វិទ្យាល័យ ហ៊ុន សែន ឈើទាល

02/05/2026

ខេត្តតាកែវ÷រសៀលថ្ងៃសុក្រ ១៥កើត ខែពិសាខ ឆ្នាំមមី អដ្ឋស័ក ពុទ្ធសករាជ ២៥៦៩ ត្រូវនឹងថ្ងៃទី១ ខែឧសភា ឆ្នាំ២០២៦

លោកនាយក លោកនាយករង បានដឹកនាំលោកគ្រូ អ្នកគ្រូ ព្រមទាំងសិស្សានុសិស្សនៃវិទ្យាល័យហ៊ុនសែនឈើទាល សរុបចំនួន ១២០នាក់ បានអញ្ជើញចូលរួមក្នុងពិធីបុណ្យវិសាខបូជា ដែលប្រារព្ធឡើងក្រោមអធិបតីភាពរបស់ ឯកឧត្តម វ៉ី សំណាង អភិបាលនៃគណៈអភិបាលខេត្តតាកែវ។

ពិធីបុណ្យនេះត្រូវបានរៀបចំឡើងយ៉ាងអធិកអធមនៅ វត្តសីហរតនារាម ស្ថិតក្នុងក្រុងដូនកែវ ខេត្តតាកែវ ដើម្បីរំលឹកដល់ព្រឹត្តិការណ៍សំខាន់ៗទាំង ៣ របស់ព្រះសម្មាសម្ពុទ្ធ គឺការប្រសូត ការត្រាស់ដឹង និងការរំលត់ខន្ធចូលកាន់បរិនិព្វាន។ ការចូលរួមនេះ ក៏បានបង្ហាញពីការលើកកម្ពស់វិស័យព្រះពុទ្ធសាសនាដែលជាសាសនារបស់រដ្ឋ និងការបណ្តុះស្មារតីសិស្សានុសិស្សឱ្យយល់ដឹងកាន់តែច្បាស់អំពីប្រពៃណី និងទំនៀមទម្លាប់ជាតិដ៏ថ្លៃថ្លា។

#ក្រុមប្រឹក្សាកុមារកម្ពុជាប្រចាំវិទ្យាល័យហ៊ុនសែនឈើទាល
#ក្រុមប្រឹក្សាយុវជនកម្ពុជាប្រចាំវិទ្យាល័យហ៊ុនសែនឈើទាល

29/04/2026

ខេត្តតាកែវ÷ នាព្រឹកថ្ងៃអង្គារ ១២កើត ខែពិសាខ ឆ្នាំមមី
អដ្ឋស័ក ពុទ្ធសករាជ ២៥៦៩ត្រូវនឹងថ្ងៃទី២៨ ខែមេសា ឆ្នាំ២០២៦

ក្រោមការដឹកនាំផ្ទាល់របស់ លោក ធួក មករា គ្រូទទួលបន្ទុកយុវជន និង យុវជន ឆេង លីហុង ប្រធានក្រុមប្រឹក្សាយុវជនកម្ពុជា និងជាប្រធានកងឯកភាពកាយរិទ្ធកម្ពុជាប្រចាំវិទ្យាល័យហ៊ុនសែនឈើទាល បានដឹកនាំសមាជិកកាយរិទ្ធចំនួន ៩ នាក់ អញ្ជើញចូលរួមទស្សនកិច្ចសិក្សានៅប្រាសាទជប់ពល ដែលស្ថិតនៅភូមិបារាយណ៍ សង្កាត់បារាយណ៍ ក្រុងដូនកែវ ខេត្តតាកែវ។

សកម្មភាពដ៏មានអត្ថន័យនេះ ក៏មានការអញ្ជើញចូលរួមពីសំណាក់ លោក ឡោ វីរឹទ្ធិ ប្រធានមន្ទីរអប់រំ យុវជន និងកីឡាខេត្តតាកែវ ព្រមទាំងបុគ្គលិកមន្ទីរអប់រំ និងកាយរិទ្ធមកពីវិទ្យាល័យ ជា ស៉ីម តាកែវ ចំនួន៩ នាក់ ។ ការចុះទស្សនកិច្ចនេះ មិនត្រឹមតែជាការសិក្សាស្វែងយល់ពីប្រវត្តិសាស្ត្រ និងបេតិកភណ្ឌដូនតានៅតាមមូលដ្ឋានប៉ុណ្ណោះទេ ប៉ុន្តែថែមទាំងបានបង្ហាញពីសាមគ្គីភាព និងកិច្ចសហការយ៉ាងជិតស្និទ្ធរវាងយុវជនកាយរិទ្ធ និងថ្នាក់ដឹកនាំមន្ទីរអប់រំ ដើម្បីពង្រឹងស្មារតីស្រឡាញ់វប្បធម៌ជាតិឱ្យកាន់តែរឹងមាំ។

#ក្រុមប្រឹក្សាកុមារកម្ពុជាប្រចាំវិទ្យាល័យហ៊ុនសែនឈើទាល
#ក្រុមប្រឹក្សាយុវជនកម្ពុជាប្រចាំវិទ្យាល័យហ៊ុនសែនឈើទាល

07/03/2026

ឈើទាល.ថ្ងៃសៅរ៍ ៤រោច ខែផល្គុន ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៧ ខែមីនា ឆ្នាំ២០២៦

យុវជន ផន ផាន់ណា ប្រធានថ្នាក់១១(ខ) និងជាប្រធានទទួលបន្ទុកផ្នែកវិន័យក្នុងក្រុមប្រឹក្សាយុវជន នៃវិទ្យាល័យ ហ៊ុន សែន ឈើទាល បានដឹកនាំរៀបចំសកម្មភាពលក់បន្លែខ្មៅ (បន្លែធម្មជាតិ) ដោយមានការចូលរួមយ៉ាងសស្រាក់សស្រាំពីសំណាក់មិត្តភក្តិសិស្សានុសិស្សថ្នាក់ទី១១ (ខ) ទាំងមូល។

សកម្មភាពនេះបានបង្ហាញពីស្មារតីសាមគ្គីភាពយ៉ាងស្អិតរមួតរបស់ប្អូនៗសិស្សានុសិស្ស ក្នុងការចេះជួយគ្នាទៅវិញទៅមក និងការរៀនសូត្រពីជំនាញការងារជាក់ស្តែងក្រៅពីការសិក្សាក្នុងថ្នាក់។

នេះគឺជាគំរូដ៏ល្អមួយក្នុងការលើកកម្ពស់ផលិតផលធម្មជាតិ និងការបណ្តុះវិន័យការងារក្នុងចំណោមយុវជនយើង ដើម្បីជាប្រយោជន៍ដល់សហគមន៍ និងសាលារៀនទាំងមូល។

សូមចូលរួមគាំទ្រ និងលើកទឹកចិត្តដល់យុវជនយើង ដើម្បីអនាគតដ៏ភ្លឺស្វាង!

10/02/2026

ពិធីជួបសំណេះសំណាលជាមួយសិស្សនិទ្ទេស A នៃការប្រឡងជាប់សញ្ញាបត្រមធ្យមសិក្សាទុតិយភូមិ សម័យប្រឡង ២៨ សីហា ២០២៥ ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា
ទីកន្លែង : មជ្ឈមណ្ឌលសន្និបាទ និងពិព័រណ៍អន្តរជាតិជ្រោយចង្វារ រាជធានីភ្នំពេញ
កាលបរិច្ឆេទ : ថ្ងៃអង្គារ ៨រោច ខែមាឃ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១០ ខែកុម្ភៈ ឆ្នាំ២០២៦

09/02/2026

·
#សេចក្តីជូនដំណឹងការទទួលមរណភាពរបស់លោកគ្រូ ឌី នាង
គណៈគ្រប់គ្រង លោកគ្រូ-អ្នកគ្រូ និងបុគ្គលិកអប់រំនៃ វិទ្យាល័យហ៊ុនសែនឈើទាល មានសេចក្តីក្តុកក្តួល និងសោកស្តាយយ៉ាងខ្លាំងបំផុត សូមជម្រាបជូនដំណឹងដល់សាធារណជន និងសិស្សានុសិស្សទាំងអស់ឱ្យបានជ្រាបថា៖
លោកគ្រូ ឌី នាងគ្រូបង្រៀននៃវិទ្យាល័យហ៊ុនសែនឈើទាល
បានទទួលមរណភាព នៅថ្ងៃចន្ទ ៧រោច ខែមាឃ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៩ ខែកុម្ភៈ ឆ្នាំ២០២៦ នេះ ក្នុងជន្មាយុ ៥២ ឆ្នាំ ដោយរោគាពាធ។
ការបាត់បង់រូបលោកគ្រូ គឺជាការបាត់បង់នូវគ្រូបង្រៀនដ៏ឆ្នើមម្នាក់ ដែលមានគុណូបការៈដ៏ធំធេងក្នុងការបណ្តុះបណ្តាល និងផ្ទេរចំណេះដឹងដល់សិស្សានុសិស្សជាច្រើនជំនាន់នៃវិទ្យាល័យហ៊ុនសែនឈើទាល។
យើងខ្ញុំទាំងអស់គ្នា សូមសម្តែងនូវសមានទុក្ខយ៉ាងក្រៀមក្រំបំផុតជាមួយក្រុមគ្រួសារនៃសព និងសូមបួងសួងដល់វត្ថុស័ក្តិសិទ្ធិក្នុងលោក ជាពិសេសវិញ្ញាណក្ខន្ធ លោកគ្រូ ឌី នាង បានទៅកាន់សុគតិភព កុំបីឃ្លៀងឃ្លាតឡើយ។

21/01/2026

រដ្ឋបាលក្រុងដូនកែវ៖ នៅព្រឹកថ្ងៃពុធ ៣កើត ខែមាឃ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២១ ខែមករា ឆ្នាំ២០២៦..................

លោក កង អាណាន់ អភិបាល នៃគណៈអភិបាលក្រុងដូនកែវ និងជាប្រធានគណៈបញ្ជាការឯកភាពរដ្ឋបាលក្រុង បានចុះជួបសំណេះសំណាល និងអប់រំផ្សព្វផ្សាយ ដល់ប្អូនៗសិស្សានុសិស្ស វិទ្យាល័យហ៊ុន សែនឈើទាល ស្តីពីគោលនយោបាយ ភូមិ-សង្កាត់មានសុវត្ថិភាព ពិសេសច្បាប់ចររាចរណ៍ផ្លូវគោក បញ្ហាគ្រឿងញៀន បញ្ហាក្មេងទំនើង អនាម័យបរិស្ថាន។ ដោយមានការអមដំណើរចូលរួមក្នុងឱកាសនេះរួមមាន លោក លោកស្រីអភិបាលរងក្រុង លោកនាយក នាយករងរដ្ឋបាលក្រុង តំណាងលោកអធិការក្រុង លោកមេបញ្ជាការកងរាជអាវុធហត្ថក្រុង តំណាងលោកមេបញ្ជាការផ្នែកសឹក លោក លោកស្រីប្រធានការិ.ចំណុះរដ្ឋបាលក្រុង លោកចៅសង្កាត់រកាក្នុង នាយប៉ុស្តិ៍នគរបាលរដ្ឋបាលសង្កាត់រកាក្នុង លោកនាយកវិទ្យាល័យហ៊ុន សែនឈើទាលលោកគ្រូ អ្នកគ្រូ រួមនិងប្អូនៗសិស្សានុសិស្សសរុបចំនួន ៥០៣នាក់ ស្រី ២៥១នាក់ ។

លោកអភិបាលក្រុងបានមានប្រសាសន៍សំណេះសំណាល ក្នុងឱកាសនោះ លើកឡើងនូវ ចំណុចសំខាន់ៗដែលតម្រូវអោយ ប្អូនៗ កូន ក្មួយ អនុវត្តដើម្បីក្លាយខ្លួនជា កូនល្អ សិស្សល្អ មិត្តល្អ និងជាទំពាំងស្នងឫស្សីដែលមានគុណភាព និងសមត្ថភាពខ្ពស់រួមមាន ៖

១. ការអប់រំផ្សព្វផ្សាយ នូវច្បាប់ចររាចរណ៍ផ្លូវគោក ក្នុងគោលបំណងដើម្បីផ្តល់នូវចំណេះដឹងបន្ថែមស្តីពីសុវត្ថិភាពចរាចរណ៍ដល់អ្នកប្រើប្រាស់ផ្លូវ ជាពិសេសសិស្សានុសិស្ស ដែលស្ថិតក្នុងវ័យប្រើប្រាស់កង់ ឬម៉ូតូ ជាមធ្យោបាយធ្វើដំណើរ និងជាជនងាយរងគ្រោះថ្នាក់ដោយសារគ្រោះថ្នាក់ចរាចរណ៍ ឱ្យមានការយល់ដឹងកាន់តែច្បាស់ ក៏ដូចជាការពញ្ញាក់ស្មារតីឱ្យមានការប្រុងប្រយ័ត្ន ចូលរួមគោរពច្បាប់ចរាចរណ៍ទាំងអស់គ្នាឱ្យបានខ្ជាប់ខ្ជួន។
២. លោក កង អាណាន់ អភិបាលក្រុងដូនកែវ បានបន្តលើកឡើងនូវ បញ្ហា និងផលប៉ះពាល់ដោយគ្រឿងញៀន ក្នុងស្រទាប់សិស្សានុសិស្ស ដោយលោកអភិបាលក្រុងបានលើកឡើងថា គ្រឿងញៀន គឺជាបញ្ហារបស់យើងទាំងអស់គ្នា ត្រូវរួមគ្នាប្រយុទ្ធប្រឆាំង មិនត្រូវគិតថាកិច្ចការទាំងអស់នេះ គឺជាភារកិច្ចផ្តាច់មុខ របស់កម្លាំងមានសមត្ថកិច្ចតែម្នាក់ឯងនោះឡើយ វាទាមទារអោយមានការចូលរួមពីគ្រប់បណ្តាភាគីពាក់ព័ន្ធ អាជ្ញាធរមូលដ្ឋាន លោកគ្រូ អ្នកគ្រូ អាណាព្យាបាល ពិសេសប្អូនៗសិស្សានុសិស្សខ្លួនឯងតែម្តង ព្រោះថា គ្រឿងញៀនខុសច្បាប់ និង គ្រឿងស្រវឹងអាច បណ្ដាលឲ្យមានគ្រោះថ្នាក់ដល់សុខភាព និង អាយុជីវិត បំផ្លាញអនាគតយុវជននិងភាគីពាក់ព័ន្ធផងដែរ។ ក្នុងចំណោមគ្រឿងញៀនគ្រប់ប្រភេទ លោកអភិបាលក្រុងបានសង្កត់ធ្ងន់លើ ប្រភេទបារីអេឡិចត្រូនិក (E-Cigarette-Vape) ដែលវាកំពុងបញ្រ្ជាបខ្លួនយ៉ាងខ្លាំងក្នុងចំណោមសិស្សានុសិស្ស ដែលឧបករណ៍នេះ អាចបង្កគ្រោះថ្នាក់ធ្ងន់ធ្ងរដល់សុខភាពដូចជា បង្កជំងឺមហារីក បង្កើនហានិភ័យជំងឺបេះដូង ជំងឺសួត ធ្វើឱ្យខួរក្បាលមានដំណើរការមិនប្រក្រតីក្នុងអំឡុងពេលប្រើប្រាស់ និងប៉ះពាល់យូរអង្វែងដល់ការលូតលាស់ខួរក្បាលរបស់កុមារ និងយុវវ័យ ព្រមទាំងបង្កអន្តរាយដល់រាងកាយ ។
៣. បញ្ហាក្មេងទំនើងក្នុងសាលា ក្នុងនោះលោកអភិបាលក្រុង បានមានប្រសាសន៍ថា ក្រុមការងារនៃគណៈបញ្ជាការឯកភាពក្រុង នឹងចុះកំណត់មុខសញ្ញាក្មេងទំនើងអោយបានច្បាស់លាស់ ការពារ និងជៀសវាង ជនទាំងនោះបង្កផលប៉ះពាល់ គ្រោះថ្នាក់ ដល់អ្នកដ៏ទៃ និងកោះហៅមកណែនាំ ពិនិត្យសារធាតុញៀន ព្រមទាំងអនុវត្តច្បាប់លើជននោះផងដែរ។
៤. អនាម័យបរិស្ថានក្នុងសាលា ការបញ្រ្ជាបចំណេះដឹងនិងចំណេះធ្វើក្នុងចំណោមកុមារសិស្សានុសិស្ស និងយុវជន នៅតាមសាលារៀន និងគ្រឹះស្ថានអប់រំ ដែលជាកន្លែងប្រមូលផ្តុំមានលក្ខណៈងាយស្រួលក្នុងការផ្លាស់ប្តូរទម្លាប់ ផ្នត់គំនិត និងឥរិយាបទរបស់កុមារ និងយុវជន សំដៅធ្វើឱ្យប្រសើរឡើងនូវកិច្ចគាំពារបរិស្ថាន ការការពារធនធានធម្មជាតិ ការអភិរក្សជីវៈចម្រុះ និងការរស់នៅដោយចីរភាព ៕

17/12/2025

រដ្ឋបាលខេត្តតាកែវ ថ្ងៃអង្គារ ទី១៦ ខែធ្នូ ឆ្នាំ២០២៥
«បេះដូងមហាគ្រួសារខ្មែរ ខេត្តតាកែវ

សូមថ្លែងអំណរគុណយ៉ាងជ្រាលជ្រៅបំផុតចំពោះ សិស្សវិទ្យាល័យហ៊ុន សែន ឈើទាល ដែលបានចូលរួមចំណែកឧបត្ថម្ភអង្ករចំនួន ២០គីឡូក្រាម ទឹកសុទ្ធ១០យួរ នំកញ្ចប់២ថង់ធំ បាយក្តាំង ១ថង់ធំ តាមរយៈរដ្ឋបាលខេត្តតាកែវ ដើម្បីចូលរួមគាំទ្រដល់សមរភូមិមុខ ជនភៀសសឹក និងមណ្ឌលភៀសសឹក។ ទឹកចិត្តដ៏សប្បុរសនេះពិតជាបានរួមចំណែកយ៉ាងសកម្មក្នុងបុព្វហេតុស្នេហាជាតិ និងបង្ហាញពីភាពរួបរួមគ្នាជាធ្លង់មួយ នៃខឿនការពារជាតិ ការពារអធិបតេយ្យជាតិ និងការពារបូរណភាពទឹកដីរបស់ព្រះរាជាណាចក្រកម្ពុជា។

តេឡេក្រាម : https://t.me/takeoaministration
បណ្ណថ្លែងអំណរគុណ: https://t.me/+D1UMKZW2Eu8xYjRl

01/11/2025

#កម្មវិធីបើកបវេសនកាលឆ្នាំសិក្សាថ្មី ២០២៥-២០២៦
ព្រឹកថ្ងៃសៅរ៍១១ កើត ឆ្នាំម្សាញ់សប្តស័កពុទ្ធសករាជ២៥៦៩
ត្រូវនឹងថ្ងៃទី០១ ខែវិច្ឆិកាឆ្នាំ២០២៥ វិទ្យាល័យ ហ៊ុន សែន ឈើទាល បានប្រារព្ធពិធីបើកបវេសនកាលឆ្នាំសិក្សាថ្មី ដែលស្ថិតក្រោមអធិបតីភាពលោក សុខ គង្គារ័ត្ន អភិបាលរង នៃអភិបាលក្រុង ដូនកែវ លោក នាយកវិទ្យាល័យហ៊ុនសែនឈើទាល, លោកនាយកសាលាបឋមសិក្សា ឈើទាល អ្នកស្រីនាយិការ សាលាមត្តេយ្យ សហព័ន្ធកូរ៉េ ប្រហ៊ូត លោកក្រុមប្រឹក្សាសង្កាត់រកាក្រៅ លោក លោកស្រី មេភូមិ មេភូមិរង លោកគ្រូអ្នកគ្រូ និងសិស្សានុសិស្ស អស់ប្រមាណជាង ៨០០ នាក់ ដែលចូលរួមក្រោមបរិយាកាសរីករាយស្និទ្ធស្នាលក្រៃលែង។
#បញ្ជាក់: សម្រាប់សិស្សដែលទទួលបាន និទ្ទេស A ចំនួន ៣នាក់សាលាក៏បានឧបត្ថម្ភប្រាក់ លើកទឹកចិត្ត ចំនួន 200$ ក្នុងមួយនាក់។

22/10/2025

ក្រុមប្រឹក្សាយុវជន និងក្រុមប្រឹក្សាកុមារ កម្ពុជា ប្រចាំវិទ្យាល័យហ៊ុនសែនឈើទាល
បានចូលរួមទស្សនកិច្ចសិក្សា នៅព្រំដែនកម្ពុជា-ឡាវក្នុងស្រុកបូរីអូរស្វាយសែនជ័យ ខេត្ត ស្ទឹងត្រែង។

14/10/2025

08/10/2025

# ដំណើរការនៃ ការចាក់សាបកែលម្អ បរិស្ថាន វិទ្យាល័យ ហ៊ុន សែនឈើទាលបានចាប់ផ្តើមដំណើរការហើយ!