Angkor Heritage Practice

Call Directions Contact the school

Angkor Heritage Practice �To raise public awareness on issues relevant to the conservation of the Angkor zones​ & Promote Khmer culture

17/08/2026

ក្រោយពីសិក្សារួច កុមារបានបង្កើតបរិយាកាសកម្សាន្តដ៏សប្បាយរីករាយ ជាមួយការច្រៀងបទចម្រៀងមួយបទរួមគ្នាជាមួយមិត្តភក្តិ ក្រោមបរិយាកាសធម្មជាតិ និងមរតកប្រាសាទបុរាណ។ ការជួបជុំគ្នា និងច្រៀងចម្រៀង បានបន្ថែមភាពស្រស់ស្អាតដល់ការសិក្សាក្រៅថ្នាក់។

នៅថ្ងៃទី12 ខែសីហា ឆ្នាំ2026 កម្មវិធីអប់រំបេតិកភណ្ឌ បាននាំសិស្សសាលាបឋមសិក្សាវត្តលលៃ រៀនផាត់ពណ៌តួអក្សរខ្មែរបុរាណ និងរៀនសូត...
17/08/2026

នៅថ្ងៃទី12 ខែសីហា ឆ្នាំ2026 កម្មវិធីអប់រំបេតិកភណ្ឌ បាននាំសិស្សសាលាបឋមសិក្សាវត្តលលៃ រៀនផាត់ពណ៌តួអក្សរខ្មែរបុរាណ និងរៀនសូត្រអំពីប្រវត្តិអក្សរខ្មែរ និងប្រវត្តប្រាសាទលលៃផងដែរ។ ប្រាសាទលលៃមានឈ្មោះដើម ហៅថា ឥស្វរលោក។ ឥស្វរលោក ត្រូវបានសាងសង់ឡើងនៅឆ្នាំ ៨៩៣ នៃគ.ស (ចុងសតវត្សរ៍ទី៩) ក្នុងរជ្ជកាល ព្រះបាទយសោវរ្ម័នទី១។ ប្រាសាទលលៃមានប្រាង្គចំនួន ៤ ដែលរៀបចំជាក្រុមនៅលើខឿនតែមួយ ហើយត្រូវបានឧទ្ទិសថ្វាយដល់ព្រះឥសូរ ក្នុងព្រហ្មញ្ញសាសនា ព្រមទាំងឧទ្ទិសសងគុណ និងជាការរំឭកដល់បុព្វការីជន (ព្រះមាតា បិតា ជីដូន និងជីតា) របស់ព្រះអង្គផងដែរ។ ប្រាសាទលលៃ ស្ថិតនៅក្នុងក្រុមប្រាសាទនៃរាជធានីហរិហរាល័យដែលស្ថិតនៅលើកោះកណ្ដាលបារាយណ៍ឥន្ទ្រតដាក។ ទីតាំងនេះជាផ្នែកមួយនៃបណ្តាញសំណង់ទឹក និងសាសនាសំខាន់ៗ របស់រាជធានីហរិហរាល័យ ដែលស្ថិតនៅតំបន់រលួស។
ការរៀននៅទីតាំងពិតជាធ្វើឱ្យចំណេះដឹងក្លាយជាបទពិសោធន៍ និងបណ្តុះស្មារតីស្រឡាញ់អត្តសញ្ញាណជាតិ។ នៅប្រាសាទលលៃ មានអក្សរខ្មែរបុរាណដ៏ស្អាតប្រណិតជាងគេ ដែលមានរឿងរ៉ាវប្រវត្តសាស្រ្តសំខាន់ៗ ជាច្រើន ដែលមិនមែនជាស្នាមចារលើថ្មប៉ុណ្ណោះទេ ប៉ុន្តែជាសំឡេងនៃអតីតកាល និងជាមរតកចំណេះដឹងដែលបន្តនិយាយទៅកាន់កូនចៅខ្មែរ។ ការបញ្ចូលមុខវិជ្ជា «សិលាចារឹក» គឺជាការដាំគ្រាប់ពូជនៃចំណេះដឹងសម្រាប់អនាគតដើម្បីឱ្យកុមារជំនាន់នេះក្លាយជាអ្នកស្គាល់ ស្រឡាញ់ និងបន្តការពារបេតិកភណ្ឌជាតិរបស់ខ្លួន។

នៅថ្ងៃទី០៧ ខែសីហា ឆ្នាំ២០២៦ កម្មវិធីអប់រំបេតិកភណ្ឌ បានដឹកនាំសិស្សសាលាបឋមសិក្សាបាគង ទៅទស្សនាប្រាសាទបាគង និងផាត់ពណ៌រូបភាពន...
07/08/2026

នៅថ្ងៃទី០៧ ខែសីហា ឆ្នាំ២០២៦ កម្មវិធីអប់រំបេតិកភណ្ឌ បានដឹកនាំសិស្សសាលាបឋមសិក្សាបាគង ទៅទស្សនាប្រាសាទបាគង និងផាត់ពណ៌រូបភាពនៅក្នុងមេរៀន។ សិស្សានុសិស្សបានយល់ដឹងពីឫសគល់នៃទឹកដីកំណើត ប្រវត្តិសាស្ត្រ ប្រាសាទបុរាណ នៅទីក្រុងបុរាណខ្មែរហរិហរល័យ ដែលមានប្រាសាទបាគងស្ថិតនៅចំកណ្តាល ស្គាល់ពីអរិយធម៌ដ៏រុងរឿងរបស់ដូនតា ពីទេពផ្សេងៗ ក្នុងសាសនា និងអត្តសញ្ញាណជាតិ តាមរយ:ការផាត់ពណ៌រូបភាពនៅបរិវេណប្រាសាទ។ ការយល់ដឹងនេះ គឺជាគ្រឹះដ៏រឹងមាំក្នុងការបណ្តុះស្មារតីស្រឡាញ់ជាតិ លើកតម្លៃអត្តសញ្ញាណជាតិ និងជំរុញឱ្យក្មេងៗ ជំនាន់ក្រោយចូលរួមអភិរក្ស ការពារ និងបន្ត មរតកវប្បធម៌ជាតិឱ្យគង់វង្សសម្រាប់មនុស្សជំនាន់ក្រោយ។
ហរិហរល័យ (តំបន់រលួស) គឺជារាជធានីដំបូងនៃចក្រភពខ្មែរក្នុងសម័យអង្គរ។ បន្ទាប់ពីព្រះបាទជ័យវរ្ម័នទី២ ទ្រង់បានប្រកាសឯករាជ្យពីជ្វានៅលើភ្នំគូលែន នាឆ្នាំ៨០២ ព្រះអង្គបានរំកិលរាជធានីមកកាន់ហរិហរល័យ និងគ្រប់គ្រងរហូតដល់សោយទិវង្គតនៅឆ្នាំ៨៥០។ ក្នុងរាជ្យព្រះបាទឥន្ទ្រវរ្ម័នទី១ (៨៧៧–៨៨៩) ហរិហរល័យបានអភិវឌ្ឍក្លាយជារាជធានីដ៏រុងរឿង និងជាមជ្ឈមណ្ឌលនយោបាយ សាសនា និងវប្បធម៌ដ៏សំខាន់។ សម័យនេះបានបន្សល់ទុកស្នាដៃស្ថាបត្យកម្មដ៏លេចធ្លោ ដូចជា ប្រាសាទព្រះគោ ប្រាសាទបាគង ប្រាសាទលលៃ និង បារាយណ៍ឥន្ទ្រតដាក ដែលជាអាងស្តុកទឹកដ៏ធំ និងជាសមិទ្ធផលវិស្វកម្មដ៏អស្ចារ្យ។ ក្រោយមក ព្រះបាទយសោវរ្ម័នទី១ បានផ្លាស់ប្តូររាជធានីទៅកាន់ យសោធរបុរៈ ដែលជាចំណុចចាប់ផ្តើមនៃការរីកចម្រើនដ៏ខ្ពង់ខ្ពស់នៃអរិយធម៌អង្គរ។
ហរិហរល័យ មិនត្រឹមជាអតីតរាជធានីប៉ុណ្ណោះទេ ប៉ុន្តែថែមទាំងជាមូលដ្ឋានគ្រឹះនៃអរិយធម៌អង្គរ និងជាសក្ខីភាពបង្ហាញពីប្រាជ្ញា សិល្បៈ និងសមត្ថភាពវិស្វកម្មដ៏ឆ្នើមរបស់បុព្វបុរសខ្មែរ ដែលមានតម្លៃមិនអាចកាត់ថ្លៃបាន និងគួរឱ្យយើងរួមគ្នាអភិរក្សសម្រាប់មនុស្សជំនាន់ក្រោយ។

នៅថ្ងៃទី0៤ ខែសីហា ឆ្នាំ២០២៦ កម្មវិធីអប់រំបេតិកភណ្ឌ បានរៀបចំដំណើរទស្សន:កិច្ចសិក្សាអំពីការជួសជុល និងអភិរក្សកុលាលភាជន៍នៅទីស...
05/08/2026

នៅថ្ងៃទី0៤ ខែសីហា ឆ្នាំ២០២៦ កម្មវិធីអប់រំបេតិកភណ្ឌ បានរៀបចំដំណើរទស្សន:កិច្ចសិក្សាអំពីការជួសជុល និងអភិរក្សកុលាលភាជន៍នៅទីស្នាក់ការអាជ្ញាធរជាតិអប្សរា ជូនសិស្សថ្នាក់ទី៥ ចំនួន២ ថ្នាក់ សរុប៧០នាក់ នៃសាលាបឋមសិក្សាតាប៉ាង ស្រុកប្រាសាទបាគង។
តាមរយៈមន្ត្រីជំនាញ និងជាគ្រូបង្គោលក្នុងកម្មវិធីអប់រំបេតិកភណ្ឌ លោកឆាយ រចនា និងមន្រ្តីបច្ចេកទេសខាងកុលាលភាជន៍ផ្សេងទៀត បានពន្យល់ និងបង្ហាញសិស្សានុសិស្សស្វែងយល់ពីតម្លៃកុលាលភាជន៍ដែលរកឃើញពីការកំណាយបុរាណវិទ្យានៅស្ថានីយផ្សេងៗ នាសម័យអង្គរ និងរបកគំហើញលើដីទំនេរ របៀបកំណត់សំគាល់ប្រភេទកុលាលភាជន៍ខ្មែរ និងចិនជាមួយក្បាច់លំអនានា បច្ចេកទេសសូន្យ ដុតកំដៅ វាស់ប្រវែងគូរកុលាលភាជន៍ ក្រោយមករៀនជួសជុល ឬផ្គុំកុលាលភាជន៍ឡើងវិញ។ ជាពិសេស ក្មេងៗ បានសាកល្បងផលិតស្មូនត្រាប់តាមវត្ថុបុរាណដោយផ្ទាល់។ កម្មវិធីនេះមានសិក្សាទ្រឹស្តីក្នុងថ្នាក់រៀន និងចុះមកសិក្សារៀនសូត្រផ្ទាល់នៅទីតាំងអភិរក្ស ក្នុងគោលបំណងបណ្តុះការយល់ដឹងពីតម្លៃវត្ថុសិល្ប:ខ្មែរ ប្រវត្តិសាស្ត្រ វប្បធម៌ និងជំរុញស្មារតីចូលរួមអភិរក្សមរតកដូនតា។

កម្មវិធីអប់រំបេតិកភណ្ឌ បានដឹកនាំសិស្សវិទ្យាល័យហ៊ុន សែនប្រាសាទបាគង ទស្សនាប្រាសាទព្រះគោ កាលពីថ្ងៃទី១៧ មិថុនា ឆ្នាំ២០២៦។ ត...
05/08/2026

កម្មវិធីអប់រំបេតិកភណ្ឌ បានដឹកនាំសិស្សវិទ្យាល័យហ៊ុន សែនប្រាសាទបាគង ទស្សនាប្រាសាទព្រះគោ កាលពីថ្ងៃទី១៧ មិថុនា ឆ្នាំ២០២៦។ តាមរយៈការសិក្សាស្វែងយល់ពីទីក្រុងបុរាណហរិហរល័យ សិស្សានុសិស្សបានយល់ដឹងពីឫសគល់នៃទឹកដីកំណើត ប្រវត្តិសាស្ត្រ និងអរិយធម៌ដ៏រុងរឿងរបស់បុព្វបុរសខ្មែរ។ ការយល់ដឹងនេះ គឺជាគ្រឹះដ៏រឹងមាំក្នុងការបណ្តុះស្មារតីស្រឡាញ់ជាតិ លើកតម្លៃអត្តសញ្ញាណជាតិ និងជំរុញឱ្យយុវជនជំនាន់ក្រោយចូលរួមអភិរក្ស ការពារ និងបន្ត មរតកវប្បធម៌ជាតិឱ្យគង់វង្សសម្រាប់មនុស្សជំនាន់ក្រោយ។
វាគ្មិនកិត្តិយសដែលជាថ្នាក់ដឹកនាំ និងមន្ត្រីជំនាញរបស់អាជ្ញាធរជាតិអប្សរាចំនួន ៤រូប បានផ្តល់កិត្តិយសធ្វើបទបង្ហាញលើប្រធានបទសំខាន់ៗចំនួន៤ផ្សេងៗគ្នា។ ក្នុងនោះ ឯកឧត្តម អ៊ឹម សុខរិទ្ធី បានធ្វើបទបង្ហាញលើប្រធានបទ «ប្រវត្តិសាស្ត្រតំបន់រលួស»។
លោក អន សុភាព បានពង្រីកចំណេះដឹងប្រធានបទ «ប្រវត្តិសាស្ត្រសិល្បៈ និងរចនាបថប្រាសាទព្រះគោ»។
លោក វង្ស សាវុទ្ធី ប្រធានបទ «សិលាចារឹកប្រាសាទព្រះគោ»
និងចុងក្រោយគឺលោក សារ៉ាយ គឹមហួល បទបង្ហាញស្តីពី «ការអភិរក្ស និងជួសជុលប្រាសាទព្រះគោ»។
ហរិហរល័យ (តំបន់រលួស) គឺជារាជធានីដំបូងនៃចក្រភពខ្មែរក្នុងសម័យអង្គរ។ បន្ទាប់ពីព្រះបាទជ័យវរ្ម័នទី២ ទ្រង់បានប្រកាសឯករាជ្យពីជ្វានៅលើភ្នំគូលែន នាឆ្នាំ៨០២ ព្រះអង្គបានរំកិលរាជធានីមកកាន់ហរិហរល័យ និងគ្រប់គ្រងរហូតដល់សោយទិវង្គតនៅឆ្នាំ៨៥០។ ក្នុងរាជ្យព្រះបាទឥន្ទ្រវរ្ម័នទី១ (៨៧៧–៨៨៩) ហរិហរល័យបានអភិវឌ្ឍក្លាយជារាជធានីដ៏រុងរឿង និងជាមជ្ឈមណ្ឌលនយោបាយ សាសនា និងវប្បធម៌ដ៏សំខាន់។ សម័យនេះបានបន្សល់ទុកស្នាដៃស្ថាបត្យកម្មដ៏លេចធ្លោ ដូចជា ប្រាសាទព្រះគោ ប្រាសាទបាគង ប្រាសាទលលៃ និង បារាយណ៍ឥន្ទ្រតដាក ដែលជាអាងស្តុកទឹកដ៏ធំ និងជាសមិទ្ធផលវិស្វកម្មដ៏អស្ចារ្យ។ ក្រោយមក ព្រះបាទយសោវរ្ម័នទី១ បានផ្លាស់ប្តូររាជធានីទៅកាន់ យសោធរបុរៈ ដែលជាចំណុចចាប់ផ្តើមនៃការរីកចម្រើនដ៏ខ្ពង់ខ្ពស់នៃអរិយធម៌អង្គរ។
ហរិហរល័យ មិនត្រឹមជាអតីតរាជធានីប៉ុណ្ណោះទេ ប៉ុន្តែថែមទាំងជាមូលដ្ឋានគ្រឹះនៃអរិយធម៌អង្គរ និងជាសក្ខីភាពបង្ហាញពីប្រាជ្ញា សិល្បៈ និងសមត្ថភាពវិស្វកម្មដ៏ឆ្នើមរបស់បុព្វបុរសខ្មែរ ដែលមានតម្លៃមិនអាចកាត់ថ្លៃបាន និងគួរឱ្យយើងរួមគ្នាអភិរក្សសម្រាប់មនុស្សជំនាន់ក្រោយ។

23/01/2026

ចាប់ត្រីបុណ្យឡើងមាឃនៅភូមិត្នោត

22/01/2026

កម្មវិធីអប់រំបេតិកភណ្ឌសម្រាប់កុមារ និងយុវជន វគ្គសិក្សាបន្ត និងវគ្គសិក្សាថ្មីសម្រាប់ឆ្នាំ2025-2026 មាន៥សាលារៀនដូចជា÷ វិទ្យាល័យ ហ៊ុន សែន ប្រាសាទបាគង សាលាបឋមសិក្សាបាគង ក្របីរៀល លលៃ និងសាលារៀនតាប៉ាង។ នេះជាកម្មវិធីពិសេសជាងគេសម្រាប់យុវជនរស់នៅក្នុងតំបន់អង្គរ ដែលជាអ្នកបន្តវេនដែលត្រូវដឹងច្រើនជាងគេ ស្គាល់ខ្លួនឯងអោយបានច្បាស់លាស់ ដើម្បីបន្តវេន ថែរក្សាសម្បត្តិមរតកដូនតា។ កម្មវិធីនេះរៀបចំឡើងដោយអាជ្ញាធរអប្សរា សហការណ៍ជាមួយអង្គការមរតកវប្បធម៌ខ្មែរ ហៅកាត់ថា «KHO»។ សិស្សានុសិស្សទាំងអស់នឹងបានសិក្សាពីមុខវិជ្ជាពិសេសៗ សំខាន់ៗ ទាក់ទងនឹងឬស គល់នៃអារ្យធម៌ខ្មែរ រាជធានីអង្គរ ប្រវត្តទឹកដី វប្បធម៌ ប្រពៃណី ទំនៀមទម្លាប់ ជំនឿ កិច្ចពិធី បរិស្ថាន និងសហគមន៍មនុស្សរស់ដែលមានវប្បធម៌ដើមដ៏សំបូរបែប និងជាវិជ្ជាតម្រង់ទិសសម្រាប់ការងារក្នុងវិស័យវប្បធម៌ខ្មែរ។

07/09/2025

សង្ខេបទស្សនកិច្ចសិក្សានៅក្រុងអង្គរធំ នៅថ្ងៃទី២៩ ខែសីហា ឆ្នាំ២០២៥
សិស្សានុសិស្ស និងលោកគ្រូអ្នកគ្រូបានសិក្សាស្វែងយល់ នូវមេរៀនជាច្រើនបន្ថែម តាមរយៈការពន្យល់ ការស្រាវជ្រាវបែបវិទ្យាសាស្រ្ត ការធ្វើកំណាយ ការអង្កេតផ្ទាល់នៅលើទីតាំង និងរឿងព្រេងផ្សាភ្ជាប់ជាមួយកំណើតទឹកដីនគរខ្មែរ ដែលបន្តក្នុងជំនឿដូនតាជាច្រើនជំនាន់ មានភស្តុតាងជាច្រើន ដែលដូនតាខ្មែរបាននិមិ្មតឡើងដើម្បីរំលឹកដល់នគរគោកធ្លកនៅលើ អតីតរាជធានីក្រុងអង្គរធំ ដែលមានសង្ខេបទៅតាមបុរាណដ្ឋាននីមួយៗ ដូចខាងក្រោម៖
១.រាជធានីអង្គរធំមានប្រជាជនរស់នៅប្រហែលពី៧ម៉ឺននាក់ទៅ១៥ម៉ឺននាក់ ជាទីក្រុងដែលមានក្រលាផ្ទៃ៩លានម៉ែត្រការេ ហើយមានការបែងចែកជាសង្កាត់ និងខណ្ឌផ្សេងៗ ដែលមានលំនៅឋាន ប្រាសាទបុរាណ រាជរាំង និងកន្លែងធ្វើការរបស់ស្តេច និងមន្ត្រីផងដែរ។ល។
២.លានជល់ដំរីៈ កសាងឡើងនៅចុងសវទី១២ ក្នុងរាជព្រះបាទជ័យវរ្ម័នទី៧ អ្នកស្រាវជ្រាវយល់ថា ទីនេះជាលានសម្រាប់ស្តេចធ្វើសវនាការជាមួយមន្ត្រីរាជការ ប្រជារាស្រ្តនៅក្នុងនគរ និងជាទីតាំងសម្រាប់រៀបចំវេទិកាជួបជុំដ៏ធំសម្រាប់មនុស្សច្រើននាក់ មន្រ្តីគ្រប់ជាន់ថ្នាក់ ប្រជុំកងទ័ព និងជាកន្លែងធ្វើកម្មវិធីបុណ្យទានផ្សេងៗ សម្តែងសិល្បៈ ពិធីសាសនា ជួបជុំនគរតូចៗ ក្រោមអំណាចជាចំណុះ និងជាកន្លែងរៀបចំកម្មវិធីទទួលស្វាគមន៍ទស្សនកិច្ចធំៗ មកពី បណ្តាលប្រទេសផ្សេងៗផងដែរ។ លានជល់ដំរីមានប្រវែង៣៥០ម៉ែត្រ គឺចាប់ពីទីលានប្រាសាទបាពួន លានជល់ដំរី និងទៅដល់លានស្តេចគម្លង់។ នៅលាននេះមានចម្លាក់យ៉ាងរស់រវើកដូចជាមានចម្លាក់ដំរី និងហ្មរជាច្រើនរឹកហាត់ដំរី ដំរីប្រយុទ្ធជាមួយខ្លា ដំរីក្បាល៣យកប្រមោយកាន់ផ្កាឈូក មានចម្លាក់តោ និងគ្រុឌទ្រជណ្តើរ ចម្លាក់នាគ ចម្លាក់សេះ និងចម្លាក់កីឡាជិះសេះតទល់គ្នា ប្រើដំបងវែងវៃកូនបាល់ផងដែរ។
៣.ប្រាសាទបាពួន កសាងក្នុងសវទី១១ ក្នុងរាជស្តេចព្រះបាទឧទយទិត្យវរ្ម័នទី២ ជាប្រាសាទមានខឿន៣ថ្នាក់ តំណាងភ្នំសុមេរុ ឈ្មោះដើម ត្រីភូវនចូនាមណី កសាងឧទ្ទិសដល់ព្រះឥសូរ បច្ចុប្បន្ននេះមានអាយុកាល១ពាន់ឆ្នាំហើយ។ នៅសម័យកណ្តាលប្រាសាទនេះត្រូវបានកែប្រែទៅជាប្រាសាទព្រះពុទ្ធសាសនាវិញ ដោយសារមានការរៀបចំផ្គុំថ្មនៅផ្នែកខាងលិចប្រាសាទទៅជារូបព្រះពុទ្ធចូលនិព្វានវិញ ប្រជាជនខ្មែរជឿជាក់ និងជ្រះថ្លាខ្លាំងក្នុងព្រះពុទ្ធសាសនាបានកសាងព្រះពុទ្ធដ៏ធំជាងគេនៅអាស៊ីអាគ្នេយ៍នាសម័យនោះ ហើយនៅសម័យនោះនៅស្រុកកំណើតព្រះក៏មិនមានរូបព្រះអង្គធំយ៉ាងនេះដែរ។ ទិដ្ឋភាពជាក់ស្តែង ប្រាសាទបាពួនប្រៀបដូចជាទេវស្ថាន ដែលមានស្រះទឹកតំណាងអោយសមុទ្រ និងមានស្ពានហាលដើរចូលយ៉ាងវែងប្រវែង ២០០ម ទ្រដោយសសរមូលចំនួន៥៤៧ដើម ជាស្ពានចម្លងមនុស្សពីឋានមនុស្សទៅឋានសួគ៌។
៤.ប្រាសាទភិមានអាកាស គឺកសាងឡើងកំឡុងសវទី១០ គឺជាប្រាសាទសំខាន់សម្រាប់ស្តេចជាច្រើនអង្គគោរពបូជា និងធ្វើបុណ្យទាន បន់ស្រន់សុំសេចក្តីសុខ នឹងជាប្រាសាទស្នូលមួយនៃព្រះបុរមរាជរាំង។ បរិវេណប្រាសាទនេះមានបែកចែកជា២ផ្នែក នៅផ្នែកខាងក្រោយមានកំពែងខណ្ឌជាព្រះរាជរាំង ជាកន្លែងដែលព្រះរាជា ក្រុមញាតិវង្ស និងអ្នកបំរើរស់នៅ មើលថែរក្សារាជរាំង។ ហើយចាប់ពីកំពែងខាងមុខទៅ គេយល់ថាជាមន្ទីរសម្រាប់ស្តេចបំពេញភារកិច្ច និងមន្ត្រីរាជការធ្វើការ ហើយនៅប៉ែកខាងត្បូងអាចប្រហែលជាកន្លែងវត្តអារាម សម្រាប់ទៅគោរពបូជា ពិធីសាសនាជាដើម។ តាមរយៈការកំណាយនៅជ្រុងអាគ្នេយ៍ ក្បែរប្រាសាទ ជីកចុះក្រោមជម្រៅប្រហែលពី៣ ទៅ៤ម បានរកឃើញសំណង់ឈើ និងដើមធ្លក១ដើមដែលគេកាប់តំរឹមយ៉ាងល្អ មានបញ្ចុះស្លឹក និងផ្លែទៅជាមួយផង ដែលមានការបរិច្ឆេទក្នុងសវទី៨ ដែលកសាងមុនប្រាសាទទៅទៀត ជាក់ស្តែងនៅលើផ្ទៃដីឃើញមានកំទេចបាក់បែកនៃក្បឿងជាច្រើន ដូច្នេះទីតាំងនេះមានអគារឈើដែលនៅជុំវិញ និងមានការគោរពបូជា និងរស់នៅយូរមកហើយ។ ភស្តុតាងដែលរកឃើញដើមធ្លក បានរំលឹកយើងអំពីរឿងព្រេងមួយ នគរគោកធ្លក ជារឿងកំណើតពូជពង្សនគរខ្មែរ ដែលបានកំណកំណើតប្រទេស និងមានប្រជាជនមកដល់សព្វថ្ងៃនេះ។ សាច់រឿងសង្ខេបដូចខាងក្រោម៖ កាលពីបុរាណមានកោះមួយដែលមានដើមធ្លកមួយដើមដុះមក នាងនាគដែលជាបុត្រីស្តេចនាគបានមកលេងឋានកណ្តាល និងលេងទឹកនៅក្បែរកោះនោះ ហើយក៏បានជួបព្រាហ្មណ៍ម្នាក់មកពីស្រុកឥណ្ឌា ពួកគេទាំងពីរក៏ស្រឡាញ់គ្នា និងបានរៀបការជាមួយគ្នា ដោយមនុស្សធម្មតាមិនអាចហែលទឹកចូលឋាននាគបានទេ មានតែតោងស្បៃនាងនាគចូលគាល់ព្រះបិតា។ ក្រោយមកក៏បង្កើតជាពូជពង្សខ្មែររស់នៅលើទឹកដីនេះរហូតមក។ ចំពោះទីតាំងភូមិសាស្រ្ត ប្រាសាទភិមានអាកាស ប្រៀបដូចជាចំណុចស្នូលប្រៀបដូចកោះ ដែលមានដើមធ្លកដុះអញ្ចឹង ដូនតាខ្មែរបាននិម្មិតទីតាំងនេះដើម្បីរំលឹកប្រវត្តរបស់ខ្លួន ទោះបីជាយ៉ាងណាក៏ដោយ ក៏គេនៅតែមិនភ្លេចរំលឹកគុណដល់ពូជពង្សខ្មែរ ដូចក្នុងពិធីមង្គលការតែងតែឃើញកិច្ចព្រះថោងតោងស្បៃនាងនាគជានិច្ច។ ជាពិសេសប្រវត្តរឿងនេះ មានបញ្ចូលក្នុងសៀវភៅមេរៀនក្នុងកម្មវិធីសិក្សារបស់សិស្សផងដែរ។ ចំណែកស្រះទឹកទាំងពីរ គឺស្រះស្រី និងស្រះប្រុស មានចម្លាក់យ៉ាងប្រណីត គួរជាទីទាក់ទាញ និងបង្កប់ដោយអត្ថន័យដែលបានបកស្រាយថា ចម្លាក់ទាំងនោះបង្ហាញពីឋានទាំងបី គឺឋានគ្រុឌ ឋាននាគ និងឋានបាតាល ចំណែកសព្វថ្ងៃនេះ មនុស្សរស់នៅឋានកណ្តាល បើសម្លឹងចុះក្រោមមានឋានចំនួន៣ទៀត ហើយនៅក្នុងស្រះនោះមានចង្អុរមួយដែលមានរាងដូចកាំជណ្តើរ បង្ហាញថាជាផ្លូវឡើងចុះ សម្រាប់ទៅឋានទាំងបី និងឡើងមកឋានកណ្តាល ជាពិសេសមានចម្លាក់នាគ ស្តេចនាគ នាងនាគ មច្ឆាជាតិគ្រប់ប្រភេទ និងមានអ្នកមកបន់ស្រន់ផងដែរ។ ដូនតាខ្មែរចេះសង្ខេបសាច់រឿងកំណើតដូនតាខ្លួនបង្ហាញនៅទីនេះ ខាងក្រោមមានស្រះ រឺសមុទ្រ ខាងលើមានប្រាសាទភិមានអាកាស និងរាជរាំង ប្រៀបដូចជានគរគោកធ្លក។
៥. ព្រះលានស្តេចគម្លង់ ជាឈ្មោះដែលអ្នកស្រុកដាក់អោយតាមរូបភាពជាក់ស្តែង ព្រោះដោយសាររូបមានស្លែដុះជុំជិត និងមានបាក់បែកដៃជើងផងដែរ។ តែបើតាមប្រវត្តពិតនោះ ចម្លាក់ស្តេចគម្លង់ដែលយើងឃើញសព្វថ្ងៃនេះ ជាចម្លាក់ចម្លងទេ ដោយរូបដើមនោះមានចារសិលាចារិកថា «ព្រះយម» គឺជាស្តេចនៃឋាននរក ដែលជាតុលាការកាត់សេចក្តីអំពើបាប និងអំពើបុណ្យរបស់មនុស្សក្រោយពេលដែលពួកគេលាចាកលោកនេះទៅ។ រូបដើមនេះសព្វថ្ងៃគេបានយកទៅដាក់តាំងនៅសារមន្ទីរជាតិភ្នំពេញ។ មានរូបចម្លងមួយទៀត ដែលយកមកពីវត្តខ្នាត យកមកតម្កល់នៅមុខផ្លូវជាតិលេខ៦ ក្បែររាជដំណាក់ ជាប់របងជាមួយទីសក្ការៈព្រះអង្គចេក អង្គចម ដែលអ្នកស្រុកហៅថា លោកយាយទេព។
បើសិក្សាពីប្លង់ទីតាំងនៃព្រះលានស្តេចគម្លង់ ជាកន្លែងប្រើប្រាស់សម្រាប់បូជាសពក្រុមព្រះញាតិវង្ស ដែលទំនៀមនេះគេយកទៅចម្លងធ្វើប្លង់នៅរាជវាំងក្រុងភ្នំពេញ និងវាំងនៅក្រុងបាងកក ដែលមានវាលព្រះមេរុ នៅជ្រុងឥសាន (ដូចនៅលានព្រះគម្លង់នោះឯង) នៅខាងក្រោយដូចសារមន្ទីរ ដូចរោងជាងព្រះបុរមរាជរាំង សម្រាប់ដាប់រូប និងឆ្លាក់រូបពីថ្ម លោហៈ ស្ពាន់ សំណ ទង់ដែន សំរិទ្ធ និងមាសជាដើម។ កំឡុងពេលបារាំងចូលស្រាវជ្រាវ គេបានប្រទះឃើញរូបចម្លាក់ជាច្រើនធ្វើពីថ្ម នៅពាសវាលពាសកាលទីនោះ តែចម្លាក់ផ្សេងទៀតមានតម្លៃធ្វើពីលោហៈបាត់អស់ហើយ ក្រោយមកការស្រាវជ្រាវរបស់ក្រុមអូស្ត្រាលីបានបង្ហាញថា គេឃើញមានចង្រ្កានស្លលោហៈ។ នេះជាព័ត៌មានខ្លះៗ ដែលយើងទាំងអស់គ្នាគួរយល់ដឹងអំពីអំពីប្រវត្តទឹកដីខ្មែរ និងកេដំណែលដូនតា ចំណេះដឹង ក្បួនខ្នាត និងគំនិតក្នុងការបង្កើតរាជធានីបុរាណនេះ និងនៅមានរឿងជាច្រើនទៀតដែលយើងមិនបានដឹង ពេលបងប្អូនទៅទស្សនាបុរាណដ្ឋានទាំងអស់នោះ គួរតែយល់ពីអត្ថន័យ និងចែករំលែកដល់ក្មេងៗជំនាន់ក្រោយ។ សូមអរគុណ។

01/09/2025

This is a special song that they quickly learned from social media. Thank you to our troops who protected our land, we are forever grateful and remembered.💗💐🙏 (Episode 5).

Address

Siem Reap

Telephone

+85561910603

Website

Alerts

Be the first to know and let us send you an email when Angkor Heritage Practice posts news and promotions. Your email address will not be used for any other purpose, and you can unsubscribe at any time.

Contact The School

Send a message to Angkor Heritage Practice:

Shortcuts

Share

Category