សាលាបឋមសិក្សាកស្វាយ ឃុំរហាត់ទឹក ស្រុកមង្គលបូរី ខេត្តបន្ទាយមានជ័យ

ប្រជុំបច្ចេកទេសកម្រងរហាត់ទឹក ប្រចាំខែឧសភា ឆ្នាំ២០២៦
នៅសាលាបឋមសិក្សា អូរដង្កោ ក្រោមការផ្ដល់កិត្តិយសអញ្ជើញ
ចូលរួមដោយ លោក ណាំ ស៊ីណាត តំណាងការិ.អប់រំស្រុក លោក អែម វីឆ័យ ប្រធានកម្រងរហាត់ទឹក នាព្រឹកថ្ងៃទី ២៨/០៥/២០២៦។

សេចក្តីជូនដំណឹង និងការក្រើនរំលឹកស្តីពីការរឹតបន្តឹងវិន័យសិស្ស 🔸~~~~~~~~~~~~~~~~~~~~~~~~~~~~🔸
សូមគោរពជម្រាបជូន លោកនាយក លោកគ្រូ អ្នកគ្រូ និងអាណាព្យាបាលសិស្សានុសិស្សទាំងអស់ជាទីគោរព!

ដើម្បីរក្សាបាននូវសណ្តាប់ធ្នាប់ វិន័យ និងបរិយាកាសសិក្សាដ៏ល្អប្រសើរនៅក្នុងសាលា គណៈគ្រប់គ្រងសាលា និងក្រុមប្រឹក្សាវិន័យ សូមធ្វើការក្រើនរំលឹក និងណែនាំដល់សិស្សានុសិស្សទាំងអស់ នូវចំណុចសំខាន់ៗដូចខាងក្រោម៖
១. ការហាមឃាត់ការប្រើប្រាស់សារធាតុញៀន និងបារី៖ សាលាហាមដាច់ខាតការយកមកតាមខ្លួន ឬការប្រើប្រាស់បារីធម្មតា និងបារីអេឡិចត្រូនិក (V**e) ទាំងក្នុង និងជុំវិញបរិវេណសាលា។ សកម្មភាពទាំងនេះជាការល្មើសវិន័យធ្ងន់ធ្ងរ។
២. សីលធម៌ក្នុងការរស់នៅ និងការប្រើប្រាស់បណ្តាញសង្គម៖ សិស្សានុសិស្ស (ជាពិសេសសិស្សស្រី) ត្រូវរក្សាសេចក្តីថ្លៃថ្នូរ សេចក្តីគួរសម និងជៀសវាងការថតវីដេអូរាំរែកបែបអនាចារ ឬខ្វះវិន័យក្នុងឯកសណ្ឋានសាលា រួចបង្ហោះលើបណ្តាញសង្គម (TikTok, Facebook ។ល។) ដែលធ្វើឱ្យប៉ះពាល់ដល់តម្លៃសិស្សខ្មែរ។

សេចក្តីអំពាវនាវ៖ សាលាក៏សូមអំពាវនាវដល់លោកឪពុក អ្នកម្តាយ និងអាណាព្យាបាលគ្រប់រូប ជួយជម្រុញ តាមដានសកម្មភាព មិត្តភក្តិ និងការប្រើប្រាស់ទូរស័ព្ទរបស់បុត្រធីតាបន្ថែមនៅផ្ទះ ដើម្បីរួមគ្នាដុសខាត់ពួកគាត់ឱ្យក្លាយជាកូនល្អ សិស្សល្អ និងពលរដ្ឋល្អក្នុងសង្គម។

សាលានឹងចាត់វិធានការតាមផ្លូវវិន័យយ៉ាងម៉ឺងម៉ាត់ ចំពោះសិស្សណាដែលនៅតែបន្តល្មើសនឹងការណែនាំនេះ។
សូមអរគុណចំពោះការចូលរួមសហការ!

សកម្មភាពព្រះសង្ឃ១០០ព្រះអង្គ ជួយកិច្ចការចាក់សាបនៅសាលាបឋមសិក្សាកស្វាយ ឃុំរហាត់ទឹក ស្រុកមង្គលបូរី .ប/ជ

១ វត្តស្វាយត្រស់
២ វត្តចក
៣ វត្តអញ្ចាញ
៤ វត្តឫស្សីក្រោក
៥ វត្តសុវណ្ណគិរី
៦ វត្តអូរប្រាសាទ
៧ វត្តរូងក្របៅ

កំពុងបញ្ចេញពលកម្មចាក់សាបប្រវែង៧០ម៉ែត្រ នៅសាលាបឋមសិក្សាកស្វាយ ឃុំរហាត់ទឹក ស្រុកមង្គលបូរី ខេត្តបន្ទាយមានជ័យ។ (រសៀល)
............................................................................
ថ្ងៃសុក្រ ១៤រោច ខែពិសាខ ឆ្នាំមមី អដ្ឋស័ក ព.ស.២៥៧០
ត្រូវនឹងថ្ងៃទី១៥ ខែឧសភា ឆ្នាំ២០២៦

សកម្មភាពព្រះសង្ឃ១០០ព្រះអង្គ ជួយកិច្ចការចាក់សាបនៅសាលាបឋមសិក្សាកស្វាយ ឃុំរហាត់ទឹក ស្រុកមង្គលបូរី .ប/ជ

១ វត្តស្វាយត្រស់
២ វត្តចក
៣ វត្តអញ្ចាញ
៤ វត្តឫស្សីក្រោក
៥ វត្តសុវណ្ណគិរី
៦ វត្តអូរប្រាសាទ
៧ វត្តរូងក្របៅ

កំពុងបញ្ចេញពលកម្មចាក់សាបប្រវែង៧០ម៉ែត្រ នៅសាលាបឋមសិក្សាកស្វាយ ឃុំរហាត់ទឹក ស្រុកមង្គលបូរី ខេត្តបន្ទាយមានជ័យ។ (ព្រឹក)
............................................................................
ថ្ងៃសុក្រ ១៤រោច ខែពិសាខ ឆ្នាំមមី អដ្ឋស័ក ព.ស.២៥៧០
ត្រូវនឹងថ្ងៃទី១៥ ខែឧសភា ឆ្នាំ២០២៦

អបអរសាទរ ព្រះរាជពិធីបុណ្យចម្រើនព្រះជន្ម ព្រះករុណា ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា។

ក្នុងឱកាសដ៏មហានក្ខត្តឫក្ស នៃពិធីបុណ្យចម្រើនព្រះជន្មវស្សា គម្រប់ ៧៣ យាងចូល ៧៤ ព្រះវស្សា របស់ព្រះករុណាជាអម្ចាស់ជីវិតលើត្បូង នាថ្ងៃព្រហស្បតិ៍ ទី១៤ ខែឧសភា ឆ្នាំ២០២៦នេះ។

ទូលព្រះបង្គំយើងខ្ញុំទាំងអស់គ្នា ជាគណៈគ្រប់គ្រង លោកគ្រូ អ្នកគ្រូ និងសិស្សានុសិស្សនៃ សាលាបឋមសិក្សាកស្វាយ ឃុំរហាត់ទឹក ស្រុកមង្គលបូរី ខេត្តបន្ទាយមានជ័យ សូមលំឱនកាយ វាចាចិត្ត ក្រាបបង្គំ ទូលថ្វាយព្រះសព្ទសាធុការពរជ័យ បវរមហាប្រសើរ សិរីសួស្ដី វិបុលសុខគ្រប់ប្រការ ថ្វាយព្រះករុណាថ្លៃវិសេស។

សូមព្រះអង្គទ្រង់ប្រកបដោយព្រះរាជសុខភាពល្អបរិបូរណ៍ ព្រះកាយពលមាំមួន ព្រះបញ្ញាញាណភ្លឺថ្លា និង ព្រះជន្មាយុយឺនយូរជាងរយព្រះវស្សា ដើម្បីគង់ប្រថាប់ក្នុងព្រះបរមសិរីរាជសម្បត្តិ ជាម្លប់ដ៏ត្រជាក់ត្រជុំដល់កូនចៅ ចៅទួត របស់ព្រះអង្គទូទាំងព្រះរាជាណាចក្រកម្ពុជា ជាដរាបតរៀងទៅ។

ក្រាបបង្គំទូលថ្វាយពី គណៈគ្រប់គ្រង លោកគ្រូ អ្នកគ្រូ និងសិស្សានុសិស្ស នៃសាលាបឋមសិក្សាកស្វាយ ឃុំរហាត់ទឹក ស្រុកមង្គលបូរី ខេត្តបន្ទាយមានជ័យ។

ថ្ងៃព្រហស្បតិ៍ ១៣ រោច ខែពិសាខ ឆ្នាំមមី អដ្ឋស័ក ព.ស. ២៥៧០
ត្រូវនឹងថ្ងៃទី១៤ ខែឧសភា ឆ្នាំ២០២៦។

សូមអនុមោទនា បុណ្យវិសាខបូជា ឆ្លងពុទ្ធសករាជ ចូល ២៥៧០

វិសាខបូជា គឺជាបុណ្យដ៏ធំមួយ ក្នុងព្រះពុទ្ធសាសនា ដែលប្រទេសកម្ពុជា បានចាត់ទុកជាបុណ្យជាតិ។ ជាងនេះទៀត ប្រទេសជិត២០០ ដែលជាសមាជិកនៃអង្គការសហប្រជាជាតិ បានអនុម័ត និងទទួលស្គាល់ វិសាខបូជា ជាបុណ្យអន្តរជាតិ កាលពីថ្ងៃទី១៥ ខែធ្នូ ឆ្នាំ១៩៩៩។

បុណ្យវិសាខបូជា នៅកម្ពុជាសព្វថ្ងៃ ប្រជាពុទ្ធសាសនិកជន តែងតែធ្វើដំណើរទៅវត្តណាមួយដែលខ្លួនពេញចិត្ត ដើម្បីចូលរួមក្នុងការប្រារព្ធពិធី មានការដើរហែប្រទក្សិណជុំវិញព្រះវិហារ ការថ្វាយភ្ញីផ្កា ការសូត្រធម៌រំឭកសសើរ ការស្តាប់ ធម្មទេសនា និងការសាកសួរសាកច្ឆាធម៌ជាដើម។ កិច្ចការទាំងនេះក៏ជាការប្រសើរហើយ ព្រោះបាននូវអានិសង្ស ដែលកើតមកពីការធ្វើទាន រក្សាសីលជាដើម តែជាពិសេសទៅទៀតនោះ គឺការដែលប្រជាពុទ្ធបរិស័ទគប្បីយល់ឱ្យកាន់តែបានច្បាស់ថែមទៀតអំពី សារៈសំខាន់របស់ថ្ងៃទាំងបីនេះ ដើម្បីជាប្រយោជន៍សម្រាប់យកមកប្រតិបត្តិ និងអនុវត្តក្នុងជីវិតប្រចាំថ្ងៃរបស់ខ្លួន។

សារលិខិតថ្វាយព្រះពរ🙏🙏🙏

ទូលព្រះបង្គំ ជានាយក លោកគ្រូ អ្នកគ្រូ និងសិស្សានុសិស្ស នៃសាលាបឋមសិក្សាកស្វាយ ឃុំរហាត់ទឹក ស្រុកមង្គលបូរី ខេត្តបន្ទាយមានជ័យ សូមព្រះបរមរាជានុញ្ញាតលំឱនកាយក្រាបអភិវន្ទសម្ដែងនូវគារវកិច្ច និងលើកហត្ថប្រណម្យ បួងសួងដល់គុណបុណ្យព្រះរតនត្រ័យ វត្ថុស័ក្តិសិទ្ធិទាំងឡាយក្នុងលោក និងទេវតា រក្សាព្រះមហាស្វេតច្ឆត្រ សូមជួយប្រោះព្រំ នូវសព្ទសាធុការពរ សិរីសួស្តី ជ័យមង្គល វិបុលសុខ បវរមហាប្រសើរ ថ្វាយ ព្រះករុណាជាអម្ចាស់ជីវិតលើត្បូង សូមព្រះអង្គទទួលបានជោគជ័យក្នុងការយាងទទួលការវះ កាត់ព្យាបាលព្រះរោគ នៅសាធារណរដ្ឋប្រជាមានិតចិន។

ទូលព្រះបង្គំជាខ្ញុំ សូមថ្វាយព្រះពរ ព្រះករុណាជាអម្ចាស់ ឆាប់ជាសះស្បើយពីព្រះរោគ និងមានព្រះសុខភាពល្អបរិបូរណ៍ឡើងវិញ យាងនិវត្តន៍មកកាន់មាតុប្រទេស គង់ប្រថាប់ជាម្លប់ត្រជាក់ត្រជុំនៃប្រជានុរាស្ត្រខ្មែរទូទាំងព្រះនគរ🙏✨

យើងខ្ញុំជានាយក និងជាគណៈគ្រប់គ្រងសាលា មានកិត្តិយសសូមគោរពថ្លែងអំណរគុណ ចំពោះលោក Chantra Be និងក្រុមគ្រួសារ ដោយលោកមានទឹកចិត្តសប្បុរសចំណាយថវិការផ្ទាល់ខ្លួនទិញសម្ភារៈសិក្សា និងគ្រឿងបរិក្ខារផ្សេងៗ ជូនជាអំណោយដល់កុមារា កុមារី ថ្នាក់មត្តេយ្យសិក្សា នៃសាលាបឋមសិក្សាកស្វាយ ឃុំរហាត់ទឹក ស្រុកមង្គលបូរី ខេត្តបន្ទាយមានជ័យ។

យើងខ្ញុំទាំងអស់គ្នា សូមប្រសិទ្ធពរជ័យ សិរីសួស្តី ចូលមានដល់លោក រួមជាមួយក្រុមគ្រួសារ ឱ្យជួបតែសេចក្តីសុខ សុភមង្គល និងជួបប្រទះតែពុទ្ធពរទាំងឡាយ៤ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

សារថ្លែងអំណរគុណ : គណៈគ្រប់គ្រងសាលាបឋមសិក្សាកស្វាយ ឃុំរហាត់ទឹក ស្រុកមង្គលបូរី ខេត្តបន្ទាយមានជ័យ មានកិត្តិយសសូមគោរពថ្លែងអំណរគុណ ចំពោះព្រះករុណាគុណម្ចាស់ លោក លោកស្រី លោកតា លោកយាយ លោកគ្រូ អ្នកគ្រូ ញាតិមិត្តជិតឆ្ងាយ និងសិស្សានុសិស្សទាំងអស់ ដែលបានចូលរួមកម្មវិធីបុណ្យភូមិនិងផ្កាប្រាក់សាមគ្គី ដើម្បីប្រមូលថវិកាកសាងបល្ល័ង្កព្រះ៣ព្រះអង្គ និងចាក់បេតុងបណ្តោយប្រវែង៧០ម៉ែត្រ ទទឹង៥ម៉ែត្រខាងមុខនេះ។

ជាចុងបញ្ចប់សូមប្រសិទ្ធពរជ័យ សិរីសួស្តី ដល់ព្រះករុណាគុណម្ចាស់ លោក លោកស្រី ឱ្យបានជួបតែសេចក្តីសុខ សុភមង្គល និងជួបប្រទះតែពុទ្ធពរទាំងឡាយ៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

ថ្ងៃសៅរ៍ ២រោច ខែចេត្រ ឆ្នាំម្សាញ់សប្តស័ក ព.ស. ២៥៦៩
ត្រូវនឹងថ្ងៃទី៤ ខែមេសា ឆ្នាំ២០២៦