សមាគមបណ្តាញកសិករតេជោ - Techo Farmers Network Association

វិនិយោគិនក្នុងស្រុកចាក់បញ្ចូលទុនជិត ៧០ម៉ឺនដុល្លារ ប្រមូលទិញគ្រាប់កាហ្វេពីបងប្អូនកសិក (មណ្ឌលគិរី)៖ គីរីកាហ្វេ (Kiri Coffee) ជាក្រុមហ៊ុនប្រេនកាហ្វេរបស់កូនខ្មែរ បានចាក់បញ្ចូលទុនជិត៧០ម៉ឺនដុល្លារ ប្រមូលទ....

សមាគមបណ្តាញកសិករតេជោ ចុះពង្រឹងកិច្ចសហការ និងពង្រីកទីផ្សារកាហ្វេ ជូនបងប្អូនសហគមន៍ជនជាតិដើមភាគតិច ក្នុងឃុំប៊ូស្រា
------
[មណ្ឌលគិរី]៖ ក្នុងក្របខណ្ឌការងាររបស់សមាគមបណ្តាញកសិករតេជោ ទទួលបន្ទុកផ្នែកកាហ្វេ, លោក ជិន ជ័យាបុត្រ ប្រធានក្រុមហ៊ុន គីរីកាហ្វេ (Kiri Coffee) បានអញ្ជើញចូលរួមក្នុងកិច្ចប្រជុំពិភាក្សាការងារ ជាមួយបងប្អូនតំណាងសហគមន៍ជនជាតិដើមភាគតិច មកពីឃុំប៊ូស្រា ស្រុកពេជ្រាដា ខេត្តមណ្ឌលគិរី ដើម្បីស្វែងរកដំណោះស្រាយ និងជំរុញខ្សែច្រវាក់ផលិតកម្មកាហ្វេឱ្យកាន់តែមាននិរន្តរភាព។

ជាកិច្ចចាប់ផ្តើមនៃកម្មវិធី លោកប្រធានក្រុមហ៊ុន បានពាំនាំនូវការសាកសួរទុក្ខយ៉ាងយកចិត្តទុកដាក់ និងក្តីនឹករលឹកបំផុតពីសំណាក់ ឯកឧត្តមបណ្ឌិត កៅ ថាច ប្រធានសមាគមបណ្តាញកសិករតេជោ ជូនចំពោះបងប្អូនកសិករ និងសហគមន៍ជនជាតិដើមភាគតិចទាំងអស់ ដែលតែងតែខិតខំប្រឹងប្រែងលើការងារបង្កបង្កើនផល និងថែរក្សាគុណភាពកាហ្វេខ្មែរ។

នៅក្នុងជំនួបដ៏មានសារៈសំខាន់នេះ ភាគីទាំងពីរបានពិភាក្សាយ៉ាងស៊ីជម្រៅលើរបៀបវារៈចម្បងៗ ចំនួន ៣ រួមមាន៖
• ១. ការគាំទ្រផ្នែកឥណទានកសិកម្មសម្រាប់ពង្រីកការដាំដុះ៖ ពិភាក្សាលើលទ្ធភាពនៃការផ្តល់ឥណទាន ឬការគាំទ្រជាកញ្ចប់កសិកម្មជូនដល់បងប្អូនកសិករដាំដុះកាហ្វេ រួមមានការផ្គត់ផ្គង់ ជី, កូនពូជ, ថ្នាំកសិកម្ម និងសម្ភារៈបច្ចេកទេសផ្សេងៗ ដើម្បីជួយបងប្អូនមានលទ្ធភាពពង្រីកផ្ទៃដីដាំដុះ និងបង្កើនទិន្នផល។
• ២. កិច្ចសន្យាទីផ្សារ និងការធានាប្រមូលទិញ៖ ពិភាក្សាលើ (យន្តការ) នៃកិច្ចសន្យាទីផ្សារ ដោយក្រុមហ៊ុន គីរីកាហ្វេ នឹងបន្តចុះប្រមូលទិញគ្រាប់កាហ្វេពីបងប្អូនកសិករក្នុងរដូវប្រមូលផលខាងមុខ ទៅតាមតម្លៃទីផ្សារជាក់ស្តែង ដើម្បីធានាស្ថិរភាពប្រាក់ចំណូល និងផ្តល់ទំនុកចិត្តខ្ពស់ជូនសហគមន៍។
• ៣. បញ្ហាផ្សេងៗ៖ ការពិភាក្សាលើការលើកកម្ពស់បច្ចេកទេសថែទាំ ការប្រមូលផលឱ្យត្រូវតាមស្តង់ដារគុណភាព និងការត្រៀមលក្ខណៈសម្រាប់ឆ្លើយតបទៅនឹងការប្រែប្រួលអាកាសធាតុ។

គួររំលឹកផងដែរថា នៅក្នុងរដូវប្រមូលផលកន្លងទៅថ្មីៗនេះ ក្រុមហ៊ុន គីរីកាហ្វេ បានចុះទទួលទិញគ្រាប់កាហ្វេពីបងប្អូនកសិករជាជនជាតិដើមភាគតិច នៅក្នុងឃុំប៊ូស្រា សរុបជិត ៧០០ តោន ដែលគិតជាទំហំទឹកប្រាក់នៃការជួយជ្រោមជ្រែងសេដ្ឋកិច្ចសហគមន៍មានចំនួនរហូតដល់ជិត ៧០ ម៉ឺនដុល្លារអាមេរិក។

ឆ្លៀតក្នុងឱកាសនោះដែរ លោក ជិន ជ័យាបុត្រ បានគូសបញ្ជាក់ និងធ្វើការប្តេជ្ញាចិត្តយ៉ាងមុតមាំថា៖
"ក្រោមការចង្អុលបង្ហាញ និងយកចិត្តទុកដាក់ពី ឯកឧត្តមបណ្ឌិត កៅ ថាច ប្រធាន សមាគមបណ្តាញកសិករតេជោ, ក្រុមហ៊ុន គីរីកាហ្វេ នឹងបន្តឈរជើងជាមួយបងប្អូន ដោយប្តេជ្ញាចិត្តបន្តទិញកាហ្វេពីបងប្អូនជនជាតិដើមភាគតិចឱ្យអស់ពីលទ្ធភាព ក្នុងតម្លៃទីផ្សារ ដើម្បីឱ្យកាហ្វេមណ្ឌលគិរី អាចបន្តដំណើរទៅមុខប្រកបដោយមោទនភាព និងជួយលើកកម្ពស់ជីវភាពបងប្អូនកសិករយើងឱ្យកាន់តែធូរធារ និងរឹងមាំ"។

កិច្ចប្រជុំនេះបានបញ្ចប់ទៅក្រោមបរិយាកាសរីករាយ យោគយល់ និងទទួលបានផ្លែផ្កាគួរជាទីមោទនៈ ដោយបងប្អូនតំណាងសហគមន៍បានសម្តែងនូវក្តីត្រេកអរ និងអំណរគុណយ៉ាងជ្រាលជ្រៅចំពោះការយកចិត្តទុកដាក់ពីសំណាក់ថ្នាក់ដឹកនាំសមាគម ក៏ដូចជាក្រុមហ៊ុន គីរីកាហ្វេ ផងដែរ៕

សម្រាប់ព័ត៌មានបន្ថែម និងការសិក្សាបច្ចេកទេស៖
ទំនាក់ទំនង៖ 061 934 566 / 010 934 566
តាមដានព័ត៌មានថ្មីៗតាម Telegram Channel: https://t.me/techofna
#សមាគមបណ្តាញកសិករតេជោ #កសករខ្មែរ #ខ្មែរជួយខ្មែរ #គាំទ្រផលិតផលខ្មែរ #គាំទ្រផលិតផលក្នុងស្រុក #មណ្ឌលគិរី
Telegram
សមាគមបណ្តាញកសិករតេជោ - Techo Farmers Network Association
ទំនាក់ទំនងសាកសួរព័ត៌មានបន្ថែម៖
☎️ 061 934 566 / 010 934 566
🌐 តេឡេក្រាម៖ t.me/tfnaSecretariat
🌐 ហ្វេសប៊ុក៖ https://surl.lu/sbnxci

កសិករដាំតាសក់ផ្អែមម្នាក់ បានឱ្យដឹងថា តាសក់ផ្អែមនៅចម្ការរបស់លោកបច្ចុប្បន្នកំពុងមានទីផ្សារល្អ ខណៈនៅលើផ្សារទំនើបមានតម្លៃខ្ពស់គួរសម។

ស្ថិតនៅក្នុងវ័យ ៥១ឆ្នាំ លោក ហ៊ឺ ផេងឡា ជាម្ចាស់កសិដ្ឋាន ឌីភីខេ ភ្នំប្រសិត ប្រាប់ កម្ពុជាថ្មី ថា កសិដ្ឋានរបស់លោកបានចាប់ដំណើរការឡើងមកតាំងពីឆ្នាំ ២០២១មកម្ល៉េះ។ លោកបន្តថា កាលនោះកសិដ្ឋានពុំទាន់មានដំណាំតាសក់ផ្អែមនោះទេ ពោលគឺមានត្រឹមតែបន្លែស្លឹកដែលដាំសម្រាប់ដាក់លក់លើទីផ្សារតែប៉ុណ្ណោះ។

ម្ចាស់កសិដ្ឋានរូបនេះ បានបន្ថែមទៀតថា ដោយមើលឃើញពីទីផ្សារល្អនៃដំណាំតាសក់ផ្អែម កាលពីដើមឆ្នាំ២០២៦ កសិដ្ឋានបានសាកល្បងដាំតាសក់ផ្អែម ដែលបានជ្រើសរើសពូជពីប្រទេសតៃវ៉ាន់ មកដាក់ដាំក្នុងផ្ទះសំណាញ់ដែលមានផ្ទៃដីសរុបជាង២ហិកតា។

ដំណាំតាសក់ផ្អែមនៅចម្ការរបស់លោក ផេងឡា បច្ចុប្បន្នកំពុងហុចផលឱ្យយ៉ាងល្អ ខណៈដំណាំនេះកំពុងមានទីផ្សារល្អ និងអាចលក់ចេញទៅកាន់ទីផ្សារបានក្នុងតម្លៃសមរម្យ។

យ៉ាងណាមិញ លោក ហ៊ឺ ផេងឡា បញ្ជាក់ដែរថា ក្រោយពេលប្រមូលផលដំណាំតាសក់ផ្អែម ភាគច្រើនផលិតផលរបស់លោកក៏បានបោះដុំ និងលក់រាយទៅកាន់ផ្សារទំនើបមួយចំនួនដែលស្ថិតនៅក្នុងរាជធានីភ្នំពេញដោយមិនចាំបាច់ដើររកទីផ្សារដូចប្រភេទបន្លែស្លឹកដូចធ្លាប់ដាំកន្លងទៅផងដែរ។

ផ្លែតាសក់ផ្អែម (Melon) ក្រៅពីមានរសជាតិផ្អែមឆ្ងាញ់ ដំណាំមួយប្រភេទនេះក៏សម្បូរទៅដោយសារធាតុចិញ្ចឹមដែលផ្តល់នូវអត្ថប្រយោជន៍សំខាន់ៗជាច្រើនដូចជា៖ ការពាររាងកាយពីការខ្វះជាតិទឹក ជំនួយដល់សុខភាពស្បែក និងគ្រប់គ្រងសម្ពាធឈាមបានមានប្រសិទ្ធិភាព។

គួរឱ្យដឹងថា​ កសិដ្ឋាន ឌីភីខេ ភ្នំប្រសិត រ​បស់លោក ហ៊ឺ ផេងឡា មានសមត្ថភាពផ្គត់ផ្គង់តាសក់ផ្អែមទៅកាន់ទីផ្សារបានប្រមាណជាង ១០តោន ក្នុងមួយខែ។ បច្ចុប្បន្នកសិដ្ឋានមានទីតាំងស្ថិតនៅភូមិបឹង សង្កាត់ពញាពន់ ខណ្ឌព្រែកព្នៅ រាជធានីភ្នំពេញ៕
---------------
©KPT Economy

គតិពេចន៍របស់ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB)

អគ្គនាយកធនាគារអភិវឌ្ឍន៍ជនបទ និងកសិកម្ម ស្នើឱ្យកសិករងាកមកសិក្សាពីការផលិតជីធម្មជាតិក្ន ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុក ជាអ […]