Students Association of ITC

02/09/2026

សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ផ្តល់អាហារូបករណ៍ដ៏ថ្លៃថ្លារបស់ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត (អ.ម.ត) នៅវិទ្យាស្ថានបច្ចេកវិទ្យាកម្ពុជា (ITC) កម្រិតវិស្វករ សម្រាប់ឆ្នាំសិក្សា២០២៦-២០២៧ ចំនួន ២០ កន្លែង ដោយឆ្លងកាត់ការប្រឡង។

កាលបរិច្ឆេទទទួលពាក្យ៖ ចាប់ពីថ្ងៃជូនដំណឹងនេះ ដល់ថ្ងៃទី២២ ខែកញ្ញា ឆ្នាំ២០២៦ វេលាម៉ោង ១៧:០០ នាទី ជាកំហិត។

ព័ត៌មានបន្ថែម សូមចូលទៅកាន់ https://t.me/+AIeUIaYrNkNiM2E1
តំណភ្ជាប់សម្រាប់ដាក់ពាក្យស្នើសុំប្រឡង https://reg.amt.live/web/signup

#អមត

02/09/2026

25/08/2026

សមាគមនិស្សិតវិទ្យាស្ថានបច្ចេកវិទ្យាកម្ពុជា បានរៀបចំក្រុមនិស្សិតបង្រៀនសិស្សប្អូន Senior Teaching Junior (STJ) បង្រៀនបំប៉នបន្ថែមនូវមុខវិជ្ជា Electricity និង Mechanic II ដល់និសិ្សតឆ្នាំទី ២ អំឡុងពេលវិស្សមកាលនៅវិទ្យាស្ថានបច្ចេកវិទ្យាកម្ពុជា មណ្ឌល តេជោ ហ៊ុន សែន ចំការដូង (ខេត្តកែប) (Vacation Training Class 2026) ដែលបង្រៀនដោយ:

កញ្ញា ឡាន បូរិន
កញ្ញា ឡាច មុន្នីកន្នីកា
កញ្ញា សុខគា វត្តី
លោក គ្រុយ អ៉ីខាង

សូមអរគុណ!

21/08/2026

សមាគមនិស្សិតវិទ្យាស្ថានបច្ចេកវិទ្យាកម្ពុជាបានបង្កើតក្រុមតេឡេក្រាមដើម្បីឲ្យសិស្សច្បងចែករំលែកបទពិសោធន៍នៃការប្រលងចូល ដល់សិស្សប្អូនដែលទើបប្រលងចប់សញ្ញាបត្រមធ្យមសិក្សាទុតិយភូមិ(បាក់ឌុប)។
ប្អូនៗដែលមានបំណងប្រលងចូលរៀននៅតិចណូអាច
join channel: https://t.me/+W95FibufX-piMzJl

31/07/2026

សេចក្តីជូនដំណឹង ស្តីពីការប្រឡងជ្រើសរើស និស្សិតចូលរៀនឆ្នាំទី១ កម្រិតវិស្វករ នៅសាលាតិចណូភ្នំពេញ

31/07/2026

សេចក្តីជូនដំណឹងជ្រើសរើសនិស្សិតវិស្វករឆ្នាំទី១ នៅវបក មណ្ឌលវិមានឈ្នះឈ្នះ សម្រាប់ឆ្នាំសិក្សា២០២៦-២០២៧។

25/07/2026

សារលិខិតរំលែកទុក្ខ
សូមគោរពជូន
ឯកឧត្តមសាស្រ្តាចារ្យបណ្ឌិត ប៉ូ គឹមថូ នាយកវិទ្យាស្ថានបច្ចេកវិទ្យាកម្ពុជា

ក្នុងនាមសមាជិក សមាជិកា នៃសមាគមនិស្សិតវិទ្យាស្ថានបច្ចេកវិទ្យាកម្ពុជា មានសេចក្ដីតក់ស្លុត និងរន្ធត់ចិត្តយ៉ាងក្រៃលែង ដោយទទួលដំណឹងថា៖ ឧបាសិកា ម៉ៅ យ៉យ ដែលត្រូវជាម្តាយបង្កើតរបស់ ឯកឧត្តមសាស្រ្តាចារ្យបណ្ឌិត បានទទួលមរណៈភាព វេលាម៉ោង ១៨:៤៥ នាទី នាថ្ងៃសុក្រ ១០កើត ខែទុតិយោសាឍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី២៤ ខែកក្កដា ឆ្នាំ២០២៦ ដោយជរាពាធ ក្នុងជន្មាយុ ៨៤ឆ្នាំ ។
ក្នុងវេលាដ៏សែនក្រៀមក្រំនេះ យើងខ្ញុំទាំងអស់គ្នា នៃសមាគមនិស្សិតវិទ្យាស្ថានបច្ចេកវិទ្យាកម្ពុជា សូមចូលរំលែកទុក្ខដោយសេចក្ដីសោកស្ដាយ និងអាឡោះអាល័យជាមួយ ឯកឧត្តមសាស្រ្តាចារ្យបណ្ឌិត និងក្រុមគ្រួសារ ចំពោះការបាត់បង់ម្ដាយ ម្ដាយក្មេក ជីដូន ជាទីគោរពស្រឡាញ់ ប្រកបដោយព្រហ្មវិហារធម៌ ដ៏ជ្រាលជ្រៅចំពោះកូនៗ ចៅៗ ទាំងអស់គ្នា ដែលបានអប់រំទូន្មានបុត្រធីតាបានក្លាយជាបញ្ញាវ័ន្ត និងជាធនធានមនុស្សដ៏មានតម្លៃសម្រាប់សង្គមជាតិ ។
យើងខ្ញុំទាំងអស់ ជាសមាជិក សមាជិកា នៃសមាគមនិស្សិតវិទ្យាស្ថានបច្ចេកវិទ្យាកម្ពុជា សូមឧទ្ទិសបួងសួងដល់ដួងវិញ្ញាណក្ខន្ធ ឧបាសិកា ម៉ៅ យ៉យ ឱ្យបានទៅកាន់សុគតិភព បរមសុខ កុំបីឃ្លៀងឃ្លាតឡើយ ។
សូម ឯកឧត្តមសាស្រ្តាចារ្យបណ្ឌិត មេត្តាទទួលនូវការរំលែកទុក្ខដ៏សែនក្រៀមក្រំបំផុតពីយើងខ្ញុំទាំងអស់គ្នា ។