ជំរំយុវជនជាសកល

អបអរសាទរ ទិវាវប្បធម៌ជាតិ ៣មីនា លើកទី២៨ ឆ្នាំ២០២៦ ក្រោមប្រធានបទ «យុវជនដើម្បីវប្បធម៌»

មានរូបថតស្អាតៗទុកធ្វើអី ដាក់ពាក្យចូលរួមប្រកួតមក😉🤗

ការប្រកួតរូបថតកាយរឹទ្ធិថ្នាក់ជាតិបានត្រឡប់មកវិញហើយ….ក្រោមប្រធានបទ «ការអប់រំកាយរឹទ្ធិកម្មក្នុងបុព្វហេតុជាតិ»

🔗ចុះឈ្មោះតាមរយៈ ៖ https://forms.gle/g9zwPHNjCRuFjknEA

🗓️ផុតកំណត់ថ្ងៃទី៖ ២ មីនា ២០២៦

ពត៌មានលម្អិត៖ តំណភ្ចាប់ (https://t.me/+Q1ppcKU_ODMwYjNl)

នៅចាំអីទៀត កុំគិតច្រើនពេក បើមិនទាន់សាកផងមិចដឹងថាធ្វើមិនបាន….✌🏻

មានរូបថតស្អាតៗទុកធ្វើអី ដាក់ពាក្យចូលរួមប្រកួតមក😉🤗

ការប្រកួតរូបថតកាយរឹទ្ធិថ្នាក់ជាតិបានត្រឡប់មកវិញហើយ….ក្រោមប្រធានបទ «ការអប់រំកាយរឹទ្ធិកម្មក្នុងបុព្វហេតុជាតិ»

🗓️ផុតកំណត់ថ្ងៃទី៖ ២ មីនា ២០២៦

នៅចាំអីទៀត កុំគិតច្រើនពេក បើមិនទាន់សាកផងមិចដឹងថាធ្វើមិនបាន….✌🏻

ព័ត៌មានលម្អិត និងការចុះឈ្មោះ សូមមើលក្នុងComment ខាងក្រោម👇👇

លោកជំទាវ ស្រូយ សុជាតិ អគ្គនាយក នៃអគ្គនាយកដ្ឋានយុវជន ក្រសួងអប់រំ យុវជន និងកីឡា នឹងអញ្ជើញធ្វើបទបង្ហាញស្ដីពី យុវជន និងការបណ្ដុះស្មារតីស្នេហាជាតិ ក្នុងសន្និបាតបូកសរុបការងារអប់រំ យុវជន និងកីឡាឆ្នាំសិក្សា ២០២៤-២០២៥ និងលើកទិសដៅការងារឆ្នាំសិក្សា ២០២៥-២០២៦

- ថ្នាលឌីជីថល និងបណ្ដាញ​សង្គម​ផ្លូវការ​យុវជន​៖
https://lnk.bio/dgy.moeys.gov.kh

១២ កុម្ភៈ ២០២៦ | រាជធានីភ្នំពេញ



#សន្និបាតអប់រំ២០២៦
#អគ្គនាយកដ្ឋានយុវជន

បទបង្ហាញ៖ «ជីវភាពនៃការរស់នៅក្នុងជំរំ» 🏕✨💖
——————————————
ខេត្តសៀមរាប៖ លើសពីកម្មវិធីសិក្សា គឺការរៀនរស់នៅជាមួយគ្នាជាគ្រួសារ។ ក្នុងវេទិកានៃការចែករំលែកនេះ ប្រតិភូនៃជំរំយើងបានឡើងធ្វើបទបង្ហាញយ៉ាងរស់រវើកអំពីជីវិតប្រចាំថ្ងៃនៅក្នុងជំរំ ដែលជាការចងក្រងនូវរាល់សកម្មភាពតាំងពីព្រលឹមទល់ព្រលប់ បង្កប់ទៅដោយរសជាតិជីវិតគ្រប់បែបយ៉ាង ទាំងភាពហត់នឿយ ភាពជូរចត់ និងភាពសប្បាយរីករាយ។

ក្នុងវេទិកានេះ ប្រតិភូយើងបានចែករំលែកខ្លឹមសារដែលឆ្លុះបញ្ចាំងពីតម្លៃនៃសាមគ្គីភាព ចាប់តាំងពីការរស់នៅក្នុងតង់ ការចែករំលែកអាហារ រហូតដល់ការជម្នះរាល់ឧបសគ្គក្នុងការបំពេញភារកិច្ចជាក្រុម ដែលបានប្រែក្លាយមនុស្សមិនធ្លាប់ស្គាល់គ្នា ឱ្យក្លាយជាមិត្តភាពយ៉ាងជិតស្និទ្ធ។ ទាំងនេះគឺជាទិដ្ឋភាពពិតនៃសំណើច និងអនុស្សាវរីយ៍ដ៏មានតម្លៃ ដែលយុវជនយើងបានបង្កើតរួមគ្នា ដើម្បីទុកជាបទពិសោធន៍ដ៏មានតម្លៃមួយនៅក្នុងជីវិតយុវវ័យ។ ✨🤝

- បណ្ដាញសង្គមផ្លូវការ និងទាញយករូបភាព៖
https://linktr.ee/summeryouthcamp
——————————————
#ជំរំយុវជនជាសកលលើកទី១១

ពិធីបិទព្រឹត្តិការណ៍បោះជំរំយុវជនជាសកលលើកទី១១ ក្រោមប្រធានបទ «យុវជននិងការអប់រំនៅកម្ពុជាឆ្នាំ២០៣០»
——————————————
ខេត្តសៀមរាប៖ នាព្រឹកថ្ងៃទី១៧ ខែមករា ឆ្នាំ២០២៦ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានអញ្ជើញជាអធិបតីក្នុងពិធីបិទ ការបោះជំរំយុវជនជាសកលលើកទី១១ ក្រោមប្រធានបទ «យុវជននិងការអប់រំនៅកម្ពុជាឆ្នាំ២០៣០» ដោយមានការចូលរួមពីសំណាក់ ឯកឧត្តម លោកជំទាវ ថ្នាក់ដឹកនាំក្រសួងអប់រំ យុវជន និងកីឡា ឯកឧត្តម អភិបាលរង នៃគណៈអភិបាលខេត្តសៀមរាប គណៈកម្មការអន្តរក្រសួង លោក លោកស្រី តំណាងមន្ទីរអប់រំ តំណាងដៃគូអភិវឌ្ឍ ភ្ញៀវកិត្តិយស និងយុវជនស្ម័គ្រចិត្ត។

បន្ទាប់ពីស្តាប់របាយការណ៍ស្តីពីលទ្ធផលនៃការបោះជំរំរបស់លោកជំទាវ ស្រូយ សុជាតិ អគ្គនាយកយុវជន នៃក្រសួងអប់រំ យុវជន និងកីឡា និងចំណាប់អារម្មណ៍របស់តំណាងសមាជិកជំរំរួចមក ឯកឧត្តមបណ្ឌិតសភាចារ្យ ឧបនាយករដ្ឋមន្ត្រី បានកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែងយកអស់កម្លាំងចិត្តរៀបចំព្រឹត្តិការណ៍បោះជំរំនៅជើងភ្នំគូលែន រយៈពេល ៥ថ្ងៃប្រកបដោយផ្លែផ្កា និងបរិយាកាសសប្បាយរីករាយ ដែលបានបង្កនូវឱកាសឱ្យយុវជនយើងបានរៀនសូត្រ និងស្វែងយល់ពីតថភាពនៃជីវិតរស់នៅក្នុងរបស់សហគមន៍ រៀនចេះសម្របខ្លួនក្នុងរបៀបរស់នៅថ្មី បង្កើតមិត្តភាព ចេះរស់នៅជាមួយគ្នា យល់ដឹងអំពីសន្តិភាព ហ្វឹកហាត់លត់ដំពង្រឹងភាពធន់ខ្លួនឯង ចេះតស៊ូជម្នះការលំបាកនានា កសាងភាពក្លាហាន សាមគ្គីភាព ផ្សារភ្ជាប់តួនាទី និងការទទួលខុសត្រូវរបស់យុវជនជាមួយសហគមន៍ និងបរិស្ថាន ជាពិសេសការរៀនរស់ដោយឯករាជ្យ ដែលទាំងនេះជាផ្នែកមួយនៃការអភិវឌ្ឍបំណិនសតវត្សទី២១ សម្រាប់យុវជន និងការបណ្តុះសីលធម៌ល្អ កូនល្អ មិត្តល្អ សិស្សល្អ និងពលរដ្ឋល្អសម្រាប់សង្គមជាតិ។

ពាក់ព័ន្ធនឹងប្រធានបទ «យុវជននិងការអប់រំនៅកម្ពុជាឆ្នាំ២០៣០» ឯកឧត្តមបណ្ឌិតសភាចារ្យ ឧបនាយករដ្ឋមន្ត្រី បានលើកឡើងថា ឆ្នាំ២០៣០ មិនត្រឹមតែជាឆ្នាំដែលកម្ពុជាឈានដល់គោលដៅចាកចេញពីប្រទេសដែលមានប្រាក់ចំណូលទាបទៅកាន់ប្រាក់ចំណូលមធ្យមកម្រិតខ្ពស់ប៉ុណ្ណោះទេ ថែមទាំងជាឆ្នាំដែលយុវជនត្រូវបន្តរស់នៅក្នុងបរិបទថ្មីចំនួន២ គឺ ទី១ នៃបញ្ហាព្រំដែនជាមួយប្រទេសថៃ ទី២ ការប្រែប្រួលសណ្ដាប់ធ្នាប់ពិភពលោក ក្នុងន័យនេះ យុវជនត្រូវសិក្សារៀនសូត្រ ពង្រឹងសមត្ថភាពគិតពិចារណាឱ្យស៊ីជម្រៅ ស្វែងយល់ឱ្យច្បាស់ពីឫសគល់នៃបញ្ហា ដោយគូសបញ្ជាក់ថា មានតែបញ្ញា គឺមិនគ្រប់គ្រាន់ទេ យុវជនត្រូវមានសមត្ថភាពគ្រប់គ្រងខ្លួនឯង បង្កើតភាពធន់ ការចេះតស៊ូអំណត់អត់ធន់ បើដួល ត្រូវចេះងើបឡើងដោយខ្លួនឯង ទើបក្លាយជាយុវជនប្រកបដោយសក្តានុពលពេញលេញ ដើម្បីចូលរួមចំណែកដល់ការថែរក្សាសុខសន្តិភាព និងជំរុញការអភិវឌ្ឍជាតិ។

តាងនាមក្រសួងអប់រំ យុវជន និងកីឡា ឯកឧត្តមបណ្ឌិតសភាចារ្យ ឧបនាយករដ្ឋមន្ត្រី សូមថ្លែងអំណរគុណដ៏ជ្រាលជ្រៅដល់អគ្គនាយកដ្ឋានយុវជន គណៈអភិបាលខេត្តសៀមរាប អាជ្ញាធរ យុវជនស្ម័គ្រចិត្ត និងភាគីពាក់ព័ន្ធទាំងអស់ ដែលបានចំណាយទាំងកម្លាំងកាយចិត្ត និងពេលវេលារៀបចំកម្មវិធីបោះជំរំនេះឡើង ដោយការលះបង់ និងកិច្ចខិតខំនេះបាននាំមកនូវឱកាសសម្រាប់យុវជនកម្ពុជាឱ្យរីកចម្រើនទាំងចំណេះដឹង សមត្ថភាព និងបំណិន ព្រមទាំងកោតសរសើរដល់សមាជិកជំរំទាំងអស់ចំពោះការប្តេជ្ញាចិត្ត និងបើកចិត្តទូលាយក្នុងការទទួលយកបំណិនថ្មីៗ ដែលជាមូលដ្ឋានជំរុញការផ្លាស់ប្តូរជាវិជ្ជមានលើឥរិយាបថក្នុងការសិក្សា ការគិត សីលធម៌រស់នៅល្អ ការចូលរួមការងារស្ម័គ្រចិត្តក្នុងសហគមន៍ ឧត្តមគតិស្រឡាញ់ធម្មជាតិនិងសហគមន៍ ជាពិសេសការរួបរួមគ្នាប្តេជ្ញាចិត្តពង្រឹងសមត្ថភាព សាមគ្គីភាព និងការអភិវឌ្ឍជាតិ ដែលជាខឿនការពារជាតិដ៏រឹងមាំសម្រាប់អនាគត៕

១៧ មករា ២០២៦ | ខេត្តសៀមរាប

- បណ្ដាញសង្គមផ្លូវការ និងទាញយករូបភាព៖
https://linktr.ee/summeryouthcamp
——————————————
#ជំរំយុវជនជាសកលលើកទី១១

បាឋកថាពិសេស ស្ដីពី យុវជន និងការអប់រំនៅកម្ពុជាឆ្នាំ២០៣០
——————————————
ខេត្តសៀមរាប៖ នាព្រឹកថ្ងៃទី១៧ ខែមករា ឆ្នាំ២០២៥ ឯកឧត្តមបណ្ឌិតសភាចារ្យ ឧបនាយករដ្ឋមន្ត្រី បានអញ្ជើញផ្តល់បាឋកថាពិសេស ស្ដីពី យុវជន និងការអប់រំនៅកម្ពុជាឆ្នាំ២០៣០ ដល់យុវជននៃកម្មវិធីជំរំយុវជនជាសកលលើកទី១១ ខេត្តសៀមរាប និងមានការចូលរួមពីសំណាក់ ឯកឧត្តម លោកជំទាវ ថ្នាក់ដឹកនាំក្រសួងអប់រំ យុវជន និងកីឡា តំណាងសហភាពអឺរ៉ុប និងភាគីពាក់ព័ន្ធ។

យុវជនត្រូវបានចាត់ទុកថាជាកម្លាំងស្នូល និងជាធនធានមនុស្សដ៏មានតម្លៃបំផុតសម្រាប់អនាគតនៃប្រទេសជាតិ។ ក្នុងបរិបទនៃការផ្លាស់ប្តូររហ័សផ្នែកសេដ្ឋកិច្ច សង្គម និងបច្ចេកវិទ្យាសកល ប្រធានបទ«យុវជន និងការអប់រំនៅកម្ពុជាឆ្នាំ២០៣០» បង្ហាញពីចក្ខុវិស័យវែងឆ្ងាយក្នុងការអភិវឌ្ឍយុវជនឱ្យមានសមត្ថភាពពេញលេញ ដើម្បីក្លាយជាកម្លាំងដឹកនាំ និងចូលរួមយ៉ាងសកម្មក្នុងការកសាងប្រទេសជាតិឱ្យមានភាពរឹងមាំ និងចីរភាព។ ការអប់រំជាគ្រឹះសំខាន់បំផុតសម្រាប់ការអភិវឌ្ឍយុវជននៅកម្ពុជា ឆ្នាំ២០៣០។ ការអប់រំនាពេលអនាគត មិនត្រឹមតែផ្តោតលើការផ្ទេរចំណេះដឹងតាមសៀវភៅប៉ុណ្ណោះទេ ថែមទាំងត្រូវផ្តោតលើការអភិវឌ្ឍសមត្ថភាពជាក់ស្តែង ដូចជា ជំនាញគិតវិភាគ ការដោះស្រាយបញ្ហា ការច្នៃប្រឌិត ការងារជាក្រុម និងការទំនាក់ទំនងប្រកបដោយប្រសិទ្ធភាព។ ការអប់រំប្រកបដោយគុណភាពនឹងជួយបង្កើតយុវជនដែលមានទាំងចំណេះដឹង ជំនាញ និងសីលធម៌ សមស្របនឹងតម្រូវការសង្គមសម័យសតវត្សរ៍ទី២១។

ភារកិច្ចចម្បងរបស់យុវជនគឺការកសាងសមត្ថភាពតាមរយៈការប្រកាន់ខ្ជាប់នូវគោលការណ៍ «សីល បញ្ញា និងសមាធិ»។ ទន្ទឹមនឹងនេះ គំរូនៃ សាលារៀនជំនាន់ថ្មី របស់ក្រសួងអប់រំ យុវជន និងកីឡា ក៏បានដើរតួនាទីជាថ្នាលដ៏សំខាន់ក្នុងការបណ្តុះបំណិនសតវត្សទី២១ ដើម្បីជួយឱ្យយុវជនមានសមត្ថភាពម្ចាស់ការលើការគិតបែបវិភាគ និងការដោះស្រាយបញ្ហាស្មុគស្មាញ។ លើសពីការសិក្សានៅក្នុងថ្នាក់រៀន យុវជនមានភារកិច្ចសិក្សារៀនសូត្រពីបទពិសោធប្រវត្តិសាស្ត្រ និងនយោបាយអន្តរជាតិ ដើម្បីពង្រឹងស្មារតីស្នេហាជាតិ និងភាពជាអ្នកដឹកនាំ។ ក្នុងន័យនេះ មេរៀនដែលដកស្រង់ចេញពី ជម្លោះព្រំដែនកម្ពុជា-ថៃ នាពេលកន្លងមក គឺជាឧទាហរណ៍ជាក់ស្តែងដែលយុវជនត្រូវរៀនសូត្រពីតម្លៃនៃសន្តិភាព ការការពារអធិបតេយ្យភាពជាតិ និងការប្រើប្រាស់មធ្យោបាយការទូតដោយផ្អែកលើច្បាប់អន្តរជាតិ។ ក្នុងនាមជាពលរដ្ឋសកល យុវជនកម្ពុជាត្រូវមានសមត្ថភាពតាមដាន និងវិភាគនូវចរន្តនយោបាយពិភពលោក និងការប្រកួតប្រជែងភូមិសាស្ត្រនយោបាយ ដើម្បីត្រៀមខ្លួនការពារផលប្រយោជន៍ជាតិ និងចូលរួមចំណែករក្សាសន្តិសុខក្នុងតំបន់។ ការយល់ដឹងពីនយោបាយអន្តរជាតិនឹងជួយឱ្យយុវជនមិនងាយរងការអូសទាញ ឬបោកបញ្ឆោតដោយព័ត៌មានក្លែងក្លាយដែលបង្កអស្ថិរភាពសង្គម។

ក្នុងយុគសម័យឌីជីថល ការបញ្ចូលបច្ចេកវិទ្យា និងបញ្ញាសិប្បនិម្មិតក្នុងវិស័យអប់រំ គឺជាកត្តាសំខាន់មួយសម្រាប់កម្ពុជា ឆ្នាំ២០៣០។ យុវជនត្រូវមានសមត្ថភាពប្រើប្រាស់បច្ចេកវិទ្យាព័ត៌មាន និងឧបករណ៍ឌីជីថលដោយច្នៃប្រឌិត មានទំនួលខុសត្រូវ និងមានសុវត្ថិភាព។ ការរៀនតាមប្រព័ន្ធឌីជីថល និងការរៀនពេញមួយជីវិត នឹងជួយបើកឱកាសសិក្សាស្មើភាព និងបង្កើនសមត្ថភាពប្រកួតប្រជែងរបស់យុវជននៅលើឆាកជាតិ និងអន្តរជាតិ។ ជាមួយនឹងនេះ ការអប់រំនៅកម្ពុជា ២០៣០ ត្រូវតភ្ជាប់យ៉ាងជិតស្និទ្ធជាមួយទីផ្សារការងារ និងការអភិវឌ្ឍសេដ្ឋកិច្ច។ ការផ្តោតលើជំនាញវិជ្ជាជីវៈ STEM សហគ្រិនភាព នវានុវត្តន៍ និងការអនុវត្តជាក់ស្តែង នឹងជួយឱ្យយុវជនអាចរកការងារធ្វើបាន មានសមត្ថភាពបង្កើតអាជីវកម្មផ្ទាល់ខ្លួន និងអាចសម្របខ្លួនទៅនឹងការប្រែប្រួលនៃពិភពការងារនាពេលអនាគត។

ក្នុងន័យនេះ ប្រធានបទ «យុវជន និងការអប់រំនៅកម្ពុជា ២០៣០» បានបង្ហាញពីបេសកកម្មរួមក្នុងការកសាងយុវជនឱ្យមានគុណភាព គុណធម៌ និងសមត្ថភាពគ្រប់វិស័យ ដើម្បីធានាថាកម្ពុជាអាចឈានទៅរកការអភិវឌ្ឍប្រកបដោយចីរភាព និងមានកិត្តិយសក្នុងសហគមន៍អន្តរជាតិនៅឆ្នាំ ២០៣០ និងឆ្នាំបន្តបន្ទាប់ទៀត៕

១៧ មករា ២០២៦ | ខេត្តសៀមរាប

- បណ្ដាញសង្គមផ្លូវការ និងទាញយករូបភាព៖
https://linktr.ee/summeryouthcamp
——————————————
#ជំរំយុវជនជាសកលលើកទី១១