07/08/2026
និស្សិតឱសថសាស្រ្ត ឆ្នាំទី៣ នៃវិទ្យាស្ថានវិទ្យាសាស្ត្រអាស៊ី ចុះទស្សនកិច្ចសិក្សាស្វែងយល់ពីការផលិតនៃផលិតផលធម្មជាតិ នៅក្រុមហ៊ុនកសិករឌីជីថលត្រេឌីងឯ.ក
-----------------
ខេត្តតាកែវ៖ នាថ្ងៃព្រហស្បតិ៍ ៨រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៦ ខែសីហា ឆ្នាំ២០២៦ និស្សិតមហាវិទ្យាល័យឱសថសាស្រ្ត ចំនួន ១២រូប នៃវិទ្យាស្ថានវិទ្យាសាស្ត្រអាស៊ីបានចុះទស្សនកិច្ចសិក្សាស្វែងយល់ពីផលិតកម្មសហគ្រាសធុនមធ្យមនៅក្រុមហ៊ុនកសិករឌីជីថលត្រេឌីងឯ.ក។
ទស្សនកិច្ចសិក្សានេះដឹកនាំដោយលោកបណ្ឌិត ញ៉ឹក ពិសិដ្ឋ នាយករង និងជាព្រឹទ្ធបុរសនៃមហាវិទ្យាល័យឱសថសាស្ត្រ និងលោកលី រតនៈ ជាប្រធានដេប៉ាតឺម៉ង់ឱសថសាស្ត្រនៃវិទ្យាស្ថានវិទ្យាសាស្ត្រអាស៊ី។ ទស្សនកិច្ចសិក្សានេះនិស្សិតបានឈ្វេងយល់បន្ថែមដោយផ្ទាល់អំពីដំណើរនៃការផលិត ផលិតផលដូចជាប្រងក្រឡា, ប្រេងខ្យល់, ស្ពៃបាញ់ការពារមូស និងផលិតផលផ្សេងៗទៀតរបស់ ក្រុមហ៊ុនកសិករ។ ជាមួយគ្នានោះផងដែរ និស្សិតបានទទួលបាននូវចំណេះដឹងថ្មីៗ នឹងបានសិក្សាដោយផ្ទាល់ លើលំហូរនៃនីតិវិធីការផលិត និងទទួលបាននូវបទពិសោធន៍ថ្មីៗ ដើម្បីជំរុញស្មារតីផ្តួចផ្តើមចំពោះការច្នៃប្រឌិតលើការផលិត រួមទាំងការពង្រឹង សមត្ថភាពចំពោះ ការសិក្សា របស់និស្សិតអោយកាន់តែប្រសើរឡើង។
