ក្រុមប្រឹក្សាកុមារវិ.ព្រះស៊ីសុវត្ថិជំនាន់ថ្មី Ngs-Ssw Student Council

📚✨ សកម្មភាពរួមគ្នាដើម្បីអប់រំ! 📚✨

📅 ថ្ងៃអង្គារ ២រោច ខែជេស្ឋ ឆ្នាំមមី អដ្ឋស័ក ព.ស. ២៥៧០ (៩ មិថុនា ២០២៦) ក្រុមប្រឹក្សាកុមារ និងយុវជន និងលោកគ្រូអ្នកគ្រូ នៃសាលារៀនជំនាន់ថ្មី វិទ្យាល័យព្រះស៊ីសុវត្ថិ កំពុងរៀបចំសម្ភារៈបរិច្ចាគដែលទទួលបានពីសិស្សានុសិស្ស លោកគ្រូអ្នកគ្រូ និងសប្បុរសជនទាំងអស់🙏 ដើម្បីចែកជូនប្អូនៗនៅអនុវិទ្យាល័យបន្សាយរាក់។

💖 ក្រុមប្រឹក្សាកុមារ និងយុវជន និងលោកគ្រូអ្នកគ្រូ នៃសាលារៀនជំនាន់ថ្មី ព្រះស៊ីសុវត្ថិ សង្ឃឹមថាការរួមចំណែកនេះ នឹងក្លាយជាកម្លាំងចិត្តដល់ការសិក្សារបស់ប្អូនៗ។

🤝 សូមបន្តចូលរួមបរិច្ចាគជាមួយយើង! ពួកយើងនៅតែបន្តទទួលការបរិច្ចាគដូចជា ៖ សៀវភៅ សម្ភារៈសិក្សា ឬថវិកាតាមសទ្ធា។
—————————————————————————————

The Student Council of Preah Sisowath (NGS) and faculty have been busy preparing books and school supplies for students at Bonsayreak Lower Secondary High School.

We hope this small contribution motivates and supports their future education. 💪❤️

🤝 We are still accepting: Books, school supplies, or financial support! 🙏

📩 សូមទាក់ទងមកកាន់ប្រអប់សារ (Inbox) សម្រាប់ព័ត៌មានបន្ថែម។ Please inbox us for more details.

រួមដៃគ្នាដើម្បីភាពជោគជ័យក្នុងការសិក្សា! 🤝📖
នេះជាសកម្មភាពនៃការបង្រៀន និងរៀន នៅក្នុងកម្មវិធី «មិត្តជួយមិត្ត» របស់ពួកយើង! ក្រុមប្រឹក្សាកុមារ និងយុវជន សាលារៀនជំនាន់ថ្មីវិទ្យាល័យព្រះស៊ីវត្ថិ តែងតែជឿជាក់ថា «ការដើរម្នាក់ឯងអាចទៅបានលឿន ប៉ុន្តែបើដើរជុំគ្នាគឺយើងអាចទៅបានឆ្ងាយ»។ តោះ! មកមើលទិដ្ឋភាពនៃការខិតខំប្រឹងប្រែងរបស់ពួកយើងទាំងអស់គ្នា!

✨ ក្នុងឱកាសទិវាបរិស្ថានជាតិ និងបរិស្ថានពិភពលោក ខួបលើកទី៣០ នេះ ក្រុមប្រឹក្សាកុមារ និងយុវជន នៃវិទ្យាល័យព្រះស៊ីសុវត្ថិ សាលារៀនជំនាន់ថ្មី សូមថ្លែងអំណរគុណ និងកោតសរសើរដល់កិច្ចខិតខំប្រឹងប្រែងរបស់លោកគ្រូអ្នកគ្រូ សិស្សានុសិស្សនិងអ្នកដែលតែងតែចូលរួមថែរក្សាអនាម័យ និងបរិស្ថានជុំវិញខ្លួន។ សូមយើងរួមគ្នាបន្តទម្លាប់ល្អវិជ្ជមានទាំងនេះ តាមរយៈការទុកដាក់សំរាមឱ្យបានត្រឹមត្រូវ កាត់បន្ថយការប្រើប្រាស់ប្លាស្ទិក និងចូលរួមដាំដើមឈើដើម្បីបង្កើនភាពបៃតង។ 🙏🌳

✨ On this World and National Environment Day (30th Anniversary), the Student Council of Preah Sisowath High School (NGS) would like to express our sincere appreciation to all students, teachers, and individuals who actively care for our environment. Let’s continue to work together in keeping our surroundings clean, reducing plastic use, and planting more trees for a healthier, greener community. 🙏🌳
#ទិវាបរិស្ថានជាតិនិងបរិស្ថានពិភពលោក

🙏 សូមគោរពថ្លែងអំណគុណយ៉ាងជ្រាលជ្រៅជូនចំពោះមាតាបិតា អ្នកអាណាព្យាបាល លោកគ្រូអ្នកគ្រូ សិស្សានុសិស្ស និងសាធារណៈជនទាំងអស់ដែលបានចូលរួមជាថវិកា ទាំងកម្លាំងកាយចិត្ត បរិច្ចាគដល់អនុវិទ្យាល័យបន្សាយរាក់ ដែលជាសាលារៀនរងគ្រោះដោយសារជម្លោះព្រំដែនរវាងកម្ពុជា និងថៃ។

📥 គិតត្រឹមថ្ងៃ ពុធ ទី ០៣ ខែ មិថុនា ឆ្នាំ ២០២៦ វេលាម៉ោង ១១:០០ នាទីព្រឹក គឺទទួលបានថវិកាចំនួន ៣,៣៦៦,៥៨៣.៣៥ រៀល ។

💖 សូមគោរពជូនពរ មាតាបិតា អ្នកអាណាព្យាបាល លោកគ្រូអ្នកគ្រូ សិស្សានុសិស្ស និងសប្បុរសជនទាំងអស់ជួបតែនឹងពុទ្ធពរទាំង៤ប្រការគឺ អាយុ វណ្ណៈ សុខៈ និងពលៈ កុំបីឃ្លៀងឃ្លៀតឡើយ។

🔥 អបអរសាទរដំណើរកំពូលអ្នកតស៊ូមតិវ័យក្មេង នៃសាលារៀនជំនាន់ថ្មី វិទ្យាល័យព្រះយុគន្ធរ! 🚀
«សាមគ្គីភាព និងចំណេះដឹង នាំមកនូវជ័យជំនះ» សូមសម្តែងនូវការកោតសរសើរ និងអបអរសាទរយ៉ាងក្រៃលែងចំពោះយុវសិស្សតំណាងសាលារបស់យើងទាំង ៥រូប ដែលបានខិតខំប្រឹងប្រែង តស៊ូ និងបង្ហាញសមត្ថភាពយ៉ាងប៉ិនប្រសប់ រហូតទទួលបានជ័យជំនះនៅក្នុង «វគ្គជម្រុះជុំទី៣» នៃកម្មវិធីជជែកដេញដោលយុវជនថ្នាក់ជាតិ ឆ្នាំ២០២៦ រួមមាន៖
១. ហេង ឌីមែន
២. យ៉ែម ចន្ទបរមី
៣. សុខ វណ្ណាធីកា
៤. អានស្រី បញ្ញារិទ្ធិ
៥. ទេព នរិន្ទ
លទ្ធផលដ៏គាប់ប្រសើរនេះ កើតចេញពីការរួមកម្លាំងគ្នា ភាពជឿជាក់ និងការត្រៀមលក្ខណៈយ៉ាងហ្មត់ចត់របស់បេក្ខជនៗម្នាក់ៗ ដែលស្តែងឱ្យឃើញពីកម្រិតសមត្ថភាពលេចធ្លោប្រចាំសាលារបស់យើង។ សូមបន្តរក្សាស្មារតីសហការដ៏រឹងមាំ និងពង្រឹងចំណេះដឹងបន្ថែមទៀត ដើម្បីបន្តបំបែកកំណត់ត្រាល្អៗនៅក្នុងដំណាក់កាលបន្តបន្ទាប់! 🌟✨
———————————————————————————————
🔥 Celebrating the Remarkable Milestone of Yukanthor NGS Debaters! 🚀
"Unity and knowledge pave the way to victory." We would like to express our warmest congratulations and deep admiration to our 5 student representatives for their hard work, dedication, and brilliant skills in securing victory in "Preliminary Round 3" of the National Youth Debate Championship 2026:
1. Heng Dymen
2. Yem Chanbormey
3. Sok Vannathyka
4. Ansrey Panharith
5. Tep Norin
This outstanding outcome highlights the incredible synergy, focus, and intensive preparation of each individual, showcasing the high level of academic excellence within our school community. Keep pushing the boundaries, trust your collective strengths, and aim for even higher ground in the upcoming challenges! 🌟✨

🌏✨ ចំណងមិត្តភាព និងការផ្លាស់ប្តូរវប្បធម៌រវាងសិស្សានុសិស្ស កម្ពុជា-សិង្ហបុរី! 🇰🇭🇸🇬

កាលពីថ្ងៃអង្គារ ២រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២ ខែមិថុនា ឆ្នាំ២០២៦ នេះ ក្រុមប្រឹក្សាកុមារ និងយុវជន នៃសាលារៀនជំនាន់ថ្មី វិទ្យាល័យព្រះស៊ីសុវត្ថិ បានបើកទ្វារទទួលស្វាគមន៍ប្រកបដោយភាពកក់ក្តៅជូនដល់គណៈប្រតិភូមកពីសាលារៀន St. Andrew's Secondary School (Singapore)។

កម្មវិធីនេះពោរពេញទៅដោយស្នាមញញឹម ការចែករំលែកចំណេះដឹង បទពិសោធន៍ និងការស្វែងយល់ពីវប្បធម៌គ្នាទៅវិញទៅមក ដើម្បីពង្រឹងមិត្តភាពរវាងសិស្សានុសិស្សនៃប្រទេសទាំងពីរឱ្យកាន់តែរឹងមាំ។ ពួកយើងសង្ឃឹមថានឹងបានជួបគ្នាម្តងទៀតឆាប់ៗនេះ ! 🇰🇭🤝🇸🇬

🌏✨ Building Bridges: Cambodia-Singapore Youth Exchange!

On Tuesday, 2nd of June, 2026, the Student Council of Preah Sisowath High School (NGS) warmly welcomed the delegation from St. Andrew's Secondary School, Singapore.

It was an inspiring morning filled with cultural exchanges, shared experiences, and new friendships. Thank you for visiting us, we hope to see you again very soon! 🇰🇭🤝🇸🇬

🏆 មោទនភាពយុវសិស្សកម្ពុជា និងសាលារៀនជំនាន់ថ្មី វិទ្យាល័យព្រះស៊ីសុវត្ថិ! 🇰🇭
«សមត្ថភាព និងភាពក្លាហាន គឺជាគន្លឹះនៃភាពជោគជ័យ» សូមចូលរួមអបអរសាទរចំពោះ បេក្ខជន ហេង ឌីមែន មកពីថ្នាក់ 11NGS-C1 នៃសាលារៀនជំនាន់ថ្មី វិទ្យាល័យព្រះស៊ីសុវត្ថិ ដែលបានឆ្លងកាត់ការប្រកួតប្រជែងដ៏ស្វិតស្វាញ រហូតទទួលបានជ័យលាភីជា «បេក្ខជនវោហារសព្ទឆ្នើម» និងបានឈានជើងចូលទៅកាន់ «វគ្គពាក់កណ្ដាលផ្ដាច់ព្រ័ត្រ» នៃកម្មវិធីជជែកដេញដោលយុវជនថ្នាក់ជាតិ ឆ្នាំ២០២៦។
ភាពជោគជ័យដ៏ត្រចះត្រចង់នេះ គឺជាសក្ខីភាពនៃការព្យាយាម ការស្រាវជ្រាវ និងភាពប៉ិនប្រសប់ក្នុងការដេញដោលមតិ ដែលនាំមកនូវមោទនភាពយ៉ាងធំធេងសម្រាប់សាលារៀនរបស់យើង។ សូមជូនពរយុវសិស្ស ហេង ឌីមែន បន្តរក្សាស្មារតីខិតខំប្រឹងប្រែង និងទទួលបានលទ្ធផលល្អជោគជ័យក្នុងការប្រកួតវគ្គបន្ត ក៏ដូចជាវិថីសិក្សានាពេលអនាគត! 🎉👏
———————————————————————————————
🏆 Pride of Cambodian Eloquent Youth and Preah Sisowath NGS! 🇰🇭
"Capability and courage are the keys to success." We would like to extend our heartiest congratulations to Heng Dymen from class 11NGS-C1 of the New Generation School, Preah Sisowath High School, for his outstanding performance in a highly competitive arena, earning the title of "Outstanding Debater" and advancing to the "Semi-Finals" of the National Youth Debate Championship 2026.
This brilliant achievement is a testament to your perseverance, dedicated research, and exceptional public speaking skills, bringing immense pride to our school community. May you, Heng Dymen, maintain your dedication and achieve even greater success in the upcoming rounds and your future academic journey! 🎉👏
#បេក្ខជនវោហារសព្ទឆ្នើម #វិទ្យាល័យព្រះស៊ីសុវត្ថិ

📢 សិក្ខាសាលាចែករំលែកបទពិសោធន៍
ក្រោមប្រធានបទ៖ «ជំនាញវិជ្ជាជីវៈផ្នែកព័ត៌មានវិទ្យា»

ជូនដំណឹងដល់សិស្សានុសិស្សថ្នាក់ទី១០ ទី១១ និងទី១២ ទាំងអស់ដែលមានចំណាប់អារម្មណ៍ផ្នែកITចុះឈ្មោះ ចូលរួមស្ដាប់ការចែករំលែកបច្ចេកទេសរៀនឱ្យពូកែ និងការត្រៀមគ្រឹះចំណេះដឹងពីកម្រិតវិទ្យាល័យ ដើម្បីជាស្ពានឆ្ពោះទៅចាប់យកជំនាញ IT នៅថ្នាក់ឧត្តមសិក្សា 🚀💻

📅 កាលបរិច្ឆេទ៖ ថ្ងៃព្រហ្បតិ៍ ទី៤ ខែមិថុនា ឆ្នាំ២០២៦
⏰ ពេលវេលា៖ ម៉ោង ៩:០០-១១:០០​ នាទីព្រឹក
📍 ទីតាំង៖ សាលប្រជុំតូច អគារG សាលារៀនជំនាន់ថ្មី វិទ្យាល័យព្រះស៊ីសុវត្ថិ

រៀបរៀងដោយ៖ សេវាប្រឹក្សាអាជីព សាលារៀនជំនាន់ថ្មី វិទ្យាល័យព្រះស៊ីសុវត្ថិ

🙏 សូមគោរពថ្លែងអំណគុណយ៉ាងជ្រាលជ្រៅជូនចំពោះមាតាបិតា អ្នកអាណាព្យាបាល លោកគ្រូអ្នកគ្រូ សិស្សានុសិស្ស និងសាធារណៈជនទាំងអស់ដែលបានចូលរួមជាថវិកា ទាំងកម្លាំងកាយចិត្ត បរិច្ចាគដល់អនុវិទ្យាល័យបន្សាយរាក់ ដែលជាសាលារៀនរងគ្រោះដោយសារជម្លោះព្រំដែនរវាងកម្ពុជា និងថៃ។

📥 គិតត្រឹមថ្ងៃ អាទិត្យ ទី ២៤ ខែ ឧសភា ឆ្នាំ ២០២៦ វេលាម៉ោង ៧:៥០ នាទីព្រឹក គឺទទួលបានថវិកាចំនួន ៣ ៣០៦ ៥៨៣ រៀល ។

💖 សូមគោរពជូនពរ មាតាបិតា អ្នកអាណាព្យាបាល លោកគ្រូអ្នកគ្រូ សិស្សានុសិស្ស និងសប្បុរសជនទាំងអស់ជួបតែនឹងពុទ្ធពរទាំង៤ប្រការគឺ អាយុ វណ្ណៈ សុខៈ និងពលៈ កុំបីឃ្លៀងឃ្លៀតឡើយ។

🎉 សូមអបអរសាទរយ៉ាងកក់ក្ដៅចំពោះសិស្សសាលារៀនជំនាន់ថ្មី វិទ្យាល័យព្រះស៊ីសុវត្ថិ ដែលទទួលបានជោគជ័យដ៏គួរឱ្យមោទនភាព ក្នុងការជាប់អាហារូបករណ៍ចំនួន ៣៨ នាក់ និងជាប់បង់ថ្លៃ ១ នាក់ ដើម្បីបន្តការសិក្សាថ្នាក់បរិញ្ញាបត្រ នៅសាកលវិទ្យាល័យបច្ចេកវិទ្យាហាប៊ីន (HIT) ប្រទេសចិន សម្រាប់ឆ្នាំសិក្សា ២០២៦។ 🇨🇳🎓

សាកលវិទ្យាល័យ HIT គឺជាគ្រឹះស្ថានឧត្តមសិក្សាឈានមុខមួយរបស់ប្រទេសចិន និងជាក្ដីស្រមៃរបស់និស្សិតជាច្រើន ដោយល្បីល្បាញខាងគុណភាពអប់រំ ការស្រាវជ្រាវ និងនវានុវត្តន៍កម្រិតអន្តរជាតិ។

សម្រាប់សិស្សានុសិស្សខ្មែរ ការទទួលបានឱកាសនេះ មិនត្រឹមតែជាការបន្តការសិក្សានៅសាកលវិទ្យាល័យលំដាប់ខ្ពស់ប៉ុណ្ណោះទេ ប៉ុន្តែថែមទាំងជាកិត្តិយសដ៏ធំធេង ក្នុងការក្លាយជាផ្នែកមួយនៃសហគមន៍សិក្សាដ៏អស្ចារ្យ និងជំហានដ៏សំខាន់ឆ្ពោះទៅអនាគតភ្លឺស្វាង។ ✨

សូមជូនពរឱ្យប្អូនៗទាំងអស់ ទទួលបានជោគជ័យក្នុងការសិក្សា និងក្លាយជាធនធានមនុស្សដ៏មានសក្តានុពលសម្រាប់សង្គម និងប្រទេសជាតិ។ 🌏💙