អនុវិទ្យាល័យចុងឃ្នៀស

សូមស្វាគមន៍ប្អូនៗគ្រប់ជំនាន់ចូលរួមកម្មវិធីសង្រ្កាន្ដអនុវិទ្យាល័យចុងឃ្នៀស នាថ្ងៃស្អែកនេះ
កម្មវិធីចាប់ផ្ដើមនៅម៉ោង ៧ព្រឹកតទៅ

អនុវិទ្យាល័យ ចុងឃ្នៀស សូមថ្លែងអំណរព្រះគុណ ចំពោះ ព្រះតេជគុណ ព្រះបញ្ញាវិសុទ្ធីរង្សី អកទ្ធមោ ម៉ៃ ភីរុណ ព្រះចៅអធិការវត្តសុវណ្ណសាគរ (វត្តកោះខ្សាច់) ដែលបានចូលរួមជាបច្ច័យចំនួន ១០០,០០០៛ (ដប់ម៉ឺនរៀល) សម្រាប់ប្រើប្រាស់នៅក្នុងការរៀបចំកម្មវិធីសង្ក្រាន្ដអនុវិទ្យាល័យចុងឃ្នៀសនាថ្ងៃទី៥ ខែមេសា ខាងមុខនេះ ។

សូមគោរពជូនពរ ព្រះចៅអធិការ សូមជួបប្រទះតែសេចក្ដីសុខ សេចក្ដីចម្រើន និងជោគជ័យរាល់ភារៈកិច្ចគ្រប់កាលៈទេសៈទាំងអស់ ជាពិសេសគឺពុទ្ធពរទាំង៤ប្រការ អាយុ វណ្ណៈ សុខៈ ពលៈ កុំបីឃ្លាងឃ្លាតឡើយ ។ សូមអរគុណ !
•
#អនុវិទ្យាល័យចុងឃ្នៀស
#សូមថ្លែងអំណរគុណ
#សង្ក្រាន្ដអនុវិទ្យាល័យចុងឃ្នៀស

អនុវិទ្យាល័យចុងឃ្នៀស សូមគោរពថ្លែងអំណរគុណដល់បងប្រុស « ម៉ៃ មាន » ដែលបានឧបត្ថម្ភថវិកាចំនួន ៦ម៉ឺនរៀល និងក្អមចំនួន ១០ តាមរយៈកូនប្រុសដែលជាសិស្សថ្នាក់ទី៨ ដើម្បីរៀបចំកម្មវិធីពិពណ៌ស្នាដៃសិស្ស និងសង្ក្រាន្ដអនុវិទ្យាល័យចុងឃ្នៀស
យើងខ្ញុំទាំងអស់គ្នាសូមគោរពជូនពរបងប្រុស និងក្រុមគ្រួសារ ជួបប្រទះតែនឹងសេចក្ដីសុខសេចក្ដីចម្រើន មានសុខភាពល្អ រកស៊ីទទួលទានមានបាន ប្រាថ្នាអ្វីសូមឲ្យបានសម្រេចដូចក្ដីបំណង និងជាពិសេសសូមជួបតែនឹងពុទ្ធពរទាំងបួនប្រការ អាយុ វណ្ណៈ សុខ ពលៈ កុំបីឃ្លៀងឃ្លាតឡើយ ។ សូមអរគុណ 🙏🏼
•
#អនុវិទ្យាល័យចុងឃ្នៀស
#សូមថ្លែងអំណរគុណ

ថ្ងៃទី២៨ ខែមីនា ឆ្នាំ២០២៤
សកម្មភាពខ្លះៗនៃការចាក់វ៉ាក់សាំងតេតាណូស ដូសទី២ ដល់ប្អូនៗសិស្សានុសិស្សនៃអនុវិទ្យាល័យចុងឃ្នៀស

សូមអរគុណដល់ក្រុមអ្នកគ្រូពេទ្យនៃមណ្ឌលសុខភាពចុងឃ្នៀសដែលបានចុះផ្ដល់សេវាផ្ទាល់នៅសាលារៀនតែម្ដង🙏🏼

សូមប្អូនៗដែលខកខានមិនបានមកទទួលនៅថ្ងៃនេះ សូមប្អូនឆាប់រួសរាន់ទៅទទួលដោយផ្ទាល់នៅមណ្ឌលសុខភាពចាប់ពីស្អែកនេះតទៅ
•
#អនុវិទ្យាល័យចុងឃ្នៀស
#មណ្ឌលសុខភាពចុងឃ្នៀស
#វ៉ាក់សាំងបង្ការជំងឺតេតាណូស

នាងខ្ញុំជាតំណាងឲ្យ គណៈកម្មការគ្រប់គ្រងសាលារៀន លោកគ្រូអ្នកគ្រូ និងប្អូនៗសិស្សានុសិស្សទាំងអស់ សូមថ្លែងអំណរគុណដល់ « លោក ស៊ា សុផល Sophal Sea Taing » ប្រធានអង្គការទំពាំងស្នងឫស្សី ដែលបានឧបត្ថម្ភប្រាក់ចំនួន ១០ម៉ឺនរៀលដល់សាលាអនុវិទ្យាល័យចុងឃ្នៀស ។ ថវិកានេះពួកខ្ញុំបានបែកចែក ដោយ ៥ម៉ឺនរៀល ចូលរួមក្នុងការឈូសឆាយទីធ្លាសាលា និង ៥ម៉ឺនរៀលទៀតយកមកទិញសម្ភារៈរៀបចំកម្មវិធីពិពណ៌ស្នាដៃសិស្ស និងសង្រ្កាន្តឆ្នាំថ្មី ដែលនឹងប្រព្រឹត្តទៅនៅថ្ងៃទី ០៥ ខែមេសា ខាងមុខនេះ ។

យើងខ្ញុំទាំងអស់គ្នាសូមគោរពជូនពរបងប្រុស និងក្រុមគ្រួសារ ជួបប្រទះតែនឹងសេចក្ដីសុខសេចក្ដីចម្រើន រកស៊ីទទួលទានមានបាន មានសុខភាពល្អ មានសុភមង្គលក្នុងក្រុមគ្រួសារ ជាពិសេសជួបប្រទះតែនឹងពុទ្ធពរទាំងបួនប្រការ គឺ អាយុ វណ្ណៈ សុខ ពលៈ កុំបីឃ្លាងឃ្លាតឡើយ 🙏🏼🙏🏼
•
#អនុវិទ្យាល័យចុងឃ្នៀស

🙏🏼 សូមថ្លែងអំណរគុណដល់ « លោកពូ ចាន់ សុផា » ប្រធានគណៈកម្មការគ្រប់គ្រប់គ្រងសាលារៀន ដែលបានឧបត្ថម្ភទឹកប្រាក់ចំនួន ៥ម៉ឺនរៀល សម្រាប់ការឈូសឆាយទីធ្លាសាលា
សូមគោរពជូនពរលោកពូមាន សុខភាពល្អ ការងារ មុខរបររីកចម្រើន គ្រួសារមានសុភមង្គល នឹងបន្ដការជ្រោមជ្រែង អភិវឌ្ឍសាលារៀនពួកយើងបន្ដទៅមុខទៀត
•
#អនុវិទ្យាល័យចុងឃ្នៀស
#សូមថ្លែងអំណរគុណ

ដំណើរការប្រឡងឆមាសលើកទី១
សម័យប្រឡង ១១ មីនា ២០២៤
•
#អនុវិទ្យាល័យចុងឃ្នៀស
#ប្រឡងឆមាស

០៨ មីនា ២០២៤
នាងខ្ញុំជាគណៈគ្រប់គ្រងសាលាអនុវិទ្យាល័យចុងឃ្នៀស និងជាតំណាងលោកគ្រូអ្នកគ្រូ សិស្សានុសិស្ស និងលោកពូ អ្នកមីង លោកតា លោកយាយ ទាំងអស់សូមគោរពថ្លែងអំណរគុណយ៉ាងជ្រាលជ្រៅចំពោះ បងស្រី តាន់ ដាណេ និងបងប្រុស ហេង ប៊ុនធឿន ព្រមទាំងក្រុមគ្រួសារទាំងអស់ដែលបានផ្ដល់ជាសម្ភារៈសិក្សា និងថវិកាដល់សិស្សានុសិស្សទាំងអស់សរុប ១០៦នាក់ និងលោកគ្រូអ្នកគ្រូចំនួន៤នាក់ ។ ផ្ដល់អង្ករ និងថវិកាដល់គ្រួសារក្រីក្រសរុបចំនួន ១០០គ្រួសារផងដែរ ក្នុងថ្ងៃទិវាអន្តជាតិនារី ខួបលើកទី១១៣ និងជាពិសេសគឺថ្ងៃកំណើតបងស្រី ។
យើងខ្ញុំទាំងអស់គ្នាសូមគោរពជូនពរបងៗ និងក្រុមគ្រួសារ ឲ្យមានសុខភាពល្អ កាន់តែរីកចម្រើនក្នុងមុខរបរ ការងារ មានសេចក្ដីសុខ សុភមង្គល ជាពិសេសជួបប្រទះតែពុទ្ធពរទាំង៤ប្រការ គឺ អាយុ វណ្ណៈ សុខ ពលៈ កុំបីឃ្លាងឃ្លាតឡើយ ។
•
•
•
#អនុវិទ្យាល័យចុងឃ្នៀស
#សូមថ្លែងអំណរគុណ

ប្អូនៗចង់រៀនជំនាញបង្កើតជាមុខរបរអាចទៅដាក់ពាក្យបាន
•
•
•
•
•
•
https://www.facebook.com/share/p/Utonfm5EsuCQoKpN/?mibextid=WC7FNe

សេចក្តីជូនដំណឹងៗ ការចុះឈ្មោះរៀនជំនាញដោយឥតបង់ប្រាក់ ជាមួយអង្គការជីវិតនៅកម្ពុជា តោះចូលរៀនទាំងអស់គ្នាដើម្បីជំនាញនាពេលអនាគត👉📢

តេលេក្រាមៈ https://t.me/Moto_Docto
ទំព័រហ្វេសប៊ុកៈ https://www.facebook.com/krupaetmoto
ទីតាំងៈ https://goo.gl/maps/WYsQqj8U5sHZCFBR6

សាររំលែកទុក្ខ
ជូនចំពោះក្រុមគ្រួសារលោកគ្រូ ស្រី សារ៉ាត់
ជាទីគោរពរាប់អានដ៏ជ្រាលជ្រៅ
នាងខ្ញុំ អ្នកគ្រូ និងសិស្សានុសិស្សទាំងអស់ មានសេចក្ដីក្រៀមក្រំ និងសោកស្ដាយដោយទទួលដំណឹងថា ឧបាសិកា ស្រី សុខ ដែលត្រូវជាឳពុកបង្កើតរបស់លោកគ្រូ ស្រី សារ៉ាត់ បានទទួលមរណភាពនៅថ្ងៃអាទិត្យ ទី០៣ ខែមីនា ឆ្នាំ២០២៤ ក្នុងជន្មាយុ ៧៥ឆ្នាំ ដោយរោគាពាធ ។
ក្នុងវេលាប្រកបដោយសមានទុក្ខដ៏ក្រៀមក្រំនេះ យើងខ្ញុំទាំងអស់គ្នាសូមសម្ដែងនូវការសោកស្ដាយ ដោយក្ដីអាឡោះអាល័យជាមួយលោកគ្រូ និងក្រុមគ្រួសារ ដែលបានបាត់បង់ស្វាមី ឪពុក ឪពុកក្មេក ជីតា ជាទីគោរពស្រឡាញ់ប្រកបដោយព្រហ្មវិហារធម៌ចំពោះកូន ចៅទាំងអស់ ។
យើងខ្ញុំទាំងអស់គ្នាសូមឧទ្ទិសបួងសួងជូនដល់ដួងវិញ្ញាណក្ខន្ធមហាឧបាសិកា ស្រី សុខ សូមឆាប់បានទៅចាប់កំណើតក្នុងសុគតិភពកុំបីឃ្លៀងឃ្លាតឡើយ ។
សូមលោកគ្រូSarath Sreytoch និងក្រុមគ្រួសារទទួលនូវមនោសញ្ចេតនារំលែកទុក្ខដ៏ក្រៀមក្រំពីយើងខ្ញុំទាំងអស់គ្នា ។

អបអរសាទរ ទិវាវប្បធម៌ជាតិ ៣មីនា លើកទី២៦ ឆ្នាំ២០២៤ ក្រោមប្រធានបទ « យុវជនដើម្បីវប្បធម៌ជាតិ »
•
•
•
•
•
https://www.facebook.com/share/p/vCzmLC21cuqpFyjM/?mibextid=WC7FNe

អបអរសាទរ ទិវាវប្បធម៌ជាតិ ៣មីនា លើកទី២៦ ឆ្នាំ២០២៤ ក្រោមប្រធានបទ "យុវជនដើម្បីវប្បធម៌ជាតិ"

Vai: Samdech Thipadei Hun Manet, Prime Minister of Cambodia

ការប្រកួតធ្វើម្ហូបនៃអនុវិទ្យាល័យចុងឃ្នៀស សម្រាប់ឆមាសទី១
ដឹកនាំដោយអ្នកគ្រូ ឡយ ស៊ីណា និងមើលការខុសត្រូវបន្ថែមដោយអ្នកគ្រូ លឹម បូរ៉ែន និងលោកគ្រូ ស្រីសារ៉ាត់ ដែលជាគ្រូបន្ទុកថ្នាក់ ដាក់ពិន្ទុដោយគណៈកម្មការ ដែលមានសមាសភាពដូចជា សមាជិកក្រុមប្រឹក្សាសង្កាត់ចុងឃ្នៀស គណៈកម្មការគ្រប់គ្រងសាលារៀន គណៈគ្រប់គ្រងសាលា នាយកសាលាបឋមសិក្សា វិស្វករប្រចាំសាលា លោកគ្រូអ្នកគ្រូបន្ទុកថ្នាក់ ។
មុខម្ហូបនីមួយជាទឹកដៃប្អូនៗសិស្សថ្នាក់ទី៧ ៨ ៩ រៀបចំបានស្អាត រសជាតិក៏ឆ្ងាញ់ អនាម័យល្អ ។ ការប្រកួតមានឈ្នះមានចាញ់ សូមអបអរដល់ក្រុមដែលបានចំណាត់ថ្នាក់ និងសោកស្ដាយចំពោះក្រុមមិនទទួលបានជ័យលាភី ជួបគ្នាម្ដងទៀតនៅឆមាសទី២ ជាបន្តទៀត 🙏🏼☘️🍀
•
សូមថ្លៃអំណរគុណដល់លោក អ៊ុំ ណារី ប្រធានក្រុមប្រឹក្សាសង្កាត់ចុងឃ្នៀស ដែលបានឧបត្ថម្ភថវិកាផ្ទាល់ខ្លួនចំនួន ៣ម៉ឺនរៀល

សូមថ្លៃអំណរគុណដល់លោក ហ៊ិន សៅហន វិស្វករប្រចាំការដ្ឋានអនុវិទ្យាល័យចុងឃ្នៀស ដែលបានឧបត្ថម្ភថវិកាផ្ទាល់ខ្លួនចំនួន ៩ម៉ឺនរៀល

សូមថ្លៃអំណរគុណដល់លោក ចាន់ សុផា ប្រធានគណៈកម្មការគ្រប់គ្រងសាលារៀនដែលបានឧបត្ថម្ភថវិកាផ្ទាល់ខ្លួនចំនួន ៥ម៉ឺនរៀល

ថវិការខាងលើត្រូវបានបូកបន្ថែមសម្រាប់ចែកជូនដល់សិស្សពីលើកញ្ចប់រង្វាន់ដែលមានស្រាប់សម្រាប់ជ័យលាភីលេខ១ លេខ២ លេខ៣ និងមិនជាប់ជ័យលាភី

•
#អនុវិទ្យាល័យចុងឃ្នៀស
#បំណិនរកចំណូល
#ទ្រឹស្ដីផ្សាភ្ជាប់នឹងការអនុវត្ត

សកម្មភាពលោកគ្រូអ្នកគ្រូរៀបចំថតរូបប្អូនៗថ្នាក់ទី៩ សម្រាប់ដាក់ពាក្យប្រឡងសញ្ញាបត្រមធ្យមសិក្សាបឋមភូមិ សម័យប្រឡង ០២ កញ្ញា ២០២៤ ខាងមុខនេះ
•
#អនុវិទ្យាល័យចុងឃ្នៀស
#ប្រឡងសញ្ញាបត្រមធ្យមសិក្សាបឋមភូមិ
#រូបថតសិស្ស

តើអ្នកអានសៀវភៅ
នៅពេលណាដែរ?

#ទិវាជាតិអំណាន

សូមថ្លែងអំណរគុណដល់អ្នកគ្រូពេទ្យនៃមណ្ឌលសុខភាពចុងឃ្នៀសដែលបានចុះផ្សព្វផ្សាយពីជំងឺគ្រុនឈាម និងចាក់ថ្នាំបង្ការជំងឺតេតាណូសដល់សិស្សានុសិស្សទាំងបីកម្រិតថ្នាក់គ្រប់ៗគ្នា កាលពីថ្ងៃទី២៧ ខែកុម្ភៈ ឆ្នាំ២០២៤ 🍀🙏🏼🍀
•
#អនុវិទ្យាល័យចុងឃ្នៀស
#មណ្ឌលសុខភាពចុងឃ្នៀស
#វ៉ាក់សាំងបង្ការជំងឺតេតាណូស
#ទប់ស្កាត់ជំងឺគ្រុនឈាម
#សុខភាពល្អអនាគតបវររុងរឿង

ថ្ងៃនេះប្អូនៗថ្នាក់ទី៩ រៀនធ្វើម្ហូប «បាយមាន់» «ភ្លាសាច់គោ» និង «ឆាគ្រឿងឬឆាបន្លែ» ដឹកនាំដោយអ្នកគ្រូ ឡយ ស៊ីណា
•
តើម្ហូបទាំងបីមុខខាងលើមួយណាគួរឲ្យឆ្ងាញ់ដែរ?

#គេហវិទ្យា
#បំណិនរកចំណូល
#ទ្រឹស្ដីផ្សាភ្ជាប់នឹងការអនុវត្ត
#អនុវិទ្យាល័យចុងឃ្នៀស

តើបច្ចុប្បន្ន អ្នកកំពុងអានសៀវភៅអ្វី? អ្នកអាចចែករំលែករូបភាពសៀវភៅ ឬសរសេរក្នុង comment ខាងក្រោម

#ទិវាជាតិអំណាន

ថ្ងៃចុងបញ្ចប់នៃការធ្វើតេស្ដខែកុម្ភៈ កម្រិតថ្នាក់ទី៧ និងទី៩
#អនុវិទ្យាល័យចុងឃ្នៀស
#ការធ្វើតេស្ដ

រូបភាពនាថ្ងៃទី២៥ ខែមករា ឆ្នាំ២០២៤
•
យើងខ្ញុំទាំងអស់គ្នាសូមថ្លែងអំណរគុណយ៉ាងជ្រាលជ្រៅចំពោះអង្គការមជ្ឈមណ្ឌលធនធានស្រ្តី ដែលបាននាំយកនូវកង់ ចំនួន១០គ្រឿង ឧបត្ថម្ភដោយសប្បុរសជន និងម្ចាស់ជំនួយរបស់អង្គការ មកចែកជូនដល់សិស្សស្រី ចំនួន១០នាក់ ដែលពួកគេសុទ្ធតែជាសិស្សដែលមានជីវភាពលំបាក ។ អំណោយនេះបានជួយសម្រួលការធ្វើដំណើរមកសាលារៀនដល់ពួកគាត់ទាំងអស់គ្នា ។
•
#អនុវិទ្យាល័យចុងឃ្នៀស
#ការចូលរួមរបស់អង្គការដៃគូ
#អង្គការមជ្ឈមណ្ឌលធនធានស្ត្រី

កម្រងរូបភាពនៃសកម្មភាពខ្លះៗកាលពីដំណើរការតេស្ដប្រចាំខែមករា ដោយមានការចូលរួមពីសហគមន៍ និងមាតាបិតាសិស្សផងដែរ ។ អរគុណប្អូនៗក្រុមប្រឹក្សាកុមារដែលធ្វើឲ្យដំណើរការតេស្ដប្រព្រឹត្តទៅដោយរលូន ។
•
#ការធ្វើតេស្ដ
#អនុវិទ្យាល័យចុងឃ្នៀស

កម្រងរូបភាពនៃដំណើរការជ្រើសរើស គណៈកម្មាធិការប្រតិបត្តិក្រុមប្រឹក្សាកុមារកម្ពុជាអនុវិទ្យាល័យចុងឃ្នៀសក្រោមការចូលរួមរបស់ លោក សោម សឿន អនុប្រធាន គ.គ.ស លោកគ្រូអ្នកគ្រូ និងសិស្សានុសិស្សទាំងអស់ (សមាជិកសាខានីមួយៗ) ក្រោមបរិយាកាសសប្បាយរីករាយ

#អនុវិទ្យាល័យចុងឃ្នៀស

• សកម្មភាព : ការពិភាក្សាក្រុមរកចម្លើយនៃសំណួរដោយប្រើសៀវភៅសិក្សាគោល « ថ្នាក់ទី៧ »
• មុខវិជ្ជា : ផែនដីវិទ្យា
• មេរៀនទី១ : កំណកំណើតប្រព័ន្ធព្រះអាទិត្យ
• សន្លឹកកិច្ចការកម្រិត១ និងកម្រិត២

#អនុវិទ្យាល័យចុងឃ្នៀស

🇰🇭🇰🇭🇰🇭🇰🇭🇰🇭🇰🇭🇰🇭🇰🇭🇰🇭🇰🇭🇰🇭🇰🇭🇰🇭🇰🇭🇰🇭
🎉អបអរសាទរ ខួបលើកទី៨ នៃការដាក់បញ្ចូល ល្បែងទាញព្រ័ត្រ ក្នុងបញ្ជីសម្បត្តិបេតិភណ្ឌពិភពលោក🎉
🇰🇭🇰🇭🇰🇭🇰🇭🇰🇭🇰🇭🇰🇭🇰🇭🇰🇭🇰🇭🇰🇭🇰🇭🇰🇭🇰🇭🇰🇭
•
២ ធ្នូ ២០១៥ - ២ ធ្នូ ២០២៣
•
#អនុវិទ្យាល័យចុងឃ្នៀស
#ចែករំលែកពីនេះពីនោះ

កម្រងរូបភាពនៃការអបអរសាទរថ្ងៃបើកបវេសនកាលឆ្នាំសិក្សាថ្មី ២០២៣-២០២៤ (០១ ធ្នូ ២០២៣)
និងការប្រជុំធ្វើបច្ចុប្បន្នកម្មគណៈកម្មការគ្រប់គ្រងសាលារៀន (គ.គ.ស) ក្រោមការចូលរួមរបស់ក្រុមប្រឹក្សាសង្កាត់ មេភូមិ មេប៉ុស្ដិ៍ និងមាតាបិតាសិស្ស(ប្រធានគ.គ.ថ) ដែលបានដំណើរការទៅដោយរលូន មានសកម្មភាពយ៉ាងផុសផុល និងក្រោមបរិយាកាសសប្បាយរីករាយ ។
•
#អនុវិទ្យាល័យចុងឃ្នៀស