យុវជនស្រលាញ់អំណាន/Youth Bookworm

កិច្ចពិភាក្សាសៀវភៅ៖ "សិក្សាការបង្កើត និងបម្រែបម្រួលចំណេះដឹងប្រវត្តិសាស្ត្រកម្ពុជា ឆ្នាំ១៨៥៥-១៩៧០"

កាលបរិច្ឆេទ៖ ៤ ឧសភា ២០២៥
ពេលវេលា៖ ៩:០០ ព្រឹក – ១០:៣០ ព្រឹក
ទីតាំង៖ សាលប្រជុំមជ្ឈមណ្ឌលខេមរសិក្សា ក្នុងវត្តដំណាក់ (ចូលរួមផ្ទាល់) ឬ Zoom (តាមអនឡាញ)
ចុះឈ្មោះដោយសេរី៖ https://us06web.zoom.us/webinar/register/1617395293385/WN_8tsOgBU_QTOH_5NjnnbYlw

សូមអញ្ជើញចូលរួមដោយសេរី សម្រាប់កិច្ចពិភាក្សាសៀវភៅខាងលើជាភាសាខ្មែរ របស់លោកបណ្ឌិត ធុន ធារ៉ា (អ្នកនិពន្ធ) និងជាអ្នកស្រាវជ្រាវនៅសកលវិទ្យាល័យហុងកុង។ កិច្ចពិភាក្សាខាងលើ នឹងផ្តល់នូវការរុករកស៊ីជម្រៅ អំពីចំណេះដឹងប្រវត្តិសាស្ត្រពីអតីតកាលរបស់កម្ពុជា ដែលត្រូវបានយកមកជជែកវែកញែក និងបញ្ជូនតាមរយៈអត្ថបទ រួមជាមួយនឹងការពិភាក្សារបស់បញ្ញវន្ត។

កិច្ចពិភាក្សាសៀវភៅនេះ គឺជាផ្នែកមួយនៃពិព័រណ៍សៀវភៅខ្នាតតូចសៀមរាប លើកទី៤ ដែលរៀបចំឡើងដោយមជ្ឈមណ្ឌលខេមរសិក្សា ចាប់ពីថ្ងៃទី៣ រហូតដល់ថ្ងៃទី៤ ខែឧសភា ឆ្នាំ២០២៥ នៅមជ្ឈមណ្ឌលខេមរសិក្សា វត្តដំណាក់ ខេត្តសៀមរាប។

សម្រាប់ព័ត៌មានបន្ថែម សូមចូលទៅកាន់៖ https://khmerstudies.org/epistemology-booktalk/

ធាតុសំខាន់ៗនៃចម្រៀង-Key Elements of The Song [English Below] ស៊ីណេក្លឹប-Cine_Clubប្រធានបទ៖ ធាតុសំខាន់ៗនៃចម្រៀងធ្វើបទបង្ហាញដោយ ម៉ៃ វឌ្ឈនាមជ្ឈមណ្ឌលបុប្ផាណាសូមជូនវីដេអ....

វិថីសៀវភៅ
យុវជនស្រលាញ់អំណាន/Youth Bookworm

វិថីសៀវភៅដ៏ស្រស់ស្រាយ រំសាយទាំងចិត្ត ស្រឡះទាំងខួរក្បាល។

សៃហ្គនយើងហ្នឹង តា រិន-Ta Rin

នៅស្រុកខ្មែរ គំនិតបង្កើតវចនានុក្រម បានផ្តួចផ្តើមឡើងដោយអាណាព្យាបាលបារាំងនៅឆ្នាំ ១៩១៥ ។ ក្នុងឆ្នាំដដែល ព្រះមហាក្សត្រ បានចេញព្រះរាជក្រឹត្យលេខ ៦៧ ចុះថ្ងៃទី៤ ខែកញ្ញា ដើម្បីទទួលស្គាល់ជាផ្លូវការចំពោះកិច្ចការនេះ ។ ក្រោយមកបន្ទាប់ពីបានបោះពុម្ពតាំងពីគ្រាទី១ រហូតដល់ទី៥ វចនានុក្រមបានក្លាយជាឧបករណ៍ដ៏ចាំបាច់សម្រាប់ទាមទារអធិបតេយ្យភាពជាតិ និងជាតំណាងឲ្យអត្តសញ្ញាណរបស់រដ្ឋវ័យក្មេងដែលទើបតែទទួលបានឯករាជ្យ (១៩៥៣) ។ ក្រុមបញ្ញវន្ត​សម័យថ្មី​ចាត់​ទុក​វចនានុក្រម​នេះ​ជា​មូលដ្ឋាន​សម្រាប់​​បង្កើតមនោគមវិជ្ជា​ជាតិ និងបានទទួលស្គាល់សៀវភៅមួយនេះ ថាជាតំណាងឲ្យភាសា និងជាក្បួនសម្រាប់ការសរសេរ ។ ការ​ស្រាវជ្រាវ​នេះ​មានគោលបំណងស្រាយ​បំភ្លឺនិងស្វែង​យល់អំ​ពី​តួនាទី​នៃ​វចនានុក្រម​ដែលលើកឡើងខាងលើ អំពីហេតុផលដែលគេចាត់ទុកថាជាមូលដ្ឋានសម្រាប់​​លើក​កម្ពស់​មនោគមវិជ្ជា​ជាតិ ៖ « រដ្ឋ​មួយ ប្រជាជាតិ​មួយ ភាសា​មួយ » (ខ្មែរ) ។ យើងនឹងព្យាយាមយល់អំពីដំណើរអោបក្រសោបយកវចនានុក្រមនេះដោយឥស្សរជនកម្ពុជា ដោយបានចាត់ទុកវាជាផ្នែកមួយដ៏សំខាន់ទៅក្នុងគោលនយោបាយរបស់ពួកគេ ។

#ពីកំណែទម្រង់​អក្ខរាវិរុទ្ធ​​ក្នុង​ភាសាខ្មែរដល់​ប្រព័ន្ធអប់រំ​​​ទំនើប ៖ វចនានុក្រម​ខ្មែរ​​នៃ​វិទ្យាស្ថាន​ពុទ្ធសាសនបណ្ឌិត្យក្នុង​គោល​នយោបាយ​ភាសា​នៅ​កម្ពុជា ក្រោយ​បានឯករាជ្យ​ពី​អាណាព្យាបាល​បារាំង (១៩៥៣)

[Webinar] From Orthographic Reform in the Khmer Language to the Modern Teaching System....... Abstract:In Cambodia, the initiative to create a unilingual dictionary came from the colonial administration in 1915. The King himself officially supported i...

នីកូឡា តេស្លា ជាអ្នកវិទ្យាសាស្ត្រមាន​ឈាមជ័រ​ជា​ជនជាតិ​ស៊ែរប៊ីដែ​ល​ជ្រើសយកជីវិត​​គ្មានគូជា​ក្តីសុខ និង បូជាជីវិតលើបុព្វហេតុសិក្សារុករកផ្នែកវិទ្យាសាស្ត្រ។​ តែជាអកុសល ជីវិតរបស់គាត់ហាក់ត្រូវបានគេបំភ្លេច ស្របពេលដែលសមិទ្ធិផលរបស់គាត់ត្រូវបានគេប្រើប្រាស់អាស្រ័យជាច្រើននាពេលបច្ចុប្បន្ននេះ ដែលកើតចេញពីការលះបង់ និងការខិតខំប្រឹងប្រែងរបស់បុរសម្នាក់នេះ។

របៀបរស់របស់បុរសម្នាក់នេះហាក់បានប្រាប់ដល់យើងថា ជីវិតគ្មានន័យនេះអាចនឹងស្រស់បំព្រងបាន កាលបើគេអាចស្វែងរកឃើញថាជីវិតនឹងរស់ក្នុងបុព្វហេតុអ្វី?រួចរស់រីករាយជាមួយរឿងនោះ។​ ថ្វីបើ អាល់ប៊ែរ កាមុស ជាទស្សនវិទូបារាំងយល់ថា ជីវិតឥតន័យ គេពុំគួរស្វែងរកតម្លៃក្នុងជីវិតនេះទេ ព្រោះគេមុខនឹង​ខកចិត្ត​ដោយសារ​តែគេនឹងទទួលបាន​ចម្លើយថា ជីវិតនេះឥតន័យអ្វីសោះ។ តែ​កាមុស​ ក៏នៅតែ​គិតថា ជីវិតនេះ​ស្រស់បំព្រងណាស់ បើគេរស់​តាម​របទជីវិត​ណាមួយដែលគេអាចនឹង​រីករាយជាមួយវាបាន ។

ងាកទៅកាន់អ្នកវិទ្យាសាស្ត្រយើងវិញ គាត់រីករាយនឹងប្រើជីវិតគ្មានគូដើម្បីបំភ្លឺលោកទាំងមូល។ បើអ្នកអាចមានក្តីសុខនឹងវាទៅហើយ តើត្រូវមានគូដើម្បីអ្វី? សម្រាប់ផ្នត់គំនិតទូទៅ គ្មានគូជា​ជីវិតរស់ក្នុង​សភាព​ឯកោ គ្មានគូពិបាកណាស់ ជីវិតដូចខ្វះអ្វីម្យ៉ាង…ទាំងនេះអាចថាមកពីកត្ដាជីវសាស្ត្រ វប្បធម៌ប្រពៃណី រឺ ថាផលប្រយោជន៍សេដ្ឋកិច្ចជាដើម។ ហេតុនេះគេត្រូវតែប្រកាន់ថា ជីវិតនេះមិនអាចខ្វះគូបានទេ ព្រោះជីវិតនេះហាក់បានរៀបចំផ្លូវឲ្យគេរួចបាត់ទៅហើយ គេខំហូបចុកឲ្យបានឆាប់ធំធាត់ ខំរៀនឲ្យចេះដឹងនឹងឆាប់មានគូ បង្កើតជាគ្រួសារ រួចក៏ខណ្ឌចប់។ តេស្លា ធ្លាប់និយាយថា ” ខ្ញុំគិតថា ​អ្នកនឹងមិនសូវជា​បាន​ហៅ របក​គំហើញថ្មីដែល​បង្កើតដោយ​មនុស្សរៀបការរួចនោះទេ”។ បើ​ស្តាប់ទៅ​ហាក់ដូចជាធ្ងន់ពេកដែល​យល់ថា​ មនុស្សមានគូ​ហាក់​ជាប់ដៃ​រវល់តែនឹង​​រឿង​​បំពេញ​ភារកិច្ចគេក្នុងភាព​ជាអ្នក​មាន​គូ រហូតមិន​ងាយនឹង​ចំណាយពេល​លើ​រឿងអ្វី​ផ្សេងៗឲ្យ​លើសពីរឿងក្របខណ្ឌអ្នក​មានគូនោះ។ តែបើ​មើល​មួយជ្រុងទៀត ជីវិតជា​ជម្រើស ​ថាតើគេគួរនឹង​ដើរលើជម្រើសណា។ តេស្លាស្វែងរក​ក្តីសុខ​តាមរយៈ​ការគយគន់​ហ្វួងព្រាប​ហោះហើរៗពី​កន្លែងមួយទៅមួយ​ ពីមួយ​ខណៈទៅ​មួយ​ខណៈ ។ គាត់ធ្លាប់ថា “ខ្ញុំស្រលាញ់​ព្រាបមួយក្បាលនេះប្រៀបបានទៅនឹងក្តីស្នេហ៍ដែល​បុរសមានចំពោះនារី។ ព្រាបញីមួយក្បាលនេះ​ស្រលាញ់ខ្ញុំហើយ នាង​ជា​បុព្វហេតុជីវិតខ្ញុំ។” ស្តាប់ទៅ​វាគួរឲ្យចង់សើច! តែនេះគឺជា​ជីវិត ជីវិតដែលគ្រប់គ្នា​មាន​សិទ្ធិ​​​​ជ្រើស​។ ​ជម្រើស​របស់​ខ្ញុំ​មិនគួរចាត់ថា​ខុស​ដោយ​វាគ្រាន់តែ​ផ្ទុយនឹង​ជម្រើសរបស់អ្នកនោះទេ ដរាបណា​វា​មិនមែនជា​ប្រធានរឿង​ប្រឆាំងក្តីសុខរបស់​គេឯងនោះ។

សរុបមក ជីវិតនេះប្រៀបបាននឹងឡានមួយគ្រឿងដែលអ្នកត្រូវមើលថែរក្សាវា ពិនិត្យពិច័យគ្រឿងមានស៊ីន ចាក់សាំង ដុសខាត់ជាដើម។ តែសំនួរនៅត្រង់ថាតើឡាននេះនឹងធ្វើដំណើរទៅកាន់ទីណា ហើយ ដើម្បីអ្វី? ចង្កូតស្ថិតក្នុងដៃអ្នក រីឯអ្នក​ជិតខាងរបស់អ្នក​បាន​ត្រឹមតែ​​ស្រែក​ សើច​ យំ សប្បាយ​និង​ជម្រើសអ្នក ពេលខ្លះគេនោះក៏​មានចិត្តចង់​លួចទាញ​ចង្កូតរបស់​អ្នកឲ្យទៅតាមផ្លូវពួកគេដែរ។ មានតែអ្នកទេដែលអាចដឹងថា​ខ្លួនកំពុងតែ​ឆ្ពោះទៅកាន់ទីតាំងនោះ ព្រោះចង្កូតវាកំពុងតែ​នៅស្ថិតនៅក្នុង​ដៃអ្នក។
#សកម្មភាពដាក់សៀវភៅក្នុងស្រុកព្រះស្ដេច ខេត្តព្រៃវែង

សូមថ្លែងអំណរគុណលោក ស៊ុំ វី ដែលបានបរិច្ចាគថវិកាចំនួន ៤ម៉ឺនរៀល ដើម្បីចូលរួមជាមួយក្រុម អេស ជី អេ ក្នុងកិច្ចការងារសង្គម។

សូមជូនពរលោក និងក្រុមគ្រួសារមានសុខភាពល្អ និងជួបប្រទះនូវពុទ្ធពរ ទាំង៤ប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

សូមថ្លែងអំណរគុណដល់ក្រុមហ៊ុន Green Design &Decor KL Construction ដែលបានបរិច្ចាគថវិកាចំនួន ១០ម៉ឺនរៀល ដើម្បីចូលរួមជាមួយក្រុម អេស ជី អេ ក្នុងកិច្ចការងារសង្គម។

សូមជូនពរលោកប្រធាន និងក្រុមគ្រួសារឱ្យមានសុខភាពល្អ និងជួបប្រទះនូវពុទ្ធពរ ទាំង៤ប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។