សាលាបឋមសិក្សាពោធិ៍រីង

នេះជាថវិកាដែលលោកគ្រូ អ្នកគ្រូ និង បងប្អូនសប្បុរសជនទាំងអស់ដែលបានចូលរួមតាមរយៈលោកស្រីនាយិកាសាលា ដើម្បីជួយជាថ្លៃព្យាបាលដល់ លោកគ្រូ កេង ទិ ដែលកំពុងតែសម្រាកព្យាបាលនៅមន្ទីរពេទ្យបង្អែកខេត្ដសៀមរាប និងប្រហែលជាអាចបញ្ជូនបន្ដទៅព្យាបាលនៅមន្ទីពេទ្យកាលម៉ែត ភ្នំពេញករណីនៅតែមិនបានធូរស្បើយ ។ ចំពោះថវិកាពួកយើងបានប្រគល់ជូនទៅកាន់គ្រួសារលោកគ្រូរួចរាល់ហើយតាមរយៈប្អូនស្រីបង្កើតរបស់គាត់ ដែលមានគណនី ឈ្មោះ Keng Reantana សរុប 1.253.000៛ ។ ជាចុងក្រោយសូមគោរពអរគុណនិងជូនពរ ដល់លោកគ្រូអ្នកគ្រូ ព្រមទាំងបងប្អូនសប្បុរសជនទាំងអស់ ជួបតែសំណាងល្អ ទៅណាមកណាប្រកបដោយសុខសុវត្ថិភាព និងទទួលជោគជ័យគ្រប់ភារកិច្ចការងារ ។ សូមអរគុណ🙏🙏🙏

នៅរាត្រី ថ្ងៃទី០៣ខែមីនា ឆ្នាំ២០២៦ វេលាម៉ោង១២យប់ លោកគ្រូ កេង ទិ ដែលជាគ្រូបង្រៀនជាប់កិច្ចសន្យា សាលាបឋមសិក្សាពោធិ៍រីង បានជួបគ្រោះថ្នាក់ចរាចរណ៍ជិះម៉ូតូដួលម្នាក់ឯងក្រោយចេញពីកម្មវិធីឡើងផ្ទះនៅក្នុងភូមិខ្វាវ ឃុំខ្វាវ បណ្ដាលអោយរងរបួសមួយចំហៀងខ្លួនធ្ងន់ធ្ងរនិងបាក់ឆ្អឹងដងកាំបិត ពេទ្យមណ្ឌលសុខភាពបានបញ្ជូនបន្តទៅព្យាបាលសង្គ្រោះបន្ទាន់នៅមន្ទីរពេទ្យបង្អែកខេត្តសៀមរាប។ មកដល់ពេលនេះគាត់មិនទាន់ដឹងខ្លួននៅឡើយទេ។ ក្នុងនាមពួកយើងជាអ្នករួមអាជីពក្នុងអង្គភាពជាមួយគ្នាសូមជូនពរលោកគ្រូឆាប់បានជាសះស្បើយ 🙏

យើងខ្ញុំជាគណៈគ្រប់គ្រងសាលា ព្រមទាំងលោកគ្រូអ្នកគ្រូទាំងអស់ សូមថ្លែងអំណរគុណយ៉ាងក្រៃលែង ដល់ក្រុមការងារលោកគ្រូអ្នកគ្រូពេទ្យមកពីមន្ទីរពេទ្យកុមារអង្គរ ខេត្ដសៀមរាប ដែលបានចុះមកបង្រៀនសិស្សានុសិស្ស អំពី« ជំងឺឆ្កែឆ្កួត » ដែលជាជំងឺដ៏មានគ្រោះថ្នាក់មួយដែលបងប្អូនមួយចំនួនមិនសូវបានដឹង អោយប្អូនៗបានយល់ដឹង និងការពារជំងឺមួយប្រភេទនេះ❤️🙏

ថ្ងៃពុធ ៤ កើត ខែភទ្របទ ឆ្នាំម្សាញ់ សប្តស័ក ពស ២៥៦៩
ត្រូវនឹងថ្ងៃទី27 ខែសីហា ឆ្នាំ2025 សាលាបឋមសិក្សាពោធិ៍រីងបានប្រារព្ធកម្មវិធីចែករង្វាន់សិស្សពូកែពីចំណាត់ថ្នាក់លេខ១ ដល់លេខ៥ ❤️🥰