ទៀ ឆាយវេង - Tea Chhay Veng

ការគិតជ្រុលហួសហេតុ នឹងឆក់យកជីវិតយើង
ឆក់យកសុភមង្គលយើង ឆក់យកស្នាមញញឹមយើង ។ ✍️

សូមជម្រាបថា បងប្រុស បងស្រី គាត់ជាអ្នកបានដាំនូវ ពូជព្រះធម៌ ដ៏
បរិសុទ្ធ គឺគាត់បាននាំសមាជិកក្រុមគ្រួសារខ្ញ៉ំឱ្យបានស្គាល់ វិបស្សនា
ទើបសមាជិកក្រុមគ្រួសារខ្ញ៉ំបានពាល់ត្រូវនូវរសជាតិព្រះធម៌ដ៏បរិសុទ្ធ
ពុំមានវត្ថុអ្វីប្រៀបផ្ទឹមបាននេះ រហូតក្រុមគ្រួសារខ្ញ៉ំផ្សព្វផ្សាយបន្តដល់
ញាតិដទៃផ្សេងទៀតឱ្យបានស្គាល់ និងបដិបត្តិនូវបច្ចេកទេសឯកដ៏ល្អ
បរិសុទ្ធ ដែលជាបច្ចេកទេសនាំឱ្យបានរួចផុតទុក្ខ 🙏🙏🙏
ប្អូនសូមគោរពថ្លែងអំណរគុណ និងចងចាំគុណូបការៈដ៏ធំឥតគណនា
ដែលបងទាំងពីរបានផ្តល់ដល់ក្រុមគ្រួសារប្អូនជារៀងរហូតតទៅ 🙏
សូមបងទាំងពីរបានប្រកបតែសេចក្តីសុខគ្រប់ប្រការនៅក្នុងជីវិត 🙏
ភវតុ សព្វ មង្គលំ ~ មង្គលគ្រប់ប្រការចូរកើតមាន 🙏

2025 ហើយ ខំប្រឹងតស៊ូ Comment ឱ្យច្រើនខ្លាំងជាងឆ្នាំចាស់💪

❀ អនិមិត្តកធម៌ ធម៌មិនដឹងមុន ៥យ៉ាង ៖
១. មិនដឹងថាអស់ជីវិតថ្ងៃណា (ចន្ទ អង្គារ ពុធ..)
២. មិនដឹងថាអស់ជីវិតដោយសារអ្វី (ជំងឺ គ្រោះថ្នាក់..)
៣. មិនដឹងថាអស់ជីវិតនៅទីណា (ក្នុងទឹក ក្នុងផ្ទះ ក្នុងមន្ទីរពេទ្យ..)
៤. មិនដឹងថាអស់ជីវិតនៅវេលាណា (ព្រឹក ថ្ងៃត្រង់ ល្ងាច យប់..)
៥. មិនដឹងថាអស់ជីវិតហើយទៅកើតជាអ្វី (ជាមនុស្ស ទេវតា..)
🙏🙏🙏

“ ទំនាក់ទំនងប្រៀបដូចជាបក្សី បើយើងចាប់កាន់ខ្លាំងជ្រុល បក្សីនឹងស្លាប់ បើយើងចាប់កាន់ដោយថ្នមពេក បក្សីនឹងហោះទៅបាត់ បើយើងចាប់កាន់ដោយក្តីស្រលាញ់ថែរក្សា បក្សីនឹងនៅជាមួយយើងរហូត “ ៕

បើខ្លួនខ្ញ៉ំបានភ្លឺ ខ្ញ៉ំក៏នឹងចែករំលែកឱ្យអ្នកដទៃបានរឹតតែភ្លឺបន្ត ។ 🙏
បើខ្ញ៉ំងងឹត ក៏ខ្ញ៉ំនឹងចែករំលែកនូវអ្វីដែលមិនឱ្យអ្នកដទៃងងឹតដែរ ។ 🙏
#បេសកកម្មជីវិត

អត្តភាពយើងជាមនុស្សនេះ ជាសុគតិរបស់ទេវតាដែលត្រូវចុតិមក 🧜‍♂️

​ម្នាល​ភិក្ខុ​ទាំងឡាយ​ ​ភាព​នៃ​មនុស្ស​(នេះ​)​ ឯង​ ​ដែល​ហៅថា​ ​ដំណើរ​
ទៅកាន់​សុគតិ​ ​របស់​ទេវតា​ទាំងឡាយ ។ (បិ អ ៣៦/៦៤៨) 🙏🙏🙏