សាលាបឋមសិក្សាភ្នំខៀវ Phnom Khieu Primary School

នៅព្រឹកថ្ងៃសៅរ៍ ៤រោច ខែផល្គុន ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៧ ខែមីនា ឆ្នាំ២០២៦នេះសាលាបឋមសិក្សាភ្នំខៀវ Phnom Khieu Primary School បានរៀបចំកម្មវិធីលើកទឹកចិត្តសិស្សានុសិស្ស រួមមាន៖
១. ការប្រគល់រង្វាន់លើកទឹកចិត្តជូនសិស្សរៀនពូកែចំណាត់ថ្នាក់លេខ១ ប្រចាំខែកុម្ភៈ។
២. ការប្រគល់ប័ណ្ណសរសើរជូនសិស្សដែលបានប្រឡងតាមថ្នាល PLP (Primary Learning Program)។
កម្មវិធីនេះប្រព្រឹត្តទៅក្រោមវត្តមាន គណៈគ្រប់គ្រងសាលា លោកគ្រូ-អ្នកគ្រូ និងគណៈកម្មការទ្រទ្រង់សាលារៀន ក្នុងបរិយាកាសរីករាយ និងស្និទ្ធស្នាលបំផុត។

ថ្ងៃសុក្រ ៤កើត ខែផល្គុន ឆ្នាំម្សាញ់ ត្រូវនឹងថ្ងៃទី២០ ខែកុម្ភៈ ឆ្នាំ២០២៦
សាលាបឋមសិក្សា ភ្នំខៀវ បានប្រជុំ ជាមួយ មាតាបិតាសិស្ស ស្តីពីការ
- ពង្រឹងវិន័យ និងសីលធម៌៖ រឹតបន្តឹងការអនុវត្តបទបញ្ជាផ្ទៃក្នុងសាលា ដើម្បីលើកកម្ពស់សណ្តាប់ធ្នាប់ ឥរិយាបថ និងគុណតម្លៃសិស្សានុសិស្ស។
- កិច្ចសហការសហគមន៍៖ មានសមាសធាតុចូលរួមមានក្រុមប្រឹក្សាឃុំ មេប៉ុស្តិ៍នគបាល គណៈកម្មការណ៍សាលារៀន លោកគ្រូអ្នកគ្រូនិងមាតាបិតាផ្តោតលើការតាមដានការសិក្សាសិស្សានុសិស្ស ។

ថ្ងៃចន្ទ ១៤រោច ខែមាឃ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៦ ខែកុម្ភៈ ឆ្នាំ២០២៦

អង្គភាពស៊ីម៉ាកបានចុះផ្សព្វផ្សាយអំពីគ្រាប់មិនទាន់ផ្ទះគ្រប់ប្រភេទ នៅសាលាបឋមសិក្សាភ្នំខៀវ។ #សាលាបឋមសិក្សាភ្នំខៀវ #ស្រុកអូរគ្រៀង #ភ្នំខៀវ #ក្រសួងអប់រំ #ក្រសួងអប់រំយុវជននិងកីឡា

នៅព្រឹកថ្ងៃអង្គារ ទី០៣ ខែកុម្ភៈ ឆ្នាំ២០២៦ នេះ សាលាបឋមសិក្សាភ្នំខៀវ បានរៀបចំកម្មវិធីលើកទឹកចិត្តសិស្សានុសិស្ស រួមមាន៖
១. ការប្រគល់រង្វាន់លើកទឹកចិត្តជូនសិស្សរៀនពូកែចំណាត់ថ្នាក់លេខ១ ប្រចាំខែមករា។
២. ការប្រគល់ប័ណ្ណសរសើរជូនសិស្សដែលបានប្រឡងតាមថ្នាល PLP (Primary Learning Program)។
កម្មវិធីនេះប្រព្រឹត្តទៅក្រោមវត្តមានរបស់ គណៈគ្រប់គ្រង លោកគ្រូ-អ្នកគ្រូ និងគណៈកម្មការទ្រទ្រង់សាលារៀន ក្នុងបរិយាកាសរីករាយ និងស្និទ្ធស្នាលបំផុត។

ថ្ងៃព្រហស្បតិ៍ ៤កើត ខែមាឃ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២២ ខែមករា ឆ្នាំ២០២៦
+. ប្រជុំបច្ចេកទេស
ទីកន្លែង: បឋមសិក្សាភ្នំខៀវ
របៀបវារៈ
១. ការរៀបចំកម្មវិធីសិក្សា
២. ការរៀបចំក្រុមបច្ចេកទេសតាមថ្នាក់នីមួយៗ
៣. ផែនការបន្ត
៤. ផ្សេងៗ….។
#សាលាបឋមសិក្សាភ្នំខៀវ #ភ្នំខៀវ #ស្រុកអូរគ្រៀង

ក្នុងនាមគណៈគ្រប់គ្រង លោកគ្រូ អ្នកគ្រូ និងសិស្សានុសិស្សនៃ សាលាបឋមសិក្សាភ្នំខៀវ យើងខ្ញុំសូមសម្តែងនូវការអរគុណយ៉ាងជ្រាលជ្រៅបំផុតចំពោះ៖
🙏 លោក អាត ស៊ូកានី ប្រធានសមាគមសប្បុរសធម៌អាល់ហ្វានី 🙏
ដែលបានមេត្តាផ្តល់ការឧបត្ថម្ភនូវ កង្ហារចំនួន ៦ គ្រឿង (សរុបជាទឹកប្រាក់ ៥១០,០០០ រៀល) ដើម្បីជួយសម្រួលដល់ការសិក្សារបស់ក្មួយៗសិស្សានុសិស្សនៅក្នុងសាលារបស់យើងខ្ញុំ។
✨ អំណោយដ៏ថ្លៃថ្លានេះ មិនត្រឹមតែជួយផ្តល់នូវភាពត្រជាក់ និងផាសុកភាពក្នុងថ្នាក់រៀនប៉ុណ្ណោះទេ ប៉ុន្តែថែមទាំងជាកម្លាំងចិត្តយ៉ាងធំធេងសម្រាប់លោកគ្រូ អ្នកគ្រូ និងសិស្សានុសិស្សទាំងអស់ក្នុងការខិតខំបង្រៀន និងរៀនសូត្រឱ្យកាន់តែប្រសើរឡើង។
🌟 យើងខ្ញុំសូមជូនពរឱ្យ លោកប្រធាន និងសហការីទាំងអស់នៃសមាគមសប្បុរសធម៌អាល់ហ្វានី សូមជួបតែសេចក្តីសុខ សេចក្តីចម្រើន ជោគជ័យគ្រប់ភារកិច្ចការងារ និងមានសុខភាពល្អមាំមួនជានិច្ច។

#សាលាបឋមសិក្សាភ្នំខៀវ #សប្បុរសធម៌ #អប់រំ #សមាគមសប្បុរសធម៌អាល់ហ្វានី #អំណរគុណ

ថ្ងៃពុធ ១២កើត ខែបុស្ស ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៣១ ខែធ្នូ ឆ្នាំ២០២៥
សាលាបឋមសិក្សាភ្នំខៀវ
បានរៀបចំចែក រង្វាន់សិស្សរៀនពូកែ ជាប់លេខ១ 🖊️📒ប្រចាំខែធ្នូ
មាន ការចូលរួម ពីលោកគ្រូ អ្នកគ្រូ និងគណៈកម្មការសាលារៀន
សូមអរគុណ❤️
#ភ្នំខៀវ
#បឋមសិក្សាភ្នំខៀវ
#ផ្សារភ្នំខៀវ

❤️

ថ្ងៃពុធ ១២រោច ខែមិគសិរ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៧ ខែធ្នូ ឆ្នាំ២០២៥
លោកគ្រូ អ្នកគ្រូ និងសិស្សានុសិស្សនៃសាលាបឋមសិក្សា ភ្នំខៀវ
បានចូលរួម កៀរគរគាំទ្រប្រមូលមូលនិធិ មនុស្សធម៌ ជួយប្រជាពលរដ្ឋ ភៀសសឹក និង កងទ័ពជួរមុខ ជាមួយ អាជ្ញាធរភូមិ ឃុំ និង ក្រុមប្រឹក្សាស្រុក ប្រជាពលរដ្ឋមានការចូលរួម ជួយយ៉ាងច្រើនកុះករ ❤️🙏 #ភ្នំខៀវ #បឋមសិក្សាភ្នំខៀវ #ស្រុកអូរគ្រៀង

ថ្ងៃចន្ទ ១២រោច ខែកត្តិក ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៧ ខែវិច្ឆិកា ឆ្នាំ២០២៥ ។ កាចុះចាក់វ៉ាក់សាំងការពារ ជំងឺមហារីកមាត់ស្បូន របស់គ្រូពេទ្យនៅសាលាបឋមសិក្សាភ្នំខៀវ ។សាលាបឋមសិក្សាភ្នំខៀវ Phnom Khieu Primary School