VD Education

゚viralシalシ

បួនយ៉ាងសម្រាប់ពិចារណា

អ្នកណាពោលពាក្យបញ្ជោរឱ្យសប្បាយចិត្ត អ្នកនោះមិនមែនជាទីប្រឹក្សាឡើយ គឺជាសត្រូវ។
゚viralシalシ

"ផល៣យ៉ាងនៃសង្គ្រាម"

"អ្នកមានប្រាជ្ញា"
អ្នកមានប្រាជ្ញា គួរតែចេះបង្រួញខ្លួនដូចជាអណ្ដើកក្នុងគ្រាអាសន្ន ទោះត្រូវរងការវាយប្រហារក៏ត្រូវចេះអត់ធ្មត់ ប៉ុន្តែត្រូវចេះងើបឡើងវាយបកវិញដូចជាពស់វែក នៅពេលដល់ពេលវេលាសមគួរ។

♦️អ្នកប្រាជ្ញ គប្បីរំលាយសង្គ្រាមដែលមកដល់ដោយប្រើឧបាយផ្សេងៗ ព្រោះជ័យជម្នះក្នុងសង្គ្រាមមិនមានភាពទៀងទាត់ឡើយ ហេតុនេះមិនត្រូវស្ទុះចូលទៅប្រឡូកដោយការប្រថុយប្រថាននោះទេ។

♦️ក្បួនច្បាប់ឯណាដែលប្រដៅឱ្យយើងទៅធ្វើសង្គ្រាមតតាំងជាមួយសត្រូវដែលមានកម្លាំងខ្លាំងក្លាជាងយើងខ្លាំងពេកនោះឡើយ។ ចូរមើលចុះ! សូម្បីតែពពកដ៏ធំធេង ក៏មិនដែលហោះច្រាសទិសខ្យល់បក់ខ្លាំងនោះដែរ។

♦️មិនត្រូវចងសម្ព័ន្ធមិត្រពិតមែនជាមួយសត្រូវឡើយ ទោះបីជាការចរចានោះហាក់ដូចជាល្អយ៉ាងណាក៏ដោយ ព្រោះទឹក ទោះបីដាំឱ្យក្ដៅយ៉ាងណាក៏ដោយ ក៏វានៅតែអាចពន្លត់ភ្លើងបានជានិច្ច។

ជ័យជម្នះក្នុងសង្គ្រាមសម្រាប់មនុស្សដែលកំពុងច្បាំងគ្នា គឺមិនទាន់ដឹងច្បាស់ឡើយ ព្រោះហេតុនេះ បុគ្គលគប្បីធ្វើសង្គ្រាមលុះត្រាតែបានប្រើប្រាស់ឧបាយ ៣ យ៉ាងដំបូង (សាមៈ សម្រុះសម្រួល ឬ បញ្ចុះបញ្ចូល, ទានៈ សូកប៉ាន់ ឬ ទិញទឹកចិត្ត, ភេទៈ បំបែកបំបាក់) រួចអស់ហើយតែមិនបានផល។

♦️ បុគ្គលដែលងងឹតភ្នែកដោយសារមានមានៈខ្លាំងពេក ហើយមិនព្រមចរចាសន្តិភាព ទោះមានកម្លាំងស្មើនឹងសត្រូវក៏ដោយ ក៏គង់នឹងត្រូវវិនាស ដូចជាឆ្នាំងដីដែលមិនទាន់ដុត ប៉ះទង្គិចនឹងឆ្នាំងដីដូចគ្នា រមែងត្រូវបែកខ្ទេចជាមិនខាន។

♦️ ការធ្វើសង្គ្រាមរវាងអ្នកទន់ខ្សោយ និងអ្នកមានកម្លាំងខ្លាំង គឺនាំមកនូវសេចក្ដីស្លាប់ដល់អ្នកទន់ខ្សោយតែប៉ុណ្ណោះ ដូចជាការយកឆ្នាំងដីទៅបោកនឹងថ្ម គឺមានតែឆ្នាំងដីទេដែលត្រូវបែក។

ដកស្រង់ពីសៀវភៅបញ្ចតន្ត្រៈ (Panchatantra) ឬ គោលការណ៍ ៥ យ៉ាង
゚viralシalシ

ចំពោះសត្រូវដែលមានកម្លាំងខ្លាំងក្លា បុគ្គលគួរតែចេះឱនលំទោន រួចចាំវាយបកវិញនៅពេលមានឱកាស កាលបើធ្វើបានដូច្នោះ ទ្រព្យសម្បត្តិ និងជ័យជម្នះមិនរត់ទៅណាឡើយ គឺប្រៀបដូចជាខ្សែទឹកដែលហូរចុះទៅរកទីទាបជានិច្ចដូច្នោះឯង។

♦️សត្រូវដែលជាអ្នកមានសច្ចៈ កាន់ធម៌ មកពីត្រកូលខ្ពង់ខ្ពស់ មានបងប្អូនច្រើន មានកម្លាំងខ្លាំង និងធ្លាប់ឈ្នះសង្គ្រាមជាច្រើនដង បុគ្គលគប្បីធ្វើសន្ធិ (ចរចាសន្តិភាព) ជាមួយគេប្រសើរជាង។

♦️ប្រសិនបើដឹងថាជីវិតកំពុងស្ថិតក្នុងគ្រោះថ្នាក់ បុគ្គលគប្បីធ្វើសន្ធិភាពជាមួយសត្រូវ ទោះបីជាសត្រូវនោះជាមនុស្សអាក្រក់ក៏ដោយ ព្រោះថាដរាបណាជីវិតនៅគង់វង្ស រាល់អ្វីៗទាំងអស់ក៏អាចរក្សាបានដែរ។

♦️ កាលបើបុគ្គលណាដែលធ្លាប់សម្រេចបានជ័យជម្នះក្នុងសមរភូមិជាច្រើនលើកច្រើនសា ចាប់ផ្ដើមធ្វើការចរចាសន្តិភាព (សន្ធិ) នោះពួកសត្រូវដទៃទៀតនឹងប្រញាប់ប្រញាល់ចូលមកចុះចូលនៅក្រោមអំណាចរបស់បុគ្គលនោះជាមិនខាន ដោយសារតែខ្លាចរអាបារមី និងឥទ្ធិពលនៃជ័យជម្នះពីមុនៗរបស់គេ។

゚viralシal