វិទ្យាល័យ អាត់តាម៉ៃយូស معهد التميز التعليمي

25/07/2026

🇰🇭🤝🇲🇦🌍 វិទ្យាល័យអាត់តាម៉ៃយូស មានកិត្តិយស និងក្តីសោមនស្សរីករាយ ដែលបានទទួលស្វាគមន៍ ការអញ្ជើញមកដល់របស់
✨ ឯកឧត្តមបណ្ឌិត រ៉ូស ម៉ានសះរី ទីប្រឹក្សារាជរដ្ឋាភិបាលនិងជាប្រធាន អង្គការមូលនិធិអាស៊ាន ដើម្បីការអប់រំនិងអភិវឌ្ឍន៍
✨ លោកបណ្ឌិត យូស៊ូហ្វ អ៉ីស្មាអ៉ីលី តំណាងអង្គការ
••••••••••••••••••••••••••••••••••••••••••••••••••
ដំណើរទស្សនកិច្ចនេះ មិនត្រឹមតែបង្ហាញពីការយកចិត្តទុកដាក់ខ្ពស់លើវិស័យអប់រំ ប៉ុណ្ណោះទេ ប៉ុន្តែថែមទាំងនាំមកនូវអនុសាសន៍ និងដំបូន្មានល្អៗជាច្រើន សម្រាប់ជាទុនក្នុងការអភិវឌ្ឍគុណភាពអប់រំនៅវិទ្យាល័យយើងខ្ញុំឱ្យកាន់តែប្រសើរឡើងថែមទៀត។
សូមថ្លែងអំណរគុណយ៉ាងជ្រាលជ្រៅចំពោះថ្នាក់ដឹកនាំទាំងពីរ ដែលបានចំណាយពេលដ៏មានតម្លៃមកសួរសុខទុក្ខ និងផ្តល់កម្លាំងចិត្តដល់គណៈគ្រប់គ្រងសាលា។
#វិទ្យាល័យអាត់តាម៉ៃយូស #ការអប់រំ #ទស្សនកិច្ចកិត្តិយស #អង្គការមូលនិធិអាស៊ានដើម្បីការអប់រំនិងអភិវឌ្ឍន៍

25/07/2026

គណៈគ្រប់គ្រងនៃវិទ្យាល័យ អាត់តាម៉ៃយូស
សូមថ្លែងអំណរគុណយ៉ាងជ្រាលជ្រៅបំផុតជូនចំពោះ ឯកឧត្តមបណ្ឌិត រ៉ូស ម៉ានសះរី ទីប្រឹក្សារាជរដ្ឋាភិបាល និងជាប្រធានអង្គការមូលនិធិអាស៊ានដើម្បីការអប់រំ និងអភិវឌ្ឍន៍ ដែលបានផ្តួចផ្តើម និងរៀបចំកម្មវិធីសន្និសីទស្តីពី «ការពង្រឹងស្តង់ដារបង្រៀនភាសាអារ៉ាប់» ក្រោមប្រធានបទ “ឆ្ពោះទៅរកប្រព័ន្ធអប់រំភាសាអារ៉ាប់ដែលមានគុណភាព និងនិរន្តរភាពជាងមុននៅកម្ពុជា”។
កម្មវិធីដ៏មានអត្ថន័យនេះ បានប្រព្រឹត្តទៅដោយរលូន និងទទួលបានលទ្ធផលយ៉ាងត្រចះត្រចង់ ក្រោមការរៀបចំដោយ អង្គការពិភពអ៊ីស្លាមសម្រាប់អប់រំ វិទ្យាសាស្ត្រ និងវប្បធម៌ (ICESCO) សហការជាមួយ អង្គការមូលនិធិអាស៊ានសម្រាប់ការអប់រំ និងការអភិវឌ្ឍ (A.F.E.D)។
យើងខ្ញុំសូមប្រសិទ្ធពរជ័យជូន ឯកឧត្តមបណ្ឌិត ព្រមទាំងថ្នាក់ដឹកនាំ និងសហការីទាំងអស់ ឱ្យជួបតែសេចក្តីសុខ សេចក្តីចម្រើន សុខភាពល្អនិងសម្រេចបានជោគជ័យថ្មីៗបន្ថែមទៀតក្នុងបេសកកម្មលើកកម្ពស់វិស័យអប់រំ!

24/07/2026

24/07/2026