Paradigm: ផារ៉ាឌែម

រដ្ឋបាលសារធាណៈយើងគ្មានប្រសិទ្ធិភាពមិនមែនមកពីបញ្ហាបច្ចេកទេសទេ តែមកពីបញ្ហានយោបាយ ពោលគឺមន្ត្រីនយោបាយច្រើនជាងមន្ត្រីបច្ចេកទេស ដូចនេះបើចង់កែឬកាត់បន្ថយគឺត្រូវកាត់បន្ថយមន្ត្រីនយោបាយ

គ្រឿងស្រវឹងប្រហែលបានជួយសេដ្ឋកិច្ចខ្លះ តែវាបាននឹងកំពុងបំផ្លាញគុណភាពនៃជនជាតិខ្មែរយើង

តើសេដ្ឋកិច្ចខ្មែរនឹងដួលរលំទេបើយើងបិទមិនអោយនាំចូល មិនអោយផលិត មិនអោយប្រើប្រាស់គ្រឿងស្រវឹងគ្រប់ប្រភេទ?

ករណីការបំពានច្បាប់ និងអំពើអយុត្តិធម៌បែបនេះកើតមានស្ទើររាល់ថ្ងៃដោយគ្មានដំណោះស្រាយ ហេតុអ្វី? ព្រោះភាគច្រើនបំផុតករណីទាំងនេះមិនត្រូវបានមើលឃើញដោយនាយករដ្ឋមន្ត្រី។ វាទាល់តែនាយករដ្ឋមន្ត្រីមើលឃើញ ទើបមន្ត្រីថ្នាក់ក្រោមរត់ជាន់ករគ្នាទៅដោះស្រាយ ចុះបើនាយករដ្ឋមន្ត្រីមើលមិនឃើញ? នោះប្រជាជនដែលរងអយុត្តិធម៌ គ្មានជម្រើសណាផ្សេងក្រៅពីខំលេបភាពអយុត្តិធម៌ទាំងនេះចូលក្នុងពោះទាំងឈឺចាប់នោះទេ។ ហេតុអ្វីបានទាល់តែនាយករដ្ឋមន្ត្រីមើលឃើញទាល់តែនាយករដ្ឋមន្ត្រីស្រែក ទើបបញ្ហាមានដំណោះស្រាយ? ព្រោះច្បាប់ស្រុកយើងវាមិនដំណើរការ។ ចុះហេតុអ្វីច្បាប់មិនដំណើរការ? ព្រោះអំណាចប្រមូលផ្តុំ។
បើគ្មានកំណែទម្រង់សុីជម្រៅទេ នោះទោះមាននាយករដ្ឋាមន្ត្រីចិត្តធម៌ដូចសម្តេចធិបតី១០០០នាក់ ក៏មិនគ្រប់សម្រាប់តាមមើលតាមដោះស្រាយបញ្ហាស្រុកខ្មែរនោះទេ។