សាលារៀន ខេមស៊ីខម The Camseacom School

«ការអប់រំដ៏ល្អបំផុត មិនមែនជាការធ្វើឱ្យយើងក្លាយជាមនុស្សឆ្លាតជាងអ្នកដទៃដើម្បីមើលងាយគេនោះទេ ប៉ុន្តែវាធ្វើឱ្យយើងដឹងថាខ្លួនឯងនៅខ្វះខាតអ្វីខ្លះ ហើយត្រូវអភិវឌ្ឍខ្លួនឯងបន្ថែមទៀតដោយរបៀបណា។»

👉លេខតេឡេក្រាមសាលា@សាខាទឹកថ្លា📲0888 555 156

អបអរសាទរ​ ខួបទី៧៧ ទិវាកុមារអន្តរជាតិ (១មិថុនា) ក្រោមប្រធានបទ៖ «សន្តិភាព ជាមូលដ្ឋានគ្រឹះនៃការគោរពនិងកិច្ចគាំពារសិទ្ធិកុមារ»

១ មិថុនា ១៩៤៩ ~ ១ មិថុនា ២០២៦

🔊សាលារៀន ខេមស៊ីខម សាខាទឹកថ្លា យើងខ្ញុំត្រូវការគ្រូបង្រៀនពេញម៉ោងជាច្រើននាក់៖
✔️គ្រូភាសាអង់គ្លេស ចំនួន ៥ នាក់
✔️គ្រូភាសាខ្មែរ ចំនួន ៥ នាក់
✔️គ្រូកុំព្យូទ័រ ចំនួន ២ នាក់
👉សូមដាក់ពាក្យតាមរយៈលេខតេលេក្រាមនេះ
📲0888 555 156 សូមអរគុណ!

ទូលបង្គំយើងខ្ញុំជាបុគ្គលិក ថ្នាក់ដឹកនាំរបស់សាលារៀន ខេមស៊ីខមទាំងអស់ សូមក្រាបបង្គំទូលថ្វាយព្រះពរ ព្រះករុណាព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ក្នុងឱកាសព្រះរាជពិធីបុណ្យចម្រើនព្រះជន្មគម្រប់ ៧៣ព្រះវស្សា យាងចូល ៧៤ព្រះវស្សា🇰🇭

❤️❤️❤️

🔊សេចក្ដីជូនដំណឹង
ស្ដីពីការឈប់សម្រាកក្នុងឱកាស «ព្រះរាជពិធីច្រត់ព្រះនង្គ័ល»

ការិយាល័យរដ្ឋបាលរបស់ សាលារៀន ខេមស៊ីខម មានកិត្តិយសសូមជម្រាបជូនដំណឹងដល់បុគ្គលិកការិយាល័យគ្រប់ផ្នែក លោកគ្រូអ្នកគ្រូគ្រប់កម្រិតសិក្សា អាណាព្យាបាលសិស្ស ព្រមទាំងសិស្សានុសិស្សទាំងអស់ឲ្យបានជ្រាបថា៖ ដើម្បីចូលរួម អបអរសាទរក្នុងឱកាសប្រារព្ធ «ព្រះរាជពិធីច្រត់ព្រះនង្គ័ល» សាលានឹងអនុញ្ញាតឲ្យបុគ្គលិកការិយាល័យគ្រប់ផ្នែក លោកគ្រូអ្នកគ្រូគ្រប់កម្រិតសិក្សា ព្រមទាំងសិស្សានុសិស្សទាំងអស់ឈប់សម្រាក ចំនួន ១ថ្ងៃ គឺនៅថ្ងៃអង្គារ ទី៥ ខែឧសភា ឆ្នាំ២០២៦។

👉សាលានឹងចូលធ្វើការ ហើយរៀនជាធម្មតាវិញ នៅថ្ងៃពុធ ទី៦ ខែឧសភា ឆ្នាំ២០២៦។

អាស្រ័យដូចបានជម្រាបជូនខាងលើនេះ សូមបុគ្គលិក លោកគ្រូអ្នកគ្រូ អាណាព្យាបាលសិស្ស ព្រមទាំងសិស្សានុសិស្សទាំងអស់ មេត្តាជ្រាបជាព័ត៌មាន។ សូមអរគុណ!

ថ្ងៃចន្ទ ៣រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០
ត្រូវនឹងថ្ងៃទី៤ ខែឧសភា ឆ្នាំ២០២៦
គណៈគ្រប់គ្រង និងការិយាល័យរដ្ឋបាល

#ប្រវត្តិព្រះរាជពិធីច្រត់ព្រះនង្គ័ល
#ព្រះរាជពិធីច្រត់ព្រះនង្គ័ល គឺជាព្រះរាជពិធីបុណ្យជាតិដ៏សំខាន់មួយរបស់ព្រះរាជាណាចក្រកម្ពុជា ដែលមានប្រភពដើមតាំងពីសម័យបុរាណមកម៉្លេះ។ ពិធីនេះមិនត្រឹមតែជាកិច្ចសក្ការបូជាតាមបែបព្រហ្មញ្ញសាសនា និងព្រះពុទ្ធសាសនាប៉ុណ្ណោះទេ ប៉ុន្តែវាគឺជា "សញ្ញាណនៃរដូវវស្សា" និងជាការផ្តល់កម្លាំងចិត្តដល់កសិករខ្មែរ។
១. ប្រវត្តិ និងប្រភពដើម
តាមឯកសារប្រវត្តិសាស្ត្រ និងតំណាលតៗគ្នា ព្រះរាជពិធីនេះមានប្រភពមកពីពីរផ្លូវធំៗ៖
• ឥទ្ធិពលឥណ្ឌា (ព្រហ្មញ្ញសាសនា)៖ ក្នុងគម្ពីរពុទ្ធសាសនា និងព្រហ្មញ្ញសាសនា មានការលើកឡើងថា ព្រះមហាក្សត្រនៃប្រទេសឥណ្ឌាបុរាណ តែងតែដឹកនាំការច្រត់ព្រះនង្គ័លដោយផ្ទាល់ ដើម្បីជានិមិត្តរូបនៃការចាប់ផ្តើមរដូវបង្កបង្កើនផល។ ក្នុងរឿងរាមកេរ្តិ៍ ក៏មានការរៀបរាប់ថា ព្រះបាទជនក បានច្រត់ព្រះនង្គ័ល ហើយបានជួបនាងសីតានៅក្នុងចង្អូរដីផងដែរ។
• សម័យអង្គរ និងក្រោយមកទៀត៖ ខ្មែរយើងបានទទួលយកប្រពៃណីនេះ និងបានប្រតិបត្តិយ៉ាងខ្ជាប់ខ្ជួនតាំងពីសម័យមហានគរមក ដើម្បីបន់ស្រន់សុំសេចក្តីសុខ និងទឹកភ្លៀងពីទេវតា។
២. គោលបំណងនៃពិធី
ព្រះរាជពិធីនេះត្រូវបានរៀបចំឡើងក្នុងគោលបំណងសំខាន់ៗដូចជា៖
1. ផ្សព្វផ្សាយដំណឹង៖ ប្រាប់ដល់ប្រជានុរាស្ត្រថា រដូវវស្សាបានចូលមកដល់ហើយ កសិករត្រូវរៀបចំឧបករណ៍កសិកម្មដើម្បីធ្វើស្រែចម្ការ។
2. ការទស្សន៍ទាយ៖ តាមរយៈការបរិភោគរបស់ "គោឧសភរាជ" ដើម្បីដឹងពីផលានុផលកសិកម្ម សុខទុក្ខ និងអាកាសធាតុក្នុងឆ្នាំថ្មី។
3. លើកតម្កើងកសិកម្ម៖ បង្ហាញថាព្រះមហាក្សត្រតែងតែយកព្រះទ័យទុកដាក់លើជីវភាពកសិករ ដែលជាឆ្អឹងខ្នងនៃសេដ្ឋកិច្ចជាតិ។
៣. តួអង្គសំខាន់ៗក្នុងពិធី
ក្នុងព្រះរាជពិធីនេះ ព្រះមហាក្សត្រទ្រង់សព្វព្រះរាជហឫទ័យតែងតាំងតំណាងឱ្យព្រះអង្គ រួមមាន៖
• ស្តេចមាឃ៖ ជាតំណាងព្រះមហាក្សត្រ ជាអ្នកកាន់ដងនង្គ័លច្រត់ដើរតាមក្រោយគោឧសភរាជ។
• ព្រះមេហួ៖ ជាតំណាងព្រះអគ្គមហេសី ជាអ្នកដើរតាមក្រោយស្តេចមាឃ ដើម្បីសាបព្រោះគ្រាប់ពូជស្រូវ។
៤. ពិធីផ្សងគោឧសភរាជ
ចំណុចដែលប្រជាជនចាប់អារម្មណ៍បំផុត គឺការដាក់ចំណី ៧ មុខ ឱ្យគោឧសភរាជជ្រើសរើស រួមមាន៖ ស្រូវ, ពោត, សណ្តែក, ល្ង, ស្មៅ, ទឹក និងស្រា។
• បើផឹក ទឹក ឬស៊ីស្មៅ៖ ព្យាករណ៍ថា នឹងមានជំងឺរាតត្បាតដល់សត្វពាហនៈ។
• បើផឹក ស្រា៖ ព្យាករណ៍ថា នឹងមានអំពើចោរកម្ម ឬអសន្តិសុខ។
• បើស៊ី ស្រូវ, ពោត, សណ្តែក, ល្ង៖ ព្យាករណ៍ថា ផលដំណាំទាំងនោះនឹងទទួលបានទិន្នផលល្អប្រសើរ។
៥. កាលបរិច្ឆេទប្រារព្ធ
ព្រះរាជពិធីច្រត់ព្រះនង្គ័ល តែងតែប្រារព្ធឡើងនៅ ថ្ងៃ ៤ រោច ខែពិសាខ ជារៀងរាល់ឆ្នាំ (ត្រូវនឹងខែឧសភា)។

សេចក្តីសន្និដ្ឋាន៖ ព្រះរាជពិធីច្រត់ព្រះនង្គ័ល គឺជាបេតិកភណ្ឌវប្បធម៌អរូបីដ៏មានតម្លៃ ដែលឆ្លុះបញ្ចាំងពីអត្តសញ្ញាណខ្មែរ ជាជាតិសាសន៍កសិកម្ម និងជាការផ្សារភ្ជាប់យ៉ាងជិតស្និទ្ធរវាងព្រះមហាក្សត្រ និងរាស្ត្រកសិករ។

*****បញ្ជាក់ៈ ក្នុងឆ្នាំនេះមិនមានការ ប្រារព្ធព្រះរាជពិធីច្រត់ព្រះនង្គ័លនោះទេ។ ព្រះរាជពិធីច្រត់ព្រះនង្គ័ល នឹងមិនមានការប្រារព្ធឡើងឡើយនៅ​ឆ្នាំ២០២៦​នេះ។ ព្រះរាជពិធីច្រត់ព្រះនង្គ័លដែលជាព្រះរាជពិធីវប្បមង្គលមួយនៅកម្ពុជានោះ តែង​ប្រារព្ធឡើងជារៀងរាល់ឆ្នាំនៅថ្ងៃ ៤រោច ខែពិសាខ ក្រោមព្រះរាជាធិបតីភាពព្រះ​មហា​ក្សត្រ​នៃព្រះរាជាណាចក្រកម្ពុជា ក្នុងគោលបំណងផ្សងមើលពីប្រផ្នូល​ស្រុកទេស និងការ​បង្ក​បង្កើន​ផលទៅតាមការបរិភោគ​របស់​គោឧសភ​រាជ ក៏ដូចជាដាស់តឿន ក្រើនរំឭក​ដល់​ប្រជា​ពលរដ្ឋខ្មែរ ដែល​ពឹងផ្អែកលើរបរកសិកម្មជាចម្បងឱ្យដឹងថារដូវរស្សា ជារដូវធ្វើស្រែ​ចម្ការ​​បាន​ចូលមកដល់ហើយ។ ប៉ុន្តែក្នុងឆ្នាំ២០២៦នេះ ដើមឡើយព្រះរាជពិធីច្រត់ព្រះនង្គ័លគ្រោងរៀបចំឡើង​នៅលើទឹកដី​ខេត្ត​ព្រៃវែង នាថ្ងៃ ៤រោច ខែពិសាខ ឆ្នាំមមី អដ្ឋស័ក ព.ស២៥៧០ ត្រូវនឹងថ្ងៃទី៥ ខែឧសភា តែដោយសារការប្រឈួនរបស់ព្រះករុណា ព្រះបាទ សម្តេចព្រះបរមនាថ នរោ​ត្តម សីហមុនី ជាអម្ចាស់ជីវិតតម្កល់លើត្បូង ព្រះរាជពិធីត្រូវបានផ្អាកទៅវិញ៕

អបអរសាទរ ព្រះរាជពិធីច្រត់ព្រះនង្គ័ល ថ្ងៃអង្គារ ៤រោច​ ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៥ ខែឧសភា ឆ្នាំ២០២៦

🔊សេចក្ដីជូនដំណឹង
ស្ដីពីការឈប់សម្រាកក្នុងឱកាស «ទិវាពលកម្មអន្តរជាតិ ខួបលើកទី១៤០ និង ពិធីបុណ្យវិសាខបូជា»
ការិយាល័យរដ្ឋបាលនៃការិយាល័យកណ្តាលរបស់ សាលារៀន ខេមស៊ីខម គ្រប់សាខាទាំងអស់ មានកិត្តិយសសូមជម្រាបជូនដំណឹងដល់បុគ្គលិកការិយាល័យគ្រប់ផ្នែក លោកគ្រូអ្នកគ្រូគ្រប់កម្រិតសិក្សា អាណាព្យាបាលសិស្ស ព្រមទាំងសិស្សានុសិស្សទាំងអស់ឲ្យបានជ្រាបថា៖ ដើម្បីចូលរួម អបអរសាទរក្នុងឱកាសប្រារព្ធ ទិវាពលកម្មអន្តរជាតិ ខួបលើកទី១៤០ និង ពិធីបុណ្យវិសាខបូជា សាលានឹងអនុញ្ញាតឲ្យបុគ្គលិកការិយាល័យគ្រប់ផ្នែក លោកគ្រូអ្នកគ្រូគ្រប់កម្រិតសិក្សា ព្រមទាំងសិស្សានុសិស្សទាំងអស់ឈប់សម្រាក ចំនួន ១ថ្ងៃ គឺនៅថ្ងៃសុក្រ ទី១ ខែឧសភា ឆ្នាំ២០២៦។

👉សាលានឹងចូលធ្វើការ ហើយរៀនជាធម្មតាវិញ នៅថ្ងៃសៅរ៍ ទី២ ខែឧសភា ឆ្នាំ២០២៦។
អាស្រ័យដូចបានជម្រាបជូនខាងលើនេះ សូមបុគ្គលិក លោកគ្រូអ្នកគ្រូ អាណាព្យាបាលសិស្ស ព្រមទាំងសិស្សានុសិស្សទាំងអស់ មេត្តាជ្រាបជាព័ត៌មាន។
សូមអរគុណ!

🗓️ថ្ងៃព្រហស្បត្តិ៍ ១៤កើត ខែពិសាខ ឆ្នាំមមី អដ្ឋស័ក ពុទ្ធសករាជ ២៥៦៩
📝ត្រូវនឹងថ្ងៃទី៣០ ខែមេសា ឆ្នាំ២០២៦
គណៈគ្រប់គ្រង និងការិយាល័យរដ្ឋបាល

🔊សាលារៀន ខេមស៊ីខម សាខាក្រាំងធ្នង់យើងខ្ញុំត្រូវការបុគ្គលិក៖
✔️ផ្នែកជំនួយការគណនេយ្យ ពេញម៉ោង ចំនួន ២នាក់
✔️គ្រូភាសាអង់គ្លេស ពេញម៉ោង ចំនួន ២នាក់
✔️គ្រូភាសាអង់គ្លេស ក្រៅម៉ោង ចំនួន ២នាក់
✔️គ្រូភាសាខ្មែរ ពេញម៉ោង ចំនួន ២នាក់
👉សូមដាក់ពាក្យតាមរយៈលេខតេលេក្រាមសាលាៈ 📲0976 555156

សូមអរគុណ!