នាទីអក្សរសាស្ត្រខ្មែរ

ឈើវៀចធ្វើកង់ ឈើត្រង់ធ្វើកាំ
សុភាសិតនេះ​ចង់ឲ្យយើងចេះស្គាល់ពីចិត្តសាស្ត្រមនុស្សឲ្យបានស៊ីជម្រៅដោយហេតុថាក្នុងសង្គមនេះមានមនុស្សជាច្រើនដែលពោរពេញដោយសមត្ថភាព និងទេពកោសល្យផ្សេងៗគ្នា ហេតុនេះយើងត្រូវប្រើពួកគេទៅតាមជំនាញ។យើងមិនត្រូវមើលងាយគេទេ ត្រូវចេះគ្រប់គ្រង ប្រើប្រាស់ពួកគេទៅតាមការគួរ។
#អក្សរសាស្ត្រខ្មែរ
#អក្សរសិល្ប៍ខ្មែរ
#សុភាសិតខ្មែរ

ខ្លួនទាបកុំតោង ដៃខ្លីកុំឈោង ស្រវាឱបភ្នំ
តើបងប្អូនយល់យ៉ាងណាដែរចំពោះសុភាសិតនេះ?
#អក្សរសាស្ត្រខ្មែរ
#សុភាសិតខ្មែរ

«បុរសសង្ហាដោយវិជ្ជា នារីសោភាដោយចរិយា»
🤜 សេចក្ដីពន្យល់៖ «បុរសសង្ហា» មិនមែនជាបុរសដែលឆើតឆាយឡូយសង្ហានោះទេ គឺសំដៅលើបុរសដែលមានចំណេះដឹង និងសីលធម៌ ចេះឲ្យតម្លៃ និងគោរពអ្នកដទៃ។ «នារីសោភាដោយចរិយា» គឺសំដៅទៅលើនារីដែលមានឥរិយាបថ និងចរិតសមសួន សមជានារីខ្មែរ គឺមិនមែនសម្គាល់លើមនុស្សស្រីដែលស្រស់ស្អាតត្រឹមតែសម្បកក្រៅនោះឡើយ។
#អក្សរសាស្ត្រខ្មែរ
#អក្សរសិល្ប៍ខ្មែរ
#សុភាសិតខ្មែរ

រលកក្រោយច្រានរលកមុខ
ដំណើរជីវិតចេះតែទៅមុខរហូត ថ្ងៃនេះយើងខ្លាំងពូកែមិនប្រាកដ​ថា​ខ្លាំងរហូតនោះទេ រមែងមានអ្នកក្រោយមកទៀត ហេតុ​នេះ​យើងត្រូវចេះទទួលស្គាល់ច្បាប់ធម្មជាតិដោយមិនអាចប្រកែកបាន។
ចូររៀនទទួលស្គាល់ការពិត ហើយខំបណ្ដុះអ្នកជំនាន់ក្រោយបន្តទៀត។
#សុភាសិតខ្មែរ
#អក្សរសាស្ត្រខ្មែរ
#អក្សរសិល្ប៍ខ្មែរ

ចេះពីរៀន មានពីរក
#អក្សរសាស្ត្រខ្មែរ
#សុភាសិតខ្មែរ

ស្ដេចយល់ប្អូនមាស
ពិតពុំឆ្លើយឆ្លាស
ទើបក្សត្រចោមចៅ
បែរបៀតចូលជិត
ដល់ជិតប្អូនពៅ
ថ្នមដាក់លើភ្លៅ
បបោសអង្គា។
កកៀកជួញជិត
ថើបថែស្នេហ៍ស្និទ្ធ
រួមរស់ប្អូនភ្ងា
រួមឯកអង្គប្រាណ
មិនមានឃ្លាតឃ្លា
ដូចកលព្រះរា
ចាប់ចន្ទរាហូ។

(និពន្ធដោយបណ្ឌិតស្អាត ឬសម្អាត រឿងព្រះចន្ទគោរព ឬនាងមុច្ចលិន)

#អក្សរសាស្ត្រខ្មែរ

#អក្សរសិល្ប៍ខ្មែរ