06/10/2024
មិនទាន់គិតហេតុផលយល់ថាខ្លួននេះជាស្អីផង ទៅមានជំនឿលើព្រះនេះព្រះនោះទៅហើយ គិតទៅមើល តើឆ្កួតទេ? ព្រះពុទ្ធជារបស់មួយមានវិញ្ញាណដែលវិញ្ញាណនោះបានត្រាស់ដឹងដំណើរនៃការកកើតលោកិយនេះ។ ព្រះអង្គបានពន្យល់ហេតុផលប្រាប់ដល់មនុស្សអោយយកទៅគិតយល់ពីដំណើរធម្មជាតិដែលព្រះអង្គត្រាស់ដឹងនោះ។ អ្វីដែលអាចពន្យល់អោយវិញ្ញាណជាមនុស្សយកទៅគិតហេតុផលរហូតមានអារម្មណ៍យល់ថារឿងហ្នឹងវាអញ្ចឹងមែន នោះមិនមែនជាជំនឿសាសនាឡើយ អញ្ចឹងយកការពន្យល់របស់ព្រះពុទ្ធអំពីដំណើរធម្មជាតិមកដាក់ជាសាសនាព្រះពុទ្ធគឺខុស១០០%។ អ្នកណាហៅព្រះពុទ្ធសាសនាគឺមនុស្សឡប់ មិនអាចគិតយល់ពីដំណើរធម្មជាតិដែលព្រះអង្គត្រាស់ដឹងបានឡើយ។ បើខ្លួនមិនអាចគិតយល់ពីដំណើរធម្មជាតិដែលព្រះពុទ្ធព្រះអង្គពន្យល់ប្រាប់ផង តើយករឿងដែលព្រះពុទ្ធពន្យល់ប្រាប់នោះទៅពន្យល់បន្តប្រាប់អ្នកដទៃកើតដែរ? ដាច់ខាតគឺមិនកើតទេ។ អ្នកកាន់ព្រះពុទ្ធសាសនាសព្វថ្ងៃគឺសុទ្ធតែមនុស្សធុនហ្នឹង ទាំងអ្នកនិយាយប្រាប់គេ ទាំងអ្នកជឿអ្នកនិយាយប្រាប់នោះ សុទ្ធតែមនុស្សមានខួរស្ងោរសុីទាំងអស់ មិនមែនខួរជាទ្វារមនោអាចគិតហេតុផលរកអារម្មណ៍យល់បានទេ។ ព្រោះខួរវាមិនអាចគិតហេតុផលរកអារម្មណ៍ហេតុផលថាត្រឹមត្រូវបានហ្នឹងហើយ បានជាខួរវាហ្នឹងគិតតែរឿងជឿហ្នឹង រហូតដល់ថាការពន្យល់របស់ព្រះពុទ្ធជាជំនឿសាសនាហ្នឹង៕
05/10/2024
ខានស្អែកពូទៅភ្នំពេញ ខានស្អែកមួយពូត្រឡប់មកវិញ។ ក្នុងអារម្មណ៍គិតយល់របស់ពូ នេះជាឱកាសលើកចុងក្រោយដែលពូបានមើលឃើញនាងនិងឃើញភ្នំពេញ។ ពូនឹកស្រណោះប្អូនស្រីជីដូនមួយពូណាស់ ដែលនាងមកមើលម្តាយជាលើកចុងក្រោយ ហើយខានស្អែកនាងនឹងត្រលប់ទៅរកគ្រួសារនាងនៅញូហ្សាឡិនវិញហើយ។ ពូគិតដឹងថាពូមិនមានឱកាសបានជួបប្អូនស្រីម្តងទៀតទេ។ បែកគ្នានេះ មិនដឹងប៉ុន្មានផែនដីទៀតទេ នឹងមានឱកាសជួបនាងម្តងទៀត នាងចិត្តបានណាស់នឹងពូ។ នៅឆ្នាំតំបូងៗដែលពូបើកLDP ពូអស់លុយរលីងពីខ្លួន ពូរកនឹកមិនដឹងខ្ចីលុយអ្នកណាទេ ពូបានខលទៅខ្ចីលុយប្អូនស្រីមួយមុឺនដុល្លា គ្មានធ្ងន់មាត់សោះ វាអត់សួរពូមួយម៉ាត់ រឿងអីក៏មិននិយាយដែរ ផ្ញើរលុយមួយម៉ឺនមកអោយពូភ្លាម រហូតមកដល់ពេលនេះ ពូមិនបានសងប្អូនវិញទេ វាមិនដែលនិយាយពីរឿងលុយនោះសោះ ចិត្តវាល្អណាស់នឹងពូ។ ពូតែងតែផ្ញើសំលេងពូពន្យល់ធម៌អោយនាងស្តាប់ដែរ តែពូមិនបានឆែកឆេមើលថានាងយល់ដែរឬអត់ទេ។ ស្រណោះប្អូនណាស់ មិនដឹងថានាងដឹងថាពូមានអារម្មណ៍យ៉ាងណាចំពោះប្អូនទេ។ នាងជាកូនពៅក្នុងគ្រួសារ នាងរស់ដូចជាប្អូនស្រីបង្កើតនឹងពូ ក្នុងអារម្មណ៍ពូ នាងនៅតែជាកូនពៅ កូនក្មេង តែសេចក្តីពិតនាងជាមនុស្សដែលមានអំរែក មានគ្រួសារត្រូវមើលថែ ឪពុកក្មេកចាស់ជរាកំរើកខ្លួនមិនរួចផងនៅឯនាយសមុទ្រឯណោះ។ នាងមានអំរែកជំពាក់ជំពិនត្រូវរែកពន់ អាណិតប្អូន ចង់យកអំរែកទាំងនោះមកជួយដោះស្រាយប្អូន តែមិនដឹងជាជួយប្អូនតាមរបៀបណាទេ។ ក្នុងអារម្មណ៍ពូ នាងនៅតែជាកូនក្មេង អម្រែកគ្រួសារសម្រាប់កូនក្មេង វាជារឿងធ្ងន់ធ្ងរណាស់ រឿងរ៉ាវអតីតកាលអណ្តែកពេញអារម្មណ៍ពូ ទៅជូនដំណើរប្អូនស្រីជាចុងក្រោយ ក្នុងអារម្មណ៍ពូ ដូចទៅលាប្អូនបែករហូតគ្មានថ្ងៃបានជួបវិញទេ ម្លោះហើយបានជាពូសំរេចចិត្តថាទៅភ្នំពេញដើម្បីជូនដំណើរប្អូនឡើងយន្តហោះ។ អារម្មណ៍ស្រងេះស្រងោចរករៀបរាប់មិនត្រូវទេ៕
05/10/2024
យល់ធម៌ឬយល់ដំណើរធម្មជាតិគឺដំណើរកម្មកកើតលោកិយ បើមនុស្សមិនគិតរហូតយល់ឃើញពិភពលោកនេះ ទទេ មិនមានទាំងខ្លួនមនុស្សសត្វនេះផងទេ នោះគេមិនយល់ធម៌បានទេ ហើយការគិតអោយបានអារម្មណ៍យល់ថាពិភពលោកដែលវិញ្ញាណដឹងតាមទ្វារទាំងប្រាំថាមានគឺទទេទេនោះ គឺបញ្ជាក់ដោយអារម្មណ៍ពាល់ត្រូវថាជីវិតអត់ន័យខ្លឹមសារអ្វីទាំងអស់ គឺទទេសោះសូន្យ នេះគឺអរិយសច្ចៈទីមួយ ជីវិតជាទុក្ខ។ បើគេនិយាយថា គេយល់ធម៌ តែអារម្មណ៍គេមិនពាល់ត្រូវអរិយសច្ចៈទីមួយគឺជីវិតនេះជាទុក្ខទេ គឺបុគ្គលនោះមិនយល់ធម៌ឡើយ៕
