07/01/2026
នៅថ្ងៃទី៧ ខែមករា ឆ្នាំ២០២៦ ក្រុមការងារ UNIs Connect បាននាំយកជំនួយ និងការបរិច្ចាគដែលទទួលបានពីសប្បុរសជនទាំងអស់ រៀបចំជា «កញ្ចប់សម្ភារៈអនាម័យ» ទៅបរិច្ចាគតាមរយៈ AIESEC in Cambodia ដើម្បីជួយគាំទ្រដល់បងប្អូនកំពុងភៀសសឹកដោយផ្ទាល់។
សូមជម្រាបជូនផងដែរថា មូលនិធិដែលទទួលបាន គឺក្រុមការងារបានរៀបចំជាប្រអប់មានសម្ភារៈអនាម័យ សរុបចំនួន ១៥ប្រអប់ ដែលក្នុងមួយប្រអប់រួមមាន៖ សំឡីអនាម័យសម្រាប់ស្រ្តី សាប៊ូកក់សក់ សាប៊ូដុសខ្លួន សាប៊ូបោកខោអាវ ច្រាសបោកខោអាវ ថ្នាំដុសធ្មេញ កន្សែងជូតខ្លួន ព្រមទាំងធូបមូសចំនួន ៤៤ប្រអប់ ដែលសម្ភារៈទាំងអស់នេះនឹងជួយសម្រួលដល់ការប្រើប្រាស់ប្រចាំថ្ងៃ និងការរក្សាអនាម័យរបស់បងប្អូនភៀសសឹក។
ក្រុមការងារយើងខ្ញុំ សូមថ្លែងអំណរគុណយ៉ាងជ្រាលជ្រៅបំផុតចំពោះទឹកចិត្តសប្បុរសនៃសប្បុរសជនទាំងអស់ ដែលបានបរិច្ចាគថវិកា ដើម្បីជាចំណែកមួយចូលរួមគាំទ្រដល់បងប្អូនជនរួមជាតិខ្មែរយើងដែលកំពុងភៀសសឹកដោយសារខ្មាំងឈ្លានពាន។
«ចិត្តសប្បុរស គឺជាការចែករំលែកក្តីសង្ឃឹម»
«When we share KINDNESS, we share HOPE»
