LDP ឃុំនគរភាស

គណបក្សសម្ព័ន្ធដើម្បីប្រជាធិបតេយ្យ សូមជម្រាបជូនដំណឹងដល់បងប្អូនដែលជា សមាជិក និងអ្នកគាំទ្រទាំងអស់ឲ្យបានជ្រាបថា ថ្ងៃទី២៦ ខែមិថុនា ឆ្នាំ២០២២ ខាងមុខនេះ គឺជាថ្ងៃគម្រប់ខួប១៦ឆ្នាំនៃការបង្កើត គណបក្សសម្ព័ន្ធដើម្បីប្រជាធិបតេយ្យ របស់ពួកយើង។ ដូច្នេះដើម្បីរំឭកដល់ថ្ងៃគម្រប់ខួប១៦ឆ្នាំនេះ គណបក្សបានរចនា Profile និង Cover Facebook ដើម្បីឲ្យបងប្អូនដែលជា សមាជិក និងអ្នកគាំទ្រទាំងអស់ អាចដាក់តាំងបង្ហាញចាប់ពីពេលនេះបាន។

-ទាញយក Profile និង Cover FB ច្បាស់៖ https://t.me/LDPTelegram/622

សេចក្ដីជូនដំណឹង ស្ដីពី ការប្រារព្ធកម្មវិធីខួបលើកទី១៦ ថ្ងៃកំណើតគណបក្សសម្ព័ន្ធដើម្បីប្រជាធិបតេយ្យ
២៦ មិថុនា ២០០៦ - ២៦ មិថុនា ២០២២

#សម្រង់វិយោគកថារបស់លោកពូ
.....
..គ្មាននរណាម្នាក់នៃទ័ពស្ម័គ្រចិត្តរបស់ពួកយើង ដែលបានលះបង់ចំពោះចលនាយើង ហើយពួកគេមិនបានសប្បាយរីករាយ ចំពោះការលះបង់របស់ពួកគេឡើយ ពន្លឺស្នាមញញឹម ក្នុងទឹកមុខ និងក្នុងកែវភ្នែកដែលពួកគេ ធ្វើការយ៉ាងនឿយហត់ដើម្បីចលនារបស់ពួកយើង ហើយនៅតែអាចញញឹមមកកាន់យើងបាន វាបញ្ចាក់បាននូវមនោសញ្ជេតនាមួយ ដែលកប់ជ្រៅក្នុងជម្រៅដួងចិត្តរបស់ពួកគេ ចំពោះពួកយើង និងចំពោះជនរួមឈាមដទៃទៀតរបស់ពួកគេ ថាពួកគេស្រលាញ់យើង ពួកគេស្រលាញ់សមាជិកគ្រួសារយើង ស្រលាញ់ប្រទេសជាតិរបស់ខ្លួន ពួកគេពេញចិត្តគ្រប់ការលំបាកទាំងអស់ ដើម្បីមនុស្សជាទីស្រលាញ់របស់ពួកគេ។ ពេលលំបាកនឿយហត់ មានវត្តមានពួកគេ ប៉ុន្តែពេលសប្បាយរីករាយ ស្វែងរកពួកគេមិនឃើញឡើយ ទោះបីជាយើងខំសម្លឹងរកពួកគេនៅក្នុងចំណោមពួកយើងនៅក្នុងពេលនេះយ៉ាងណា ក៏ពួកយើងមិនអាចរកឃើញពួកគេនៅក្នុងពេលនេះដែរ តើពួកគេទៅណាអស់ហើយ? ពួកគេលាយើងរហូតហើយ ស្នាមញញឹមដៃលើកគ្រវីទង់ ដែលយើងធ្លាប់ឃើញយុទ្ធមិត្តរបស់ពួកយើង ចូលរួមជាមួយយើង ពេលនេះយើងលែងបានឃើញជារៀងរហូតហើយ ។

ជាបន្តបន្ទាប់​ពួកយើង ម្នាក់ៗនឹងអវត្តមានក្នុងព្រឹត្តិការណ៍បែបនេះ ជាបន្តបន្ទាប់ដូចពួកគេដែរ យើងនឹងអវត្តមានពីចលនារបស់ពួកយើងដែលផ្តល់នូវការងារដ៏ជក់ចិត្ត ពេញមួយជីវិតរបស់យើងម្តងម្នាក់ៗជារៀងរហូតទៅ។ យុទ្ធមិត្តដែលធ្លាប់គៀកស្មាប្រយុទ្ធ ក្នុងសមរភូមិរបស់ពួកយើង ពួកគេបានលាយើងរហូតហើយ តែអនុស្សាវរីយ៍ដែលមានចំពោះគ្នា មិនរលត់តាមពេលវេលាទៅឡើយ មិត្តទៅអោយបានសុខចុះ មុននឹងយើងលាគ្រួសារយើងទៅតាមមិត្ត យើងនឹងប្រើពេលវេលារបស់យើងដែលនៅសេសសល់ បន្តការងារឧត្តមគតិ សម្រាប់កូនចៅរបស់យើងជំនាន់ក្រោយ ពួកយើងដឹងយ៉ាងច្បាស់ថា វាជាបំណងប្រាថ្នាពេញមួយជីវិតរបស់មិត្ត យើងនឹងមិនធ្វើអោយមិត្តអស់សង្ឃឹមឡើយ។

🙏លោកពូជាទីគោរព🙏
ពួកក្មួយៗជាកូនពូ ពូរស់ព្រោះតែមានពួកកូននេះហើយ។ ពូខ្លោចផ្សាស្លាប់បិទភ្នែកមិនជិតទេ បើពូមិនបានធ្វើអ្វីដែលពូត្រូវតែធ្វើអោយអស់សមត្ថភាពដើម្បីពួកកូន មួយដង្ហើមមុនស្លាប់ ក៏ជាដង្ហើមសម្រាប់ការងារកូនៗដែរ។ ពួកក្មួយៗអាចរវល់នឹងកិច្ចការផ្សេងមានកិច្ចការកូនប្តីប្រពន្ធម្តាយឪពុកនិងកិច្ចការសង្គមខ្លះ តែពូ ពូគ្មានការងារអ្វីក្រៅពីរឿងពួកក្មួយៗទេ បើគ្មានកិច្ចការជួយមនុស្សទេ បើអវត្តមានពូ ក្មួយៗបានសុខហើយ រស់មានគោលដៅហើយ ចិត្តពូ ពូសូមក្លាយជាខ្យល់ អោយរលីងរលោងធេង អស់វត្តមានពូពីភពផែនដីនេះទៅ តែពូគិតយ៉ាងណាដឹងថាមនុស្សច្រើនណាស់ត្រូវការពូ ពូឈានជើងចាកចេញមិនរួចទេ។ ពូដឹងថា ក្រៅពីទឹកចិត្ត ពូនៅមានបញ្ញា ដែលពូសម្លឹងទៅគ្មានអ្នកណាអាចជំនួសពូបានទេ។ ចុះបើចិត្តពូ ព្រួយបារម្ភពីសុខទុក្ខរបស់ក្មួយៗគ្រប់ដង្ហើមចេញចូលយ៉ាងៗនេះ រឿងអ្វីដែលក្មួយគិតដល់ ហើយបែរជាពូទៅជាគិតមិនដល់ទៅវិញ? ដូចជារឿងនយោបាយជាដើម ពូឃើញLDPច្រើនណាស់ធ្វើដូចជាគេជាអ្នកគិតគូរពីនយោបាយជួយរាស្រ្ដច្រើនជាងពូអញ្ចឹង តើរឿងពិតវាអាចទៅជាបែបនេះកើតទេ? នយោបាយឬ? អោយតែអ្នកទាំងនោះគិតពីនយោបាយរៀបចំស្រុកទេសបានមួយរោមជើងពូទៅល្អហើយ ទោះបីពូដេក ដើរ ឈរ អង្គុយ អ្វីដែលពួកគេគិត ពួកគេនិយាយថាពួកគេគិត គឺទៅមិនហួសផុតពីរឿងពូគិតទេ កំណើតពូជាកំណើតអ្នកគិតគេ ពូគ្មានការងារអ្វីក្នុងជីវិត ក្រៅពីរឿងគិតគេនោះទេ។ ចុះបើគ្រាន់តែរឿងអាចម៍ការកំប៉ិកកំប៉ុកដែលពួកគេជំនុំក្បាលគ្នា ហើយថាគេកំពុងតែគិតនោះ តើរឿងប៉ុនៗហ្នឹង វាអាចរំលងអំពីវិស័យជាអ្នកគិតដូចពូឬ? សូមក្មួយៗស្ងប់ចិត្តចុះ ក្មួយប្រឹងអានសំណេរពូ ពន្យល់អំពីធម៌អោយយល់ទៅ រឿងដែលពួកគេកំពុងតែគិតនោះ វាគ្មានទៅហួសពីវិស័យអ្នកគិតទេ។ បើពូប្រាប់អោយពួកក្មួយៗស្ងប់ គឺពូមានហេតុផលហើយ ស្គាល់ចរិតពូទេក្មួយ? កំណើតពូកើតមកគឺដើម្បីគិតគេហ្នឹងហើយ រកវិធីដោះស្រាយបញ្ហារបស់គេហ្នឹងហើយ។ អ្វីដែលគេជំនុំគ្នាថាគេកំពុងតែគិត ពូប្រាប់ថាមិនបានចុងក្រចកនឹងរឿងពូគិតទេ។ សូមក្មួយៗរីករាយនឹងជីវិតជាកូនពូ ឪពុកដឹងថាសេចក្ដីសុខរបស់ពួកកូនៗគឺជាអ្វីហើយ ពូមិនភ្លើទេ។ សូមក្មួយៗរីករាយនឹងសំណាងរបស់ខ្លួន និងសំណាងរបស់ពូជសាសន៍ខ្លួនចុះ ពូជសាសន៍នេះទោះធ្លាក់ដល់កម្រិតណាក៏ដោយ ក្មួយចាំសម្ដីពូទុកចុះ ត្រូវតែបានជាទីពឹងគេក្នុងលោក ហើយត្រូវតែក្នុងជំនាន់របស់ពួកក្មួយៗនេះតែម្ដងណាក្មួយ។

ដែលហៅថាមនុស្សអត្តាគឺក្នុងអារម្មណ៍ដឹងថាមនុស្ស ដើរចូលមកហ្នុងក្នុងអារម្មណ៍យើងមានអារម្មណ៍ថាហ្នុងគឺមនុស្សហើយ។ នេះគឺមនុស្សអត្តា ស្គាល់ជាអារម្មណ៍របស់យើង។ ចំណែកមនុស្សអនត្តា ពេលនិយាយពីមនុស្ស ក្នុងអារម្មណ៍យើងដឹងជាអារម្មណ៍ថា គឺសំបកមួយ និងខ្សែកំលាំងដឹងមួយ ចុះបើជាខ្សែដឹងបញ្ច្រាសទៅហើយ តើមនុស្សអនត្តាហ្នឹងនៅសង្ឃឹមលើអ្វីទៀត? ខ្សែរដឹងពេលដឹងគឺដឹងជាអារម្មណ៍ ចុះបើអារម្មណ៍បញ្រ្ចាសទៅហើយ តើមនុស្សអនត្តាហ្នឹងប្រើការដឹងស្អីកើតទៀត? ឆ្កួតបាត់ទៅហើយហ្នឹង៕

អ្នកគិតដោយស្មោះត្រង់ដើម្បីឲ្យវិញ្ញាណអ្នកដឹងទៅមើល៖លោកសម្ភារៈ គឺដើម្បីសេចក្តីសុខរបស់រាងកាយទេតើ សំបូរសុី គឺទ្រទ្រង់រាយកាយ ស្រួលកន្លែងស្នាក់នៅឡានម៉ូតូ របស់របរដែលកើតពីបច្ចេកវិទ្យាផ្សេងៗ គឺសម្រួលបានតែសេចក្តីត្រូវការរបស់កាយតែប៉ុណ្ណោះ ទោះសម្រួលអារម្មណ៍ភេទ ក៏ជាអារម្មណ៍ដែលជាក្តីត្រូវការរបស់រាងកាយដែរ។ តែកុំភ្លេចលោកសម្ភារៈ ក៏វាមានឥទ្ធិពលបំពុលវិញ្ញាណឲ្យពុលដែរ។ វិញ្ញាណដែលពុលនឹងលោកសម្ភារៈ គឺពុលនឹងភវតណ្ហា។ លោកសម្ភារៈកាន់តែទំនើប កាន់តែសម្រួលដល់អារម្មណ៍ត្រូវការរបស់កាយ នោះកាន់តែបំពុលខ្លាំងឡើងទៅដល់វិញ្ញាណសត្វ ហើយសត្វគឺវិញ្ញាណហ្នឹងហើយ បើវិញ្ញាណកាន់តែពុលកាន់តែវក់វី កាន់តែលែងស្គាល់ស្អីជាស្អី នោះវិញ្ញាណកាន់តែចុះទុគ្គតិភពកាន់តែច្រើន និងចុះជ្រៅទៅៗហើយ។ ព្រហ្មរក្សាលោកមានតួនាទីថែរក្សាមើលខុសមើលត្រូវវិញ្ញាណសត្វមួយលោក ដូច្នេះ ព្រហ្មរក្សាលោកត្រូវមកយោងកំនើតជាមនុស្សដើម្បីជួយបំភ្លឺវិញ្ញាណសត្វនាសម័យដែលវិញ្ញាណសត្វកំពុងតែពុលខ្លាំងបានត្រូវហេតុផល ហើយវិញ្ញាណសត្វពុលខ្លាំងគឺសម័យរីកចំរើនលោកសម្ភារៈនេះហើយ ដូច្នេះព្រហ្មរក្សាលោក ត្រូវយោងកំណើតជាមនុស្សនាសម័យបច្ចេកវិទ្យាហ្នឹងឯង។ សម័យព្រះពុទ្ធព្រះអង្គត្រាស់ដឹង ជាសម័យអតីតកាល ចំពោះបច្ចុប្បន្នយើងនេះ ហើយសម័យបច្ចុប្បន្នយើងនេះ នឹងក្លាយទៅជាសម័យអតីតកាលនៅសម័យនាសម័យបញ្ចប់អំណាចត្រាស់ដឹងរបស់ព្រះពុទ្ធព្រះនាមសមណគោតម និងសម័យបន្ទាប់ទៅទៀត។ ពូដូចមនុស្សដែលមានអាយុអមតៈម្នាក់ កំពុងប្រឹងពន្យល់វិញ្ញាណសត្វដែលស្លាប់ទៅហើយកើតមកវិញ ពួកគេភ្លេចអស់រលីងរឿងអតីតកាលរបស់ខ្លួន ឲ្យយល់ដំណើរធម្មជាតិ ឲ្យដឹងអតីតកាលរបស់ខ្លួនថាដំណើរជីវិតរបស់ពួកគេនិងពិភពលោករបស់ពួកគេហ្នឹងវាមានដំណើរយ៉ាងម៉េច អ៉ីចឹង។ អ្នកណាស្តាប់ពូពន្យល់ដោយស្មោះត្រង់ ពួកគេនឹងបានយល់ពីខ្លួនគេ និងពិភពលោករបស់គេ ថាវាមានដំណើរយ៉ាងម៉េច នេះគឺធម៌៕