មជ្ឈមណ្ឌលភាសាវៀតណាម ម៉ារឌី - Mardy Vietnamese Center

ជ្រើសគ្រូបង្រៀនភាសាវៀតណាម-ខ្មែរម្នាក់ ភេទស្រី
(អាទិភាពចំពោះខ្មែរកម្ពុជាក្រោម)

សូមអបអរសាទរ!!

សូមចូលរួមអបអរសាទរ និងកោតសរសើរយ៉ាងក្រៃលែងចំពោះលោក ធី រដ្ឋា អតីតប្រធានសមាគមនិស្សិតកម្ពុជាប្រចាំប្រទេសវៀតណាម (អាណត្តិទី៣៣) ដែលបាន ទទួលបានមេដាយមាស លើមុខវិជ្ជា មេកានិចដី (Soil Mechanics) ក្នុងការប្រឡងសិស្សពូកែទូទាំងប្រទេស អូឡាំពិកកម្រិតឧត្តមសិក្សា លើកទី៣៦ ក្នុងឆ្នាំ២០២៦ នៅប្រទេសវៀតណាម។

ខាងក្រោមនេះជាសេចក្តីរៀបរាប់លម្អិតអំពីកិត្តិយស និងស្នាដៃរបស់លោក៖

- ប្រវត្តិសិក្សា៖ លោក ធីរដ្ឋា ជានិស្សិតអាហារូបករណ៍កម្ពុជា កំពុងសិក្សាឆ្នាំទី៤ លើជំនាញវិស្វកម្មសំណង់ស៊ីវិល នៅសាកលវិទ្យាល័យសំណង់ហាណូយ (Hanoi University of Civil Engineering) ប្រទេសវៀតណាម។

- មោទកភាពជាតិ៖ ស្នាដៃមេដាយមាសក្នុងមុខវិជ្ជា មេកានិចដី ក្នុងកម្មវិធីប្រឡងថ្នាក់ជាតិដ៏ធំមួយនេះ ពិតជាបានសាងកេរ្តិ៍ឈ្មោះ និងលើកកម្ពស់កិត្តិយសកម្ពុជាលើឆាកអន្តរជាតិ។

- ការតស៊ូ និងគំរូភាព៖ មុនទទួលបានជោគជ័យដ៏ត្រចះត្រចង់នេះ លោកធ្លាប់បានចូលរួមការប្រកួតប្រជែងជាច្រើនលើកច្រើនសារ និងធ្លាប់ទទួលបានលទ្ធផលល្អប្រសើរ ព្រមទាំងទទួលបានប្រាក់រង្វាន់សិស្សពូកែប្រចាំឆមាសពីសាលាផងដែរ។

ក្នុងនាមជាធនធានមនុស្សដ៏មានតម្លៃ និងជាទំពាំងស្នងឫស្សីដែលប្រទេសជាតិកំពុងត្រូវការជាចាំបាច់ យើងខ្ញុំសូមជូនពរ លោក ធីរដ្ឋា មានសុខភាពល្អបរិបូរណ៍ និងទទួលបានជោគជ័យត្រចះត្រចង់បន្ថែមទៀតក្នុងការសិក្សា ក៏ដូចជាបេសកកម្មអនាគតដើម្បីចូលរួមអភិវឌ្ឍប្រទេសកម្ពុជា។
#ប្រភព_សមាគមន៍និស្សិតកម្ពុជាប្តចាំប្រទេសវៀតពាម

រៀនលេខខ្មែរជាមួយអ្នកគ្រូ