Bak Touk 1996

ខំប្រឹងឡើង គ្នាយើង!

រដ្ឋមន្រ្តី​អប់រំ នឹងបង្កើត​ពានរង្វាន់​សម្រាប់​សាលារៀន ដែលមាន​សិស្ស​ពូកែ និង​និទ្ទេស A ​ភ្នំពេញ​៖ ក្រសួង​អប់រំ យុវជន និង​កីឡា គ្រោង​បង្កើត​ពានរង្វាន់ សម្រាប់​សាលារៀន ដែលមាន​សិស្ស​ប្រឡង​សញ្ញាបត្រ​ទុតិយ​ស​ភូមិ ជាប់​និទ្ទេស A ច្រើន​ជាងគេ​។ គោលនយោបាយ​របស់​ក្រសួង​អប់រំ​នេះ គឺជា​ទិសដៅ​លើកទឹកចិត្ត​ដល់​គ្រូបង្រៀន និង​នាយក​សាលារៀន ដើម្បី​ជួយ​លើកកម្ពស់​គុណភាព​អប់រំ​នៅ​កម្ពុជា​។​

"កំប្រុកស៊ីផ្លែល្វា រមួលកទា ផ្សាក្ដិតឈ្លូស"
.....................................
សុភាសិតនេះពុំមានន័យយោលទៅផ្នែកអត្ថានុរូបទេ គឺមានន័យជាអត្ថប្បដិរូបសុទ្ធសាធ ។
"កំប្រុកស៊ីផ្លែល្វា"
ពាក្យនេះបុរាណលោកសំដៅទៅលើមន្ត្រីពុករលួយដែលស៊ីសំណូក។ សំណូកលោកប្រៀបទៅនឹងផ្លែល្វាដែលជាផ្លែមិនស្អាតល្អដូចផ្លែឈើឯទៀតៗ។ ហេតុដែលលោករើសយកសត្វកំប្រុក នេះមកដើរតួក្នុងសុភាសិតនេះ ព្រោះសត្វកំប្រុកអាចរស់នៅក្នុងស្រុកក៏បាននៅក្នុងព្រៃក៏បាន ឲ្យតែមានដើមឈើដែលមានផ្លែអាចឲ្យវាស៊ីចិញ្ចឹមជីវិតបាន។ ម្យ៉ាងទៀតលោកបានលើកយកសត្វកំប្រុកនេះមកធ្វើការប្រៀបធៀប ព្រោះវាជាសត្វរស់នៅតែលើដើមឈើជាតំណាងឲ្យមន្ត្រីថ្នាក់លើ ថ្នាក់ខ្ពស់ ថ្នាក់ធំ។
"រមួលកទា"
សត្វទានៅពេលនេះលោកសំដៅយកសត្វទាស្រុកដែលឡើងទ្រនំមិនរួច គឺរស់នៅផ្ទាល់តែនឹងដីឲ្យជាតំណាងបុគ្គលិកតូចទាប។ គឺបុគ្គលិកដែលមន្ត្រីធំប្រើឲ្យរត់ការ ឬធ្វើការងារដែលពាក់ព័ន្ធនឹងអំពើខុសច្បាប់។
"ផ្សាក្ដិតឈ្លូស"
ឈ្លូសគឺជាសត្វរស់នៅក្នុងព្រៃ ហើយស៊ីស្មៅជាអាហារ។ វាមិនដែលស៊ីជីវិតគេទេ ។ ឈ្លូសជាសត្វស្លូតបំផុត និងខ្លាចគេខ្លាំងណាស់។ លោកលើកយកសត្វនេះឲ្យជាតំណាងប្រជាពលរដ្ឋស្លូតត្រង់ និងសាមញ្ញបំផុត ហើយរស់នៅឆ្ងាយពីមន្ត្រីជាន់ខ្ពស់ ។
"សំយោគន័យ"
ពិតមែនតែសុភាសិតនេះមានបីឃ្លាមែន តែមានន័យជាប់ទាក់ទងគ្នាតែមួយ គឺបុរាណលោកចង់និយាយថា មានមន្ត្រីពុករលួយម្នាក់ស៊ីសំណូកយ៉ាងឆ្ងាញ់ពេញមាត់ ដោយគ្មានគិតក្រែងអ្វីទាំងអស់។ គេត្របាក់ស៊ីដោយសុវត្ថិភាព ។ ប៉ុន្តែបុគ្គលិកក្រោមឱវាទដែលលោកធំប្រើឲ្យធ្វើកិច្ចការនោះវិញទេ ដែលជាអ្នករងគ្រោះជំនួស។ អ្នករងគ្រោះនេះមិនហ៊ានថ្លែងការណ៍ពិតទេដោយខ្លាចសុវត្ថិភាពផ្ទាល់ខ្លួន។ ម្ល៉ោះហើយសុខចិត្តទ្រាំលេបថ្ម លេបក្រួសទាំងបង្ខំចិត្ត យ៉ាងរមួលកទៅចុះ។ រីឯប្រជាពលរដ្ឋដែលពាក់ព័ន្ធក្នុងរឿងនេះបានត្រឹមតែឈឺចាប់ប៉ុណ្ណោះឯង៕
------------------------
១៦ មិថុនា ២០១៧

បឋមវ័យ ការពិតគឺជាវិស្សមកាលដ៏ធំជាងគេបង្អស់ក្នុងជីវិត!
រាល់ថ្ងៃនេះយើងមានអាគារដុះឡើងខ្ពស់ៗ មានថ្នល់ស្ពានឡើងខ្ពស់ តែការយោគយល់អត់អោនអោយគ្នាបែរជាធ្លាក់ចុះ
យើងមានផ្ទះកាន់តែធំ តែសមាជិកគ្រួសាររបស់យើងហាក់ដូចជាតិចទៅៗ
យើងមានអាហារប្លែកៗថ្មីៗជាច្រើន តែពោរពេញទៅដោយសារធាតុគីមី
យើងមានថ្នាំថ្មីៗល្អៗជាច្រើន តែសុខភាពបែរជាយ៉ាប់ជាងពីជំនាន់មុន
ក្តីស្រលាញ់សំរាប់មនុស្សជុំវិញធ្លាក់ចុះ តែក្តីច្រណែននិន្ទាឈ្នានីសស្អប់គ្នាកើនឡើងក្នុងចិត្តម្នាក់ៗកាន់តែច្រើន
យើងមានចំណូលខ្ពស់ជាងមុន តែសីលធម៌បែរជាធ្លាក់ចុះកាន់តែទាប
ជីវិតមិនមែនមានដើម្បីតែរស់ ព្រោះជីវិតគឺជាច្រវ៉ាក់ដែលពាក់ជាប់ទាំងសេចក្តីសុខ និងទុក្ខហេតុអ្វីចូលចិត្តគិតខ្វល់តែពីរឿងទុក្ខ ។
ទោះបីជាពិភពលោកបច្ចុប្បន្នបានធ្វើយានអវកាសហោះទៅដល់ឋានព្រះច័ន្ទហើយ យើងសង្កេតឃើញថាការឆ្លងផ្លូវទៅសួរនាំអ្នកជិតខាងក្លាយជារឿងលំបាក ផ្ទះជាប់របងគ្រាន់តែឈ្មោះគ្នាក៏មិនស្គាល់ ។

18-03-2017

18-03-2017 👏👏👏