សាលាបឋមសិក្សាត្បែងព្នៅ

សាលាបឋមសិក្សាត្បែងព្នៅ

ក្នុងនាមនាងខ្ញុំជា នាយិកា គណៈគ្រប់គ្រង លោកគ្រូអ្នកគ្រូ សិស្សានុសិស្ស សាលាបឋមសិក្សាត្បែងព្នៅ។សូមថ្លែងអំណរគុណយ៉ាងជ្រាលជ្រៅចំពោះលោកស្រី មែ សុខន ព្រមទាំងបុត្រនិងចៅ ដែលបានចូលរួមថវិកាចំនួន ២០ ០០០៛ ក្នុងកម្មវិធីបុណ្យ 100 ថ្ងៃរបស់លោក ថោង ឡុញ ដើម្បីចូលរួមកែលម្អបរិស្ថានសាលាបឋមសិកស្សាត្បែងព្នៅ។សូមជូនពរសុខភាពល្អ សុភមង្គល ជ័យជំនះគ្រប់ភារកិច្ច និង សូមឧទ្ទិសកុសលផលបុណ្យជូនលោក ថោង ឡុញ សូមវិញ្ញាណក្ខន្ធលោកបានទៅកាន់សុខគតិភព។

ថ្ងៃទី ២១ ខែ ធ្នូ ឆ្នាំ២០២១សាលាបឋមត្បែងព្នៅ សូមថ្លែងអំណរគុណយ៉ាងជ្រាលជ្រៅចំពោះ អង្គការខេប (គម្រោងរីក៤) ដែលបានឧបត្ថម្ភ ទូ ដាក់សម្ភារៈសម្រាប់ថ្នាក់មត្តេយ្យ។សូមជូនពរដល់ក្រុមការងាររបស់ អង្គការខេប ទាំងអស់ សូមជួបតែសេចក្តីសុខ សុខសុវត្ថិភាព សុភមង្គល នឹងជ័យជំនះគ្រប់ភារកិច្ច។

ក្នុងនាមនាងខ្ញុំជា នាយិកា គណៈគ្រប់គ្រង លោកគ្រូអ្នកគ្រូ សិស្សានុសិស្ស សាលាបឋមសិក្សាត្បែងព្នៅ។ សូមថ្លែងអំណរគុណយ៉ាងជ្រាលជ្រៅចំពោះ កញ្ញា កាន់ ប៊ុនថេន
(ផ្កាស្មៅ) ដែលបានចូលរួមថវិកាចំនួន ១០០ ០០០៛
ដើម្បី ដាក់កង្ហារ និង រៀបការ៉ូ បន្ទប់រៀនសាលាបឋមសិក្សា
ត្បែងព្នៅ។សូមជូនពរ សុខភាពល្អ សុភមង្គល ជ័យជំនះគ្រប់ភារកិច្ច។

សាលាបឋមត្បែងព្នៅសម្អាតបរិស្ថានសាលាថ្ងៃចន្ទទី 25 ខែតុលាឆ្នាំ 2021

សូមអរគុណដល់លោកគ្រូអ្នកគ្រូទាំងអស់នឹងបងជាងណាងដែលបានចូលរួមចាក់សាបផ្លូវចូលរោងកង់ សម្រាប់សិស្សានុសិស្សចូលរៀននៅពេលខាងមុខនេះសាលាបឋមសិក្សាត្បែងព្នៅថ្ងៃអាទិត្យទី 24 ខែតុលាឆ្នាំ 2021

សាលាបឋមសិក្សាត្បែងព្នៅសម្អាតរួចរាល់សម្រាប់ការត្រៀមចូលរៀនឡើងវិញរបស់សិស្សានុសិស្សថ្នាក់ទី 4 ទី 5 និងទី6។ថ្ងៃចន្ទទី 13 ខែកញ្ញាឆ្នាំ 2021។សូមចូលរួមរក្សាគម្លាតសុវត្ថិភាព 3 កុំ 3ការពារ ទាំងអស់គ្នា។សូមអរគុណ

សាលាបឋមសិក្សាត្បែងព្នៅសកម្មធ្វើតេស្តដំណាក់កាលទី 2ទី 3 និងទី 4សម្រាប់ថ្នាក់ទី 1 ទី 2 និងទី 3របស់អង្គការខេបគម្រោងរីក។

សូមជម្រាបជូនសារជាថ្មី
សាលាបឋមសិក្សាត្បែងព្នៅសូមជម្រាបជូនសារជាថ្មីដល់មាតាបិតាអាណាព្យាបាលសិស្សឲ្យបានជ្រាបថា÷នៅថ្ងៃច័ន្ទទី 6 ខែកញ្ញាឆ្នាំ 2021 នេះការចូលរៀនឡើងវិញគឺ រៀនតែសិស្សថ្នាក់ទី 4 ទី 5 ទី 6 ទេ។ចំណែកសិស្សថ្នាក់មតេ្តយ្យទី1 2 3គឺនៅសិក្សាតាមរយៈតេឡេក្រាមឬចែកសន្លឹកកិច្ចការ។សូមរក្សាសុវត្ថិភាព 3កុំ 3ការពារទាំងអស់គ្នា។សូមអរគុណ!

សេចក្តីជូនដំណឹង
សាលាបឋមសិក្សាត្បែងព្នៅសូមជម្រាបជូនដំណឹងដល់មាតាបិតាសិស្សអាណាព្យាបាលសិស្សដែលមានកូនរៀនពីថ្នាក់មត្តេយ្យដល់ថ្នាក់ទី 6 នៅសាលាបឋមសិក្សាត្បែងព្នៅជ្រាបថា÷សាលាបើកបង្រៀនវិញនៅថ្ងៃចន្ទទី 6 ខែកញ្ញាឆ្នាំ 2021។
កូនៗដែលត្រូវមកសិក្សាត្រូវមាន នំចំណី ទឹកហូប ម៉ាសអាល់កុល មកជាមួយផង។ពីព្រោះសាលាមិនអនុញ្ញាតឲ្យអ្នកលក់ដូរលក់នៅក្នុងសាលារៀនទេ។សូមចូលរួមរក្សាសុវត្ថិភាព 3 កុំ 3ការពារ ទាំងអស់គ្នា។សូមអរគុណ!

ទេសភាពសាលាបឋមសិក្សាត្បែងព្នៅ