EFMS MOEYS

[English Below]
វេទិកាសាធារណៈស្តីពី "ថវិកាអប់រំប្រចាំឆ្នាំ ២០២៥"
និងពិធីផ្សព្វផ្សាយរបាយការណ៍ថ្នាក់ជាតិស្តីពី "រង្វាយតម្លៃលទ្ធផលសិក្សា
របស់សិស្សកម្រិតបឋមសិក្សា នៅតំបន់អាស៊ីអាគ្នេយ៍ ឆ្នាំ២០២៤
(SEA-PLM 2024) របស់កម្ពុជា"

ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្រ្តី រដ្ឋមន្រ្តីក្រសួងអប់រំ យុវជន និងកីឡា បានអញ្ជើញជាគណៈអធិបតីដ៏ខ្ពង់ខ្ពស់ក្នុងវេទិកាសាធារណៈស្តីពី "ថវិកាអប់រំប្រចាំឆ្នាំ ២០២៥"
និងពិធីផ្សព្វផ្សាយរបាយការណ៍ថ្នាក់ជាតិស្តីពី "រង្វាយតម្លៃលទ្ធផលសិក្សា
របស់សិស្សកម្រិតបឋមសិក្សា នៅតំបន់អាស៊ីអាគ្នេយ៍ ឆ្នាំ២០២៤
(SEA-PLM 2024) របស់កម្ពុជា" ដោយមានការអញ្ជើញចូលរួមពីសំណាក់ឯកឧត្តម លោកជំទាវថ្នាក់ដឹកនាំក្រសួង ឯកឧត្តម លោកជំទាវប្រធានកម្មវិធី ប្រធានអង្គភាព ដៃគូអភិវឌ្ឍ មន្ទីររាជធានី ខេត្ត ការិយាល័យ ក្រុង ស្រុក ខណ្ឌ និងសាលារៀនសាធារណៈមួយចំនួន។ វេទិកានៅថ្ងៃនេះគឺជាឆ្នាំទី២ និងជាព្រឹត្តិការណ៍ប្រចាំឆ្នាំដ៏មានសារៈសំខាន់មួយដែល ផ្តល់ឱកាសឱ្យថ្នាក់ដឹកនាំ ដៃគូអភិវឌ្ឍ បុគ្គលិកអប់រំ និងសាធារណជនបានជ្រាបអំពី វឌ្ឍនភាព និងសមិទ្ធផលនៃការអនុវត្តកម្មវិធីកំណែទម្រង់ការគ្រប់គ្រងហិរញ្ញវត្ថុសាធារណៈ និងកម្មវិធីកំណែទម្រង់អប់រំដទៃទៀត ជាពិសេសការប្រើប្រាស់កញ្ចប់ថវិកាប្រចាំឆ្នាំ ២០២៥ ដើម្បីគាំទ្រដល់ការអនុវត្ត និងការសម្រេចបានសមិទ្ធផលអប់រំ ទាំងផ្នែកបរិមាណ ទាំងផ្នែកគុណវិស័យ ដែលនៅថ្ងៃនេះក្រសួងអប់រំ យុវជន និងកីឡាក៏នឹងប្រកាសជាផ្លូវការផងដែរ នូវលទ្ធផលនៃការសិក្សារបស់សិស្សកម្ពុជា នៅក្នុងកម្មវិធីរង្វាយតម្លៃលទ្ធផលសិក្សារបស់សិស្សថ្នាក់ទី ៥ កម្រិតតំបន់ ឆ្នាំ២០២៤ (SEA-PLM 2024)។

ក. អំពីថវិកាអប់រំ ឆ្នាំ២០២៥
ក្នុងរយៈពេល ១ទសវត្សចុងក្រោយនេះ ថវិកាវិស័យអប់រំ យុវជន និងកីឡា ត្រូវបានបង្កើនរហូតដល់ជាង ៣ ដង។ តាមរយៈថវិកាអប់រំ ឆ្នាំ២០២៥ រួមផ្សំជាមួយនឹងការចូលរួមគាំទ្រពីដៃគូអភិវឌ្ឍ និងអ្នកពាក់ព័ន្ធដទៃទៀត ដើម្បីសម្រេចបានគោលដៅសំខាន់ៗ រួមមាន៖ ១) ការផ្តល់មូលនិធិដំណើរការសាលារៀននៅទូទាំងប្រទេស (ឆ្នាំសិក្សា ២០២៤-២០២៥) ២) ការអភិវឌ្ឍយុវជន ៣) ការអប់រំកាយ និងកីឡា ៤) ការផ្តល់អាហារូបករណ៍សិស្សក្រីក្រ ៥) ការផ្តល់អាហារតាមសាលារៀនដោយប្រើប្រាស់កសិផលក្នុងសហគមន៍ ៦) ការផ្តល់ថវិកាគាំទ្រសាលាមត្តេយ្យសិក្សាសហគមន៍តាមស្តង់ដា ៧) លទ្ធផលនៃការប្រឡងសញ្ញាបត្រមធ្យមសិក្សា ៨) កំណែទម្រង់សាលារៀន ៩) កំណែទម្រង់សាលាគរុកោសល្យ​ ១០) ការអភិវឌ្ឍគ្រូបង្រៀន ១១) កំណែទម្រង់កម្មវិធីសិក្សា ១២) កំណែទម្រង់ឧត្តមសិក្សា។

ខ. លទ្ធផលសិក្សារបស់សិស្សកម្រិតបឋមសិក្សា នៅតំបន់អាស៊ីអាគ្នេយ៍ ឆ្នាំ២០២៤ (SEA-PLM 2024)
ដើម្បីធានាថាការពង្រីកលទ្ធភាពចូលរៀនប្រែក្លាយទៅជាការសិក្សាកាន់តែប្រសើរ យើងបានចាប់ផ្តើមរបៀបវារៈកំណែទម្រង់ដ៏ទូលំទូលាយមួយ ដោយរួមបញ្ចូលទាំងកំណែទម្រង់សាលារៀនគ្រប់ជ្រុងជ្រោយ (whole-school reform) ការត្រៀមខ្លួនសម្រាប់កុមារ (whole-child readiness) កំណែទម្រង់គ្រូបង្រៀន កំណែទម្រង់គរុកោសល្យ និងការអភិវឌ្ឍប្រព័ន្ធអេកូឡូស៊ីសិក្សាឱ្យកាន់តែរឹងមាំ ដោយផ្តោតចំណុចសំខាន់ៗ ដូចជា៖ ១) កំណែទម្រង់សាលារៀនគ្រប់ជ្រុងជ្រោយ តាមរយៈការអនុវត្តគម្រោងកែលម្អការអប់រំមធ្យមសិក្សា (SEIP) ២) ការត្រៀមខ្លួនសម្រាប់កុមារ ត្រូវបានពង្រឹង តាមរយៈការកែលម្អអាហារូបត្ថម្ភ ការបង្កើតបរិស្ថានងាយស្រួលសម្រាប់កុមារ សុខភាពសិក្សា និងបង្គន់អនាម័យ ៣) កំណែទម្រង់គ្រូបង្រៀននៅតែជាចំណុចបេះដូងនៃកំណែទម្រង់អប់រំ ដើម្បីឆ្ពោះទៅរកគុណភាពអប់រំ ៤) អនុវត្តកំណែទម្រង់វិធីសាស្ត្របង្រៀន ក្នុងការអនុវត្តកម្មវិធីអំណានថ្នាក់ដំបូង (EGR) និងគណិតវិទ្យាថ្នាក់ដំបូង (EGM) ៥) កសាងប្រព័ន្ធអេកូឡូស៊ីសិក្សា ដែលគាំទ្រដល់អក្ខរកម្ម ក្រៅពីថ្នាក់រៀន។

Public Forum on the “Education Budget for 2025”
and the National Launch of the Report on the “Southeast Asia Primary Learning Metrics (SEA‑PLM 2024) Results of Cambodian Students”
His Excellency Dr. Hang Chuon Naron, Deputy Prime Minister and Minister of Education, Youth and Sport, presided over the public forum on the "Education Budget for 2025” and the National Launch of the Report on the “Southeast Asia Primary Learning Metrics (SEA‑PLM 2024) Results of Cambodian Students.” The event is attended by senior leaders of the ministry, program directors, heads of departments, development partners, representatives from provincials department and district offices, and several public schools.
This forum, now in its second year, has become an important annual event that provides an opportunity for leaders, development partners, education staff, and the public to learn about the progress and achievements in implementing public financial management reforms and other education reforms. In particular, it highlights the use of the 2025 annual budget package to support the implementation and achievement of educational outcomes—both quantitative and qualitative. On this occasion, the Ministry of Education, Youth and Sport also officially announced the results of Cambodian students’ participation in the regional Grade 5 learning assessment program (SEA‑PLM 2024).

A. Education Budget for 2025
Over the past decade, the budget for the education, youth, and sports sector has increased more than threefold. Through the Education Budget 2025, combined with support from development partners and other stakeholders, the Ministry aims to achieve key objectives, including:
- Providing operational funds for schools nationwide (academic year 2024–2025)
- Youth development
- Physical education and sports
- Scholarships for disadvantaged students
- School meals using community agricultural products
- Budget support for community preschools meeting standards
- Results of the national secondary school examinations
- School reform
- Teacher training college reform
- Teacher professional development
- Curriculum reform
- Higher education reform

B. Results of Primary School Students in Southeast Asia, 2024 (SEA‑PLM 2024)
To ensure that expanding access to education has transformed into improved learning outcomes, Cambodia has embarked on a comprehensive reform agenda that includes whole‑school reform, whole‑child readiness, teacher reform, teacher training college reform, and strengthening the learning ecosystem. Key focus areas include:
- Whole‑school reform through the implementation of the Secondary Education Improvement Project (SEIP)
- Strengthening child readiness through improved nutrition, child‑friendly environments, school health, and sanitation facilities
- Teacher reform as the core of education reform to advance quality education
- Reforming teaching methods by implementing the Early Grade Reading (EGR) and Early Grade Mathematics (EGM) programs
- Building a stronger learning ecosystem that supports literacy beyond the classroom.

🗓ថ្ងៃទី២២ ខែធ្នូ ឆ្នាំ២០២៥
#នាយកដ្ឋានហិរញ្ញវត្ថុ

សូមចូលរួមជាមួយយើងខ្ញុំ តាមបណ្តាញសង្គមផ្លូវការ៖
Facebook (https://www.facebook.com/fmismoeys/)
Telegram (https://t.me/DOFEFMS)
Youtube (https://www.youtube.com/)
Website (https://efms.moeys.gov.kh/home)

នាយកដ្ឋានហិរញ្ញវត្ថុ បានរៀបចំកិច្ចប្រជុំ ស្តីពី «ការត្រៀមលក្ខណៈក្នុងការបើកប្រាក់បៀវត្សគ្រូបង្រៀនផ្អែកលើកិច្ចព្រមព្រៀងការងារនិងការអនុវត្តថវិកាឆ្នាំ២០២៦ របស់ការិយាល័យអប់រំ យុវជន និងកីឡានៃរដ្ឋបាលក្រុង ស្រុក ខណ្ឌ» ក្រោមអធិបតីភាព ​ឯកឧត្តម ទេព ភិយ្យោរិទ្ធ អគ្គលេខាធិការនៃអគ្គលេខាធិការដ្ឋាន ព្រមទាំងមានការចូលរួមពីសំណាក់មន្រ្តីជំនាញនៃក្រសួងសេដ្ឋកិច្ចនិងហិរញ្ញវត្ថុ ក្រសួងមហាផ្ទៃ មន្ទីរអប់រំ យុវជន និងកីឡារាជធានី ខេត្ត ការិយាល័យអប់រំ យុវជន និងកីឡានៃរដ្ឋបាលក្រុង ស្រុក ខណ្ឌ និងរដ្ឋបាលក្រុង ស្រុក ខណ្ឌ។

🗓ថ្ងៃទី១៥ ខែធ្នូ ឆ្នាំ២០២៥
#នាយកដ្ឋានហិរញ្ញវត្ថុ

សូមចូលរួមជាមួយយើងខ្ញុំ តាមបណ្តាញសង្គមផ្លូវការ៖
Facebook (https://www.facebook.com/fmismoeys/)
Telegram (https://t.me/DOFEFMS)
Youtube (https://www.youtube.com/)
Website (https://efms.moeys.gov.kh/home)

សូមឱ្យខ្មែរទាំងអស់គ្នាយកឱកាសលំបាកនេះបន្តពង្រឹងសាមគ្គីភាពដូចជាចង្គឹះមួយបាច់ ទើបសត្រូវកាច់មិនបាក់

🔔សេចក្តីជូនដំណឹង🔔
សូមជម្រាបជូនដល់ឯកឧត្តម លោកជំទាវ លោក
លោកស្រី និងអ្នកទទួលបន្ទុកបញ្ចូលទិន្នន័យក្នុងប្រព័ន្ធ EFMS មេត្តាជ្រាបថា៖ ប្រព័ន្ធ EFMS នឹងផ្អាកដំណើរការ
ជារៀងរាល់ថ្ងៃចាប់ពីម៉ោង ១៧៖០០នាទីល្ងាច
រហូតដល់ម៉ោង ៦៖០០នាទីព្រឹក។ ក្នុងន័យនេះ សូមមេត្តាបញ្ចូលទិន្នន័យ និងធ្វើការរក្សាទុកឱ្យបានមុនម៉ោង
១៧៖០០នាទីល្ងាច។ សេចក្តីដូចបានជម្រាបជូនខាងលើ សូមឯកឧត្តម
លោកជំទាវ លោក លោកស្រី និងអ្នកទទួលបន្ទុកបញ្ចូលទិន្នន័យក្នុងប្រព័ន្ធ EFMS មេត្តាជ្រាបជាព័ត៌មាន។

សូមគោរពជម្រាបជូនលោក លោកស្រី ប្រធានមន្ទីរអយក.រាជធានី ខេត្ត៖ ក្រសួងអប់រំ យុវជន និងកីឡា ក្រោមក្របខណ្ឌគម្រោងវិទ្យាសាស្ត្រ និងបច្ចេកវិទ្យា សម្រាប់ការអប់រំកម្រិតមធ្យមសិក្សាទុតិយភូមិ (STEP UP) បានទម្លាក់ថវិកា ជូនសាលាធនធាន និង​សាលាបណ្ដាញ ចំនួន ៨៩ សាលាក្នុង​ឆ្នាំសិក្សា២០២៥ ២០២៦នេះ។ ថវិកានឹងចូលគណនីរបស់​សាលា នៅរសៀលថ្ងៃព្រហស្បតិ៍ ទី១១ ខែធ្នូ ឆ្នាំ២០២៥នេះ ចាប់ពីវេលាម៉ោង៤រសៀលតទៅ។ សូមអរគុណ

#នាយកដ្ឋានហិរញ្ញវត្ថុ

សូមចូលរួមជាមួយយើងខ្ញុំ តាមបណ្តាញសង្គមផ្លូវការ៖
Facebook (https://www.facebook.com/fmismoeys/)
Telegram (https://t.me/DOFEFMS)
Youtube (https://www.youtube.com/)
Website (https://efms.moeys.gov.kh/home)

សេចក្ដីអំពាវនាវ ដើម្បីចូលរួមឧបត្ថម្ភគាំទ្រដល់ បុគ្គលិកអប់រំ លោកគ្រូ អ្នកគ្រូ សិស្សភៀសសឹក ដែលបានជម្លៀសខ្លួនទៅស្នាក់នៅតំបន់ភៀសសឹក ក្រសួងអប់រំ យុវជន និងកីឡា សូមអំពាវនាវដល់ ឯកឧត្តម លោកជំទាវ លោក លោកស្រី អ្នកនាង កញ្ញា ថ្នាក់ដឹកនាំក្រសួង បុគ្គលិកអប់រំថ្នាក់កណ្ដាល និងថ្នាក់រាជធានីខេត្ត គ្រឹះស្ថានសិក្សារដ្ឋ និងឯកជន មេត្តាចូលរួមបរិច្ចាគអំណោយដូចជា ថវិកា សម្ភារសិក្សា ស្បៀងអាហារ គ្រឿងឧបភោគបរិភោគ សម្ភារប្រើប្រាស់ផ្សេងៗ ឬថ្នាំពេទ្យ តាមលទ្ធភាព និងសទ្ធាជ្រះថ្លារៀងៗខ្លួន។