02/04/2026
ក្នុងឱកាសបុណ្យចូលឆ្នាំថ្មីប្រពៃណីជាតិ ដែលនឹងខិតជិតមកដល់នាពេលខាងមុខ ប្រជាពលរដ្ឋទូទាំងរដ្ឋា បានសម្រាកជួបជុំក្រុមគ្រួសារ ទៅដើរកម្សាន្តនៅតាមរមណីយដ្ឋាននានា ហូបអាហារឆ្ងាញ់ៗជាដើម។ ចំណែកឯវីរកងទ័ពយើងវិញ បាននិងកំពុងកាន់កាំភ្លើងជាប់នឹងដៃជានិច្ចដើម្បីការពារទឹកដីពីការឈ្លានពានរបស់ខ្មាំងសត្រូវ។ ពួកគាត់ក៏ចង់មានពេលដូចប្រជាពលរដ្ឋទូទៅដែរ ពិសេសក្នុងឱកាសបុណ្យចូលឆ្នាំថ្មីប្រពៃណីជាតិ ក៏ប៉ុន្តែពួកគាត់មិនអាចទេ ដោយសារតែមានកាតព្វកិច្ចការពារជាតិទឹកដី។
ក្នុងឱកាសនេះ សិស្សានុសិស្សនៃសាលាបឋមសិក្សាចំប៉ា បានសរសេរជាលិខិតដឹងគុណ និងជូនពរដល់លោកពូ លោកអ៊ំ លោកតា ដែលជាវីរកងទ័ពការពារទឹកដីកម្ពុជាផងដែរ។
សូមវត្ថុស័ក្តិសិទ្ធិតាមថែរក្សាវីរកងទ័ពកម្ពុជា ឱ្យមានសុខភាពល្អ មានសុខសុវត្ថិភាព និងឈ្នះអស់មារសត្រូវទាំងពួង៕
ចំប៉ា ថ្ងៃទី២ ខែមេសា ឆ្នាំ២០២៦
