ស្នេហាជាអ្វី?

ស្នេហាជាប្រភពនៃសុខទុក្ខគ្រប់យ៉ាងនៅលើលោកនេះ

កាន់តែគេច​ កាន់តែធ្វើបាបខ្លួនឯង!
___________________________

[...]នៅពេលដែលយើងដឹងថាលង់ចិត្តស្រឡាញ់មនុស្សម្នាក់​ ដែលមិនអាចនឹងស្រឡាញ់បាន​ ។ យើងក៏ខំគេចមុខពីគេ​ តែវាមិនមែនជាទង្វើដែលអាចគេចពីបញ្ហាបានទេ​ ។ ពេលដែលយើងនៅឆ្ងាយពីគេ​ហើយចិត្តបែរជានឹកគិតដល់គេគ្រប់ជំហាននោះ​ ប្រៀបដូចជាយើងកំ​ពុងតែធ្វើបាបខ្លួនឯងអ៊ីចឹង​... !
យើងអាចគេចពីបញ្ហាបាន​ តែយើងមិនអាចគេចពីបេះដូងខ្លួនឯងបានទេ​ ។
_________________________

ស្មេរៈ ភួង សុភា
រាត្រីសំណេរ​ ១៧.កក្កដា.២០២០

យប់ឯកោ
___________________

[...]តើអ្នកជាអ្នកណា​ មកពីណា​ បានអ្នកមានសិទ្ធិធ្វើឱ្យបេះដូងខ្ញុំចាប់ផ្ដើមឈឺចាប់ម្ដងទៀត​ ?
ការឈឺចាប់ដែលវាបានរលុបចេញពីបេះដូងខ្ញុំយូរមកហើយ​ តែយប់នេះវាបានមកបតិដ្ឋខ្លួនម្ដងទៀតហើយព្រោះតែអ្នក​ ។ វិចារណ៍របស់អ្នកហាក់ដូចជាកាំបិតរាប់ពាន់ដើមដែលមានមុខមុតស្រួចចាក់ទម្លុះបេះដូងរបស់ខ្ញុំឱ្យដាច់ជាបំណែកតូចធំអ៊ីចឹង​ ។ បេះដូងរកាំឈឺអួលណែនព្រោះតែវិចារណ៍ដ៏ខ្លីរបស់អ្នក​ ។ ខ្ញុំដឹងថាពីរឆ្នាំមុន​ ខ្ញុំជាអ្នកចាប់ផ្ដើម​ ដោយប្រើពាក្យ​ You're welcome ក្នុងមួយឆ្នាំម្ដងហើយក៏ស្ងាត់​ ។ ខ្ញុំដឹងពីការចាប់ផ្ដើមដោយប្រើពាក្យនេះ​ តែខ្ញុំត្រូវបញ្ចប់ពាក្យបែបណាឱ្យត្រូវ​ និង​ សមស្របតាមកាលៈទេសៈនេះ​ បើ​ វ​ .​ ន​ ដឹងហើយជួយប្រាប់ខ្ញុំផង​ ។ តើខ្ញុំគួរបញ្ចប់វាបែបណាទើបបេះដូងមិនឯកោ​ ?

អារម្មណ៍ពេលបញ្ចប់​ និង​ អារម្មណ៍ពេលចាប់ផ្ដើមគឺខុសគ្នា​ ។ នេះហើយជាបវត្តិ​រឿងរ៉ាវ​ និង​ បទពិសោធមួយដែលខ្ញុំទើបនឹងបានឆ្លងកាត់វា​ ។ ថ្វីត្បិត​តែបានស្គាល់អ្នកក្នុងវេលាខ្លីតែខ្ញុំក៏ពេញចិត្ត​ និងមានក្ដីសុខណាស់​ ហើយខ្ញុំក៏មិនដែលមានអារម្មណ៍ថាសោកស្ដាយដែរ​ ដែលបានស្គាល់រូបអ្នក​ ទោះជាត្រូវជួបរឿងឈឺចាប់បែបនេះក៏ដោយ​ ។

ជាចុងក្រោយនេះខ្ញុំសូមឱ្យអ្នក​ និង​ គេម្នាក់នោះរស់នៅប្រកបដោយសុភមង្គលក្នុងជីវិតសិរីមង្គលក្នុងពេលខាងមុខនេះ​ ។ ខ្ញុំមិនសូមឱ្យចងចាំរូបខ្ញុំទេ​ នៅតែនឹក​ នៅតែស្រឡាញ់អ្នកជារៀងរហូតមិនប្រែចិត្តឡើយ៕
___________________________________

យប់ឯកោ​ ផ្ញើសារបេះដូងទៅតាមវេហាស៍
ស្មេរៈ ភួង សុភា
១៧.កក្កដា.២០២០

[...]កុំរស់នៅដើម្បីតែប្រាក់​ ជីវិតរបស់មនុស្សយើងខ្លីណាស់​ ។ យើងគួរតែរស់នៅដើម្បីបុព្វហេតុអ្វីមួយ​ ទើបការរស់នៅមានន័យសម្រាប់ជីវិតដ៏ឥតមានសារៈខ្លឹមសារមួយនេះ​ ។
_____________________
ស្មេរៈ ភួង សុភា
១០.កក្កដា.២០២០

[...]ខ្ញុំបានអានអត្ថបទមួយដែលគេសរសេរថា“ ស្នេហាប្រៀបដូចជាការពិសោធមួយអ៊ីចឹង បើយើងឆ្លងកាត់វាមិនបានដោយភាពស្មោះត្រង់ និងចិត្តអំណត់អត់ធ្មត់ទេ យើងក៏មិនសមនឹងទទួលបានស្នេហាពិតមួយដែរ “​ ។ ដូច្នេះខ្ញុំប្រហែលជានៅមិនទាន់ស័ក្ដិសមដើម្បីមានស្នេហាទេមើល៍ទៅ​ ព្រោះមិនទាន់មានការពិសោធនៅឡើយ...!
___________________
ស្មេរៈ ភួង សុភា
០៩.កក្កដា.២០២០

សំណេរខូចចិត្ត​ តាមម្ចាស់ប៉ាកកា...
[...]នៅពេលដែលម្ចាស់ប៉ាកកាកំពុងតែខូចចិត្ត​ ពិតប្រាកដណាស់ថា​ សំណេរដែលសរសេរចេញមកហើយក៏កំពុងតែខូចចិត្តទន់ទោរទៅរកម្ចាស់សំណេររបស់វាផងដែរ...!
__________________
ស្មេរៈ ភួង សុភា
០៦.កក្កដា.២០២០

[...]ចេះតែឆ្ងល់និងមិនយល់ពីខ្លួនឯងសោះ​ ជាមនុស្សដែលមិនធ្លាប់ឆ្លងកាត់រឿងរ៉ាវបវត្តិស្នេហ៍​ និងជាមនុស្សដែលគ្មានបទពិសោធន៍ពីរឿងទាំងអស់នោះផង​ ។ ប៉ុន្ដែហេតុអី្វបានជារាល់អត្ថបទសំណេរ​ ដែលសរសេរចេញទៅហើយទាក់ទងតែរឿងស្នេហា​ ហើយជាស្នេហាដែលមិនសមបំណងទៅទៀត​ ហុឹម​...!
ហេតុអី្វបានជារឿងហ្នឹងវាអាចកើតឡើងទៅរួចទៅហ្ន៎!​ ឬមួយវាជាអព្ភូតហេតុ ?
__________________
ស្មេរៈ ភួង សុភា
២៤.មិថុនា.២០២០

សួរថាស្នេហានៅក្នុងលោកគឺជាអ្វី ? ធ្វើឲ្យគួរប្ដូរផ្ដាច់ស្លាប់រស់ ឥន្ទ្រីយ៍ឈ្មោលស្លាប់បាត់ ទោះបីឥន្រ្ទីយ៍ញីនៅរស់​ ថ្ងៃក្រោយក្នុងស្រទាប់ពពក ភ្នំព្រិលរាប់ពាន់ សូមសួរថាហោះហើរតែឯងម្ដេចនឹងរស់នៅបានទៅ...!
ស្មេរៈ ភួង សុភា
១៦​​.មិថុនា​.២០២០

បើអ្នកមិនមែនខ្ញុំ អ្នកម្ដេចនឹងយល់...
______________________________

[...]បើអ្នកមិនមែនជារូបខ្ញុំ​ផង ធ្វើម៉េចអ្នកបានយល់ពីចិត្តខ្ញុំនៅពេលនេះបាន​ ? គ្មាននរណាម្នាក់ចូលចិត្តសន្សំរឿងទុកក្នុងចិត្តនោះទេ​! មនុស្សយើងតែងតែប្រាថ្នាឱ្យខ្លួនមានសេចក្ដីសុខមិនប្រាថ្នាឱបក្រសោបទុក្ខសោកដាក់ក្នុងខ្លួនទេ​។ អ្នកណាក៏មានបញ្ហាដែរ​ ខ្ញុំទទួលស្គាល់តែអ្នកកុំចោទពួកគេ​ ឬ​ និយាយថាគេចូលចិត្តសន្សំបញ្ហាតិចតួចទុករហូតធ្វើឱ្យបញ្ហាកាន់តែធំ​ រហូតក្លាយជាសំពាធ​ គិតដោះស្រាយមិនបាន​ ដើរដល់ផ្លូវទាល់ច្រកទៅមុខមិនរួច​ ថយក្រោយមិនកើត​ មានតែផ្លូវមួយគឺចាកចេញទៅដោយស្ងៀមស្ងាត់ប៉ុណ្ណោះ​ ។

ខ្ញុំហត់ហើយ​ ទ្រាំរស់នៅក្នុងសំពាធអស់រយៈពេលដប់ឆ្នាំជាង​ ។ ខ្ញុំក្លាយជាមនុស្សម្នាក់ដែលចូលចិត្តរស់នៅតែម្នាក់ឯង​ រស់នៅជាមួយអារម្មណ៍ឯកោ​ ស្ដាប់ឮតែសំឡេងបេះដូងខ្លួនឯង​ សំឡេងនៃភាពស្ងៀមស្ងាត់​ សំឡេងនៃភាពស្រងេះស្រងោចដួងចិត្ត​ សំឡេងនៃការឈឺចាប់ដែលខ្ញុំទ្រាំបៀមទុក្ខ​សោកសង្រេងទុកក្នុងចិត្តមិនដែលប្រាប់ដល់អ្នកណាអំពីសេចក្ដីទុក្ខដែលលាក់ទុកដ៏ជ្រៅក្នុងក្រអៅបេះដូងរបស់ខ្ញុំឱ្យគេដឹងឡើយ​ ។ ខ្ញុំហត់ហើយ​ ខ្ញុំទ្រាំលែងរួចហើយ​ ខ្ញុំធុញ​ ខ្ញុំស្រេ្តស​ ពិភពលោកនេះសោះកក្រោះពេកហើយ​ ពិភពលោកដែលពោរពេញដោយការសម្ដែង​ មិត្តភាពក្លែងក្លាយ សេចក្ដីស្រឡាញ់ក្លែងក្លាយខ្ញុំសូមលាអ្នកហើយ​ ។ ហើយខ្ញុំក៏សូមអរគុណអ្នកដែលកំដរជីវិតខ្ញុំអស់រយៈពេលម្ភៃប្រាំពីរឆ្នាំនេះ​ លាហើយដែនដី​ ។

សុំទោសផងដែលខ្ញុំចាកចេញទៅដោយមិនបានប្រាប់អ្នកមួយម៉ាត់​ ខ្ញុំមិនចង់ក្លាយជាមនុស្សដែលធ្វើជាបន្ទុកដល់អ្នកទៀតទេ​ សង្ឃឹមថាក្រោយពេលដែលខ្ញុំទៅបាត់​ សូមអ្នករស់នៅឱ្យមានសេចក្ដីសុខ...
_____________________________

ស្មេរៈ ភួង សុភា
៣០.ឧសភា.២០២០

ស្នាមញញិមអ្នកជាក្ដីសុខខ្ញុំ...
_________________________

[...]ស្នាមញញឹមរបស់អ្នកជាក្ដីសុខរបស់ខ្ញុំ​ 🦋🦋🦋 ទោះបីជាពេលនេះខ្ញុំដឹងថាក្នុងបេះដូងអ្នកគ្មានរូបខ្ញុំទេ​ តែខ្ញុំពិតជាសប្បាយរីករាយណាស់នៅពេលបានឃើញនៅភាពរីករាយ​ និង​ស្នាមញញិមនៅលើផ្ទៃមុខដ៏ស្រស់ផូរផង់របស់អ្នក...

ខ្ញុំដឹងថាពេលនេះអ្នកកំពុងតែរីករាយជាមួយអ្នកផ្សេងទោះមិនមែនរូបខ្ញុំក៏ដោយ​ តែខ្ញុំនៅតែពេញចិត្តនឹងការជ្រើសរើសរបស់អ្នក​ ។ មនុស្សដែលអ្នកស្រឡាញ់គេត្រូវតែជាអ្នកចេះដឹង​ មានចំណេះវិជ្ជាខ្ពង់ខ្ពស់ មិនដូចរូបខ្ញុំទេ​ ជាកូនអ្នកក្រីក្រ​ រូបរាងមិនស្អាត​ គ្មានចំណេះដឹងដូចគេជាមនុស្សបាតផ្សារ​ ចោលម្សៀត​ មិនស័ក្ដិសមដែលអ្នកមកស្រឡាញ់ខ្ញុំវាត្រូវហើយ...

តែខ្ញុំគ្រាន់តែចង់ឱ្យអ្នកចងចាំរឿងមួយថា​ បុរសម្នាក់នេះនៅតែនឹកគិតនៅតែបារម្ភពីអ្នកគ្រប់ពេល​វេលា​ ។ ពេលដែលខ្ញុំនឹកអ្នកខ្ញុំបានត្រឹមតែចូលទៅមើលរូបអ្នកក្នុងទូរសព្ទ​ ពេលឃើញអ្នកសើច​ និង​ ស្នាមញញឹមខ្ញុំមានក្ដីសុខហើយ​ ។​ ខ្ញុំគ្រាន់តែរស់នៅចង់ឃើញស្នាមញញឹមរបស់អ្នកប៉ុណ្ណោះ​ ជូនពរឱ្យអ្នកនិងគេរស់នៅដោយសុភមង្គលជានិរន្ដរ៍...
______________________
ស្មេរៈ ភួង សុភា
១៧.មករា.២០២០