សាលាបឋមសិក្សា គោកគ្រើល Kok Kreul Primary School

#សួស្ដីឆ្នាំថ្មី

សូមថ្វាយព្រះពរ និងគោរពជូនពរ សិរីសួស្ដី ជ័យមង្គល វិបុលសុខ បវរមហាប្រសើរ ក្នុងឱកាសចូលឆ្នាំថ្មី មហាសង្ក្រាន្ត ឆ្នាំមមី អដ្ឋស័ក ព.ស.២៥៦៩ ឈានចូល ព.ស.២៥៧០

នាំសិស្សសម្អាតបរិស្ថានតាមដងផ្លូវ
អរគុណ ទឹកចិត្តបងស្រី ផាត់ ស៊ីនួន 🙏
សូមចូលរួមសម្អាត បរិស្ថានទាំងអស់គ្នា

ការបំពុលខ្យល់អាចបង្កគ្រោះថ្នាក់ខ្លាំងដល់កុមារ ជាពិសេសក្មេងតូចៗ ដូច្នេះប្រសិនបើអ្នកមានអារម្មណ៍ថា គុណភាពខ្យល់មិនសូវល្អ នេះគឺជាវិធីសាស្ត្រសាមញ្ញៗមួយចំនួន ដើម្បីជួយការពារកូនៗរបស់អ្នកពីការបំពុលខ្យល់៖

• អំឡុងពេលដែលមានការបំពុលខ្យល់ខ្ពស់ សូមឱ្យកុមារនៅក្នុងផ្ទះ និងកាត់បន្ថយការលេង ឬធ្វើសកម្មភាពដែលហត់នឿយខ្លាំងនៅខាងក្រៅ។
•​ ប្រសិនបើចាំបាច់ត្រូវចេញក្រៅ សូមពាក់ម៉ាស់ឲ្យបានត្រឹមត្រូវ និងជិតល្អ។
• ពង្រឹងសុខភាពកូនរបស់អ្នក តាមរយៈរបបអាហារដែលមានសារធាតុចិញ្ចឹមសម្បូរទៅដោយ វីតាមីន។
• តាមដានគុណភាពខ្យល់ជាប្រចាំ តាមរយៈទំព័រហ្វេសប៊ុករបស់ក្រសួងបរិស្ថាន Ministry of Environment, គេហទំព័រ (https://airquality.moe.gov.kh) ឬកម្មវិធីទូរសព្ទដូចជា CGS SPA.

ការយកចិត្តទុកដាក់ប្រុងប្រយ័ត្ន អាចជួយឱ្យសួតរបស់កូនៗមានសុខភាពល្អ និងរឹងមាំ។ 💙

នាព្រឹកថ្ងៃទី១៨ ខែធ្នូ ឆ្នាំ២០២៥ ដើម្បីជាការរំលែកនូវការលំបាកដល់ពុកម៉ែបងប្អូនដែលភៀសសឹកមកស្នាក់អាស្រ័យក្នុងភូមិគោកគ្រើល និងសូមថ្លែងអំណរគុណដល់លោកគ្រូអ្នកគ្រូ អាណាព្យាបាលសិស្សានុសិស្សនូវទឹកចិត្តចូលរួមជាគ្រឿងឧបភោគបរភោគជូនដល់គាត់ សូមគោរពជូនពរឱ្យជួបនូវពរ៤ប្រការគឺ: អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ🙏🙏🙏♥️🇰🇭។

សេចក្តីជូនដំណឹង📢📢📢
សាលាបឋមសិក្សាគោកគ្រើលសូមជម្រាបជូនដំណឹង ដល់សិស្សានុសិស្សដែលជាជនភៀសសឹកមកកាន់ទីតាំង ភូមិភ្លង់ (គោកគ្រើល) ស្រុកអង្គរធំ
ប្អូនៗអាចមកចុះឈ្មោះចូលរៀននៅសាលាបាន ពីថ្ងៃចន្ទ ដល់ថ្ងៃសៅរ៍ ចាប់ពីម៉ោង ៧៖៣០នាទី ដល់ ១១៖៣០នាទី

សូមទំនាក់ទំនង:061600227

🙏🙏🙏

ទូលព្រះបង្គំ​ជាខ្ញុំ​ ខ្ញុំម្ចាស់​ ថ្នាក់ដឹកនាំ​ បុគ្គលិក​អប់រំ​នៃ​ ក្រសួងអប់រំ​ យុវជន​ និង​​កីឡា​ សូម​ក្រាបបង្គំ​ទូល​ថ្វាយព្រះពរ​ ក្នុង​ព្រះ​វរោកាស​ដ៏​មហា​នក្ខត្តឫក្ស​ នៃព្រះរាជពិធីខួបលើកទី២១​ ការយាងគ្រងព្រះបរមសិរីរាជសម្បត្តិ របស់ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ​ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត សូមទ្រង់​មាន​ព្រះរាជសុខភាពល្អបរិបូរណ៍ ព្រះកាយពលមាំមួន ព្រះបញ្ញាវាងវៃ និងព្រះជន្មាយុយឺនយូរ ដើម្បីគង់ប្រថាប់ជាម្លប់ដ៏ត្រជាក់ត្រជំ សម្រាប់ប្រជានុរាស្ត្រខ្មែរយូរអង្វែងតរៀងទៅ។

កូនៗសូមថ្លែងអំណរគុណយ៉ាងជ្រាលជ្រៅចំពោះអ៊ំស្រី ភូ ណារួន ដែលបានផ្ដល់សាប៊ូសម្រាប់ធ្វើអនាម័យដល់កូនៗនិងសូមគោរពជូនពរអ៊ំស្រីនិងក្រុមគ្រួសារជួបតែនឹងពុទ្ធពរបួនប្រការគឺអាយុ វណ្ណៈ សុខៈ ពលៈកុំបីឃ្លៀងឃ្លាតឡើយ🙏🙏🙏❤️❤️🇰🇭🇰🇭🇰🇭។

នេះជាសកម្មភាពដ៏រីករាយក្នុងកម្មវិធីការផ្សារភ្ជាប់មេរៀនក្នុងថ្នាក់រៀនទៅនឹងសួននិងផ្ទះបាយសិក្សា🥦🫑🍏🥬🥕🍊

គណៈកម្មការគ្រប់គ្រងសាលាបឋមសិក្សាគោកគ្រើលសូមគោរពថ្លែអំគុណយ៉ាងជ្រាលជ្រៅចំពោះស្រី ឃៅ ពុទ្ធី និងក្រុមគ្រួសារក្នុងការជួយឧបត្ថម្ភថវិកាសម្រាប់ការចំអិនអាហារពេលព្រឹកដល់សិស្សានុសិស្ស យើងខ្ញុំសូមជូនពរលោកស្រីព្រមទាំងក្រុមគ្រួសារឲ្យគេជួបប្រទះនូវពរបួនប្រការ គឺអាយុវណ្ណៈសុខៈ ពលៈកុំបីឃ្លៀងឃ្លាតឡើយ។

សកម្មភាពអប់រំកាយនិងកីឡានាថ្ងៃចុងសប្តាហ៍។

🙏សូមថ្លែងអំណរគុណ ក្រុមសមាគមន៍ រ៉ូតារីក្លឹបដឹកនាំដោយលោកស្រី ឈន សុគន្ធា អភិបាលរងស្រុកអង្គរធំ បានផ្សព្វផ្សាយពី សុខភាពមាត់ធ្មេញ ការសម្អាតដៃ លេងកីឡានិង បានចែកសម្ភារៈសិក្សាដល់សិស្សសាលាបឋមសិក្សាគោកគ្រើលចំនួន១៨៨នាក់។

ក្មេងៗគួរឱ្យស្រឡាញ់ណាស់ មានសុជីវធម៌ល្អចំពោះភ្ញៀវ😍