មជ្ឈមណ្ឌលឥស្លាមកម្ពុជា/Cambodian Islamic Center

វិទ្យាល័យមជ្ឈមណ្ឌលឥស្លាមកម្ពុជា
---------------------------------------------
#សេចក្តីអបអរសាទរ
វិទ្យាល័យមជ្ឈមណ្ឌលឥស្លាមកម្ពុជា សូមសម្តែងនូវការអបអរសាទរយ៉ាងស្មោះស្ម័គ្រចំពោះសិស្ស អាស្នាវី អត្រី ជាសិស្សថ្នាក់ទី11 នៃវិទ្យាល័យមជ្ឈមណ្ឌលឥស្លាមកម្ពុជា ដែលបានដណ្តើមជ័យលាភី មេដាយមាស និងចំណាត់ថ្នាក់លេខ១ ក្នុងការប្រកួត យុវជនមូស្លីមពិភពលោក ផ្នែកភាសាអារ៉ាប់ កម្រិតទ្វីបអាស៊ី ដែលបានប្រារព្ធឡើងនៅប្រទេសឥណ្ឌូនេស៊ី កាលពីថ្ងៃទី08 ខែមិថុនា ឆ្នាំ២០២៦។
សមិទ្ធផលដ៏ឧត្តុង្គឧត្តមនេះ គឺជាផ្លែផ្កានៃការខិតខំប្រឹងប្រែង និងជាមោទនភាពសម្រាប់សាលា គ្រួសារ និងសហគមន៍មូស្លីមនៅកម្ពុជា។
សូមអល់ឡោះប្រទានពរជ័យ បង្កើនចំណេះដឹង និងជោគជ័យដល់រូបគេបន្ថែមទៀតនាពេលអនាគត។
សូមអបអរសាទរចំពោះសមិទ្ធផលដ៏មានកិត្តិយសនេះ! 🏆📚✨

ព្រឹកថ្ងៃសៅរ៍ ទី០៦ ខែមិថុនា ឆ្នាំ២០២៦ វិទ្យាល័យមជ្ឈមណ្ឌលឥស្លាមកម្ពុជា បានចាត់តាំងបុគ្គលិកតំណាង ដើម្បីជូនដំណើរសិស្សតំណាងវិទ្យាល័យមជ្ឈមណ្ឌលឥស្លាមកម្ពុជា ដែលត្រូវចូលរួមការប្រកួតប្រជែងភាសាអារ៉ាប់កម្រិតអន្តរជាតិ នៅសាធារណរដ្ឋឥណ្ឌូនេស៊ី។ ការជូនដំណើរនេះបានប្រព្រឹត្តទៅនៅអាកាសយានដ្ឋានអន្តរជាតិមរតកតេជោ មុនពេលប្អូនៗចេញដំណើរទៅកាន់ប្រទេសឥណ្ឌូនេស៊ី។
ក្នុងឱកាសដ៏មានមោទនភាពនេះ វិទ្យាល័យមជ្ឈមណ្ឌលឥស្លាមកម្ពុជា សូមជូនពរដល់ប្អូនធ្វើដំណើរប្រកបដោយសុវត្ថិភាព ទទួលបានលទ្ធផលល្អប្រសើរ និងទទួលបានជោគជ័យក្នុងការប្រកួត ដើម្បីនាំយកកិត្តិយសជូនវិទ្យាល័យមជ្ឈមណ្ឌលឥស្លាមកម្ពុជា និងព្រះរាជាណាចក្រកម្ពុជា។
✈️🇰🇭🇮🇩 សូមអល់ឡោះ ប្រទាននូវភាពងាយស្រួល សុខសុវត្ថិភាព និងជោគជ័យគ្រប់ភារកិច្ចដល់ប្អូនផងចុះ ។ អាមីន......🤲🏻✨📚

តារាងកិត្តិយសសិស្សប្រចាំឆមាសទី១ ផ្នែកចំណេះទូទៅ សម្រាប់ថ្នាក់ទី៧ ដល់ ទី ១២ ក្នុងឆ្នាំសិក្សា ២០២៥-២០២៦ ។
សូមអបអរសាទរ ដល់សិស្សពូកែ ដែលទទួលបានចំណាត់ថ្នាក់ល្អពីលេខ ១ ដល់ លេខ ៥ នៃវិទ្យាល័យមជ្ឈមណ្ឌលឥស្លាមកម្ពុជា ។
——————-
23/05/2026
--------------------------------------

តារាងកិត្តិយសសិស្សក្នុងឆមាសទី១ ផ្នែកសាសនា សម្រាប់ថ្នាក់ទី៧ ដល់ ទី ១១ ក្នុងឆ្នាំសិក្សា ២០២៥-២០២៦ ។
សូមអបអរសាទរ ដល់សិស្សពូកែ ដែលទទួលបានចំណាត់ថ្នាក់ល្អពីលេខ ១ ដល់ លេខ ៥ នៃវិទ្យាល័យមជ្ឈមណ្ឌលឥស្លាមកម្ពុជា ។
——————-
18/05/2026
--------------------------------------