21/01/2026
ក្នុងមួយជីវិតរបស់មនុស្សយើង តាំងពីកេីតមករហូតដល់ថ្ងៃលាចាកលោកទៅវិញ តេីមាននរណាមួយ ឬនរណាម្នាក់ ដែលថាមិនធ្លាប់ជួបបញ្ហា ឬវិបត្តិទៅ? គឺគ្មានទេ។ ការជួបបញ្ហា ឬវិបត្តិនេះ វាមិនមែនសុទ្ធតែជាក្តីព្រួយបារម្ភ ទុក្ខសោក ក្តីទុក្ខលំបាក ឬសុទ្ធតែជាកង្វល់ខ្វល់ខ្វាយទាំងអស់នោះទេ។ ពេលខ្លះ ក្តីវិបត្តិ ក៏បានបង្កប់នូវសេចក្ដីល្អនៅខាងក្នុងរបស់វានោះដែរ ហេីយអ្វីដែលសំខាន់ តេីយើងអាចមេីលឃើញ និងយកសេចក្ដីល្អពីក្នុងក្តីវិបត្តិនោះ ដោយរបៀបណា ឬដោយវិធីណាតែប៉ុណ្ណោះ?
15/01/2026
នៅពេលគេមេីលមិនឃេីញពីតម្លៃរបស់យេីង នោះមានន័យថា ភ្នែករបស់គេមេីលឃើញតែសម្បកខាងក្រៅរបស់តម្លៃតែប៉ុណ្ណោះ ដោយចក្ខុរបស់គេមិនអាចមេីលឃេីញ ឬមិនអាចមេីលធ្លុះដល់តម្លៃខាងក្នុងឡេីយ។
យ៉ាងណាមិញ វត្ថុដែលមានតម្លៃជាច្រើន តែងតែបង្កប់នៅខាងក្នុងដែលរុំព័ទ្ធទៅដោយស្រទាប់ ឬសម្បកពីខាងក្រៅ។
ជាក់ស្ដែងទៅ មនុស្សម្នាក់ៗសុទ្ធតែមានតម្លៃរបស់គេរៀងៗខ្លួន។ រីឯតម្លៃនោះ មានតិច ឬក៏ច្រើនប៉ុនណា វាអាស្រ័យលើការប្រតិបត្តិនៃទង្វើដែលគេបានធ្វើ និងបានប្រព្រឹត្ត។ ម្យ៉ាងទៀត យេីងត្រូវរក្សាតម្លៃ និងកសាងតម្លៃរបស់យេីងម្នាក់ៗឲ្យបានកាន់តែច្រើន និងកាន់តែល្អប្រសើរឡេីងៗ។
*តម្លៃពិតប្រាកដ មិនស្ថិតនៅលេីមាត់របស់អ្នកដទៃទេ គឺស្ថិតនៅនឹងខ្លួនរបស់យេីង។
14/01/2026
ពាក្យថា "ស្រឡាញ់" តែមួយម៉ាត់ គឺពុំគ្រប់គ្រាន់ ដែលអាចបំពេញអត្ថន័យនៃសេចក្ដីស្រឡាញ់ដ៏ពិតប្រាកដបានឡើយ។ ចិត្តស្រឡាញ់ដែលគ្មានរូបរាង គឺមិនអាចបំពេញនិយមន័យនៃសេចក្ដីស្រឡាញ់ឲ្យបានពេញលេញទេ។ ស្រឡាញ់ពិតមិនមែនស្ថិតនៅលេីសម្តីតែម្យ៉ាងឡេីយ ឬស្រឡាញ់ពិតមិនមែនស្ថិតនៅលេីត្រឹមចិត្តម្យ៉ាងឡេីយ តែស្រឡាញ់ពិត គឺត្រូវស្រឡាញ់នឹងដៃ។
តេីស្រឡាញ់នឹងដៃយ៉ាងដូចម្ដេច? ស្រឡាញ់នឹងដៃ គឺយកដៃ យកកម្លាំង មកប្រឹងបំប្លែងពាក្យស្រឡាញ់និងចិត្តស្រឡាញ់ ឲ្យវាក្លាយទៅជាសកម្មភាពជាក់ស្ដែង ដែលអាចនាំលទ្ធផលជាក់ស្ដែងបាន។ [...]
ដកស្រង់ចេញពីសៀវភៅ #អំណានជាអំណាច #ឡាំលីម #កូនចាបមាស
13/01/2026
នៅពីក្រោយអ្នកអានដ៏ពូកែ គឺមានសៀវភៅល្អ។ ស្រីស្អាតគូនឹងអ្នកក្លាហាន រីឯអ្នកអានពូកែ គឺរមែងមានសៀវភៅល្អៗអានរាប់មិនអស់។ #អំណានជាអំណាច
13/01/2026
មនុស្សម្នាក់ៗ សុទ្ធតែមានក្តីសុបិននៅក្នុងជីវិតគ្រប់ៗគ្នា មិនថាក្តីសុបិននោះតូច ឬ ធំឡេីយ។ មនុស្សខ្លះមានក្តីសុបិនចង់មានផ្ទះផ្ទាល់ខ្លួន, ចង់បានឡាន, ចង់បានដីសម្រាប់ធ្វើអ្វីផ្សេងៗ, ចង់ធ្វើជាគ្រូបង្រៀន, ចង់ធ្វើជាគ្រូពេទ្យ, ចង់ធ្វើជាអ្នកជំនួញ, ចង់ធ្វើជាអ្នកនិពន្ធ, ចង់ធ្វើជាអ្នកដឹកនាំ, ចង់ធ្វើជាបុគ្គលឆ្នេីម, ចង់ធ្វើជាបុគ្គលល្បីឈ្មោះ និងចង់ធ្វើនេះ ធ្វើនោះជាដើម។
យ៉ាងណា ក្តីសុបិនទាំងអស់នោះ យេីងអាចធ្វើឲ្យវាក្លាយទៅជាការពិតបាន តាមចិត្តដែលយើងចង់នោះ គឺយើងត្រូវចាប់ផ្ដើមធ្វើ ហេីយធ្វើដោយយកចិត្តទុកដាក់បំផុត កុំធ្វើលេងៗ ហេីយរំពឹងលទ្ធផល គឺត្រូវធ្វើដោយចេញពីកម្លាំងបេះដូងដ៏បរិសុទ្ធរបស់យេីង។ 😍
12/01/2026
កុំភ្លេចញញឹម និងលេីកទឹកចិត្តឲ្យខ្លួនឯងផង ពីព្រោះមិនមាននរណាមកញញឹមជាមួយនឹងយេីងឡេីយ។ ជាពិសេស ត្រូវអរគុណដល់ខ្លួនយើងផង ដែលយើងបានខិតខំប្រឹងប្រែងតស៊ូព្យាយាមជម្នះរាល់ឧបសគ្គផ្សេងៗ ហើយក្រោកឈរមកដល់ពេលនេះ។ ម្យ៉ាងទៀត យើងត្រូវបង្កេីត និងផ្តល់ក្តីសង្ឃឹម ព្រមទាំងភាពជឿជាក់ឲ្យខ្លួនឯងបន្តទៅទៀត។ ❤️😍
12/01/2026
ទស្សនៈជនជាតិជ្វីហ្វតែងតំណាលថា«គ្មានបុគ្គលឆ្លាតឯណាដែលមិនកាន់សៀវភៅនោះទេ», សង្គមដែលគ្មានសៀវភៅល្អ ដោយសារគ្មានអ្នកពូកែអាន។
11/01/2026
ចង់ពូកែគិត គឺត្រូវពូកែអាន, ចង់ធ្វើជាអ្នកអានពូកែ គឺត្រូវអានឲ្យត្រូវក្បួន អានឲ្យត្រូវសៀវភៅ កុំទៅផ្លូវវាង,ការអាន ការគិត និងការសរសេរ គឺជាបងប្អូនបង្កើតនឹងគ្នា។
11/01/2026
សម្រាប់អ្នកអាន គឺភ្នែកសំខាន់បំផុត។ សម្រាប់អ្នកស្តាប់ គឺត្រចៀកសំខាន់បំផុត។
#អំណានជាអំណាច
11/01/2026
ចូរយេីងប្រឹងអាន ដើម្បីទុកចំណេះដឹងដោះស្រាយបញ្ហាពេលអាសន្ន តែកុំទុកដល់បញ្ហាកើតឡើងហើយ ទេីបរត់ទៅរកសៀវភៅមកអានឲ្យសោះ។
12/01/2026