វិទ្យាល័យ អគ្គ ហស អង្គព្រះស្តេច Angpreahsdech high school

  • Home
  • Cambodia
  • Somrong
  • វិទ្យាល័យ អគ្គ ហស អង្គព្រះស្តេច Angpreahsdech high school

វិទ្យាល័យ អគ្គ ហស អង្គព្រះស្តេច Angpreahsdech high school This is an official page of Ang Preah Sdech High School. Everything is just for knowledge and information sharing.

(Study Smart, No Pain No Gain, Do our best for our better future)

សកម្មភាពសិស្សថ្នាក់ទី 12 រៀបចំកម្មវិធីសុំខមាទោស ថ្លែងអំណរគុណ និងសុំពរជ័យពីលោកគ្រូអ្នកគ្រូ××××××××××××××××××× #ឆ្នាំចាស់ ...
22/06/2026

សកម្មភាពសិស្សថ្នាក់ទី 12 រៀបចំកម្មវិធីសុំខមាទោស ថ្លែងអំណរគុណ និងសុំពរជ័យពីលោកគ្រូអ្នកគ្រូ

×××××××××××××××××××
#ឆ្នាំចាស់ #អតីត
#គូស_ស៊ីញេ_សរសេរឈ្មោះលើអាវជាទង្វើពុំថ្លៃថ្លូរ #ចូរកូនៗធ្វើខ្លួនឱ្យស័ក្តិសមជាទំពាំងស្នងឫស្សី

សកម្មភាពសិស្សថ្នាក់ទី 12 រៀបចំកម្មវិធីសុំខមាទោស ថ្លែងអំណរគុណ និងសុំពរជ័យពីលោកគ្រូអ្នកគ្រូកម្មវិធីនេះប្រារព្ធឡើងរយៈពេលពីរ...
20/06/2026

សកម្មភាពសិស្សថ្នាក់ទី 12 រៀបចំកម្មវិធីសុំខមាទោស ថ្លែងអំណរគុណ និងសុំពរជ័យពីលោកគ្រូអ្នកគ្រូ

កម្មវិធីនេះប្រារព្ធឡើងរយៈពេលពីរឆ្នាំមកហើយ។ គោលបំណងនៃការបង្កើតកម្មវិធីនេះឡើង គឺដើម្បី បន្សល់ទុកអនុស្សាវរីយ៍ល្អៗ ជាគំរូល្អសម្រាប់សិស្សជំនាន់ក្រោយ សុំពរជ័យពីលោកគ្រូអ្នកគ្រូ បង្ហាញពីតម្លៃប្រកបដោយភាពថ្លៃថ្នូរដែលទទួលបានពីការអប់រំប្រកបដោយគុណភាព មានសីលធម៌ គុណធម៌ ប្រសិទ្ធភាព និងប្រសិទ្ធផលខ្ពស់។ កម្មវិធីនេះមានការអញ្ជើញចូលរួមពីលោក យិន សុផល នាយករងវិទ្យាល័យ លោកគ្រូអ្នកគ្រូ និងជាពិសេសលោកគ្រូអ្នកគ្រូដែលជាចាស់ព្រឹទ្ធាចារ្យប្រចាំសាលារបស់យើង។

ក្នុងនោះលោក យិន សុផល បានណែនាំឱ្យសិស្សទាំងអស់ខិតខំប្រឹងប្រែងសិក្សារៀនសូធ្យ ដើម្បីត្រៀមលក្ខណសម្បត្តិឱ្យបានគ្រប់គ្រាន់សម្រាប់ការប្រលងនាពេលខាងមុខនេះ និងជូនពរជ័យដល់កូនៗទាំងអស់ឱ្យទទួលបានជោគជ័យក្នុងជីវិត។ ក្រៅពីនេះលោកគ្រូអ្នកគ្រូក៏បានឱ្យពរជ័យដល់កូនៗជាបន្តបន្ទាប់ ដោយមានការបាចទឹកមន្ត និងចងដៃកូនៗគ្រប់គ្នា។ ជាកិច្ចបន្តកូនៗទាំងអស់ បានជូនវត្ថុអនុស្សាវរីយ៍ដល់លោកគ្រូអ្នកគ្រូ និងអញ្ជើញលោកគ្រូអ្នកគ្រូពិសាភោជនីយាហារ។

កម្មវិធីនេះដំណើរការបានដោយសារ ការចូលរួមរៃអង្គាស ថវិកាពីសិស្សថ្នាក់ទី 12 និង ក្រោមការណែនាំ ការឧបត្ថម្ភពីលោកគ្រូ Chantha Ros និងលោកគ្រូ Sophort Khan ក្នុងម្នាក់ៗឧបត្ថម្ភថវិកាចំនួន ១០០,០០០ រៀល។

×××××××××××××××××××
រសៀលថ្ងៃសៅរ៍ ៦កើត ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២០ ខែមិថុនា ឆ្នាំ២០២៦
#គូស_ស៊ីញេ_សរសេរឈ្មោះលើអាវជាទង្វើពុំថ្លៃថ្លូរ #ពុំស័ក្តិសមជាសិស្សដែលទទួលបានការអប់រំ #ពុំគួរកើតមានសោះឡើយ #ចូរកូនៗធ្វើខ្លួនឱ្យស័ក្តិសមជាទំពាំងស្នងឫស្សី
#បន្ទប់ថ្នាក់12A

រសៀលថ្ងៃនេះលោកនាយក គួន តៅ បានទៅពិនិត្យការចាក់ដីបំពេញទីធ្លាសាលា។ ថ្ងៃនេះយើងចាក់បាន ១០ ឡានជាងហើយ។ វិទ្យាល័យយើង បាន និងកំពុ...
20/06/2026

រសៀលថ្ងៃនេះលោកនាយក គួន តៅ បានទៅពិនិត្យការចាក់ដីបំពេញទីធ្លាសាលា។ ថ្ងៃនេះយើងចាក់បាន ១០ ឡានជាងហើយ។ វិទ្យាល័យយើង បាន និងកំពុងអភិវឌ្ឍជាបន្តបន្ទាប់ឥតឈប់ឈរ នេះដោយសារការខិតខំប្រឹងប្រែងពីលោកនាយកលោកនាយករង លោកគ្រូអ្នកគ្រូ និងការចូលរួមយ៉ាងពេញទំហឹងពីសំណាក់សហគមន៍ អាជ្ញាធរគ្រប់លំដាប់ថ្នាក់ ព្រះសង្ឃ មាតាបិតាអាណាព្យាបាលសិស្ស សិស្សានុសិស្ស អតីតសិស្សគ្រប់ជំនាន់ និងសប្បុរសជនទាំងជិតទាំងឆ្ងាយ។

°°°°°°°°°°°°°°°°°°°°°°°°°°°°
ថ្ងៃសៅរ៍ ៦កើត ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២០ ខែមិថុនា ឆ្នាំ២០២៦

សូមអបអរសាទរលោកនាយករង ស្រី សុភា លោកគ្រូ សុទ្ធ ប្រុស និងអ្នកគ្រូ ខៀវ សេងវណ្នី ដែលទទួលបានវិញ្ញាបនបត្របញ្ជាក់ការសិក្សាមគ្គុទ...
20/06/2026

សូមអបអរសាទរលោកនាយករង ស្រី សុភា លោកគ្រូ សុទ្ធ ប្រុស និងអ្នកគ្រូ ខៀវ សេងវណ្នី ដែលទទួលបានវិញ្ញាបនបត្របញ្ជាក់ការសិក្សាមគ្គុទ្ទេសក៍អាជីព និងការផ្តល់ប្រឹក្សាកម្រិតមធ្យមសិក្សា។ ជាពុទ្ធិថ្មី ជួយតម្រង់ទិសសិស្សានុសិស្សយើងឱ្យជ្រើសរើសជំនាញបានត្រឹមត្រូវ និងដោះស្រាយបញ្ហាវិបត្តិផ្សេងៗបានល្អ...។

°°°°°°°°°°°°°°°°°°°°°°°°°°°°
ថ្ងៃសៅរ៍ ៦កើត ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២០ ខែមិថុនា ឆ្នាំ២០២៦

នេះជាទិដ្ឋភាពខ្លះៗនៃការប្រលងឆមាសលើកទីពីរក្នុងថ្ងៃទីមួយថ្នាក់ទី ៩! លោក គួន តៅ នាយកវិទ្យាល័យ អគ្គ ហស អង្គព្រះស្តេច ...
15/06/2026

នេះជាទិដ្ឋភាពខ្លះៗនៃការប្រលងឆមាសលើកទីពីរក្នុងថ្ងៃទីមួយថ្នាក់ទី ៩!

លោក គួន តៅ នាយកវិទ្យាល័យ អគ្គ ហស អង្គព្រះស្តេច បានសង្កេតពិនិត្យការប្រលងនេះដោយផ្ទាល់។ ក្នុងនោះ លោកបានណែនាំគណៈមេប្រយោគទាំងអស់ គោរពតួនាទីឱ្យបានត្រឹមត្រូវ ប្រកបដោយវិជ្ជាជីវៈខ្ពស់។ ជាងនេះទៀត លោកបានណែនាំបេក្ខជនគ្រប់រូបឱ្យធ្វើតាមសមត្ថភាពដែលខ្លួនមាន និងហាមបេក្ខជនទាំងអស់ មិនឱ្យចម្លងគ្នា សួរគ្នា ឬនាំយកសំណៅឯកសារចូលក្នុងបន្ទប់ប្រលង។ ជាលទ្ធផល ដំណើរការនៃការប្រលងនាព្រឹកនេះ ទទួលបានលទ្ធផលល្អអាចទទួលយកបាន។

សូមបេក្ខជនទាំងអស់ ត្រៀមលក្ខណៈឱ្យបានល្អជាបន្តទៀត។

**************************
ថ្ងៃចន្ទ ១កើត ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី ១៥ ខែមិថុនា ឆ្នាំ ២០២៦

សេចក្តីជូនដំណឹង! អំពីការប្រលងឆមាសលើកទីពីរថ្នាក់ទី ៩ ការប្រលងឆមាសលើកទីពីរថ្នាក់ទី ៩ នឹងប្រព្រឹត្តទៅនៅថ្ងៃទី ១៥ ម...
13/06/2026

សេចក្តីជូនដំណឹង! អំពីការប្រលងឆមាសលើកទីពីរថ្នាក់ទី ៩

ការប្រលងឆមាសលើកទីពីរថ្នាក់ទី ៩ នឹងប្រព្រឹត្តទៅនៅថ្ងៃទី ១៥ មិថុនា ២០២៦។ ដូច្នេះសូមកូនក្មួយត្រៀម និងរៀបចំលក្ខណសម្បត្តិឱ្យបានល្អ។ ក្នុងនោះ ត្រូវរៀបចំសម្ភារៈពាក់ព័ន្ធជាមួយនឹងដំណើរការសំណេរមាន សៀវភៅ ប៊ិក បន្ទាត់ជាដើម។ ត្រូវរក្សាសុខភាពឱ្យបានល្អ ហូបអាហារឱ្យបានសមស្រប មកកាន់មណ្ឌលប្រលងឱ្យបានមុនម៉ោងកំណត់ដោយភ្ជាប់មកជាមួយនូវកាតសិស្ស ត្រូវគោរពបទបញ្ជានៃការប្រលង ព្រមទាំងមានឯកសណ្ឋានជាសិស្សឱ្យបានគ្រប់ៗគ្នា។

សូមជូនពរកូនក្មួយទាំងអស់ទទួលបានជោគជ័យក្នុងការប្រលងនាពេលខាងមុខនេះ។

÷÷÷÷÷÷÷÷÷÷÷÷÷÷÷÷÷÷÷÷÷÷÷÷

ទិដ្ឋភាពប្រជុំបូកសរុបប្រចាំខែ!
12/06/2026

ទិដ្ឋភាពប្រជុំបូកសរុបប្រចាំខែ!

ថ្ងៃសុក្រ ១២រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី ១២ ខែមិថុនា ឆ្នាំ ២០២៦ លោក គួន តៅ ជានាយក, លោក យិ...
12/06/2026

ថ្ងៃសុក្រ ១២រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី ១២ ខែមិថុនា ឆ្នាំ ២០២៦ លោក គួន តៅ ជានាយក, លោក យិន សុផល នាយរងវិទ្យាល័យអគ្គ ហស អង្គព្រះស្ដេច បានដឹកនាំ បុគ្គលិកមួយចំនួន ដើម្បីទៅសួរសុខទុក្ខ លោកគ្រូ ប្រាក់ ទិត្យ ដែលកំពុងសម្រាកព្យាបាលជំងឺនៅមន្ទីរពេទ្យមិត្តភាពខ្មែរ-សូវៀតបន្ទាប់ពីវះកាត់រួច។ សូមជម្រាបផងដែលថាលោកគ្រូ ប្រាក់ ទិត្យ មានជំងឺបូសសួតមានការឈឺចាប់ខ្លាំងចុកណែនដើមទ្រូង។។ លោកនាយក នាយករង បានជូនពរលោកគ្រូ ឱ្យឆាប់ជាសះស្បើយពីជំងឺ។ ក្រៅពីនេះ លោកនាយក លោកនាយករង បាននាំយកថវិកាសម្រាប់ឧបត្ថម្ភដល់ការព្យាបាលជំងឺចំនួន ១,៤៨៥,០០០រៀល។ ថវិកានេះបានពីកម្លាំងសាមគ្គីរបស់បុគ្គលិកនៃវិទ្យាល័យយើងរួមទាំងសិស្សាសិស្សគ្រប់កម្រិតថ្នាក់។

_____________________
សូមបញ្ជាក់ជូនបងប្អូនទាំងអស់ ជាពិសេសសិស្សានុសិស្សអតីតសិស្សរបស់លោកគ្រូគ្រប់ជំនាន់ថា ពេលនេះលោកគ្រូ ប្រាក់ ទិត្យ កំពុងសម្រាកព្យាបាលនៅមន្ទីរពេទ្យនៅឡើយទេ!

Address

Somrong

Telephone

+855886106797

Website

Alerts

Be the first to know and let us send you an email when វិទ្យាល័យ អគ្គ ហស អង្គព្រះស្តេច Angpreahsdech high school posts news and promotions. Your email address will not be used for any other purpose, and you can unsubscribe at any time.

Contact The School

Send a message to វិទ្យាល័យ អគ្គ ហស អង្គព្រះស្តេច Angpreahsdech high school:

Shortcuts

Share

Category