វិទ្យាល័យកំពង់ក្ដី/Kompong Kdei High School

ថ្ងៃអាទិត្យ ២កើត ខែបុស្ស ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២១ ខែធ្នូ ឆ្នាំ២០២៥ លោកនាយក នាយករង លោកគ្រូអ្នកគ្រូ និងសិស្សានុសិស្ស បានរួបរួមគ្នាធ្វើចង្ហាន់ពេលព្រឹក ប្រគេនព្រះសង្ឃ ដើម្បីឧទ្ទិសផលបុណ្យដល់វីរៈកងទ័ពដែលបានពលីជីវិតនៅសមរភូមិមុខ និងចែកជូនម្ហូបមួយពេលដល់ភៀសសឹកផងដែរ។
សូមឱ្យកុសលផលបុណ្យនេះតាមជួយដល់វីរៈកងទ័ព ក៏ដូចជាប្រជាប្រុសស្រីជួបតែសេចក្តីសុខ និងសូមឱ្យប្រទេសខ្មែរទទួលបានសន្តិភាពឆាប់ៗ🙏🙏🙏🇰🇭
#ខ្មែរដើម្បីខែ្មរ

🙏សូមថ្លែងអំណរគុណដល់លោក កៅ ប៊ុនធី និងភរិយា ព្រមទាំងបុត្រ បានឧបត្ថម្ភអង្ករចំនួន២៤០គីឡូ ដល់វិទ្យាល័យកំពង់ក្តីសម្រាប់ចែកជូនដល់ប្អូនៗភៀសសឹកដែលមករៀននៅទីនេះ ។
🙏សូមជូនពរលោក និងក្រុមគ្រួសារជួបនូវពុទ្ធពរទាំងបួនប្រការគឺអាយុ វណ្ណៈ សុខៈ ពលៈកុំប្បីឃ្លៀងឃ្លាតឡើយ។

វិទ្យាល័យកំពង់ក្តី ទទួលសិស្សភៀសសឹកចូលរៀននិងស្នាក់នៅ

📔ថ្ងៃសៅរ៍ ១១កើត ខែកត្តិក ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី០១ ខែវិច្ឆិកា ឆ្នាំ២០២៥ បានធ្វើពិធីបើកបវេសនកាលឆ្នាំសិក្សាថ្មី២០២៥-២០២៦ ដោយមានដោយមានការចូលរួមពី ភិបាលរងស្រុក តំណាងខាងមន្ទីរអប់រំយុវជន និងកីឡាខេត្តសៀមរាប ប្រធានការិយាល័យអប់រំស្រុក កងរាជអាវុធហត្ថស្រុក មេឃុំ លោក/លោកស្រី អាណាព្យាបាលសិស្ស យុវជនសសយក កាកបាទក្រហមកម្ពុជា និងសិស្សានុសិស្ស។
🙏សូមជូនពរដល់គណៈអធីបតី ភ្ញៀវកិត្តិយសជួបនូវសេចក្តីសុខ សុវត្ថិភាព និងជផគជ័យគ្រប់ភារកិច្ច។

គណ:គ្រប់គ្រងវិទ្យាល័យ កំពង់ក្ដី ទាំងបីនាក់សូមថ្លែងអំណរអរគុណដល់លោកគ្រូអ្នកគ្រូដែលខិតខំបង្ហាត់បង្រៀនសិស្សានុសិស្សបានទទួលលទ្ធផលល្អមិនធ្លាប់មានសិស្សថ្នាក់ទី១២ទទួលចំណាត់ថ្នាក់លេខ២ទូទាំងខេត្តសៀមរាប។
សូមលោកគ្រូអ្នកគ្រូទទួលបានពុទ្ធពរ៤ប្រការ អាយុ វណ្ណ: សុខ: ពល: កុំបីឃ្លៀង ឃ្លាតឡើយ។(០១.១១.២០២៥)

បន្ទប់រៀនឆ្លាតវៃ ទំនើបរៀបចំរួច100%

ថ្ងៃសុក្រ ៤កើត ខែអស្សុជ ឆ្នាំម្សាញ់ សប្តស័ក ពុទ្ធសករាជ២៥៦៩ ត្រូវនឹងថ្ងៃទី២៦ ខែសីហា ឆ្នាំ២០២៥ ឆ្នាំនេះចម្លែកទឹកចូលមកលេងវិទ្យាល័យកំពង់ក្តីច្រើនណាស់ ស្វាគមន៍ឆ្នាំសិក្សាថ្មី។

🎊សូមអបអរសាទរក៏ដូចជាបង្ហាញមុខប្អូនៗទាំង១៧រូបដែលទទួលបាននិទ្ទេសA ក្នុងការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ២៨ សីហា ២០២៥ ប្រចាំឆ្នាំសិក្សា២០២៤-២០២៥🎉🎉

🎉សូមចូលរួមអបអរសាទរដល់ប្អូនៗដែលបានប្រឡងជាប់សញ្ញាបត្រមធ្យមសិក្សាទុតិយភូមិ និងចូលរួមសោកស្តាយដល់ប្អូនៗដែលមិនទទួលបានលទ្ធផលល្អ🙂

សុខទុក្ខយ៉ាងណាហើយប្អូនៗទី១២ ស្អែកប្រកាសលទ្ធផលហើយ⌚️