សាលាបឋមសិក្សាស្វាយទាប - Svay Teab Primary School

26/08/2026

#គណៈគ្រប់គ្រងសាលា គណៈកម្មការគ្រប់គ្រងសាលា លោកគ្រូ អ្នកគ្រូនៃសាលាបឋមសិក្សាស្វាយទាប សូមថ្លែងអំណរគុណចំពោះ
#លោក ប៊ុនថេង និង លោកស្រី វ៉ន វួចងីម
#ដែលបានឧបត្ថម្ភថវិកា ១៥០ ០០០ រៀល ដល់សាលារៀន ដើម្បីចែករង្វាន់ដល់សិស្សរៀនពូកែប្រចាំឆ្នាំសិក្សា២០២៥-២០២៦ ។
#សូមគោរពជូនពរ លោក លោកស្រី និងក្រុមគ្រួសារ ជួបប្រទះនូវពុទ្ធពរទាំង៤ប្រការគឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ !

25/08/2026

25/08/2026

💡បកស្រាយ បុរាណភាសិត «ឈើខ្ពស់ស្លាប់ពីចុង មនុស្សល្ងង់ស្លាប់ពីជើង»។

✅ តាមពិតបើយើងវិភាគឱ្យដិតដល់ទៅ ដើមឈើដែលអាចរស់ឬស្លាប់ទៅបាន គឺសុទ្ធតែចាប់ផ្ដើមប្រតិកម្មចេញពីឫសនិងគល់របស់វាជាមុន។ ឫសដែលមិនអាចស្រូបបានជីវជាតិពីក្នុងដីបណ្ដាលឱ្យបាត់បង់តុល្យភាពក្នុងការលូតលាស់ នោះជាកត្តាសំខាន់ដែលមិនអាចបន្តចិញ្ចឹមដើមទាំងមូលបាន។ ប៉ុន្តែដំណើរវិវឌ្ឍននៃការស្លាប់របស់ដើមឈើ សភាពដែលយើងមើលនឹងភ្នែកគឺឃើញថា វាពិតជាស្លាប់ពីផ្នែកខាងចុងមកមុនយ៉ាងប្រាកដ ចាប់ផ្ដើមស្លោកជ្រុះស្លឹករហូតដល់មែក និងបន្តរាលមកដល់ដើម ដំណើរការស្លាប់ពីចុងនេះវារាលដេញចុះមកក្រោមរហូតស្លាប់ដើមទាំងស្រុងតែម្ដង។

✅ ឃ្លាថា «ដើមឈើខ្ពស់ស្លាប់ពីចុង»។
បានន័យថា មនុស្សដែលប្រកាន់នូវសេចក្តីថ្លៃថ្នូរ ក៏ស្លាប់រស់នឹងតម្លៃកិត្តិយសថ្លៃថ្នូររបស់ពួកគេនោះដែរ។ កិត្តិយស និងសេចក្តីថ្លៃថ្នូរ គឺខ្ពង់ខ្ពស់ណាស់សម្រាប់មនុស្ស មនុស្សខ្លះវាយបានតែហាមប្រមាថ ខ្ញុំឃើញមន្ត្រីរាជការខ្លះស៊ូលំបាកក្នុងជីវភាពសុចរិត ក៏មិនចង់ទៅប្រព្រឹត្តអំពើពុករលួយដែរ។ មនុស្សខ្លះដល់ថ្នាក់ពោលថា «បើអាចជ្រើសរើសការស្លាប់បាន ពេលថ្ងៃនោះមកដល់គាត់សូមជ្រើសរើសការស្លាប់ដោយមានកិត្ដិយសជាទីបំផុត»។ មនុស្សសាមញ្ញអាចនឹងខ្លាចនូវសេចក្ដីស្លាប់ ប៉ុន្តែមនុស្សថ្លៃថ្នូរខ្លាចស្លាប់ដោយគ្មានកិត្តិយស នេះហើយហៅថា «ដើមឈើខ្ពស់ស្លាប់ពីចុង»។

✅ ឃ្លាថា «មនុស្សល្ងង់ស្លាប់ពីជើង»។
បានន័យថា មនុស្សខ្លះតែងតែស្លាប់រស់នឹងរឿងថោកទាប។ មនុស្សខ្លះប្ដូរជីវិតដើម្បីលួចឆក់ប្លន់ មនុស្សខ្លះប្ដូរជីវិតនឹងការ កាប់ចាក់គ្នា មនុស្សខ្លះប្ដូរជីវិតនឹងការបង្ហោះម៉ូតូ មនុស្សខ្លះទៀតប្ដូរជីវិតនឹងកិច្ចការងារដែលសង្គមស្អប់ខ្ពើម។ សុភាសិតជប៉ុនពោលថា «បើអ្នកមិនអាចរស់នៅដោយកិត្តិយសនោះទេ អ្នកត្រូវតែស្លាប់ដោយកិត្តិយស»។ មនុស្សល្ងង់ប្រភេទនេះ រស់នៅក៏មិនប្រកបដោយកិត្តិយសនិងសេចក្តីថ្លៃថ្នូរ ហើយស្លាប់ទៅក៏ស្លាប់ដោយតម្លៃថោកទាបរបស់ពួកគេ នេះហើយហៅថា «មនុស្សល្ងង់ស្លាប់ពីជើង»។

✅ អត្ថបទមួយនេះពិតជាខ្ទាស់ត្រចៀកខ្លាំងណាស់ ព្រោះបានសង្កត់ធ្ងន់នូវពាក្យវាយប្រហាទៅកាន់បុគ្គលអវិជ្ជមានមួយចំនួនតូច។ តាមពិតទៅគ្រប់មនុស្សតែងតែឱ្យតម្លៃទៅលើរូបភាពថ្លៃថ្នូរផ្សេងៗគ្នា បើយើងនិយាយថាក្មេងទំនើងវាយកាប់ចាក់គឺជារឿងថោកទាប ប៉ុន្តែពួកគេវាយកាប់ចាក់ឈ្នះ ពួកគេមានអំណាច ពួកគេមានឥទ្ធិពលក្នុងតំបន់ ពួកគេក៏គិតថានោះជាភាពថ្លៃថ្នូររបស់ពួកគេ។ ហើយបើវាយកាប់ចាក់ចាញ់ ឬឈានដល់បាត់បង់ជីវិត ពួកគេក៏គិតថានេះជាការស្លាប់ដោយសេចក្ដីអង់អាចក្លាហាន នេះជាការស្លាប់ដោយកិត្តិយសបំផុត។

✅ ដង្កូវនៅក្នុងលាមក មនុស្សគឺជាអ្នកវាយតម្លៃថានោះជាលាមក ប៉ុន្តែដង្កូវមិនដែលគិតថានោះគឺជាលាមកទេ តែវាគិតថានេះជាអាហារសួគ៌។ រុយរោមដំបៅបឺតខ្ទុះឈាម មនុស្សគឺជាអ្នកវាយតម្លៃថានោះជាខ្ទុះឈាម ប៉ុន្តែរុយមិនដែលគិតថាវាជាខ្ទុះឈាមដែលគួរឱ្យខ្ពើមនោះទេ តែវាគិតថានេះជាអាហារដ៏ឆ្ងាញ់។ ដូច្នេះ និស្ស័យរបស់ពួកគេបែបណា នោះវចនានុក្រមក្នុងសភាវ:គតិរបស់ពួកគេ គឺសុទ្ធតែប្រែខុសពីពួកយើងទាំងអស់។
By: វិភាគគំនិត៚
#បកស្រាយសុភាសិត #វិភាគគំនិត #ណាវ៉ាត់ #អក្សរសាស្ត្រខ្មែរ #កំណាព្យ

24/08/2026

24/08/2026

#លទ្ធផលប្រឡងសិស្សពូកែថ្នាក់ទី១
#សម័យប្រឡង 21_08_2026
#កម្រងស្វាយទាប

24/08/2026