RAD Engineering and Training Center

20/08/2026

03/07/2026

ធ្នឹមលយប្រវែង 19.5m 🇰🇭

03/06/2026

វាជារឿងល្អសម្រាប់ប្រទេសជាតិ នៅពេលដែលមានអ្នកវិជ្ជាជីវៈក្នុងវិស័យណាមួយ ចូលរួមចែករំលែកចំណេះដឹង បច្ចេកទេស បទពិសោធន៍ ការស្រាវជ្រាវ ឬពត៌មានដែលពាក់ព័ន្ធនឹងវិស័យរបស់ខ្លួន ជូនសារធារណជនទូទៅនិងអ្នករួមអាជីព តាមរយៈការបង្កើតមាតិកាផ្សព្វផ្សាយ។

ការចែករំលែកទាំងនេះមិនអាចដើរតួជំនួសឲ្យការសិក្សារៀនសូត្រ បណ្ដុះបណ្ដាលជំនាញពីគ្រឹះស្ថានបណ្ដុះបណ្ដាលផ្លូវការនោះទេ។ ហើយការចែករំលែកទាំងនេះក៏មិនអាចប្រែក្លាយអ្នកដែលមិនបានឆ្លងកាត់ការសិក្សារៀនសូត្របណ្ដុះបណ្ដាលត្រឹមត្រូវ ឲ្យក្លាយជាអ្នកវិជ្ជាជីវៈ ដើម្បីអនុវត្តការងារក្នុងវិជ្ជាជីវៈអាជីពបានដែរ។ ប៉ុន្តែវាអាចជាសញ្ញាណទូទៅជួយដល់សាធារណជនដែលមិនមែនជាអ្នកវិជ្ជាជីវៈ ក្នុងការសម្រេចចិត្ត ការប្រើប្រាស់ ការថែទាំ ការរារាំង ការការពារសុវត្ថិភាព បានក្នុងលក្ខខណ្ឌមួយចំនួន។

វាជាការល្អនៅពេលដែលមានគណៈវិជ្ជាជីវៈយកចិត្តទុកដាក់ និងបង្កើតនីតិវិធីគ្រប់គ្រងលើការបង្កើតមាតិកាផ្សព្វផ្សាយជាសាធារណៈពាក់ព័ន្ធនឹងវិស័យរបស់ខ្លួន។ ប៉ុន្តែនីតិវិធីនៃការគ្រប់គ្រងគួរមានការបែងចែកទៅតាមការផ្សព្វផ្សាយចែករំលែករបស់៖
១. អ្នកវិជ្ជាជីវៈ ឬអ្នកមិនមែនវិជ្ជាជីវៈប៉ុន្តែប្រកបរបរក្នុងវិស័យនោះ
២. ស្ថាប័នសាធារណៈ ស្ថាប័នឯកជន ឬរូបវ័ន្តបុគ្គល។
នីតិវិធីនៃការគ្រប់គ្រងគួរមានភាពងាយស្រួល សាមញ្ញ រហ័ស មិនបង្អាក់ និងមានការលើកទឹកចិត្តខ្ពស់ដល់អ្នកវិជ្ជាជីវៈដែលសកម្មក្នុងការចែករំលែកមាតិកាដែលត្រឹមត្រូវហើយមានប្រយោជន៍។

វាជារឿងសំខាន់ខ្លាំង និងគួរមានការយកចិត្តទុកដាក់ខ្ពស់ក្នុងការត្រួតពិនិត្យចំពោះការបង្កើតនិងផ្សព្វផ្សាយមាតិកាលើវិស័យទាំងឡាយណាដែលទាក់ទង់នឹងសុវត្ថិភាពសាធារណជន។