BELTEI IS 10, Angteuk Olympic - សាលាប៊ែលធីអន្តរជាតិទី១០ អាងទឹកអូឡាំពិក

នៅថ្ងៃទី១១ ខែមិថុនា ឆ្នាំ២០២៦ នេះសកម្មភាពលោកគ្រូ-អ្នកគ្រូផ្នែកភាសាអង់គ្លេស កម្រិត(Level 1-6,Young Learner) បានប្រជុំបច្ចេកទេស ដើម្បីចែករំលែកពីបទពិសោធន៍បង្រៀន ដែលដឹកនាំដោយ លោកគ្រូ កុច គុយឡាយ ប្រធានក្រុមបច្ចេកទេស។
On June 11, 2026 these are activities of conducting the technical meeting with ESL teachers of Young Learner level to share teaching experiences which is led by Mr. Kuch Kuylay, an ESL supervisor.

អបអរសាទរ ពិធីប្រគល់សញ្ញាបត្រជូននិស្សិតជ័យលាភី ថា្នក់បរិញ្ញាបត្ររង បរិញ្ញាបត្រ បរិញ្ញាបត្រជាន់ខ្ពស់ និងបណ្ឌិត ចំនួន ១,៨០៩នាក់ ក្រោមអធិបតីភាពដ៏ខ្ពង់ខ្ពស់របស់ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្រ្តីក្រសួងមុខងារសាធារណៈ នៅសាកលវិទ្យាល័យ ប៊ែលធី អន្តរជាតិ ទីតាំងទី២-ស្ពានអាកាសចោមចៅ
=======================
សាកលវិទ្យាល័យ ប៊ែលធី អន្តរជាតិ មានកិត្តិយសសូមជម្រាបជូនដំណឹងដល់និស្សិតជ័យលាភី ដែលបានបញ្ចប់ការសិក្សាដោយជោគជ័យនាឆ្នាំសិក្សាកន្លងមក ចំនួន ១,៨០៩នាក់ ក្នុងនោះនិស្សិតថ្នាក់បរិញ្ញាបត្ររងជំនាន់ទី៤ ចំនួន ៣៤៥នាក់ បរិញ្ញាបត្រជំនាន់ទី១៨ ចំនួន ១,៤១០នាក់ បរិញ្ញាបត្រជាន់ខ្ពស់ ជំនាន់ទី១១ ចំនួន ៥៣នាក់ និងថ្នាក់បណ្ឌិតជំនាន់ទី១ ចំនួន ១នាក់ ឱ្យបានជ្រាបថា សាកលវិទ្យាល័យ នឹងរៀបចំ ពិធីប្រគល់សញ្ញាបត្រជូននិស្សិតជ័យលាភី ថា្នក់បរិញ្ញាបត្ររង បរិញ្ញាបត្រ បរិញ្ញាបត្រជាន់ខ្ពស់ និងបណ្ឌិត ចំនួន ១,៨០៩នាក់។

📢ចាប់បើកទទួលកក់ឯកសណ្ឋាន ៖ ថ្ងៃទី២២ ខែមិថុនា ឆ្នាំ២០២៦

📆កម្មវិធីនេះ នឹងប្រព្រឹត្តទៅនៅថ្ងៃព្រហស្បតិ៍ ទី១៦ ខែកក្កដា ឆ្នាំ២០២៦ វេលាម៉ោង ៦:៣០នាទីព្រឹក នៅសាកលវិទ្យាល័យ ប៊ែលធី អន្តរជាតិ (ទីតាំងទី២-ស្ពានអាកាសចោមចៅ)។
📍Location: https://maps.app.goo.gl/ghjGLH51dtoZvWJK6?g_st=ipc

សម្រាប់ព័ត៌មានបន្ថែម:
👉🏻ទីតាំងទី១ ទួលស្លែង៖ អគារ២១ ផ្លូវ៣៦០ សង្កាត់បឹងកេងកង៣ ខណ្ឌបឹងកេងកង រាជធានីភ្នំពេញ (ខាងត្បូងសារមន្ទីរទួលស្លែង ១០០ម៉ែត្រ) ទូរស័ព្ទលេខ 078 5555 07/ 095 2222 84/ 010 96 79 79/ 067 2222 84

👉🏻ទីតាំងទី២ ស្ពានអាកាសចោមចៅ៖ អគារ១៥១ ផ្លូវជាតិលេខ៣ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ (ទល់មុខ ង-៧០) ទូរស័ព្ទលេខ 095 3333 42/ 077 54 8888/ 098 90 78 78/ 097 6666 840

គ្មានក្តីសប្បាយណា សប្បាយដូចជោគជ័យដែលបានមកពីសមត្ថភាពរបស់ខ្លួនឯង!
………………………………………………………..
អបអរសាទរ! ការប្រឡងឆមាសលើកទី២ សម្រាប់សិស្សានុសិស្សថ្នាក់ទី៩ និងទី១២ ព្រមទាំងប្រឡងប្រចាំខែមិថុនា សម្រាប់សិស្សានុសិស្សថ្នាក់ទី៧ ទី៨ ទី១០ និង១១ ឆ្នាំសិក្សា ២០២៥-២០២៦
===============================
នៅរសៀលថ្ងៃទី៨ ខែមិថុនា ឆ្នាំ២០២៦ សាលា ប៊ែលធី អន្តរជាតិទី១០(សាខាអាងទឹកអូឡាំពិក) បានរៀបចំការប្រឡងឆមាសលើកទី២ សម្រាប់សិស្សានុសិស្សថ្នាក់ទី៩ និងទី១២ ព្រមទាំងប្រឡងប្រចាំខែមិថុនា សម្រាប់សិស្សានុសិស្សថ្នាក់ទី៧ ទី៨ ទី១០ និង១១ រយៈពេល ៤ថ្ងៃ ចាប់ពីថ្ងៃទី៨-១១ ខែមិថុនា ឆ្នាំ២០២៦ ដែលបានរៀបចំ និងត្រួតពិនិត្យយ៉ាងតឹងរ៉ឹងដោយគណៈកម្មការប្រឡង។

សូមជូនពរឱ្យសិស្សានុសិស្សទាំងអស់ប្រឡងជាប់ និងបានពិន្ទុល្អគ្រប់ៗគ្នា!

នៅថ្ងៃទី០៦ ខែមិថុនា ឆ្នាំ២០២៦ សកម្មភាពអ្នកគ្រូផ្នែកបឋមសិក្សាធ្វើការប្រជុំបច្ចេកទេសដើម្បីចែករំលែកពីវិធីសាស្រ្តល្អៗក្នុងបង្រៀនសិស្ស និងការគ្រប់គ្រងថ្នាក់រៀន ដែលដឹកនាំដោយ អ្នកគ្រូ ជា ស្រីរីម ប្រធានក្រុមបច្ចេកទេសបឋម។

គ្មានក្តីសប្បាយណា សប្បាយដូចជោគជ័យដែលបានមកពីសមត្ថភាពរបស់ខ្លួនឯង
…………………………………
អបអរសាទរ! ការប្រឡងសញ្ញាបត្រភាសាអង់គ្លេសប៊ែលធីកម្រិតទី១២ (Exit exam) សម្រាប់សិស្សភាសាអង់គ្លេសទូទៅកម្រិតទី១២ (Level 12) ជំនាន់ទី៧៨ និងទី៧៩
==================
រូបភាពព្រឹកថ្ងៃទី៥ មិថុនា ២០២៦
សាលា ប៊ែលធី អន្តរជាតិ បានរៀបចំការប្រឡងសញ្ញាបត្រភាសាអង់គ្លេសប៊ែលធីកម្រិតទី១២ (Exit exam) សម្រាប់សិស្សភាសាអង់គ្លេសទូទៅកម្រិតទី១២ (Level 12) ជំនាន់ទី៧៨ និងទី៧៩ មកពីសាលា ប៊ែលធី អន្តរជាតិទី៣, ទី៤, ទី១០, ទី១៣, ទី១៨, និងទី២០ ចំនួន ៩៥នាក់ ក្នុងចំណោមសិស្ស ៣៧៧នាក់ ដែលទើបប្រឡងបញ្ចប់វគ្គសិក្សា (Final Exam)។

បន្ទាប់ពីការប្រឡងសាលា ប៊ែលធី អន្ដរជាតិ នឹងរៀបចំពិធីប្រគល់សញ្ញាបត្រភាសាអង់គ្លេសប៊ែលធី (BELTEI ESL Diploma Graduation Ceremony) ជូនសិស្សជ័យលាភីទាំងអស់ដែលទទួលបានលទ្ធផលជាប់ក្នុងការប្រឡងខាងលើ នៅពេលខាងមុខ។

ការប្រឡងនេះប្រព្រឹត្តទៅ នាព្រឹកថ្ងៃសុក្រ ៥រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៥ ខែមិថុនា ឆ្នាំ២០២៦ នៅអគារស្នាក់ការកណ្តាល នៃប៊ែលធី គ្រុប (ជាន់ទី3A)។

ថ្ងៃ ព្រហស្បតិ៍ ៤រោច ខែ ជេស្ឋ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី០៤ ខែ មិថុនា ឆ្នាំ ២០២៦ សកម្មភាពសិស្សថ្នាក់ទី៦ នៃសាលាប៊ែលធីអន្តរជាតិទី១០(សាខាអាងទឹកអូឡាំពិក)
បានធ្វើការប្រកួតសរសេរ។

‘’គ្មានក្តីសប្បាយណា សប្បាយដូចជោគជ័យដែលបានមកពីសមត្ថភាពខ្លួនឯង’’
————————————————————————-
គណៈគ្រប់គ្រង លោកគ្រូអ្នកគ្រូ និងបុគ្គលិកទាំងអស់នៃសាលាប៊ែលធីអន្តរជាតិទី១០(អាងទឹកអូឡាំពិក) សូមកោតសរសើរ និងអបអរសាទរ ចំពោះការខិតខំប្រឹងប្រែងរៀនសូត្ររបស់ប្អូនៗសម្រាប់ថ្នាក់មធ្យមសិក្សាទុតិយភូមិ(ពីថ្នាក់ទី១០ ដល់ទី១២) ដែលទទួលបានចំណាត់ល្អ ពីលេខ១ ដល់លេខ៥ សម្រាប់លទ្ធផលប្រឡងប្រចាំខែ ឧសភា សូមប្អូនៗទាំងអស់ខិតខំប្រឹងប្រែងបន្តទៀត!

‘’គ្មានក្តីសប្បាយណា សប្បាយដូចជោគជ័យដែលបានមកពីសមត្ថភាពខ្លួនឯង’’
————————————————————————-
គណៈគ្រប់គ្រង លោកគ្រូអ្នកគ្រូ និងបុគ្គលិកទាំងអស់នៃសាលាប៊ែលធីអន្តរជាតិទី១០(អាងទឹកអូឡាំពិក) សូមកោតសរសើរ និងអបអរសាទរ ចំពោះការខិតខំប្រឹងប្រែងរៀនសូត្ររបស់ប្អូនៗសម្រាប់ថ្នាក់មធ្យមសិក្សាបឋមភូមិ(ពីថ្នាក់ទី៧ ដល់ទី៩) ដែលទទួលបានចំណាត់ល្អ ពីលេខ១ ដល់លេខ៥ សម្រាប់លទ្ធផលប្រឡងប្រចាំខែ ឧសភា សូមប្អូនៗទាំងអស់ខិតខំប្រឹងប្រែងបន្តទៀត!