អនុវិទ្យាល័យ ខ្សែត្រ-Khset Secondary School

គិតត្រឹមថ្ងៃទី២០ ខែធ្នូ ឆ្នាំ២០២៥ នេះ អនុវិទ្យាល័យ ខ្សែត្រ បានអនុញ្ញាតឱ្យសិស្សភៀសសឹកសរុបចំនួន ៣នាក់ ស្រី ២នាក់ មកពីខេត្តព្រះវិហារ ចូលរៀនថ្នាក់ទី៨ និងប្រុស ១នាក់ មកពីខេត្តឧត្តរមានជ័យ ចូលរៀនថ្នាក់ទី៩។ គណៈគ្រប់គ្រងសាលាបានឧបត្ថម្ភសម្ភារសិក្សាក្នុងម្នាក់ៗទទួលបាន សៀវភៅសរសេរ ១០ក្បាល និង ប៊ិក ៥ដើម។

#ខ្មែរស្រឡាញ់ខ្មែរ 🇰🇭
#ខ្មែរជួយខ្មែរក្នុងគ្រាលំបាក 🇰🇭
#ខ្មែររួបរួមខ្មែរខ្លាំង 💪🇰🇭

ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា៖ សូមយុវជនខ្មែរប្រែក្លាយកំហឹង ទៅជាការខិតខំប្រឹងប្រែងរៀនសូត្រ ពង្រឹងសមត្ថភាព ដើម្បីឈ្នះសត្រូវក្នុងរយៈពេលវែង!

នៅព្រឹកថ្ងៃសៅរ៍ ៨រោច ខែមិគសិរ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១៣ ខែធ្នូ ឆ្នាំ២០២៥ លោក ចាន់ ឈៀង នាយកអនុវិទ្យាល័យ ខ្សែត្រ បាននាំយកថវិការបស់លោកគ្រូ អ្នកគ្រូ និងសិស្សានុសិស្ស ចំនួន ២៨៨,៥០០៛ (ម្ភៃប្រាំបីម៉ឺនប្រាំបីពាន់ប្រាំរយរៀល) ចូលរួមជួយឧបត្ថម្ភគាំទ្រដល់កងទ័ពជួរមុខ និងជនភៀសសឹកនៅតំបន់ជម្លោះព្រំដែនកម្ពុជា-ថៃ តាមរយៈរដ្ឋបាលស្រុកកំពង់រោទិ៍ ខេត្តស្វាយរៀង៕
#សូមជូនពរវីរកងទ័ពកម្ពុជាទទួលបានជោគជ័យនៅសមរភូមិជួរមុខ!
#ខ្មែរជួយខ្មែរ 🇰🇭
#ខ្មែរសាមគ្គីខ្មែរខ្លាំង 🤝💪🇰🇭

#សេចក្តីជូនដំណឹង 📢
គណ:គ្រប់គ្រង អនុវិទ្យាល័យ ខ្សែត្រ មានកិត្តិយស សូមជម្រាបជូនដំណឹងដល់ លោក លោកស្រី ជាមាតា បិតា អាណាព្យាបាល កូនក្មួយជាសិស្សានុសិស្សដែលមកពីតំបន់ភៀសសឹករៀនថ្នាក់ទី៧ ដល់ ទី៩ អាចមកចូលរៀននៅ អនុវិទ្យាល័យ ខ្សែត្រ បានដោយមិនតម្រូវយកឯកសារអ្វីទាំងអស់ចាប់ពីថ្ងៃជូនដំណឹងនេះតទៅ។
សូមអរគុណ!

អបអរសាទរ​ ខួបអនុស្សាវរីយ៍លើកទី៧២ នៃទិវាបុណ្យឯករាជ្យជាតិ ៩ វិច្ឆិកា (៩ វិច្ឆិកា ១៩៥៣ - ៩ វិច្ឆិកា ២០២៥) 🇰🇭

#ឯកសណ្ឋានថ្មីរបស់លោកគ្រូ_អ្នកគ្រូដែលជាមន្ត្រីអប់រំ
ចាប់ផ្ដើមអនុវត្ត និងប្រើប្រាស់ឯកសណ្ឋានផ្លូវការនេះតាមប្រកាសរបស់ក្រសួងអប់រំ យុវជន និងកីឡា លេខ ១១០៩ អយក.ប្រក ស្ដីពីឯកសណ្ឋានបំពេញការងាររបស់គ្រូបង្រៀនកម្រិតឧត្ដម និងគ្រូបង្រៀនកម្រិតមូលដ្ឋាន ចាប់ពីឆ្នាំ២០២៥ នេះតទៅ។

#អបអរសាទរពិធីបើកបវេសនកាលឆ្នាំសិក្សាថ្មី២០២៥_២០២៦ 🇰🇭
អនុ.វិខ្សែត្រ ថ្ងៃសៅរ៍ ១១កើត ខែកត្តិក ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១ ខែវិច្ឆិកា ឆ្នាំ២០២៥

សូមថ្វាយព្រះពរព្រះរាជពិធីខួបលើកទី ២១ នៃការគ្រងព្រះបរមសិរីរាជសម្បត្តិគម្រប់ ថ្វាយ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពងខ្ពស់បំផុត សូមមានព្រះរាជសុខភាពល្អបរិបូរណ៍ ព្រះកាយពលមាំមួន ព្រះបញ្ញាវាងវៃ និងព្រះជន្មាយុយឺនយូរ ដើម្បីគង់ប្រថាប់ជាម្លប់ដ៏ត្រជាក់ត្រជំ សម្រាប់ប្រជានុរាស្ត្រខ្មែរយូរអង្វែងតរៀងទៅ
២៩ តុលា ២០០៤ - ២៩ តុលា ២០២៥

អបអរសាទរខួបលើកទី៣៤ នៃកិច្ចព្រមព្រៀងសន្តិភាពទីក្រុងប៉ារីស(២៣ តុលា ១៩៩១ - ២៣ តុលា ២០២៥)

៣៤ឆ្នាំមុន ពោលគឺនៅថ្ងៃទី ២៣ ខែតុលា ឆ្នាំ ១៩៩១ ភាគីទាំង ៤ របស់កម្ពុជារួមមាន៖ សម្តេចតេជោ ហ៊ុន សែន តំណាងឱ្យរដ្ឋាភិបាលកម្ពុជា ចលនាតស៊ូហ៊្វុនស៊ិនប៉ិច ដែលតំណាងដោយសម្តេចព្រះ នរោត្តម សីហនុ និងសម្តេចក្រុមព្រះ នរោត្តម រណឫទ្ធិ រណសិរ្សជាតិរំដោះប្រជាពលរដ្ឋខ្មែរ ដែលតំណាងដោយ លោក សឺន សាន និង ក្រុមចលនាកម្ពុជាប្រជាធិបតេយ្យ តំណាងដោយ លោក ខៀវ សំផន បានឈានទៅចុះហត្ថលេខា លើកិច្ចព្រមព្រៀងសន្តិភាព នៅទីក្រុងប៉ារីស ប្រទេសបារាំង ក្រោមវត្តមានសាក្សីមកពី ១៨ប្រទេស រួមទាំងអគ្គលេខាធិការអង្គការសហប្រជាជាតិ (UN) ផងដែរ ដើម្បីបញ្ចប់សង្គ្រាមស៊ីវិលនៅកម្ពុជា។

មុននឹងឈានមកដល់កិច្ចព្រមព្រៀង នាទីក្រុងប៉ារីស ២៣ តុលា គឺសម្តេចតេជោ ហ៊ុន សែន បានជួបពិភាក្សាដំបូងបំផុតជាមួយអតីតព្រះមហាក្សត្រខ្មែរ សម្តេចព្រះ នរោត្តម សីហនុ នៅថ្ងៃទី ២ ខែធ្នូ ឆ្នាំ ១៩៨៧ នៅ FERE-EN-TARDENOIS នៅប្រទេសបារាំង ដែលការចរចានេះ មានសេចក្តីប្រកាសរួមឡាយព្រះហស្តលេខាដោយសម្តេចព្រះ នរោត្តម សីហនុ និងសម្តេចតេជោ ហ៊ុន សែន ដែលហៅថា (ជំនួបចរចា សីហនុ-ហ៊ុន សែន នៅ FERE-EN-TARDENOIS ថ្ងៃទី ២-៤ ខែធ្នូ ឆ្នាំ ១៩៨៧)។

បន្ទាប់មក ក៏មានកិច្ចចរចាបន្តវាង សីហនុ-ហ៊ុន សែន លើកទី ២ ប្រព្រឹត្តឡើងនៅថ្ងៃទី ២០-២១ ខែមករា ឆ្នាំ ១៩៨៨ នៅ SAINT-GERMAIN-EN-LAYE ប្រទេសបារាំង និងនៅទីកន្លែងផ្សេងៗមួយចំនួនទៀត។ ទោះបីមានកិច្ចព្រមព្រៀងសន្តិភាពប៉ារីស ២៣ តុលា ១៩៩១ ក៏ពិតមែន ប៉ុន្តែសង្គ្រាមស៊ីវិលនៅកម្ពុជា នៅបន្តដែលបង្កដោយភាគីកម្ពុជាប្រជាធិបតេយ្យ (ប៉ុលពត)។

ក្រោមនយោបាយ ឈ្នះ-ឈ្នះ របស់សម្តេចតេជោ ហ៊ុន សែន គឺបានបញ្ចប់សង្គ្រាមស៊ីវិលទាំងស្រុង នៅឆ្នាំ ១៩៩៨ ដែលកម្ពុជាទូទាំងប្រទេស បានស្គាល់នូវសន្តិភាពពេញលេញ និងសម្បូរសប្បាយរហូតមកដល់សព្វថ្ងៃ៕