សាលាបឋមសិក្សាព្រៃជ្រូក

យើងខ្ញុំទាំងអស់គ្នាជាគណ:កម្មការគ្រប់គ្រងសាលា លោកគ្រូអ្នកគ្រូ សូមថ្លែងអំណរគុណចំពោះ ប្អូនស្រី ឆែម ឆវ័ន្ត ព្រមទាំងស្វាមីនិងកូនស្រី និងប្អូនប្រុស ឆែម រ៉ាឈុត ដែលបានផ្តល់អំណោយជាសម្ភារជំនួយដង្ហើម(បំពង់អុកស៊ីសែន) មួយឈុតរួមមាន បំពង់ផ្ទុកអុកស៊ីសែន ចំនួន ១ , កុងទ័របង្ហូរអុកស៊ីសែន ១ឈុត, និងទឹកថ្នាំ ១ដប ដើម្បីប្រើប្រាស់ក្នុងបន្ទប់សុខភាពនៃសាលាបឋមសិក្សាព្រៃជ្រូក។ក្នុងថ្ងៃកំណើតកូនស្រីថ្ងៃនេះ សូមជូនពរក្មួយស្រី ប្អូនៗ និងក្រុមគ្រួសារ សូមជួបតែសេចក្តីសុខ សុខភាពល្អ រកទទួលទានមានបាន។ និងសូមឧទ្ទិសកុសលជូនលោកឪពុក និងអ្នកម្តាយរបស់ប្អូនៗ ដែលបានចែកឋាននាពេលកន្លងមក សូមលោកទាំងពីរ បានទៅកាន់សុគតិភពកំុបីឃ្លៀងឃ្លាតឡើយ។ សូមអរគុណ!

យើងខ្ញុំ នាយកសាលា លោកគ្រូ អ្នកគ្រូ នៃសាលាបឋមសិក្សាព្រៃជ្រូក សូមជម្រាបដល់ពុកម៉ែ បងប្អូន លោកតា លោកយាយ នៅក្នុងនៅក្នុងភូមិចំណុះសាលាបឋមសិក្សាព្រៃជ្រូក ឱ្យបានជ្រាបថា សម្រាប់ការប្រើប្រាស់ម៉ោងសិក្សាក្នុងស្ថានភាពធាតុអាកាសក្តៅនាពេលបច្ចុប្បន្ននេះ។ តាមរយៈការព្យាករណ៍អាកាសធាតុប្រចាំខេត្តសៀមរាប ដោយចាប់បីថ្ងៃទី២ ខែឧសភា តទៅ ស្ថានភាពកំដៅអាចបន្តធ្លាក់ចុះពីមួយថ្ងៃទៅមួយថ្ងៃ។ ដូចនេះសាលារបស់យើងខ្ញុំសម្រេចថា នឹងមិនប្រែប្រួលម៉ោងសិក្សានោះទេ។ អាស្រ័យដូចបានជម្រាបជូនខាងលើ សូមពុកម៉ែ បងប្អូន លោកតា លោកយាយ ជ្រាបជាព័ត៌មាន និងបញ្ជូនកូនមករៀនតាមធម្មតា ប្រសិនថ្ងៃស្អែកស្ថានភាពមានការប្រែប្រួល យើងខ្ញុំនឹងជម្រាបជូនម្តងទៀត។ សូមអរគុណ

យោង៖ តាមសេចក្តីប្រកាសរបស់មន្ទីរក្រសួងធនធានទឹក និងឧតុនិយមខេត្តសៀមរាប
សាលាបឋមសិក្សាព្រៃជ្រូក សូមជូនដំណឹងដល់មាតាបិតាសិស្សានុសិស្សអោយបានជ្រាបថា សាលាដំណើរការសិក្សាធម្មតា។ សូមអរគុណ

សង្រ្កាន្តសាលាបឋមសិក្សាព្រៃជ្រូក
ថ្ងៃទី៥ ខែមេសា ឆ្នាំ២០២៤

សែនសោកស្តាយ កូនស្រី (កូន មេត ចរិយា) ស្លាប់ដោយការលង់ទឹក ថ្ងៃទី ៣០ ខែមីនា ឆ្នាំ២០២៤

សកម្មភាពរៀនកុំព្យូទ័ររបស់សិស្សានុសិស្សថ្នាក់ទី4

សកម្មភាពប្អូនៗសិស្សានុសិស្សថ្នាក់ទី៦ ចូលរួមសម្អាតបរិស្ថានតាមដងផ្លូវជាតិចាប់ពីមុខសាលាឃុំព្រៃជ្រូក ដល់ក្បាលស្ពានផ្លាំង ។

#អបអរសាទរទិវាជាតិអំណានលើកទី៩ (១១ មីនា ២០២៤)ក្រោមប្រធានបទ “អំណានជាមូលដ្ឋានគ្រឹះសម្រាប់ទាំងអស់គ្នាក្នុងជីវិត” និងការដាក់ផែនការបន្តដើម្បីជួយសិស្សក្នុងការអាន នឹងជួយសិស្សដែលរៀនបាននិទ្ទេស( D E F) អោយបានឡើងនិទ្ទេស តាមរយៈការប្រកួតអំណាននៅតាមថ្នាក់រៀងរាល់ខែ ដោយមានការជំរុញបន្ថែមពីអាណាព្យាបាលនៅផ្ទះ។
កម្មវិធីនេះដែរមានការចូលរួមពី៖
1 លោក ហ៊ាន សូភាន់ តំណាងក្រុមប្រឹក្សាឃុំព្រៃជ្រូក
2 លោកស្រី សេក សុផាន់ណា អនុ.ការិយាល័យអប់រំ
យុវជន និងកីឡាស្រុកពួក
3 លោកស្រី ជិម វឌ្ឍនៈធីតា បុគ្គលិកអង្គការទស្សនៈ
ពិភពលោកប្រចាំតំបន់ស្រុកពួក
4 លោក ញឹម ហុង ប្រធានគណៈកម្មការគ្រប់គ្រង
សាលាបឋមព្រៃជ្រូក
5 លោកគ្រូអ្នកគ្រូសាលាបឋមសិក្សាព្រៃជ្រូក
6 អាណាព្យាបាលសិស្សានុសិស្ស
7 សិស្សានុសិស្ស

ខ្ញុំបាទ លោកគ្រូ អ្នកគ្រូ គណៈកម្មការគ្រប់គ្រងសាលានិងសិស្សានុសិស្សសាលាបឋមសិក្សាព្រៃជ្រូកសូមគោរពថ្លែងអំណរគុណចំពោះ ម្ចាស់ជំនួយពីកូរ៉េតាមរយៈកញ្ញា ឃន វិច្ឆិកា ជាប្រធាន នៃអង្គការទស្សនៈពិភពលោកប្រចាំតំបន់ស្រុកពួក ព្រមទាំងសហការី ដែលបាននាំយកជាសម្ភារសិក្សា សម្ភារកីឡា ស្បែកជើង នឹងបាស ចែកជូនសិស្សានុសិស្សនៃសាលាបឋមសិក្សាព្រៃជ្រូក។
សូមគោរពជូនពរដល់ម្ចាស់ជំនួយ និងកញ្ញាប្រធានអង្គការទស្សនៈពិភពលោកប្រចាំតបន់ស្រុកពួក ព្រមទាំងសហការី ជួបប្រទះនូវពុទ្ធពរទាំងឡាយ៤ប្រការ គឺ អាយុ វណ្ណ: សុខ: ពល: កុំបីឃ្លៀងឃ្លាតឡើយ។សូមអរគុណ!!

ខ្ញុំបាទ លោកគ្រូ អ្នកគ្រូ គណៈកម្មការគ្រប់គ្រងសាលានិងសិស្សានុសិស្សសាលាបឋមសិក្សាព្រៃជ្រូកសូមគោរពថ្លែងអំណរគុណចំពោះ លោកស្រី លន សុភាព និងលោក វ៉ន វុត ព្រមទាំងក្រុមគ្រួសារ ដែលបានជួយជាកង្ហារចំនួន ២គ្រឿង (ជាថវិកាចំនួន២៨០ ០០០រៀល) សម្រាប់បំពាក់បន្ទប់ថ្នាក់ទី៣(ក) នៅសាលាបឋមសិក្សាព្រៃជ្រូក។
សូមគោរពជូនពរលោកស្រី និងស្វាមី ព្រមទាំងក្រុមគ្រួសារជួបប្រទះនូវពុទ្ធពរទាំងឡាយ៤ប្រការ គឺ អាយុ វណ្ណ: សុខ: ពល: កើតមានដល់អ្នក និងព្រមទាំងក្រុមគ្រួសារ កុំបីឃ្លៀងឃ្លាតឡើយ។សូមអរគុណ!!

ថ្ងៃទី15 ខែកុម្ភៈ ឆ្នាំ2024
សាលាបឋមសិក្សាព្រៃជ្រូក សូមគោរពអរគុណចំពោះក្រុមការងារមន្ទីរពេទ្យកុមារអង្គរ ដែលបានមកបញ្ចាំងទូរទស្សន៍ ស្តីពីសុខភាព និងអនាម័យ ដល់សិស្សានុសិស្សនៅសាលាបឋមសិស្សាព្រៃជ្រូក។

ថ្ងៃទី14 ខែកុម្ភៈ ឆ្នាំ2024
សាលាបឋមសិក្សាព្រៃជ្រូក បានបើកវគ្គរៀនកុំព្យូទ័រដល់សិស្សថ្នាក់ទី(4 5 6)

សកម្មភាពបង្រៀនមុខវិជ្ជា ភាសាខ្មែរ
ថ្នាក់ទី១(ខ )
ដោយអ្នកគ្រូ ភាន់ ពឿយ

#សកម្មភាពអាន
ថ្នាក់ទី២ក
បង្រៀនដោយលោកគ្រូ អ៊ុក យស់

ថ្ងៃទី១ ខែកុម្ភៈ ឆ្នាំ២០២៤
សាលាបឋមសិក្សាព្រៃជ្រូក បានចែកសៀវភៅលំហាត់ភាសាខ្មែរថ្នាក់ទី៣ ដល់សិស្សានុសិស្សថ្នាក់ទី៣ ចំនួន៨៥នាក់ និងគ្រូ៣នាក់ ក្នុងមួយនាក់ទទួលបាន សៀវភៅ ១ក្បាល ជាជំនួយពីអង្គការទស្សនៈពិភពលោក ដែលតែងតែគិតគូដល់កុមារនៅកម្ពុជា ពិសេសកុមារទំនុកបម្រុង និងកុមារងាយរងគ្រោះ និងសូមគោរពថ្លែងអំណរគុណចំពោះកញ្ញាប្រធានប្រចាំតំបន់ស្រុកពួក ព្រមទាំងសហការី ទទួលនូវពុទ្ធពរទាំង4ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

ថ្ងៃទី01 ខែកុម្ភៈ ឆ្នាំ2024
សកម្មភាពចែក កាទឹក កន្រ្តក ច្រាសនិងថ្នាំដុសធ្មេញដល់សិស្សានុសិស្សនៅសាលាបឋមសិក្សាព្រៃជ្រូកចំនួន 436នាក់ ដែលបានមកពីការចូលរួមចំណែកពីសប្បុរសជន
#ការធ្វើអនាម័យនាំមកនូវសុខភាពល្អ

29/01/2024
សាលាបឋមសិក្សាព្រៃជ្រូកបានធ្វើតេស្តស្តង់ដាដើម្បីស្ទាបស្ទង់សម្ថភាពសិស្សកម្រិតថ្នាក់ទី(៤ ៥ ៦)លើមុខវិជ្ជា សំណេរ អំណាន និងគណិតវិទ្យា

27/01/2024
សាលាបឋមសិក្សាព្រៃជ្រូកបានធ្វើតេស្តស្តង់ដាដើម្បីស្ទាបស្ទង់សម្ថភាពសិស្សកម្រិតថ្នាក់ទី(១ ២ ៣)លើមុខវិជ្ជា សំណេរ អំណាន និងគណិតវិទ្យា

ថ្ងៃទី26 ខែមករា ឆ្នាំ2024
សូមអរគុណដល់ក្រុមការងារក្រសួងអប់រំ យុវជន និងកីឡា ដែលបានធ្វើការប្រជុំផ្សព្វផ្សាយ និងណែនាំដល់អាណាព្យាបាលសិស្ស គណៈកម្មការគ្រប់គ្រងសាលា លោកគ្រូអ្នកគ្រូ និងសិស្សានុសិស្សស្តីពីការធ្វើតេស្តស្តង់ដា និងនិតិវិធីក្នុងការធ្វើតេស្តដល់លោកគ្រូអ្នកគ្រូ នៅសាលាបឋមសិក្សាព្រៃជ្រូក ដើម្បីបំពេញសូចនាករស្តង់ដារសាលាគំរូ

ខ្ញុំបាទ លោកគ្រូ អ្នកគ្រូ គណៈកម្មការគ្រប់គ្រងសាលានិងសិស្សានុសិស្សសាលាបឋមសិក្សាព្រៃជ្រូកសូមគោរពថ្លែងអំណរគុណចំពោះ លោកឧញ្ញ៉ា តាន់ មុន្នី អនុប្រធានសភាពាណិជ្ជកម្មមណ្ឌលខេត្តកំពង់ធំ-ព្រះវិហារ និងលោកជំទាវ ព្រមទាំងក្រុមគ្រួសារ ដែលបានជួយជាថវិការចំនួន ៨០,០០០៛ សម្រាប់ដំណើរការធ្វើកន្លែងដាក់ច្រាសដុសធ្មេញ ទិញកន្រ្តក និងកែវផឹកទឹក សម្រាប់សិស្ស នៅសាលាបឋមសិក្សាព្រៃជ្រូក។
សូមគោរពជូនពរលោកឧញ្ញ៉ា និងលោកជំទាវ ព្រមទាំងក្រុមគ្រួសារជួបប្រទះនូវពុទ្ធពរទាំងឡាយ៤ប្រការ គឺ អាយុ វណ្ណ: សុខ: ពល: កើតមានដល់អ្នក និងព្រមទាំងក្រុមគ្រួសារ កុំបីឃ្លៀងឃ្លាតឡើយ។សូមអរគុណ!!!

25 មករា 2024
ប្រជុំបច្ចេកទេសកម្រងព្រៃជ្រូក

24 មករា 2024
ប្រជុំជាមួយអាណាព្យាបាលសិស្សរៀបចំបង្កើត និងដំណើរការគណៈកម្មការគ្រប់គ្រងសាលា