សាលាបឋមសិក្សា កគោ

ឪពុកម្ដាយគួរជៀសវាងបើមិនចង់ឲ្យកូនតូចៗរបស់លោកអ្នកដើរផ្លូវខុសនិយាយពាក្យថា
-កូនខ្ញុំនៅតូចមិនទាន់ដឹងអី
-មនុស្សចាស់មិនប្រកាន់ក្មេង
-លាក់កំហុសដែលកូនធ្វើខុស
-កូនក្មេងតែប៉ុណ្ណឹង
-កាន់ជើងពេលដែលពួកគាត់ធ្វើខុស
-កូននៅក្មេងកុំអាលប្រដៅ
-ស្រឡាញ់ពេកតាមចិត្តគ្រប់រឿង
ពាក្យទាំងអស់នេះហើយដែលនាំឱ្យកូនតូចៗរបស់លោកអ្នកក្លាយជាមនុស្សដែលមានកំហុសដោយមិនដឹងខ្លួន។

សូមជម្រាបជូនដល់មាតាបិតាសិស្ស និងសិស្សថ្នាក់ទី១ ទី២និងទី៣ ដោយមានកែសម្រួលការឈប់ សូមសិស្សានុសិស្សទាំងបីកម្រិតថ្នាក់ចូលរៀនវិញនៅថ្ងៃពុធ ទី២៦ ខែវិច្ឆិកា នេះជាកំណត់។

#សេចក្ដីជូនដំណឹង
គណៈគ្រប់គ្រងសាលាសូមជូនដំណឹងដល់មាតា បិតា អាណាព្យាបាល និងបងប្អូនទាំងអស់ឱ្យបានជ្រាបថា៖
ថ្មីៗនេះគណនីតេលេក្រាមផ្លូវការរបស់សាលាបឋមសិក្សា កគោ ត្រូវបានជនអនាមិក hack យកទៅប្រើប្រាស់ អាស្រ័យហេតុសូមអាណាព្យាបាល និងបងប្អូនទាំងអស់ជ្រាបជាព័ត៌មាន។
រាល់សកម្មភាពឆាតទាំងឡាយមិនមែនជាសាលាទៀតទេ និងសូមកុំចុចរាល់អ្វីៗដែលសាលាបានផ្ញើទៅ សូមអរគុណ!!

គណៈគ្រប់គ្រងសាលា លោកគ្រូ អ្នកគ្រូ សូមគោរពជូនដំណឹងដល់មាតាបិតា អាណាព្យាបាលសិស្ស និងសិស្សានុសិស្សដែលរៀននៅថ្នាក់ទី១ ទី២ និងទី៣ ឲ្យបានជ្រាបថា៖ដោយសារលោកគ្រូ អ្នកគ្រូទាំងបីកម្រិតថ្នាក់នេះត្រូវចូលរួមវគ្គបំប៉នកញ្ចប់គណិតវិទ្យា ចាប់ពីថ្ងៃ២៤-២៩ ខែវិច្ឆិកានេះ ដូច្នេះប្អូនៗត្រូវសម្រាកចាប់ពីថ្ងៃទី២៤ ដល់ថ្ងៃទី២៩ ខែវិច្ឆិកា នឹងត្រូវចូលរៀនវិញនៅថ្ងៃទី១ ខែធ្នូ ឆ្នាំ២០២៥នេះ។បញ្ជាក់៖ថ្នាក់ផ្សេងពីនេះនៅរៀនធម្មតា

#អបអរសាទរបវេសនកាលឆ្នាំសិក្សាថ្មី២០២៥-២០២៦
គណៈកម្មការគ្រប់គ្រងសាលា លោកនាយក នាយករង លោកគ្រូ អ្នកគ្រូ និងសិស្សានុសិស្សទាំងអស់នៃសាលាបឋមសិក្សា កគោ សូមថ្លែងអំណរគុណយ៉ាងជ្រាលជ្រៅចំពោះគណៈធីបតីទាំងអស់ដែលបានអញ្ជើញចូលរួមក្នុងកម្មវិធីបើកបវេសនកាលនៅថ្ងៃទី១ ខែវិច្ឆិកា ឆ្នាំ២០២៥។
សូមថ្លែងអំណរគុណយ៉ាងជ្រាលជ្រៅចំពោះលោក ទូរ្យ ពិទាយ ដែលបានឧបត្ថម្ភថវិកាសម្រាប់សាលា១ ០០០ ០០០ រៀល ព្រមទាំងសម្ភារៈសិក្សាដល់សិស្សានុសិស្ស ដោយក្នុងម្នាក់ៗទទួលបានសៀវភៅ៥ក្បាល ប៊ិក២ដើម ខ្មៅដៃ១ដើម និងបន្ទាត់១ រួមទាំងថវិកា ៣ ០០០រៀល និងសិស្សពូកែ៥៦នាក់ ក្នុងម្នាក់ៗទទួលបានថវិកា១០ ០០០រៀល សៀវភៅ ៥ក្បាល ប៊ិក ២ដើម ខ្មៅដៃ ១ដើម និងបន្ទាត់១។
ជាចុងក្រោយសូមគោរពជូនពរលោកទូរ្យ ពិទាយ និង គណៈធិបតីទាំងអស់សូមជួបតែពុទ្ធពរទាំង៤ប្រការ គឺអាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ។

សូមមាតាបិតា អាណាព្យបាលសិស្សទាំងអស់ អញ្ជើញចូលរួមក្នុងកម្មវិធបើកបវេសនកាលថ្ងៃស្ងែកនេះឱ្យបានគ្រប់ៗគ្នា នៅទីតាំងសាលាបឋមសិក្សា កគោ

គណៈកម្មការគ្រប់គ្រងសាលារៀន លោកនាយក នាយករង លោកគ្រូ អ្នកគ្រូ នៃសាលាបឋមសិក្សា កគោ សូមថ្លែងអំណរគុណយ៉ាងជ្រាលជ្រៅចំពោះលោកភុន សម្ផស្ស(អភិបាលស្រុកព្រះស្តេច) និងលោកស្រី ព្រមទាំងកូន ដែលបានឧបត្ថម្ភថវិកា៥៥០,០០០រៀល សម្រាប់កសាងរបងសាលាមួយប្លង់ប្រវែង៣ម៉ែត្រនិងកម្ពស់២ម៉ែត្រ។
សូមគោរពជូនពរ លោក លោកស្រី និងក្រុមគ្រួសារឱ្យ ជួបតែសេចក្ដីសុខ សេចក្ដីចម្រើន សុខភាពល្អ រកស៊ីមានបាន ប៉ងប្រាថ្នាអ្វីសម្រេចដូចបំណង ជាដរាបតរៀងទៅ។