28/11/2025
របៀបធ្វើម្សៅឈូក ម្សៅមើមសាគូ ម្សៅដំឡូង ម្សៅពោត...........................
ដោយសាររបៀបធ្វើវាស្រដៀងគ្នា ទើបខ្ញុំដាក់ទាំងអស់តែម្តង។
ម្សៅឈូក នឹងម្សៅសាគូ លាយទឹកក្តៅញាំបាន ល្អសំរាប់មនុស្សចាស់ ឬអ្នកមានបញ្ហារំលាយអាហារ។ ម្សៅពីរមុខនេះ អាចប្រើជាវត្ថុធាតុដើមផលិតសាប៊ូបាន ហើយជំនួយដល់ស្បែកដែលស្ងួត ខូច កើតមុនបានទៀតផង។ បច្ចុប្បន្ន ផលិតផលថែរក្សារស្បែកគ្រឿងផ្សំជាគ្រឿងគីមីច្រើនលើសលប់ហើយមានតំលៃថ្លៃទៀតផង។
របៀបធ្វើម្សៅឈូក
លាងឈូកអោយស្អាត ហើយចិតសំបក ហើយហាន់ជាបន្ទះស្តើងៗ ហើយដាក់ត្រាំក្នុងទឹក ដោយដាក់អំបិលបន្តិចក្នុងទឹក។
បន្ទាប់មកដាក់វាក្នុងម៉ាស៊ីនក្រឡុក។ ដាក់ទឹកច្រើនបន្តិចក៏បានដែរ។ ក្រឡុកអោយមដ្ឋហើយ យកល្បាយនោះដាក់ក្នុងថង់ក្រណាត់ច្របាច់ជាតិម្សៅអោយចេញអស់ពីក្នុងថង់ដោយអោយសល់តែកាកសសៃឈូក។ កាកសសៃឈូកនេះចោល។ យកតែទឹកម្សៅដែលច្របាច់ចេញមកនោះទេ។
យកទឹកនោះដាក់ក្នុងផឹកស្អាត ទុកម៉ាល្មមម្សៅរងទៅក្រោម
ចាក់ទឹកចោល(ទុក៣-៤ម៉ោង) ហើយយកម្សៅនៅទៅហាលអោយស្ងួត នឹងច្របាច់អោយមដ្ឋជាម្សៅ ជាការស្រេច។
ម្សៅនេះ ពេលឆុងទឹកក្តៅ ប្រើមួយស្លាបព្រាសមល្មមហើយ
សម្បូរវីតាមីន សារធាតុរ៉ែច្រើន។
របៀបធ្វើម្សៅសាគូដូគ្នា។ សាគូបារាំង សាគូសៀម កិនអោយមដ្ឋនឹងត្រងធ្វើបែបនេះដូចគ្នា។
ម្សៅដំឡូង ក៏ធ្វើដូចគ្នា។ លាងទឹកស្អាតហើយ កិនអោយមដ្ឋនឹងធ្វើដូចគ្នា។ តែចំពោះម្សៅពោត ត្រូវយកពោតត្រាំទុក១២-២៤ម៉ោង មុននឹងយកមកកិន។
កសិករអាចពិចារណាងាកមកដាំឈូកជំនួសការធ្វើស្រែ
តែត្រូវរករៀនអោយចេះសិន។ ធ្វើបន្តិចដើម្បីដកការពិសោធន៍សិនក៏បាន។ ខ្មែរនាំមើមឈូកពីចិនមកច្រើនណាស់។
