19/11/2024
ថ្ងៃអង្គារ ៤រោច ខែកត្តិក ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៩ ខែវិច្ឆិកា ឆ្នាំ២០២៤ ក្រោមវត្តមាន លោកគ្រូនាយកសាលា លោកគ្រូ អ្នកគ្រូ បានរៀបចំចែកថ្នាំទម្លាក់សត្វល្អិត(ព្រូន) ដល់សិស្សានុសិស្ស ចាប់តាំងពីថ្នាក់មត្តេយ្យ ដល់ថ្នាក់ទី ៦ លោកគ្រូ អ្នកគ្រូ ក៏បានណែនាំយ៉ាងខ្ជាប់ខ្ជួនអំពីវិធីសាស្រ្តក្នុងការប្រើថ្នាំនេះ។
គួរបញ្ជាក់ផងដែរថា មុននឹងចែកថ្នាំទម្លាក់សត្វល្អិតដល់សិស្សទាំងអស់ លោកគ្រូ អ្នកគ្រូ ក៏មានការសួរណែនាំ បានត្រឹមត្រូវ ចៀសវាងការប្រើថ្នាំនេះស្ទួនៗ(ព្រោះមានសិស្សមួយចំនួន ត្រូវបានអាណាព្យាបាលទិញថ្នាំទម្លាក់សត្វល្អិតនេះឱ្យប្រើរួចមកហើយ)។ បន្ថែមពីលើនោះ បន្ទាប់ពីបញ្ចប់ការលេបថ្នាំរួច លោកគ្រូ អ្នកគ្រូ ក៏បានផ្តាំផ្ញើទៅកាន់សិស្សទាំងអស់ ឱ្យជួយជម្រាបម្តាយឱពុក អំពីការប្រើថ្នាំទម្លាក់សត្វល្អិតនេះរួចរាល់នៅឯសាលា(ការពារការប្រើថ្នាំស្ទួនៗ)។
សូមអរគុណ!!!!
