វិទ្យាល័យកៀនសង្កែ-Kiensangke Highschool

គណៈគ្រប់គ្រងសាលា សូមថ្លែងអំណរគុណ ដល់អតីតសិស្សវិទ្យាល័យកៀនសង្កែ លោក ពា ប៉ៃ និងភរិយា បច្ចុប្បន្នជាម្ចាស់ ហាង ទិចហ្គោស អេឡិចត្រូនិច ដែលបានឧបត្ថម្ភ ម៉ាស៊ីនព្រីនកូល័រ ១គ្រឿង ដល់សាលារៀន នៅថ្ងៃទី១២ វិច្ឆិកា ២០២៤ ។ សូមជួនពរប្អូននិងគ្រួសារ ជួបប្រទះពុទ្អពរ៤ប្រការ គឺអាយុ វណ្ណ: សុខ: ពល: និងប្រកបអាជីវកម្មមានការរីកចំរើនឆាប់រហ័ស ។

ពិធីបើកបវេសនកាលថ្មី ឆ្នាំសិក្សា២០២៤-២០២៥ នៅបឋមសិក្សាកំពង់គ និងវិទ្យាល័យកៀនសង្កែ
https://t.me/+qTG02noOkbxhYTY1

ការសម្តែងសិល្បៈក្នុងពិធីបើកបវេសនកាលថ្មីឆ្នាំសិក្សា២០២៤-២០២៥ សាលាបឋមសិក្សាកំពង់គ និង វិទ្យាល័យកៀនសង្កែ
https://t.me/+qTG02noOkbxhYTY1

នាយកវិទ្យាល័យកៀនសង្កែ សូមថ្លែងអំំណរគុណយ៉ាងជ្រាលជ្រៅបំផុត ចំពពោះលោកគ្រូ សៅ សុផាត (ហៅគ្រូ តាំង អតីតគ្រូបង្រៀននៅវិទ្យាល័យដំដែក) ដែលបានផ្តល់ជួនកូនឈើ (ដើមផ្កាលុយ) ចំនួន ៣៣ដើម និងដើមក្រូចឆ្មា ២ដើម សម្រាប់ដាំនៅសាលា ។ សូមគោរពជួនពរ លោក និងក្រុមគ្រួសារ ជួបប្រទះពុទ្ធពរ៤ប្រការ អាយុ វណ្ណៈ សុខៈ ពលៈ កុំបីឃ្លៀងឃ្លាត ។

រសៀលថ្ងៃទី១១ តុលា ២០២៤ អង្គការសុបិណ្ឌក្លាយជាការពិត បាននាំយកComputer ចំនួន ៣ គ្រឿង មកចែកជួនប្អូនៗ សិស្សានុសិស្សថ្នាក់ទី១១ និងទី១២ ទទួលបានលទ្ធផលល្អជាងគេក្នុងការធ្វើតេស្ត លើមុខវិជ្ជា គណិត រូប គីមី និងភាសាអង់គ្លេស នៅ វិទ្យាល័យកៀនសង្កែ

គណៈគ្រប់គ្រងវិទ្យាល័យកៀនសង្កែ សូមថ្លែងអំណរគុណយ៉ាងជ្រាលជ្រៅបំផុត ដល់លោក ឌី ដាណែត ដែលបានឧបត្ថម្ភសម្ភារៈសិក្សាសម្រាប់ចែកដល់ប្អូនៗសិស្សពូកែ នាពេលខាងមុខនៅសាលា។ សូមគោរពជូនពរ លោកនិងក្រុមគ្រួសារ ជួបប្រទះ ពុទ្ធពរ ៤ប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាត 🙏🙏🙏🙏

សកម្មភាពលោកគ្រូ អ្នកគ្រូ សិស្សានុសិស្ស ដាំកូនឈើនៅទីធ្លា វិទ្យាល័យកៀនសង្កែ ០៥ សីហា ២ឥ២៤

ពិធីអបអរសាទរ ថ្ងៃ ៥ សីហា ២០២៤ ជាថ្ងៃប្រវត្តិសាស្ត្រ ព្រែកជីកហ្វូណនតេជោ

សកម្មភាពសិស្សានុសិស្សវិទ្យាល័យកៀនសង្កែ ចូលរួមកម្មវិធីដាំកូនឈើនៅសាលាឃុំកៀនសង្កែ ព្រឹកថ្ងៃទី០៩ កក្កដា ២០២៤

សាកលវិទ្យាល័យ USEA ខេត្តសៀមរាប បានចុះផ្សព្វផ្សាយ ដល់សិស្សទី១២ នៃវិទ្យាល័យកៀនសង្កែ នៅព្រឹក០៤ កក្កដា ២០២៤

ព្រឹទ្ធាចារ្យចាប៉ីដងវែង គង់ ណៃ កើតនៅថ្ងៃទី១៥ ខែមីនា ឆ្នាំ១៩៤៤ នៅភូមិដូង ឃុំស្វាយទងខាងជើង ស្រុកកំពង់ត្រាច ខេត្តកំពត។ ជាអកុសល ស្ថិតក្នុងវ័យចន្លោះ ៤ឆ្នាំ កុមារា គង់ ណៃ បានធ្លាក់ខ្លួនពិការដោយសារជំងឺអុតធំ និងបានចាប់ផ្តើមការសិក្សាអំពី ចាប៉ីដងវែងនៅអាយុ ១៣ឆ្នាំ។ ដោយសារតែពិការភាព ជារឿយៗលោកតែងប្រឈមមុខនឹងការសើចចំអកពីសំណាក់មិត្តភក្តិ និងមនុស្សជុំវិញខ្លួន។ ក្នុងរយៈពេលពីរឆ្នាំនៃការសិក្សាចាប៉ី គឺគ្រាដែលលោកមាន វ័យ១៥ឆ្នាំគត់ គង់ ណៃ បានចាប់ផ្តើមអនុវត្តវិជ្ជាជីវៈនេះ ហើយកសាងកេរ្តិ៍ឈ្មោះល្បីសុសសាយយ៉ាងឆាប់រហ័ស និងមិនយូរប៉ុន្មានគាត់ក៏បានទទួលឈ្មោះហៅក្រៅថា "សង្ហា" ណៃ។ ក្រោយមកទៀត លោកនៅតែទទួលបានភាពជោគជ័យជាបន្តបន្ទាប់ដូចជា៖

នៅឆ្នាំ ១៩៨២ លោកទទួលបានជ័យលាភីលេខ១ ផ្នែកចម្រៀងចាប៉ីប្រចាំខេត្ត។
ក្នុងឆ្នាំ ១៩៩១ លោកបានប្រឡងជាប់ជ័យលាភីលេខ ១ ផ្នែកចម្រៀងចាប៉ីដងវែងទូទាំងប្រទេសនៅរាជភ្នំពេញ ហើយក្លាយជាសិល្បករចាប៉ីដងវែងនៅនាយកដ្ឋានសិល្បៈទស្សនីយភាពនៃក្រសួងវប្បធម៌និងវិចិត្រសិល្បៈ រហូតដល់ចូលនិវត្តន៍នាឆ្នាំ ២០០៧។
ក្នុងឆ្នាំ ២០០៣ លោកជាព្រឹទ្ធាចារ្យសិល្បៈនៃអង្គការខ្មែរអមតៈ និងបានបង្ហាត់បង្រៀនសិស្សបន្តជាច្រើនជំនាន់រហូតដល់ជរាខ្លាំងនឹងចូលនិវត្តន៍ម្ដងទៀតនាឆ្នាំ ២០០៧។
នៅឆ្នាំ ១៩៨២ លោកទទួលបានជ័យលាភីលេខ១ ផ្នែកចម្រៀងចាប៉ីប្រចាំខេត្ត។
ឆ្នាំ ២០០១លោកទទួលបាន វិញ្ញាបនបត្រព្រឹទ្ធាចារ្យវប្បធម៌សិល្បៈខ្មែរ ដោយរាជបណ្ឌិត្យសភាកម្ពុជានិងគ្រឿងឥស្សរិយយសថ្នាក់មុនីសារាភ័ណ្ឌពីរាជរដ្ឋាភិបាល។
ឆ្នាំ ២០០២ លោកទទួលបាន វិញ្ញាបនបត្រកិត្តិយសវីរៈសិល្បៈពី ក្រសួងវប្បធម៌ និងវិចិត្រសិល្បៈ។
ឆ្នាំ ២០០៧ ទទួលគ្រឿងឥស្សរិយយសម្ដងទៀតពីរដ្ឋាភិបាល និងឆ្នាំ២០១២ ត្រូវបានព្រះមហាក្សត្រចេញព្រះរាជក្រឹត្យផ្ដល់គោរមងារថ្នាក់ជាតិជាមត៌កមនុស្សរស់ដែលមាននាមថា កោសល្យវោហារ គង់ណៃ។
នៅឆ្នាំ ២០១៧ លោកទទួលបានពានរង្វាន់សិល្បៈ និងវប្បធម៌ ហ្វូគុអុកា (Fukuoka Prize) ជាពានរង្វាន់ដែលបានបង្កើតឡើងចាប់តាំងពីឆ្នាំ១៩៩០ នៅទីក្រុងហ្វូគុអុកាប្រទេសជប៉ុន សម្រាប់ផ្តល់ជូនបុគ្គលដែលមានស្នាដៃឆ្នើមក្នុងតំបន់អាស៊ី ពាក់ព័ន្ធផ្នែក អប់រំ សិល្បៈ និងវប្បធម៌។ ហើយព្រឹទ្ធាចារ្យចាប៉ីដងវែង គង់ ណៃ គឺជាបុគ្គលទី៣របស់កម្ពុជា ដែលបានទទួលពានរង្វាន់នេះ បន្ទាប់ពី លោក ឆេង ផុន និង លោក អាំង ជូលាន។

គួរជម្រាបផងដែរថា ព្រឹទ្ធាចារ្យ គង់ ណៃ ជាសិល្បៈករប្រពៃណីបុរាណដ៏អស្ចារ្យម្នាក់ក្នុងចំណោមសិល្បៈករខ្មែរ ដែលត្រូវបានគេស្គាល់ច្បាស់ និងល្បីល្បាញបំផុតនៅកម្ពុជា និងលើឆាកអន្តរជាតិ។ ហើយជារឿងដ៏សោកស្តាយបំផុត ដែលកម្ពុជាបានបាត់បង់មរតកមនុស្សរស់ឆ្នើមដូចជារូបលោក៕

#ព្រះបរមរាជវាំង

សាកលវិទ្យាល័យអន្តរជាតិ ចុះផ្សព្វផ្សាយតម្រង់ទិសដល់សិស្សទី១២ ត្រៀមបន្តការសិក្សានៅកម្រិតឧត្តមសិក្សា (ព្រឹក ថ្ងៃទី២០ មិថុនា ២០២៤)

គណៈគ្រប់គ្រងវិទ្យាល័យកៀនសង្កែ សូមថ្លែងអំណរគុណជាអតិបរិមា ដល់សប្បុរសជន ដែលមានការចូលរួមគាំទ្រដល់ការអភិវឌ្ឍន៍សាលារៀន ។ នៅថ្ងៃទី១៧ ឧសភា ២០២៤ សាលាបានដំណើការសាងសង់ របង និងខ្លោងទ្វារចូលខាងក្រោយជាបន្តទៀត ដែលនេះសុទ្ធតែជាទឹកចិត្តចូលរួមដ៏ថ្លៃថ្លារបស់សប្បុរសជន ។ គណៈគ្រប់គ្រងសង្ឃឹមថា សប្បុរសជន និងចូលរួមបន្តទៀត រហូតបានចប់រួចរាល់របង១ខ្សែនេះ ។ ចង់ជម្រាបផងដែរ របងនេះនៅខ្វះប្រវែង ២២ម៉ែត្រ ស្មើនឹង ១១ផ្ទាំងទៀត ទើបរួចរាល់ តម្លៃ ១ផ្ទាំង ១៥០ $ ទហំ(2x2.5m) ។ សប្បុរសជនមានបំណងចូលរួម ភ្ជាប់និស្ស័យយកកុសល អាចទាក់ទងតាម ទូរស័ព្ទនាយកសាលា 012699218 ។ អរគុណ