Krou Yeung School, Stung Treng Branch

17/07/2026

សាលារៀនគ្រូយើង សូមចូលរួមអបអរសាទរដល់យុវសិស្ស ឌី ឧត្តម សិស្សថ្នាក់ទី៩ នៃសាលារៀនគ្រូយើងសាខារតនគិរី ដែលបានជាប់ក្នុងកម្មវិធីផ្លាស់ប្តូរការសិក្សា រយៈពេល២សប្តាហ៍ ជាមួយសាលាដៃគូ Bishop Druitt College (BDC) ប្រទេសអូស្ត្រាលី។ ការចូលរួមក្នុងកម្មវិធីនេះ ជាឱកាសដ៏មានតម្លៃសម្រាប់កូនប្រុសក្នុងការពង្រីកចំណេះដឹង និងទទួលបានបទពិសោធន៍អន្តរជាតិ។ សាលារៀនគ្រូយើង សូមជូនពរឱ្យឧត្តមទទួលបានជោគជ័យ និងត្រឡប់មកវិញជាមួយចំណេះដឹង និងបទពិសោធន៍ថ្មីៗ។

16/07/2026

សាលារៀនគ្រូយើង សូមចូលរួមអបអរសាទរដល់យុវតី ហុង វឌ្ឍនា សិស្សថ្នាក់ទី១១ នៃសាលារៀនគ្រូយើងសាខារតនគិរី ដែលទទួលបានអាហារូបករណ៍ចូលរួមកម្មវិធីផ្លាស់ប្តូរការសិក្សា រយៈពេល២សប្តាហ៍ ជាមួយសាលាដៃគូ Bishop Druitt College (BDC) ប្រទេសអូស្ត្រាលី។ ការចូលរួមក្នុងកម្មវិធីនេះ ជាឱកាសដ៏មានតម្លៃសម្រាប់កូនស្រីក្នុងការពង្រីកចំណេះដឹង និងទទួលបានបទពិសោធន៍អន្តរជាតិ។ សាលារៀនគ្រូយើង សូមជូនពរឱ្យវឌ្ឍនាទទួលបានជោគជ័យ និងត្រឡប់មកវិញជាមួយចំណេះដឹង និងបទពិសោធន៍ថ្មីៗ។

15/07/2026

ខ្មែរមានប្រវត្តិសាស្ត្រយូរលង់ និងសម្បត្តិវប្បធម៌ដ៏សម្បូរបែប ដែលដូនតាបានបន្សល់ទុកឱ្យកូនចៅជំនាន់ក្រោយ។ ក្នុងចំណោមនោះ សុជីវធម៌ក្នុងជីវិតប្រចាំថ្ងៃ គឺជាមរតកដ៏មានតម្លៃមួយ។ លោកគ្រូ យិន សុភាព បានចងក្រងសៀវភៅ “សុជីវធម៌” ដើម្បីឱ្យកូនខ្មែរគ្រប់រូបបានស្វែងយល់ពីសុជីវធម៌នៅក្នុងសង្គមខ្មែរ និងចូលរួមថែរក្សាអត្តសញ្ញាណដ៏មានតម្លៃនេះ។ សុជីវធម៌មិនមែនជារឿងតូចតាច ឬជាទម្លាប់បុរាណដែលហួសសម័យនោះទេ ប៉ុន្តែជាមូលដ្ឋានគ្រឹះនៃការរស់នៅជាមួយគ្នាដោយសុខដុមរមនា និងជាសញ្ញាបង្ហាញពីកម្រិតអរិយធម៌របស់បុគ្គល និងសង្គមទាំងមូល។ តស់ទៅស្តាប់ការវាយតម្លៃពីលោក ប៉ូលី រតនៈ អ្នកផលិតមាតិកាអប់រំដ៏មានប្រជាប្រិយ អំពីសៀវភៅមួយក្បាលនេះទាំងអស់គ្នា!
---------------------
សៀវភៅសុជីវធម៌លក់ក្នុងតម្លៃពិសេស ៤ដុល្លារ សម្រាប់តែខែកក្កដានេះប៉ុណ្ណោះ។ សូមទាក់ទងជាវតាមតេឡេក្រាមលេខៈ 092 888 378 / 093 836 839 ។ សូមអរគុណ។

14/07/2026

ចុងសប្តាហ៍កន្លងទៅ សាលារៀនគ្រូយើងបានអញ្ជើញដៃគូពីវិទ្យាស្ថានអន្តរជាតិ TAIE ប្រទេសកាណាដា មកជួបសិស្សវិទ្យាល័យគ្រូយើង សាខាខេត្តស្ទឹងត្រែង។ ជំនួបនេះ បានផ្តល់ឱកាសដ៏មានតម្លៃ ឱ្យសិស្សយល់ដឹងអំពីការសិក្សានៅប្រទេសកាណាដា និងផ្លូវឆ្ពោះទៅរកអនាគតនៃការអប់រំកម្រិតអន្តរជាតិ។ សិស្សទាំងអស់បានទទួលព័ត៌មានអំពីការស្វែងរកអាហារូបករណ៍ និងឱកាសបន្តការសិក្សានៅកាណាដា។ វិទ្យាស្ថានអន្តរជាតិ TAIE ផ្តល់សេវាកម្មនាំសិស្សទៅសិក្សានៅកាណាដា ចាប់ពីថ្នាក់ទី៧ រហូតដល់មហាវិទ្យាល័យ។ សិស្សអាចបន្តការសិក្សានៅទីនោះដោយឯករាជ្យ ដោយមិនចាំបាច់មានអាណាព្យាបាលទៅជាមួយ។ កិច្ចសហប្រតិបត្តិការនេះ បង្ហាញពីការប្តេជ្ញាចិត្តរបស់សាលារៀនគ្រូយើង ក្នុងការពង្រីកឱកាសអប់រំ និងបង្កើតទំនាក់ទំនងអន្តរជាតិ។

"យើងសម្លឹងទៅរកអនាគតដ៏ភ្លឺស្វាង!"
"WE ARE LOOKING FORWARD TO A BRILLIANT FUTURE!"
------------------
សាលារៀនគ្រូយើង បន្តចុះឈ្មោះកូនៗចូលរៀន
សម្រាប់ត្រីមាសទី៤ ចាប់ពីថ្នាក់មត្តេយ្យ ដល់
ថ្នាក់ទី១២ ចំណេះទូទៅ ភាសាខ្មែរ-អង់គ្លេស។
ព័ត៌មានបន្ថែមសូមទាក់ទងតាមតេឡេក្រាម៖
ភ្នំពេញ: https://t.me/KYSPP_Admin
រតនគិរី: https://t.me/KYSRTK_Admin
ស្ទឹងត្រែង: https://t.me/KYSSTG_Admin
ឆាណែលគ្រូយើងៈ https://t.me/krouyeungschool
គេហទំព័រគ្រូយើងៈ www.krouyeung.org
លេខទូរសព្ទៈ 011 817 982 / 087 817 982

13/07/2026

សេចក្តីជូនដំណឹង

សាលារៀនគ្រូយើងសាខាខេត្តស្ទឹងត្រែង សូមជម្រាបជូនដំណឹងដល់មាតាបិតា សិស្សានុសិស្ស និងលោកគ្រូអ្នកគ្រូទាំងអស់ថា តេឡេក្រាមផ្លូវការរបស់សាលា ត្រូវបានគេហេកចូលនៅរសៀលនេះ ប៉ុន្តែក្រុមការងារបានដោះស្រាយរូចរាល់ហើយ។ សូមមាតាបិតា សិស្សានុសិស្ស និងលោកគ្រូអ្នកគ្រូទាំងអស់កុំចុច ឬបើកឯកសារដែលបានផ្ញើចេញពីគណនីតេឡេក្រាមនេះ។

សូមអរគុណ។

13/07/2026

ក្នុងនាមជាសិស្ស តើអ្នកមានអារម្មណ៍បែបណានៅពេលអានចប់សៀវភៅមួយក្បាល?

09/07/2026

ការសរសើរដែលមិនសមស្រប អាចបង្កផលវិបាកដល់អ្នកដែលទទួលបានការសរសើរ។

09/07/2026

08/07/2026

ម្សិលមិញនេះ កូនៗថ្នាក់ទី២ ផ្នែកភាសាអង់គ្លេស នៃសាលារៀនគ្រូយើងសាខាស្ទឹងត្រែង បានធ្វើទស្សនកិច្ចសិក្សាទៅកាន់ប្រាសាទគូ ដែលស្ថិតនៅភូមិកំភុន ឃុំសាមឃួយ ស្រុកសេសាន ខេត្តស្ទឹងត្រែង។ ប្រាសាទនេះបានកសាងឡើងក្នុងសតវត្សរ៍ទី៧ ក្នុងរជ្ជកាលព្រះបាទជ័យវរ្ម័នទី១។ លក្ខណៈពិសេសរបស់ប្រាសាទគូ គឺអណ្ដូងទឹកបុរាណដែលមានទឹកថ្លា និងមិនចេះរីងស្ងួត ដែលប្រជាពលរដ្ឋគោរពជឿជាក់ថាជាទឹកមន្តស័ក្តិសិទ្ធិ។ ទោះបីជាប្រាសាទមានភាពទ្រុឌទ្រោម និងបាត់បង់រូបរាងដើម កូនៗបានឃើញជាក់ស្តែងនូវភស្តុតាងប្រវត្តិសាស្ត្រដ៏មានតម្លៃ។ ការភ្ជាប់ចំណេះដឹងពីក្នុងថ្នាក់រៀនទៅនឹងទីតាំងពិតប្រាកដ បានជួយបង្កើនការយល់ដឹងឱ្យកាន់តែស៊ីជម្រៅ។ ដំណើរទស្សនកិច្ចនេះ ក៏បានបណ្តុះស្មារតីស្រឡាញ់ និងការយកចិត្តទុកដាក់ចំពោះបេតិកភណ្ឌវប្បធម៌ជាតិថែមទៀត។

"គ្រូយើងកសាងទម្លាប់ និងអត្តចរិតល្អ!"
"Krou Yeung Builds Good Habits & Personalities!"
-----------------
សាលារៀនគ្រូយើង បន្តចុះឈ្មោះកូនៗចូលរៀន
សម្រាប់ត្រីមាសទី៤ ចាប់ពីថ្នាក់មត្តេយ្យ ដល់
ថ្នាក់ទី១២ ចំណេះទូទៅ ភាសាខ្មែរ-អង់គ្លេស។
ព័ត៌មានបន្ថែមសូមទាក់ទងតាមតេឡេក្រាម៖
ភ្នំពេញ: https://t.me/KYSPP_Admin
រតនគិរី: https://t.me/KYSRTK_Admin
ស្ទឹងត្រែង: https://t.me/KYSSTG_Admin
ឆាណែលគ្រូយើងៈ https://t.me/krouyeungschool
គេហទំព័រគ្រូយើងៈ www.krouyeung.org
លេខទូរសព្ទៈ 011 817 982 / 087 817 982