ខ្មែរអាន

13/08/2026

26/07/2026

មនុស្សជោគជ័យមិនមែនកើតមកឆ្លាតជាងអ្នកដទៃនោះទេ

21/07/2026

លោក ស្រៀង រតនៈ បង្កើតកម្មវិធីពិនិត្យអក្ខរាវិរុទ្ធភាសាខ្មែរ "Khmerlang" ជួយការសរសេរភាសាខ្មែរនៅលើឌីជីថលឱ្យបានត្រឹមត្រូវ

ដើម្បីចូលរួមចំណែកកាត់បន្ថយកម្រិតនៃភាពស្មុគស្មាញនៃការសរសេរភាសាខ្មែរ ជាពិសេសជួយកែតម្រូវការសរសេរភាសាខ្មែរនៅលើឌីជីថលឱ្យបានត្រឹមត្រូវ លោក ស្រៀង រតនៈ ដែលជាអតីតនិស្សិតនៃសាកលវិទ្យាល័យភូមិន្ទភ្នំពេញ បានបង្កើតកម្មវិធីត្រួតពិនិត្យអក្ខរាវិរុទ្ធភាសាខ្មែរមួយឡើយ មានឈ្មោះថា "Khmerlang" ដោយអាចដំណើរការបាននៅលើកម្មវិធី Microsoft Word, Chrome, Microsoft Edge, Facebook, និង Google Translate ជាដើម។

លោក ស្រៀង រតនៈ មានប្រសាសន៍ថា កម្មវិធី «ខ្មែរឡេង (Khmerlang)» ត្រូវបង្កើតឡើងដំបូងនៅឆ្នាំ២០១៩ អំឡុងពេលដែលលោកកំពុងបន្តការសិក្សាថ្នាក់បរិញ្ញាបត្រជាន់ខ្ពស់ ជំនាញព័ត៌មានវិទ្យា (IT) នៅសាកលវិទ្យាល័យភូមិន្ទភ្នំពេញ។ លោកថា អ្វីដែលធ្វើឱ្យលោកបង្កើតវាឡើង គឺដោយសារលោកមើលឃើញ និងចង់ដោះស្រាយបញ្ហាការសរសេរភាសាខ្មែរខុសច្រើន។ ដូច្នេះ លោកក៏សម្រេចបង្កើតកម្មវិធីត្រួតពិនិត្យអក្ខរាវិរុទ្ធភាសាខ្មែរ (Spell Check) សរសេរជានិក្ខេបបទសម្រាប់បញ្ចប់ការសិក្សាថ្នាក់បរិញ្ញាបត្រជាន់ខ្ពស់។ ហើយក្រោយពេលបញ្ចប់ការសិក្សាដោយជោគជ័យ លោកក៏សម្រេចអភិវឌ្ឍកម្មវិធីនេះ រួចដាក់នៅលើវេបសាយ ដើម្បីឱ្យប្រជាជនខ្មែរប្រើប្រាស់ដោយឥតគិតថ្លៃ។

«ខ្ញុំចង់ធ្វើជាអ្នកផ្ដល់ទៅឱ្យសង្គមវិញ ខ្ញុំរៀនចប់ហើយរកបានការងារមួយល្អគួរសម ដែលអាចទ្រទ្រង់ជីវភាពបាន ហើយមានពេលទំនេរ ខ្ញុំចង់ធ្វើអ្វីដែលអាចជួយសង្គមជាតិបាន»។

ស្ថាបនិកកម្មវិធី «ខ្មែរឡេង (Khmerlang)» រូបនេះ បន្ថែមថា ក្នុងការបង្កើតកម្មវិធីនេះ លោកប្រើរយៈពេលស្រាវជ្រាវ និងអានឯកសារប្រហែល ២ទៅ៣ខែ ហើយការបង្កើតវិធីសាស្រ្តផ្ទាល់ខ្លួន ដើម្បីដោះស្រាយបញ្ហាក្នុងភាសាខ្មែរ ប្រើពេលចន្លោះ ៦ខែ ដូច្នេះដើម្បីដាក់ឱ្យប្រើប្រាស់នៅលើវេបសាយបាន គឺលោកប្រើរយៈពេលសរុបជិតមួយឆ្នាំ។ ចំពោះឧបសគ្គក្នុងការបង្កើតវិញ លោក ស្រៀង រតនៈ បញ្ជាក់ថា នោះគឺការសិក្សាស្រាវជ្រាវអំពីភាសាខ្មែរនៅលើវិស័យឌីជីថល ព្រោះមានការលំបាកក្នុងការរកឯកសារស្រាវជ្រាវរបស់អ្នកស្រាវជ្រាវមុនៗ ហើយត្រូវចំណាយពេលអាន រកអ្នកជំនាញភាសាកូដជួយពន្យល់ មានអ្នកជំនាញភាសាខ្មែរផ្ដល់យោបល់ និងមានការជួយគាំទ្រពីអ្នកជំនាញមួយចំនួនផ្ដល់ជាទិន្នន័យ (Data) ដើម្បីជួយត្រួតពិនិត្យភាសាខ្មែរផងដែរ។

សម្រាប់លក្ខណៈពិសេសនៃកម្មវិធីនេះវិញ លោក រតនៈ បង្ហាញថា កម្មវិធីពិនិត្យអក្ខរាវិរុទ្ធនេះ អ្នកប្រើប្រាស់ អាចចម្លងអត្ថបទដាក់បញ្ចូលក្នុងកម្មវិធី ឬបម្លែងរូបភាពទៅជាអត្ថបទ ដែលទើបដាក់ឱ្យប្រើប្រាស់សាកល្បង។ សម្រាប់ជំហាននៃការប្រើប្រាស់ គឺគ្រាន់តែដាក់បញ្ជូលអត្ថបទទៅក្នុងកម្មវិធី នោះនឹងឃើញមានបន្ទាត់ពណ៌ក្រហមគូសខាងក្រោមពាក្យខុស ហើយយើងគ្រាន់តែចុចលើពាក្យខុស នោះនឹងលោតពាក្យត្រូវឱ្យជ្រើសរើសមកជំនួសវិញជាការស្រេច។

បើតាម ស្ថាបនិកកម្មវិធី «ខ្មែរឡេង (Khmerlang)» កម្មវិធីនេះ អាចប្រើប្រាស់បានត្រឹមត្រូវជាង ៨០ភាគរយ ដោយសារវិធីសាស្រ្តនេះ ទើបតែធ្វើការត្រួតពិនិត្យពាក្យខុសទៅតាមពាក្យដែលមាននៅក្នុងវចនានុក្រមខ្មែរប៉ុណ្ណោះ ប៉ុន្តែនៅថ្ងៃអនាគត លោកគ្រោងនឹងអភិវឌ្ឍកម្មវិធីនេះ ដោះស្រាយបញ្ហាពាក្យខុសជាវេយ្យាករណ៍តែម្ដង។ ឧទាហរណ៍៖ ថ្ងៃលិច តើគួរប្រើ លេច ឬលិច? ពាក្យទាំងពីរនេះ មាននៅក្នុងវចនានុក្រមខ្មែរទាំងពីរ ដូច្នេះបើពិនិត្យក្នុងកម្មវិធី គឺមិនខុសទេ ប៉ុន្តែបើនិយាយក្នុងន័យវេយ្យាករណ៍វិញ គឺអាចខុស។

យ៉ាងណាមិញ លោក ស្រៀង រតនៈ ចង់បានជាមតិកែលម្អពីអ្នកប្រើប្រាស់បន្ថែម ដើម្បីយកទៅកែលម្អបន្ថែមទៀត ដើម្បីជួយជំរុញឱ្យការប្រើប្រាស់កម្មវិធីនេះកាន់តែប្រសើរឡើង។

លោក ស្រៀង រតនៈ ក៏បានលើកទឹកចិត្តប្រជាជនខ្មែរ ជាពិសេសយុវជន ត្រូវចូលរួមប្រើប្រាស់ភាសាខ្មែរឱ្យបានត្រឹមត្រូវនិងទូលំទូលាយ ព្រោះភាសាខ្មែរគឺសំខាន់ និងជាអត្តសញ្ញាណជាតិ។ ជាពិសេស នៅពេលយើងធ្វើការងារមួយចំនួនជោគជ័យ ត្រូវចូលរួមចំណែកជួយដល់សង្គមតាមសមត្ថភាពរៀងៗខ្លួន៕

អត្ថបទ ៖ វ៉ាន គីមសល់


#យុវជនឆ្នើម

21/07/2026

បទ "ថ្ងៃ២១-២២ (Refresh ABA)"

03/07/2026

Happy Friday
Thank Cambodia AI Information Hub

ខ្មែរឡេង (Khmerlang) ជាជំនួយការបញ្ញាសិប្បនិម្មិតក្តារចុចដែល​ត្រូវបាន​បង្កើតឡើង​ជាមួយនឹងមុខងារសម្រាប់ជួយពិនិត្យ​អត្ថបទ និងកថាខណ្ឌដែលអាច​កែតម្រូវអក្ខរាវិរុទ្ធ និងណែនាំទម្រង់សម្រាប់ពិនិត្យអក្ខរាវិរុទ្ធជាភាសាខ្មែរ។

កម្មវិធីបញ្ញាសិប្បនិម្មិតនេះត្រូវបានបង្កើតឡើងនៅឆ្នាំ ២០១៩ ដោយលោក ស្រៀង រតនៈ ដើម្បីចូលរួមចំណែកកាត់បន្ថយកម្រិតនៃភាពស្មុគស្មាញនៃការសរសេរភាសាខ្មែរ ជាមួយនឹងការបែងចែកពាក្យដោយស្វ័យប្រវត្តិតាមរយៈការប្រើប្រាស់ម៉ាស៊ីនស្វ័យសិក្សាស៊ីជម្រៅ (Deep Learning)។ អ្វីដែលកាន់តែពិសេសនោះគឺ​កម្មវិធីនេះ​អាចដាក់ដំណើរការ​ប្រើប្រាស់ជាផ្នែកបន្ថែមបានលើកម្មវិធី Microsoft Word, Chrome, Microsoft Edge, Facebook, និង Google Translate ជាដើម។

🔗 តំណភ្ជាប់ទៅកាន់ខ្មែរឡេង៖ khmerlang.com

ចំណាំ៖ ឧបករណ៍បញ្ញាសិប្បនិម្មិតដែលបានបង្ហាញគឺសម្រាប់ជាព័ត៌មានប៉ុណ្ណោះ​ ហើយមិនមានការពាក់ព័ន្ធជាមួយមណ្ឌលព័ត៌មានបញ្ញាសិប្បនិម្មិត​កម្ពុជាឡើយ។

🟣សូមចូលទៅកាន់ https://t.me/CambodiaAIHub

23/06/2026

កុំបណ្តោយឱ្យជឿលើការនិយាយថា "មហាសេដ្ឋីបោះបង់ការសិក្សា"​ មកបោកប្រាស់អ្នកទៀតទៅ។
កាលពីប៉ុន្មានឆ្នាំមុន គ្រូរបស់ខ្ញុំ លោកបាននិយាយថា៖
ឧបមាថា មានមនុស្ស ១០០ នាក់ដែលបន្តរៀនសូត្រ និង ១០០ នាក់ទៀតដែលបោះបង់ការសិក្សា។ បើផ្អែកតាមទិន្នន័យស្ថិតិ តើអ្នកណាមានឱកាសខ្ពស់ជាងក្នុងការទទួលបានជីវិតមួយដែលមានស្ថិរភាព និងជោគជ័យ?
កុំយកករណីលើកលែង (បុគ្គលភាគតិច) មកធ្វើជាយុទ្ធសាស្ត្រសម្រាប់ជីវិតរបស់អ្នក។
យើងត្រូវមើលលើទិន្នន័យជាក់ស្តែង។
———————————————————-
Stop letting the "billionaire dropout" narrative fool you.
A few years ago, my teacher told me:
Imagine 100 people who stay in school versus 100 people who drop out. Statistically, who has a higher chance of achieving a stable and successful life?
Don't use exceptions (the minority) as a strategy for your life. Look at the actual data.

27/04/2026

ខ្ញុំតែឆ្ងល់ថា ហេតុអ្វីបានជាក្មេងជំនាន់ថ្មីមួយចំនួនមានបញ្ហាជាមួយអាកប្បកិរិយា និងនិងវិន័យ។​
ខ្ញុំបានចាប់អារម្មណ៍រឿងមួយ៖ យើងកំពុងរស់នៅក្នុងដំណាក់កាលនៃការផ្លាស់ប្តូរការទទួលខុសត្រូវដ៏ធំមួយ។

- ទស្សនៈរបស់មាតាបិតា៖ ឪពុកម្តាយភាគច្រើនសព្វថ្ងៃនេះ ធំដឹងក្តីឡើងជាមួយការអប់រំតឹងរ៉ឹងបែប "វាយដើម្បីកែ"។ ដោយសារតែបែបនេះ ទើបមានការសន្មត់ដោយមិនដឹងខ្លួនថា សាលារៀននឹងជាអ្នករ៉ាប់រងរឿងវិន័យកូនៗទាំងស្រុង។

- ការពិតរបស់គ្រូ៖ គ្រូសព្វថ្ងៃភាគច្រើនត្រូវតែ "ប្រយ័ត្នខ្លាំង"។ ដោយភ័យខ្លាចពាក្យបណ្តឹង និងការបាត់បង់ការងារ គ្រូជាច្រើនលែងហ៊ានកែតម្រូវអាកប្បកិរិយាសិស្ស។

- លទ្ធផលដែលទទួលបាន៖ សិស្សានុសិស្សត្រូវបានទុកឱ្យដឹកនាំខ្លួនឯង ទាំងដែលពួកគេមិនទាន់មានភាពចាស់ទុំគ្រប់គ្រាន់នៅឡើយ។ នៅពេលដែលគ្មាន "ត្រីវិស័យ" ចង្អុលបង្ហាញផ្លូវច្បាស់លាស់ពីភាគីទាំងសងខាង ការប្រព្រឹត្តខុសឆ្គងក៏ក្លាយជារឿងធម្មតាថ្មីមួយទៅ។

តើអ្នកណាជាអ្នកខុស? តាមគំនិតរបស់ខ្ញុំ គឺគ្មានបុគ្គលណាម្នាក់ខុសទាំងស្រុងនោះទេ ប៉ុន្តែគឺប្រព័ន្ធទាំងមូលដែលកំពុងមានចន្លោះប្រហោង។

ដំណោះស្រាយ៖ យើងត្រូវតែរួមគ្នាផ្សារភ្ជាប់គម្លាតនេះ។ ឪពុកម្តាយមិនអាច "ទម្លាក់ការទទួលខុសត្រូវ" លើការអប់រំចរិយាធម៌កូនៗទៅឱ្យតែសាលារៀននោះទេ។ លោកគ្រូអ្នកគ្រូ និងមាតាបិតាត្រូវតែធ្វើការរួមគ្នាជាធ្លុងមួយ។ ការអប់រំគឺជាភាពជាដៃគូ មិនមែនជាសេវាកម្មដែលអ្នកគ្រាន់តែទិញលុយហើយក៏ដើរចេញនោះទេ។

19/04/2026

ថ្ងៃនេះ ខ្ញុំសូមចែករំលែកចក្ខុវិស័យរបស់ គណៈកម្មាធិការរដ្ឋាភិបាលឌីជីថល(​គ.រ.ឌ.) https://dgc.gov.kh/​ ។
ចក្ខុវិស័យ៖ "បង្កើតទំនុកចិត្តរបស់ប្រជាពលរដ្ឋ តាមរយៈការបំលែងឌីជីថល និងលើកកម្ពស់កម្ពុជា ឱ្យមានស្ថានភាពលេចធ្លោលើឆាកពិភពលោក។"

បើទោះបីជាចក្ខុវិស័យនេះស្តាប់ទៅខ្លី និងសាមញ្ញ ប៉ុន្តែការអនុវត្តជាក់ស្តែងទាមទារពេលវេលាជាច្រើនឆ្នាំ។ ហេតុអ្វី? មិនមែនដោយសារខ្វះសកម្មភាពនោះទេ ប៉ុន្តែបញ្ហាប្រឈមធំបំផុតគឺ "ការផ្លាស់ប្តូរទម្លាប់"។ ការផ្លាស់ប្តូរផ្នត់គំនិត និងអាកប្បកិរិយាដែលមនុស្សទម្លាប់ធ្វើរាប់ឆ្នាំមកហើយ គឺតែងតែត្រូវការពេលវេលា។

ទោះយ៉ាងណាក្តី ការផ្លាស់ប្តូរនេះកំពុងលេចចេញជារូបរាងបណ្តើរៗហើយ តាមរយៈសមិទ្ធផលជាក់ស្ដែងដូចជា៖
✅ Verify.gov.kh៖ លែងសូវពឹងផ្អែកលើការបោះត្រាដោយដៃទៀតហើយ! ប្រព័ន្ធនេះជួយផ្ទៀងផ្ទាត់ឯកសារឌីជីថលបានយ៉ាងរហ័ស សន្សំពេលវេលា និងមានប្រសិទ្ធភាពខ្ពស់។
✅ Form.gov.kh៖ ថ្នាលបង្កើតទម្រង់បែបបទឌីជីថល ដែលជួយសម្រួលដល់ការប្រមូលទិន្នន័យ និងការបំពេញឯកសារស្នើសុំសេវាផ្សេងៗពីរដ្ឋ ដោយផ្លាស់ប្តូរពីការប្រើប្រាស់ក្រដាសស្នាម មកជាទម្រង់អនឡាញវិញប្រកបដោយសុវត្ថិភាព។
✅ Go.gov.kh៖ ជាបណ្តុំច្រកចេញចូលតែមួយ ដែលធានាថាប្រជាពលរដ្ឋអាចទទួលបានព័ត៌មាន និងសេវាកម្មរដ្ឋផ្លូវការដោយងាយស្រួល និងអាចទុកចិត្តបានបំផុត។
✅ ព្រមទាំងមានគម្រោងនវានុវត្តន៍ជាច្រើនផ្សេងៗទៀត ដែលកំពុងដាក់ឱ្យដំណើរការ។

07/04/2026

ឆ្កែវាមិននៅសុខៗព្រូសទេ បើម្ចាស់វាមិនបង្អៅ

25/03/2026

១០ ឆ្នាំមុន ថៅកែបាននិយាយថា៖ «ខ្ញុំមិនដែលសួរថាអ្នកអាចប្រើភាសាអង់គ្លេសបានទេ — ព្រោះខ្ញុំសន្មត់ថាមនុស្សគ្រប់គ្នាអាច។»

ថ្ងៃនេះ៖ «ខ្ញុំមិនដែលសួរថាអ្នកអាចប្រើ AI បានទេ — ព្រោះខ្ញុំសន្មត់ថាមនុស្សគ្រប់គ្នាអាច។»