វិទ្យាល័យទឹកល្អក់និងព័ត៌មានអប់រំ

សកម្មភាព​ប្រឡង​ឆមាស​លើក​ទី​ ២​ សម្រាប់​កម្រិត​ថ្នាក់​ទី​៩​ និងទី១២​ នៃ​វិទ្យាល័យ​ទឹកល្អក់​។

(រូបថត​ ៖​ លោកគ្រូ​ វ៉ែន​ ផាតម៉ាលីណា​)

កម្រង​រូបភាព​ក្នុង​ពិធី​បុណ្យ​ផ្កា​រស្មី​សាមគ្គី​របស់​វិទ្យាល័យ​ទឹកល្អក់​ នា​ថ្ងៃ​ពុធ​ ទី​២៧​ ខែឧសភា​ ឆ្នាំ​២០២៦។

(រូបថត​ ៖​ លោកគ្រូ​ វ៉ែន​ ផាតម៉ាលីណា​)

វិទ្យាល័យទឹកល្អក់ សូមគោរពអញ្ជើញ ឯកឧត្ដម លោកជំទាវ លោក លោកស្រី អ្នកនាងកញ្ញា មាតាបិតា អ្នកអាណាព្យាបាលសិស្ស​ សិស្សានុសិស្ស និង អតីតសិស្សទាំងអស់នៃវិទ្យាល័យទឹកល្អក់ ចូលរួម​ចាប់​មគ្គផលក្នុង​ពិធី​ "បុណ្យ​ផ្កា​រស្មី​សាមគ្គី​"​ ដេីម្បី​ប្រមូល​បច្ច័យ​កសាង​ កែលម្អ​ ជួសជុល​ និង​អភិវឌ្ឍ​ហេដ្ឋារចនាសម្ព័ន្ធ​នានា​ក្នុង​សាលា​ជា​ប្រយោជន៍​បម្រើ​ឲ្យ​ការ​សិក្សា​រៀនសូត្រ​របស់​សិស្សានុសិស្ស​។

កម្មវិធី​បុណ្យ​នឹងប្រព្រឹត្តទៅ​នា​ ថ្ងៃពុធ​ ១១កេីត​ ខែជេស្ឋ ឆ្នាំ​មមី​ អដ្ឋ​ស័ក​ ពុទ្ធសករាជ២៥៧០​ ត្រូវនឹងថ្ងៃទី​ ២៧​ ខែឧសភា​ ​ ឆ្នាំ២០២៦​ វេលាម៉ោង​ ០២.​០០រសៀល​ នាបរិវេណវិទ្យាល័យទឹកល្អក់។

សូម​អរគុណ

ថ្ងៃ​សុក្រ​ ទី២២​ ខែឧសភា​ ឆ្នាំ​២០២៦​ វិទ្យាល័យ​ទឹកល្អក់​បាន​រៀបចំ​កិច្ចប្រជុំ​ប្រចាំ​ខែ​ឧសភា​ ក្រោម​អធិបតីភាព​របស់​គណៈ​នាយក​ និង​លោកគ្រូ​ អ្នកគ្រូ​ បុគ្គលិក​សិក្សា​ទាំងអស់​ដេីម្បី​បូកសរុប​លទ្ធផល​ការងារ​ខែ​ចាស់​ ផ្សព្វផ្សាយ​ព័ត៌មាន​ផ្សេងៗ​ដល់​លោកគ្រូ​ អ្នកគ្រូ​និង​ដាក់​ផែនការ​សម្រាប់​អនុវត្ត​នា​ខែ​បន្ទាប់​។

(រូបថត​ ៖​ លោកគ្រូ​ វ៉ែន​ ផាតម៉ាលីណា​)

ទូលព្រះបង្គំយើងខ្ញុំជាគណៈនាយក គ្រូបង្រៀន បុគ្គលិកសិក្សានិងសិស្សានុសិស្សទាំងអស់នៃវិទ្យាល័យទឹកល្អក់ សូមថ្វាយព្រះពរ ព្រះករុណាជាអម្ចាស់ជីវិតលើត្បូង ព្រះបាទ​ព្រះបរមនាថ​ នរោត្តម​ សីហមុនី​ ព្រះមហាក្សត្រ​នៃ​ព្រះរាជាណាចក្រ​កម្ពុជា​ ក្នុងព្រះរាជវរោកាសចម្រើនព្រះជន្មវស្សាគម្រប់ ៧៣​ ព្រះវស្សា​ សូម​ព្រះករុណា​ជា​អម្ចាស់​មាន​ព្រះជន្មាយុ​យឺនយូរ​ ព្រះរាជ​សុខភាព​ល្អ​បរិបូរណ៍​ ជា​សះស្បើយ​ពី​ព្រះរោគាពាធ​ទាំង​ពួង ដេីម្បី​គង់​ជា​ម្លប់​ដ៏​ត្រជាក់​ដល់​ប្រជានុរាស្ត្រ​និង​ព្រះរាជាណាចក្រ​កម្ពុជា​ 🙏🏻❤️🎂💐

(ប្រភពរូប ៖ page ព្រះករុណាព្រះបាទសម្តេចព្រះបរមនាថនរោត្តម សីហមុនីព្រះចៅក្រុងកម្ពុជាធិបតី)

សកម្មភាព​ផ្សព្វផ្សាយ​កម្រង​សំណួរ​ស្ទង់មតិ​ ការ​ជ្រេីសរេីស​អាជីព​នា​ពេល​អនាគត​ ដល់​សិស្សានុសិស្ស​ថ្នាក់​ទី​ ១១​ នៃ​វិទ្យាល័យ​ទឹកល្អក់​ ផ្ដល់​ប្រឹក្សា​ដោយ​អ្នកគ្រូ​ ជេត​ បុប្ផា​ផល​ និង​អ្នកគ្រូ​ ម៉ែន​ សុភក្ត្រា​។

(រូបថត​ ៖​ លោកគ្រូ​ វ៉ែន​ ផាតម៉ាលីណា​)

សូមប្រុងប្រយ័ត្នខ្ពស់ File name.exe !!!
នាពេលកន្លងមក នាយកដ្ឋានប្រឆាំងបទល្មើសបច្ចេកវិទ្យា បានផ្សព្វផ្សាយរួចមកហើយ ចំពោះករណីមានជនអនាមិកមានការចែកចាយមេរោគក្នុងទម្រង់ជាប្រភេទ .exe (Executable File) ផ្ញើមកកាន់គណនីអ្នកប្រើប្រាស់ប្រព័ន្ធទំនាក់ទំនងសង្គមតេលេក្រាម (Telegram) ដែលមេរោគប្រភេទនេះអាចលួចទិន្នន័យអ្នកប្រើប្រាស់ ប៉ុន្តែថ្មីៗនេះ នាយកដ្ឋាន សង្កេតឃើញថា ជនអនាមិកបានវិវឌ្ឍន៍ដោយធ្វើការចែកចាយមេរោគប្រភេទដដែលនេះ ដោយប្រើប្រាស់ឈ្មោះឯកសារផ្សេងៗ ដូចជា ឈ្មោះឯកសារដែរនៅខាងចុងនៃឈ្មោះមាន.exe ឬ រូបភាពអំពីការស្លាប់, សន្ទរកថារបស់ថ្នាក់ដឹកនាំ...ជាដើម ធ្វើឱ្យមានការទាក់ទាញអ្នកប្រើប្រាស់ចាប់អារម្មណ៍ ចង់ដឹង ចង់ឮ ឈានទៅដល់ការចុចមើល និងអាចលួចយកទិន្នន័យរបស់អ្នកប្រើប្រាស់តែម្តង។
នាយកដ្ឋាន សូមក្រើនរំលឹកដល់អ្នកប្រើប្រាស់ប្រព័ន្ធទំនាក់ទំនងសង្គមតេលេក្រាម ទាំងអស់ សូម ពិនិត្យប្រភពនៃការផ្ញើ ឬចែកចាយឯកសារផ្សេងៗ និងសូមកុំចុចបើក ឬទាញយរាល់ឯកសារ ប្លែកៗដែលផ្ញើមកពីអ្នកមិនស្គាល់អត្តសញ្ញាណ ជៀសវាងការបាត់បង់ទិន្នន័យ ឬឯកសារនានា។

ប្រភព​ ៖​ នាយកដ្ឋានប្រឆាំងបទល្មើសបច្ចេកវិទ្យា Anti Cyber Crime Department

ថ្ងៃ​ពុធ​ ទី២៩​ ខែមេសា​ ឆ្នាំ​២០២៦​ វិទ្យាល័យ​ទឹកល្អក់​បាន​រៀបចំ​កិច្ចប្រជុំ​ប្រចាំ​ខែ​មេសា​ ក្រោម​អធិបតីភាព​របស់​គណៈ​នាយក​ និង​លោកគ្រូ​ អ្នកគ្រូ​ បុគ្គលិក​សិក្សា​ទាំងអស់​ដេីម្បី​បូកសរុប​លទ្ធផល​ការងារ​ខែ​ចាស់​ ផ្សព្វផ្សាយ​ព័ត៌មាន​ផ្សេងៗ​ដល់​លោកគ្រូ​ អ្នកគ្រូ​និង​ដាក់​ផែនការ​សម្រាប់​អនុវត្ត​នា​ខែ​បន្ទាប់​។

(រូបថត​ ៖​ លោកគ្រូ​ វ៉ែន​ ផាតម៉ាលីណា​)

វិស្សមកាល​តូច​និង​ពិធីបុណ្យ​ចូលឆ្នាំ​ថ្មី​ប្រពៃណី​ជាតិ​ បាន​បញ្ចប់​ហើយ​! សិស្សានុសិស្ស​គ្រប់​កម្រិត​ថ្នាក់​ទាំងអស់​នៃ​វិទ្យាល័យ​ទឹកល្អក់​ ត្រូវ​ចូល​រៀន​ជា​ធម្មតា​វិញ​ចាប់ពី​ ថ្ងៃ​ចន្ទ​ ទី​២០​ ខែមេសា​ ឆ្នាំ​២០២៦​ តទៅ​។

ក្នុងឱកាសពិធីបុណ្យចូលឆ្នាំថ្មី ប្រពៃណីជាតិ ឆ្នាំមមី អដ្ឋស័ក ពុទ្ធសករាជ២៥៦៩ យើងខ្ញុំទាំងអស់គ្នាជាគណៈនាយក គ្រូបង្រៀន បុគ្គលិកសិក្សា និងសិស្សានុសិស្សទាំងអស់នៃវិទ្យាល័យទឹកល្អក់ សូមបួងសួងដល់ទេវតាឆ្នាំថ្មី និងវត្ថុស័ក្តិសិទ្ធិទាំងអស់ក្នុងលោក​ប្រោសប្រទានពរជ័យសិរីមង្គល ភាពរីកចម្រើនរុងរឿង​និងជ័យជម្នះ គ្រប់ប្រការមានដល់ព្រះរាជាណាចក្រកម្ពុជា និងវីរយុទ្ធជនដ៏អង់អាចក្លាហានដែលកំពុងឈរជើងការពារទឹកដីនាសមរភូមិមុខ សូមប្រកបដោយពុទ្ធពរទាំង ៤ ប្រការ គឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ។