពនៃការរក្សាទុលមិនត្រឹមត្រូវអាចពន្លឿនការលូតលាស់នៃអតិសុខុមប្រាណ និងសកម្មភាពអង់ស៊ីម ដែលនាំឱ្យអាហារ បន្លែ​ និងផ្លែឈើខូចយ៉ាងឆាប់រហ័ស។

❄️សំណើម៖ សំណើមខ្ពស់ ឬសំណើមហួសប្រមាណអាចជំរុញការលូតលាស់របស់អតិសុខុមប្រាណ និងធ្វើឱ្យអាហារក្លាយទៅជាសើម ឬដុះផ្សិត។

💨អុកស៊ីហ្សែន៖ អាហារ បន្លែ​ និងផ្លែឈើប៉ះពាល់នឹងអុកស៊ីហ្សែនអាចបណ្តាលឱ្យមានអុកស៊ីតកម្ម ដែលនាំឱ្យមានការផ្លាស់ប្តូរពណ៌ រសជាតិ វាយនភាព ហើយវាក៏អាចជំរុញការលូតលាស់នៃអតិសុខុមប្រាណមួយចំនួនផងដែរ។

🔆ពន្លឺ៖ ពន្លឺអាចបណ្តាលឱ្យប្រែពណ៌ បាត់បង់សារធាតុចិញ្ចឹម និងបាត់បង់រសជាតិនៅក្នុងអាហារមួយចំនួន។

🧭ពេលវេលា៖ ទោះបីជាស្ថិតក្រោមលក្ខខណ្ឌដ៏ល្អក៏ដោយ អាហារមានអាយុកាលកំណត់របស់វា។ ដូច្នេះយូរៗទៅ វានឹងកាន់តែខូចដោយឯកឯង​ ហើយក្លាយទៅជាមិនមានសុវត្ថិភាពក្នុងការទទួលទាន។

📍ក្រៅពីនេះនៅកត្តាផ្សេងទៀតដែលអាចរួមចំណែកដល់ការខូចអាហារ បន្លែ​ និងផ្លែឈើ​ រួមមាន:
🪳សត្វល្អិត៖ សត្វល្អិត និងសត្វកកេរអាចបំពុលអាហារ និងបង្កមីក្រូសរីរាង្គ។
🧩ការខូចខាតទ្រង់ទ្រាយ៖ ស្នាមជាំ ធ្លាក់​ ឬកំទេចអាចបំបែកជាលិកាអាហារ និងធ្វើឱ្យពួកវាងាយនឹងខូច។
🧪អង់ស៊ីម៖ អង់ស៊ីមដែលកើតឡើងតាមធម្មជាតិនៅក្នុងអាហារអាចបន្តមានសកម្មភាពដែលនាំឱ្យមានការផ្លាស់ប្តូរនៅក្នុងវាយនភាព រសជាតិ និងពណ៌។

28/10/2024

ជូនចំពោះប្អូនៗ ទើបតែបញ្ចប់ថ្នាក់ទី១២ ដែលមិនមានលទ្ធភាពគ្រប់គ្រាន់សម្រាប់ការបន្តការសិក្សានៅភ្នំពេញ។ តើប្អូនៗត្រូវធ្វើដូចម្តេច?
1. ប្អូនៗត្រូវខិតខំស្វះស្វែងរកអាហាររូបករណ៍តាមសាលា ក្រសួង ក្រុមហ៊ុន ឬអង្គការនានាដែលតែងតែផ្តលឪកាសដល់សិស្សនិស្សិត ។ ប្អូនចាំថាចប់ទី១២ ថ្មីៗ ឬទើបចូលរៀនឆ្នាំទី១ ជាឪកាសល្អបំផុតក្នុងការដាក់អាហាររូបករណ៍។
2. ប្អូនៗគួរតែដាក់ពាក្យស្នាក់នៅអន្តេវាសិកដ្ឋានរបស់រដ្ឋ ឬសាលា ព្រោះប្អូនអាចកាត់បន្ថយចំណាយទៅលើបន្ទប់ជួលប្រចាំខែ ។ ចំពោះប្អូនៗដែលមកពីខេត្តឆ្ងាយៗគឺមានអាទិភាពខ្ពស់។
3. ស្វែងរកការងារក្រៅម៉ោងបន្ថែមបន្ទាប់ពីទំនេរពីការសិក្សា ដូចជាបង្រៀនតាមផ្ទះ បង្រៀនតាមសាលាឯកជនជាដើម។
4. ត្រូវចូលរួមធ្វើការងារសង្គម និងការងារស្មគ្រ័ចិត្ត ព្រោះការងារទាំងនេះវាអាចផ្តល់នូវបទពិសោធន៍ រួមទាំងថវិការបន្តិចបន្តួចផងដែរ។
☀️ បើប្អូនៗអាចធ្វើបានចំណុចទាំង៤ ខាងលើនេះ ច្បាស់ណាស់ថាប្អូនអាចបន្តការសិក្សាបានយ៉ាងរលូន ដោយមិនមានការទំនុកបម្រុងពីគ្រួសារទាំងស្រុង។

04/09/2024

ទាំងនេះជាឈ្មោះ ក្រសួង ក្រុមហ៊ុន រោងចក្រ សហគ្រាស និងសិប្បកម្មដែលអាចផ្តល់ឪកាសការងារសម្រាប់សិស្សនិស្សិតដែលរៀនជំនាញ “គីមីចំណីអាហារ”

1. Ministry of Environment
2. Ministry of Industry, Science, Technology and Innovation
3. Ministry of Agriculture, Forestry and Fisheries
4. Institute of Standard of Cambodia
5. Institute Pasteur du Cambodge
6. Phnom Penh Water Supply Authority (PPWSA)
7. Consumer protection competition and Fraud repression Directorate -General (CCF)
8. Heineken Cambodia
9. Khmer Beverages Co., Ltd
10. Hanuman Beverages
11. Vatanac Brewery
12. Cambrew Ltd & Angkor Beverage Co., Ltd
13. Medai GB Enterprise Co., Ltd
14. Inter Matrid B**r
15. Cambodia Beverage Company.,Ltd
16. Vital Cambodia
17. Pro Vida Drinking Water
18. Hi-Tech drinking water
19. Elan Mineral Water
20. Le Koulen Co., Ltd
21. Oral Quality Drinking Water
22. EUROTECH Import Export Co.,LTD
23. Aruna Natural Water
24. KATEC WATER (CAMBODIA) CO., LTD.
25. Envicare Water Co., Ltd
26. Sorya Premium Water
27. Aprati Foods ( Cambodia ) Ltd
28. Amru Rice ( Cambodia ) Co., Ltd
29. Cp Cambodia Co., Ltd
30. Confirel Co., Ltd
31. Lyly Food Industry Co., Ltd
32. Seng Hout Fa Fa Food
33. Kampong speu sugar CO.,LTD
34. Pharma Product Manufcturing (PPM)
35. LSV Industry
36. De Heus company
37. Ant Feed Co., Ltd
38. Chip Mong Insee Cement Corporation
39. Khmer Household & Healthcare Co., Ltd
40. Leang Leng Enterprise
41. Khmer Food Group Co., Ltd
42. Moo Moo Farms Co., Ltd
43. Khmer Food Group Co., Ltd
44. Vissot Co., Ltd
45. Chan Sophanna Import Export Co., Ltd
46. N.V.C. Corporation Co., Ltd
47. Vissot Health Food
48. Angkor Dairy Products Co., Ltd
49. B2G Engineering Co., Ltd
50. Anco Water Supply Co., Ltd
51. Wot - Natural Khmer Moringa
52. Besteam Water Engineering
53. E Che Ngov Heng Food Production
54. Crown Beverage Cans Limited
55. Yamato Green Co.,Ltd
56. Lucky Super Market
57. Seven Elevent
58. Betagro Brand Cambodia
59. Nutro Pet Food
60. Tropical Fruit Asia Cambodia Co.,LDT
61. Ample Agro product Co.,Ltd
62. DFI Lucky private limited
63. Santana Agro Products Co., Ltd
64. Baca - Villa Production Co., Ltd
65. Kirirom Food Production
66. Kirisur Farm

31/05/2024

❓តើគុណភាពរបស់ទឹកបរិសុទ្ធអាស្រ័យលើតែ pH មែនទេ?

⚠️ជាការពិតណាស់ទឹកបរិសុទ្ធដែលមានគុណភាពល្អមិនកំណត់អាស្រ័យលើកម្រិត pH តែមួយនោះទេ។ វាមានប៉ារ៉ាមែត្រជាច្រើនដែលចូលរួមចំណែកដើម្បីទទួលបាននូវទឹកដែលមានគុណភាពល្អ។ ខាងក្រោមនេះជាប៉ារ៉ាមែត្រសំខាន់ៗរបស់ទឹកបរិសុទ្ធ :
🔆កម្រិត pH៖ បង្ហាញពីអាស៊ីត ឬអាល់កាឡាំង។ ជាទូទៅកម្រិតpH របស់ទឹកបរិសុទ្ធចន្លោះពី 6.5 និង 8.5
🔆 កម្រិតភាពល្អក់ (Turbidity)៖ ភាពល្អក់នៃទឹកដែលបណ្តាលមកពីភាគល្អិតតូចនៅក្នុងទឹក។ ជាទូទៅ អង្គការសុខភាពពិភពលោក (WHO) ណែនាំថា ភាពល្អក់នៃទឹក ក្នុងទឹកផឹកមិនគួរលើសពី 5 NTU ទេ
🔆 សារធាតុរំលាយសរុប (Total Dissolved Solids) ៖ TDS បង្ហាញពីសារធាតុអសរីរាង្គ និងសារធាតុសរីរាង្គទាំងអស់ដែលរលាយក្នុងទឹក។ កម្រិត TDS កើនឡើងអាចប៉ះពាល់ដល់រសជាតិ។ អង្គការសុខភាពពិភពលោក (WHO) ណែនាំថា កម្រិត TDS ក្រោម 600 mg/L ជាទូទៅអាចទទួលយកបានសម្រាប់គុណភាពទឹកផឹក
🔆 ក្លរ (Chlorine)៖ ក្លរជារឿយៗត្រូវបានបន្ថែមទៅទឹកដើម្បីសម្លាប់មេរោគ។ កម្រិតក្លរដែលនៅសេសសល់គួរតែស្ថិតនៅក្នុងបរិមាណកំណត់ដែលបានបញ្ជាក់ ដើម្បីធានាថាវាមានសុវត្ថិភាពសម្រាប់ការប្រើប្រាស់។ ជាទូទៅសំណល់ក្លរចន្លោះពី 0.2-4.0 មីលីក្រាមក្នុងមួយលីត្រ (mg/L)
🔆 នីត្រាត និងនីទ្រីត (Nitrate and Nitrite Levels )៖ កម្រិតខ្ពស់នៃនីត្រាត និងនីទ្រីតអាចមកពីការហូរទឹកពីកសិកម្ម ឬការបំពុលទឹកស្អុយដែលអាចបង្កបញ្ហាសុខភាព ជាពិសេសចំពោះទារក។ បរិមាណ Nitrate គឺ 10 mg/l និងបរិមាណ Nitrite គឺ 3mg/l
🔆 លោហធាតុធ្ងន់( Heavy Metals )៖ សំណ អាសេនិច បារត និងកាដ្យូម អាចមានវត្តមានក្នុងទឹកពីស្រទាប់ធម្មជាតិ ឬឧស្សាហកម្ម។ លោហធាតុទាំងនេះបង្កគ្រោះថ្នាក់ដល់សុខភាពធ្ងន់ធ្ងរ សូម្បីតែនៅកំហាប់ទាបក៏ដោយ។ អង្គការសុខភាពពិភពលោកណែនាំបរិមាណសំណគឺ 10 ppb(part per billion), អាសេនិច 10 ppb , បារត 1ppb និងកាដ្យូម 5 ppb សម្រាប់ទឹកផឹក
🦠 អតិសុខុមប្រាណ (Microbial Contaminants) ៖ វត្តមានរបស់បាក់តេរី មេរោគ និងអតិសុខុមប្រាណផ្សេងទៀតអាចបណ្តាលឱ្យកើតជំងឺផ្សេងៗ។ ដូច្នេះពពួកបាក់តេរី , Coliform, E.coli មិនគួរមានវត្តមាននៅក្នុងទឹកបរិសុទ្ធ។

17/12/2023

📚 សៀវភៅ Free ចំនួន១០ក្បាល ទាក់ទងនឹងជំនាញគីមីចំណីអាហារ ៖
1. Food Preservation:https://www.cold.org.gr/library/downloads/Docs/Handbook%20of%20Food%20Preservation.PDF
2. Food Technology:https://www.agrimoon.com/wp-content/uploads/FOOD-TECHNOLOGY.pdf
3. Food Additive:http://ariefm.lecture.ub.ac.id/files/2012/10/A._Larry_Branen_P._Michael_Davidson_Seppo_SalmiBookFi.org-FOOD-ADDITIVES.pdf
4. Fruit and Vegetable processing:https://ubblab.weebly.com/uploads/4/7/4/6/47469791/fruit_&_vegetable_processing;_improving_quality.pdf
5. Food Chemistry:https://agrimoon.com/wp-content/uploads/Food-Chemistry.pdf
6. Food Quality Assurance:https://ubblab.weebly.com/uploads/4/7/4/6/47469791/food_quality_assurance;_principles_&_practices.pdf
7. Food Science and Technology:https://k8449r.weebly.com/uploads/3/0/7/3/30731055/46_food-science-and-technology---0632064218---wiley-signed.pdf
8. Food and Nutrition:https://pdf.usaid.gov/pdf_docs/PA00TBCT.pdf
9. Food Packaging Technology:https://polymerinnovationblog.com/wp-content/uploads/2017/02/Food-Packaging-Technology.pdf
10. Food Storage Manual:https://emergency.unhcr.org/sites/default/files/Food%20storage%20manual.pdf

07/12/2023

❓តើមូលហេតុអ្វីបានជាសាច់បង្កកខុសច្បាប់?
ការពិតទៅវិធីសាស្រ្តបង្កក(Freezing ) ជាវិធីសាស្រ្តដ៏ល្អមួយក្នុងការថែរក្សាទុកសាច់អោយរក្សានូវគុណភាព សារធាតុចិញ្ចឹម និងអាយុកាលរបស់សាច់បានយូរ។ ហេតុអ្វីបានជាសាច់បង្កកដែលនាំចូលប្រទេសកម្ពុជាខុសច្បាប់?

🔅ជាទូទៅ ការរក្សាទុកសាច់ដោយវិធីសាស្រ្តបង្កកឬក្លាសេវាមិនខុសច្បាប់ទេ។អ្វីដែលខុសច្បាប់នោះគឺជាការគ្រប់គ្រង ការស្តុកទុក ឬការនាំចូលមិនត្រឹមត្រូវ ដែលអាចនាំឱ្យមានបញ្ហាផ្លូវច្បាប់។
🔍ហេតុផលមួយចំនួនដែលសាច់បង្កកអាចចាត់ទុកថាខុសច្បាប់មានដូចជា៖
👉ការស្តុកទុកមិនត្រឹមត្រូវ (Improper storage)៖ សាច់បង្កកត្រូវរក្សាទុកនៅសីតុណ្ហភាពជាប់លាក់ដើម្បីការពារការលូតលាស់របស់បាក់តេរី។ សាច់ដែលទុកមិនបានត្រឹមត្រូវអាចបណ្តាលអោយមានការចម្លងមេរោគ បាក់តេរី ដែលបង្កគ្រោះថ្នាក់ដល់អ្នកប្រើប្រាស់។
👉កង្វះអនាម័យ (Unsanitary conditions) ៖ សាច់បង្កកដែលលក់ក្នុងស្ថានភាពគ្មានអនាម័យ ដូចជាទីផ្សារដោយគ្មានទូរទឹកកកត្រឹមត្រូវ ទំនងជាមានការចម្លងរោគដោយបាក់តេរី ឬមេរោគផ្សេងៗ។
👉កង្វះការតាមដាន (Lack of traceability)៖ បើគ្មានស្លាកសញ្ញា និងឯកសារត្រឹមត្រូវ វាពិបាកក្នុងការតាមដានប្រភពដើមនាំចូល និងការគ្រប់គ្រងសាច់បង្កក ដែលធ្វើឱ្យវាពិបាកក្នុងការកំណត់អត្តសញ្ញាណ និងដោះស្រាយបញ្ហាសុវត្ថិភាពចំណីអាហារដែលអាចកើតមាន។
👉សាច់ដែលហួសកាលកំណត់ ឬខូច (Expired or spoiled meat)៖ ការនាំចូលនិងចរាចរសាច់បង្កកដែលផុតកំណត់ ឬខូចគឺខុសច្បាប់ ព្រោះវាអាចធ្វើឱ្យមានគ្រោះថ្នាក់ធ្ងន់ធ្ងរចំពោះសុខភាព។
👉ការនាំចូលខុសច្បាប់ (Illegal importation)៖ ការនាំចូលសាច់បង្កកដោយគ្មានលិខិតអនុញ្ញាត ឬឯកសារត្រឹមត្រូវអាចខុសច្បាប់ ព្រោះវាអាចឆ្លងផុតបទប្បញ្ញត្តិ និងពន្ធនាំចូល។ នេះអាចប៉ះពាល់ដល់កសិករក្នុងស្រុក និងអាជីវកម្មដែលគោរពតាមបទប្បញ្ញត្តិ។

❄️ជារួមមក សាច់បង្កកមិនខុសច្បាប់តែអ្វីដែលខុសច្បាប់ទាក់ទងនឹងការនាំចូល ការគ្រប់គ្រង ការស្តុកទុក និងការចរាចរ អាចបង្កគ្រោះថ្នាក់ដល់សុវត្ថិភាពចំណីអាហារ និងសេដ្ឋកិច្ចធ្ងន់ធ្ងរ។

06/12/2023

❄️Ciqual : ជាវេបសាយដ៏ល្អមួយសម្រាប់អ្នកដែលចង់ស្វែងរក Composition របស់​ សាច់ បន្លែ ផ្លែឈើ និងផលិតផលផ្សេង។

08/11/2023

ជូនចំពោះប្អូនៗដែលទើបតែប្រលងចប់ ហើយមិនដឹងថាខ្លួនចង់រៀនជំនាញអី

🌡គីមីចំណីអាហារ​​ 🌡
ជំនាញគីមីចំណីអាហារ ជាជំនាញមួយដែលកំពុងទទួលបានការពេញនិយម ស្របពេលដែល រោងចក្រ សហគ្រាស សិប្បកម្ម កំពុងរីកលូតលាស់នាពេលបច្ចុប្បន្ន។
🧪គីមីចំណីអាហារ ជាមុខវិជ្ជាវិទ្យាសាស្ត្រដែលសិក្សាទាក់ទងនឹងវិស្វកម្ម វិទ្យាសាស្ត្រផលិតកម្ម និងប្រតិបត្តិការចំណីអាហាររួមមាន៖
- ការកែច្នៃ
- ការផលិត
- ការរក្សាទុក
- ការដោះស្រាយ
- ការធានាសុវត្ថិភាពអាហារ និងភេសជ្ជះ
- ការអភិវឌ្ឍផលិតផល
- ការត្រួតពិនិត្យ
- ការវេចខ្ចប់។
១. តើមានឱកាសការងារអ្វីខ្លះសម្រាប់អ្នកគីមីអាហារ?
• អ្នកជំនាញផ្នែកគីមីអាហារនិងមីក្រូជីវសាស្រ្តចំណីអាហារ
• អ្នកជំនាញផ្នែកអាហារូបត្ថម្ភ ជាតិពុលក្នុងអាហារ និងសុវត្ថិភាពចំណីអាហារ
• អ្នកបច្ចេកទេសថែរក្សាអាហារ និងវេចខ្ចប់
• អ្នកជំនាញផលិតកម្មអាហារ ការរចនានិងការអភិវឌ្ឍផលិតផល
• អ្នកគ្រប់គ្រងមន្ទីរពិសោធន៍
• អ្នកត្រួតពិនិត្យ និង ធានាគុណភាព
• អ្នកវិទ្យាសាស្ត្រអាហារ
• អ្នកបច្ចេកទេសផលិតកម្ម ឬចំណីអាហារ
• អ្នកស្រាវជ្រាវ និងអភិវឌ្ឍន៍ផលិតផល
• អ្នកផលិតអាហារ ឬវិស្វកម្មដំណើរការ
• អ្នកប្រឹក្សាយោបល់ផ្នែកចំណីអាហារ និងភេសជ្ជះ
• អ្នកគ្រប់គ្រងខ្សែសង្វាក់ផលិតកម្មក្នុងរោងចក្រ សហគ្រាស
• អ្នកផ្តល់សេវាកម្មទាក់ទងនឹងផ្នែកចំណីអាហារ និងភេសជ្ជះ។

❗️មូលដ្ឋានគ្រឹះនៃការសិក្សារួមមាន៖
- Math
- Chemistry
- Physic
- Biology

❗️មុខវិជ្ជាសំខាន់ៗដែលត្រូវសិក្សារួមមាន៖
• General chemistry
• Organic chemistry
• Heat and mass transfer
• Physical chemistry
• Unit operation
• Fluid mechanic
• General microbiology
• Food microbiology
• Analytical chemistry
• Biochemistry
• Food chemistry
• Food preservation
• Nutrition and health
• Genetic
• Food biotechnology
• Food packaging
• Food risk
• Food transformation
• Water chemistry
• Food processing
• Food Product development
• Sensory evaluation
• Quality assurance
• Agro-food industry management
• Automation and regulation
• Fermentation technology
• Food additive and toxicology
• Flavor chemistry
• Food safety

២​. ក្រសួង រោងចក្រ សហគ្រាសដែលនិស្សិតអាចបម្រើការក្រោយបញ្ចប់ការសិក្សា៖
• ក្រសួងឧស្សាហកម្មនិងសិប្បកម្ម
• វិទ្យាស្ថានប៉ាស្ទ័រ
• វិទ្យាស្ថានស្តង់ដារកម្ពុជា
• ក្រសួងបរិស្ថាន
• ក្រសួងកសិកម្ម
• នាយកដ្ឋានកាំកុងត្រូល
• ក្រុមហ៊ុន រោងចក្រ សហគ្រាស សិប្បកម្ម ផលិតផលភេសជ្ជៈ និងចំណីអាហារ
• មជ្ឈមណ្ឌលស្រាវជ្រាវ អភិវឌ្ឍន៍វិស័យគីមី កសិឧស្សាហកម្ម និងបរិស្ថាន។

🏫 សាលាដែលមានជំនាញនេះមានដូចជា :
- វិទ្យាស្ថានបច្ចេកវិទ្យាកម្ពុជា (សាលាតិចណូ)
- សាកលវិទ្យាល័យភូមិន្ទភ្នំពេញ (RUPP)
- សាកលវិទ្យាល័យភូមិន្ទកសិកម្ម (RUA)
- សាកលវិទ្យាល័យអន្តរជាតិ (IU) ….

06/10/2023

✏️✏️ស្លាកចំណីអាហារ ផ្តល់ព័ត៌មានសំខាន់ដើម្បីជួយយើងក្នុងការជ្រើសរើសចំណីអាហារដែលមានគុណភាពល្អ និងសុវត្ថិភាព។ ស្លាកចំណីអាហារបានផ្តល់អត្ថប្រយោជន៍ដូចជា៖
- ប្រាប់ពីសារធាតុចិញ្ចឹមណាខ្លះ ក្នុងបរិមាណប៉ុន្មានដែលមាននៅក្នុងផលិតផលមួយ
- ប្រាប់ពីសារធាតុប្រតិកម្មក្នុងចំណីអាហារ
- ដឹងថាចំណីអាហារនឹងផុតកាលបរិច្ឆេទឬអត់
-ពន្យល់ពីរបៀបរក្សាទុក ការរៀបចំ ឬការចម្អិនចំណីអាហារ
- រាយគ្រឿងផ្សំនៃផលិតផល
- ផ្តល់ឲ្យយើងនូវព័ត៌មានអំពីប្រភពនៃចំណីអាហារមកពីកន្លែងណា។

🔅 តើនៅលើសំបកវេចខ្ចប់ត្រូវមានអ្វីខ្លះ?
- ឈ្មោះចំណីអាហារ (The Name of the Food)
- រូបស្លាកសញ្ញា (​ Trade mark)
- បរិមាណទម្ងន់សុទ្ធ (Net Contents)
- បញ្ជីគ្រឿងផ្សំ (​List of ingredient)
- ព័ត៌មានអំពីអាហារូបត្ថម្ភ (Nutrition information)
- ឈ្មោះ និងអាស័យដ្ឋានអាជីវកម្ម (Names and Address)
- សារធាតុប្រតិកម្ម (​Allergen)
- ប្រទេសផលិត (​ Country of Origin)
- របៀបប្រើប្រាស់ (Instructions for Use )
-កាលបរិច្ឆេទ និងរបៀបរក្សាទុក (Date Marking and Storage Instructions )