វត្តកៀនស្វាយក្នុង

#ដំណើរទស្សនកិច្ចសិក្សាលើកទី៣
📝លិខិតសុំការអនុញ្ញាត📝
គណៈគ្រប់គ្រងមជ្ឈមណ្ឌលភាសាបរទេស វីសដឹម
សូមគោរពជូន
មាតាបិតា និង អាណាព្យាបាលសិស្ស
📚✍️មជ្ឈមណ្ឌលភាសាបរទេស វីសដឹម យើងខ្ញុំ សូមជម្រាបជូនដំណឹងដល់មាតាបិតា និងអាណាព្យាបាលសិស្សទាំងអស់ឱ្យបានជ្រាបថា នៅថ្ងៃអាទិត្យទី ១៤ ខែមិថុនា ឆ្នាំ២០២៦ ខាងមុខនេះ។មជ្ឈមណ្ឌលភាសាបរទេស វីសដឹម យើងខ្ញុំនឹងមានកម្មវិធីនាំសិស្សានុសិស្សចុះទស្សនកិច្ចសិក្សានៅទីតាំងវប្បធម៌បែបព្រះពុទ្ធសាសនា វត្តនិគ្រោធវ័ន ហៅ គល់ទទឹង។ ក្នុងគោលបំណងសិក្សាស្វែងយល់ចំណេះដឹងបន្ថែមរួមទាំងណែនាំសិស្សជ្រើសរើសប្រធានបទផ្ទាល់ខ្លួនដើម្បីធ្វើបទបង្ហាញតាមរយៈវីដេអូនិងបទបង្ហាញក្នុងថ្នាក់រៀនផ្ទាល់។
🙏អាស្រ័យដូចបានជម្រាបជូនខាងលើ សូមមាតាបិតា ឬអាណាព្យាបាលសិស្សមេត្តាអនុញ្ញាតដោយសេចក្ដីអនុគ្រោះ។
សូមអរគុណ!

🗓️ថ្ងៃអាទិត្យ ១៤រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៤ ខែមិថុនា ឆ្នាំ២០២៦។

📚✍️🇰🇭🇬🇧🇨🇳ទទួលចុះឈ្មោះសិក្សាភាសាអង់គ្លេសនិងភាសាចិនជារៀងរាល់ថ្ងៃ!
👨‍🏫👩‍🏫💻ថ្នាក់សិក្សាផ្ទាល់និងថ្នាក់អនឡាញ!
📱 Telegram https://t.me/PhatSokha
📱សម្រាប់ព័ត៌មានបន្ថែម: 060 521 859/098 521 859/095 521 859
📍អាសយដ្ឋាន: ផ្ទះលេខ៥៣០ ភូមិយកបាត្រ១ សង្កាត់ក្បាលកោះ ខណ្ឌច្បារអំពៅ រាជធានីភ្នំពេញ។

🙏🙏🙏

អបអរសាទរ​ ខួបទី៧៧ ទិវាកុមារអន្តរជាតិ (១មិថុនា) ក្រោមប្រធានបទ៖ «សន្តិភាព ជាមូលដ្ឋានគ្រឹះនៃការគោរពនិងកិច្ចគាំពារសិទ្ធិកុមារ»

ការប្រារព្ធទិវាកុមារអន្តរជាតិនេះឡើង គឺដើម្បីរម្លឹកដល់ការអនុវត្តសិទ្ធិជាមូលដ្ឋានរបស់កុមារ និងបង្ហាញពីការយកចិត្តទុកដាក់របស់រាជរដ្ឋាភិបាល ក្នុងការដោះស្រាយបញ្ហាប្រឈមនានារបស់កុមារ ជាពិសេសការបង្ការទប់ស្កាត់ និងឆ្លើយតបចំពោះអំពើហិង្សាលើកុមារ ពលកម្មកុមារ សុវត្ថិភាពកុមារតាមប្រព័ន្ធអនឡាញ ដោយជួយគាំទ្រដល់កុមាររងគ្រោះ និងងាយរងគ្រោះពីហានិភ័យ ការគំរាមកំហែង ការកេងប្រវ័ញ្ច និងការរំលោភបំពានគ្រប់ទម្រង់បានទាន់ពេលវេលាប្រកបដោយប្រសិទ្ធភាព ដើម្បីឱ្យកុមាររស់នៅ និងអភិវឌ្ឍដោយសុខដុមរមនាក្រោមម្លប់សន្តិភាព។

ជាការពិតណាស់ កុមារគឺជាធនធានដ៏មានតម្លៃនិងមិនអាចខ្វះបានសម្រាប់ការអភិវឌ្ឍប្រទេសជាតិ។ ជាក់ស្តែង​​ យុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាលបានកំណត់យក «មនុស្ស» ជាវិស័យ អាទិភាពចម្បងបំផុតក្នុងចំណោមអាទិភាពទាំង៥។ ហេតុនេះ ការវិនិយោគលើសុខុមាលភាព សុវត្ថិភាព និងការអភិវឌ្ឍកុមារនៅថ្ងៃនេះ គឺជាការកសាងមូលដ្ឋានគ្រឹះដ៏រឹងមាំនៃមូលធនមនុស្សប្រកបដោយសក្តានុពល ដើម្បីជំរុញសន្ទុះការអភិវឌ្ឍកម្ពុជាឱ្យកាន់តែរីកចម្រើននិងរុងរឿងនាពេលអនាគត។

១ មិថុនា ១៩៤៩ ~ ១ មិថុនា ២០២៦

#ពិធីបុណ្យបំបួសកុលបុត្រ😊🙏

ព្រះគ្រូវិភទ្ទវង្ស ពិន សុវ៉ុន ជាព្រះចៅអធិការវត្តកៀនស្វាយក្នុង និងលោកអាចារ្យ ប៉ុក ឆន ព្រមទាំងលោកអាចារ្យគណៈកម្មការ បានអមព្រះដំណើរ ព្រះញាណវង្ស​ សៅរ៍​ មុនី​ ព្រះរាជាគណៈថ្នាក់ត្រី សមាជិកថេរសភាសង្ឃនៃព្រះពុទ្ធសាសនានៅព្រះរាជាណា​ចក្រកម្ពុជា​ ឧត្តមទីប្រឹក្សាផ្ទាល់គណ:​សង្ឃ​នាយក គណ:មហានិកាយ​ និងជាព្រះគ្រូអនុគណខណ្ឌច្បារអំពៅ​ និមន្តជាព្រះឧបជ្ឈាយ៍​ បំបួសបំពេញឧបសម្បទាភិក្ខុភាវ​ ៥​អង្គ​ និងសាមណេរ​ ១០​អង្គ​ នៅវត្តកៀនស្វាយក្នុង សង្កាត់ក្បាលកោះ ខណ្ឌច្បារអំពៅ រាជធានីភ្នំពេញ ។
ក្នុងពិធីនោះដែល ក៏មានការនិមន្តចូលរួមពីសំណាក់ ព្រះរតនញាណ ព្រះធម្មធរអនុគណ ព្រះចរណាភិរ័ត ព្រះលេខាអនុគណ ជំនួយការសាលាអនុគណ និងលោក ផូ ភន អនុប្រធានការិយាល័យសង្គមកិច្ចនិង សុខុមាលភាពសង្គមខណ្ឌច្បារអំពៅ ។

នៅរសៀលថ្ងៃចន្ទ ៩កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០

#វត្តកៀនស្វាយក្នុង

**បរាភវសូត្រ** គឺសំដៅលើហេតុដែលនាំមកនូវសេចក្តីវិនាស** ឬការធ្លាក់ចុះនៅក្នុងជីវិត។
ព្រះពុទ្ធបរមគ្រូបានសម្តែងបរាភវសូត្រនេះឡើង ដើម្បីឆ្លើយតបនឹងសំណួររបស់ទេវតាដែលចង់ដឹងអំពីបុគ្គលដែលជួបប្រទះនឹងសេចក្តីវិនាស និងមូលហេតុដែលនាំឱ្យវិនាស មាន ១២ ប្រការ ដូចខាងក្រោម៖

១. **ការស្អប់ធម៌៖** បុគ្គលអ្នកស្រឡាញ់ធម៌ (សេចក្តីល្អ និងសេចក្តីពិត) តែងមានសេចក្តីចម្រើន ចំណែកអ្នកស្អប់ធម៌ តែងដល់នូវសេចក្តីវិនាស។

២. **ការសេពគប់ជនពាល៖** ការស្រឡាញ់ពេញចិត្តចំពោះជនពាល មិនចូលចិត្តសប្បុរស និងពេញចិត្តប្រតិបត្តិតាមទង្វើរបស់ជនពាល។

៣. **ភាពខ្ជិលច្រអូស៖** បុគ្គលដែលចូលចិត្តដេកច្រើន ចូលចិត្តនិយាយច្រើន ខ្ជិលច្រអូស មិនប្រឹងប្រែង និងឆាប់ខឹងក្រោធ។

៤. **ការមិនចិញ្ចឹមមាតាបិតា៖** បុគ្គលដែលមានទ្រព្យសម្បត្តិ មានលទ្ធភាពគ្រប់គ្រាន់ តែមិនព្រមចិញ្ចឹមថែរក្សាមាតាបិតាដែលចាស់ជរា។

៥. **ការភូតកុហកសាមណៈ ឬព្រាហ្មណ៍៖** បុគ្គលដែលបោកប្រាស់ ភូតកុហកសមណព្រាហ្មណ៍ ឬអ្នកបួសដែលប្រតិបត្តិល្អ។

៦. **ការកំណាញ់ទ្រព្យ៖** បុគ្គលដែលមានទ្រព្យសម្បត្តិស្តុកស្តម្ភ តែជាមនុស្សកំណាញ់ លាក់ទុកបរិភោគតែម្នាក់ឯង មិនចេះធ្វើទានចែករំលែក។

៧. **ការវាយឫកឆ្មើងឆ្មៃ៖** បុគ្គលដែលវាយឫកឆ្មើងឆ្មៃដោយសារជាតិត្រកូល ទ្រព្យសម្បត្តិ ឬឋានៈ ហើយមើលងាយញាតិសន្តានរបស់ខ្លួន។

៨. **ការប្រព្រឹត្តអបាយមុខ៖** បុគ្គលដែលជាអ្នកលេងស្រា អ្នកលេងល្បែងស៊ីសង និងជាអ្នកលេងស្រី (ប្រព្រឹត្តខុសក្នុងកាម) ដែលធ្វើឱ្យវិនាសទ្រព្យ។

៩. **ការផិតក្បត់៖** ការមិនត្រេកអរពេញចិត្តនឹងភរិយា ឬស្វាមីរបស់ខ្លួន ហើយទៅលួចលាក់សេពគប់ជាមួយស្ត្រី បេស្យាចា ឬប្រពន្ធកូនអ្នកដទៃ។

១០. **បុរសចាស់យកប្រពន្ធក្មេង៖** បុរសដែលមានវ័យចំណាស់ទៅហើយ តែយកភរិយាក្មេង ហើយកើតសេចក្តីប្រច័ណ្ឌ ភ័យព្រួយរហូតដេកមិនលក់។

១១. **ការតែងតាំងអ្នកខ្ជះខ្ជាយជាធំ៖** ការប្រគល់កិច្ចការងារ ឬទ្រព្យសម្បត្តិឱ្យស្ត្រីឬបុរសដែលជាអ្នកលេងល្បែង ខ្ជះខ្ជាយ ឱ្យធ្វើជាអ្នកគ្រប់គ្រងចាត់ចែង។

១២. **មហិច្ឆតាធំតែខ្វះសមត្ថភាព៖** បុគ្គលដែលកើតក្នុងត្រកូលខ្សត់ខ្សោយ តែមានមហិច្ឆតាធំចង់បានអំណាច ឬចង់គ្រប់គ្រងរាជ្យសម្បត្តិដោយមិនស្របធម៌។

**បរាភវសូត្រ** គឺជាការទូន្មានប្រៀនប្រដៅដល់មនុស្សគ្រប់រូបឱ្យស្គាល់ពីគន្លងនៃសេចក្តីវិនាស ដើម្បីជៀសវាង និងកុំប្រព្រឹត្តនូវទង្វើអកុសលទាំងឡាយនេះ ប្រសិនបើចង់បានសេចក្តីសុខ និងសេចក្តីចម្រើនក្នុងជីវិត។
--------------------------------------
© ភិក្ខុ គឿន ប៊ុនធី | Posted: 15 May 2026

#បរាភវសូត្រ
#ព្រះធម៌
#ព្រះពុទ្ធសាសនា
#អប់រំចិត្ត
#ធម៌ទេសនា
#ចៀសវាងអកុសល
#វិនាសទាំង១២